വിദേശ രാജ്യങ്ങളില്‍ നിന്നും 2018 ജനുവരി ഒന്നിനുശേഷം യോഗ്യത നേടി ട്രാവന്‍കൂര്‍ കൊച്ചിന്‍ മെഡിക്കല്‍ കൗണ്‍സിലിന്റെ സ്ഥിരം രജിസ്‌ട്രേഷന് അപേക്ഷിക്കുന്നവര്‍ ടിസിഎംസിയുടെ പ്രൊവിഷണല്‍ രജിസ്‌ട്രേഷന്റെ അടിസ്ഥാനത്തില്‍ മെഡിക്കല്‍ കൗണ്‍സില്‍ ഓഫ് ഇന്ത്യ അംഗീകരിച്ച ഇന്ത്യയിലെ സ്ഥാപനങ്ങളില്‍ നിന്നും സി.ആര്‍.ആര്‍.ഐ പരിശീലനം നിര്‍ബന്ധമായും പൂര്‍ത്തിയാക്കിയിരിക്കണമെന്ന് രജിസ്ട്രാര്‍ അറിയിച്ചു. കൂടുതല്‍ വിവരങ്ങള്‍ കൗണ്‍സിലിന്റെ www.medicalcouncil.kerala.gov.in എന്ന വെബ്‌സൈറ്റില്‍ ലഭിക്കും.

പി.എന്‍.എക്‌സ്.4877/17

നാടാര്‍ സമുദായത്തിന്റെ പിന്നാക്കാവസ്ഥ പഠിച്ച് റിപ്പോര്‍ട്ട് സമര്‍പ്പിക്കാന്‍ നിയോഗിച്ച ജസ്റ്റിസ് എം.ആര്‍. ഹരിഹരന്‍ നായര്‍ കമ്മീഷന് പുതിയ ഫോണ്‍ നമ്പര്‍ 0471-2462757 അനുവദിച്ചു.

പി.എന്‍.എക്‌സ്.4876/17

ജവഹര്‍ലാല്‍ നെഹ്‌റു ട്രോപ്പിക്കല്‍ ബൊട്ടാണിക് ഗാര്‍ഡന്‍ ആന്റ് റിസര്‍ച്ച് ഇന്‍സ്റ്റിറ്റ്യൂട്ട്, പാലോട്, തിരുവനന്തപുരം നടപ്പിലാക്കുന്ന ഗവേഷണ പദ്ധതിയില്‍ ഫീല്‍ഡ് അസിസ്റ്റന്റിന്റെ ഒരു ഒഴിവിലേക്ക് അപേക്ഷ ക്ഷണിച്ചു.  യോഗ്യത ബോട്ടണിയില്‍ ബിരുദം. ഫീല്‍ഡ് എക്‌സ്‌പ്ലോറേഷന്‍ ആന്റ് നഴ്‌സറി മാനേജ്‌മെന്റിലുള്ള പ്രവൃത്തി പരിചയം അഭികാമ്യം. ഫെല്ലോഷിപ്പ് പ്രതിമാസം 8,000 രൂപയും പത്തുശതമാനം എച്ച്.ആര്‍.എ യും. പ്രായം 2017 ഡിസംബര്‍ ഒന്നിന് 28 വയസു കവിയരുത്. പട്ടികജാതി പട്ടികവര്‍ഗ പിന്നാക്ക വിഭാഗങ്ങളിലുള്ളവര്‍ക്ക് നിയമാനുസൃത വയസിളവ് ലഭിക്കും.

ദിനാചരണ ഭാഗമായി 25 ന് രാവിലെ 11 ന് എല്ലാ സര്‍ക്കാര്‍ ഓഫീസുകളിലും ഭരണഘടനയുടെ ആമുഖം വായിക്കും. എല്ലാ ജില്ലാ കളക്ടര്‍മാരും, വകുപ്പ് മേധാവികളും, പൊതുമേഖലാ / സ്വയംഭരണ സ്ഥാപനങ്ങളിലെ ചീഫ് എക്‌സിക്യൂട്ടീവുകളും ഇതിനുള്ള നടപടി കൈക്കൊള്ളണം. എല്ലാ വിദ്യാഭ്യാസ സ്ഥാപനങ്ങളിലും നവംബര്‍ 25 ലെ അസംബ്ലിയില്‍ ഭരണഘടനയുടെ ആമുഖവും മൗലിക കടമകളും വായിക്കണം.

ഭരണഘടനാ ആമുഖം ചുവടെ :

ജില്ലാ പദ്ധതി രൂപീകരണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തിയാക്കുന്നതിനും ഏകോപിപ്പിക്കുന്നതിനും പരിചയ സമ്പന്നരായവരെ കരാറടിസ്ഥാനത്തില്‍ നിയമനം നടത്തുന്നതിനുള്ള ഇന്റര്‍വ്യൂ നവംബര്‍ 20ന് രാവിലെ 10.30ന് നടക്കും.

സിന്‍ഡിക്കേറ്റ് ബാങ്കിന്റെ ആഭിമുഖ്യത്തില്‍ കൊട്ടിയം സിന്‍ഡ് ഗ്രാമീണ സ്വയം തൊഴില്‍ പരിശീലന ഇന്‍സ്റ്റിറ്റ്യൂട്ടില്‍ നവംബര്‍ 22ന് പേപ്പര്‍ ബാഗ് നിര്‍മാണത്തില്‍ പരിശീലനം ആരംഭിക്കും. 18നും 45നും ഇടയില്‍ പ്രായമുള്ളവര്‍ക്ക് പങ്കെടുക്കാം. സൗജന്യ പരിശീലനവും ഭക്ഷണവും സ്വന്തമായി സംരംഭം ആരംഭിക്കുന്നതിനുള്ള മാര്‍ഗനിര്‍ദേശവും നല്‍കും.

ഡയറക്ടര്‍, സിന്‍ഡ് ഗ്രാമീണ സ്വയം തൊഴില്‍ പരിശീലന ഇന്‍സ്റ്റിറ്റ്യൂട്ട്, കെ.ഐ.പി കാമ്പസ്, കൊട്ടിയം പി.ഒ, കൊല്ലം-691571 വിലാസത്തിലോ 0474-2537141 ഫോണിലോ വിശദ വിവരങ്ങള്‍ അറിയാം.

(പി.ആര്‍.കെ.നമ്പര്‍  2543/17)

കേരള കശുവണ്ടി തൊഴിലാളി ആശ്വാസ ക്ഷേമനിധി ബോര്‍ഡില്‍ നിന്ന് പെന്‍ഷന്‍ ലഭിക്കുന്നവര്‍ നവംബര്‍ 30 നകം ലൈഫ് സര്‍ട്ടിഫിക്കറ്റ് അതത് ഇന്‍സ്‌പെക്ടര്‍ ഓഫീസില്‍ നല്‍കണമെന്ന് ചീഫ് എക്‌സിക്യുട്ടീവ് ഓഫീസര്‍ അറിയിച്ചു.

ആഫീസില്‍ നേരിട്ട് എത്തുന്ന പെന്‍ഷന്‍കാര്‍ പെന്‍ഷന്‍ ഉത്തരവിന്റെ പകര്‍പ്പ് ഹാജരാക്കി ഫോണ്‍ നമ്പര്‍ നല്‍കി ഒപ്പിട്ടാല്‍ മതിയാകും.

(പി.ആര്‍.കെ.നമ്പര്‍  2542/17)
 

സാമൂഹ്യനീതി വകുപ്പും നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്റ് ഹിയറിംഗും (നിഷ്) ചേര്‍ന്ന് വൈകല്യങ്ങളെക്കുറിച്ച് ഓണ്‍ലൈന്‍ ബോധവത്ക്കരണ സെമിനാര്‍ സംഘടിപ്പിക്കും. നവംബര്‍ 18ന് രാവിലെ 10.30 മുതല്‍ കലക്‌ട്രേറ്റിലെ ശിശുസംരക്ഷണ യൂണിറ്റിലാണ് തത്സമയ വീഡിയോ കോണ്‍ഫറന്‍സ്. പേശീ രോഗങ്ങളും പുനരധിവാസവും എന്ന വിഷയത്തിലാണ് സെമിനാര്‍.

ജില്ലാ ശിശുസംരക്ഷണ ഓഫീസിലും 0474-2791597 ഫോണിലും വിശദ വിവരങ്ങള്‍ അറിയാം.
 

(പി.ആര്‍.കെ.നമ്പര്‍  2541/17)

ഇന്ത്യന്‍ കൗണ്‍സില്‍ ഫോര്‍ ചൈല്‍ഡ് വെല്‍ഫെയറിന്റെ സംസ്ഥാനതല ബാലചിത്രരചനാ മത്സരം ജവഹര്‍ ബാലഭവനില്‍ നവംബര്‍ 19ന് നടക്കും. അഞ്ചു വയസു മുതല്‍ എട്ടു വയസുവരെ പച്ച, 9-12 വെള്ള, 13-16 നീല എന്നിങ്ങനെയാണ് ജനറല്‍ ഗ്രൂപ്പുകള്‍. ഭിന്നശേഷി വിഭാഗത്തില്‍ 5-10 വയസ്സ് മഞ്ഞ ഗ്രൂപ്പും സ്പാസ്റ്റിക് അഥവാ ഒന്നിലേറെ വൈകല്യമുള്ളവര്‍, ബുദ്ധിമാന്ദ്യമുള്ളവര്‍, കാഴ്ചശേഷി ഇല്ലാത്തവര്‍, സംസാരം/കേള്‍വി വൈകല്യമുള്ളവര്‍ എന്നിങ്ങനെ നാലു ഉപഗ്രൂപ്പുകളുമായാണ് മത്സരിക്കുക.

ജില്ലാതല സഹകരണ വാരാഘോഷത്തിന് തുടക്കമായി. ജില്ലാ സഹകരണബാങ്ക് ഓഡിറ്റോറിയത്തില്‍ തുറമുഖ മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം നിര്‍വ്വഹിച്ചു. സഹകരണ മേഖലയുടെ വിശ്വാസ്യതയാണ് ഇവിടേക്ക് കൂടുതലായി നിക്ഷേപങ്ങള്‍ വരാന്‍ കാരണമെന്ന് മന്ത്രി പറഞ്ഞു. സാമ്പത്തിക മാന്ദ്യം പ്രതിരോധിക്കാനായതിന്റെ കാരണവും ഇതു തന്നെ. സഹകരണ മേഖലയുടെ വളര്‍ച്ചയിലൂടെ മാത്രമേ സ്വകാര്യവത്കരണം ചെറുക്കാന്‍ കഴിയൂ- അദ്ദേഹം വ്യക്തമാക്കി.