ജില്ലാ പഞ്ചായത്തിന്റെ ആഭിമുഖ്യത്തില്‍ ശുചിത്വ മിഷന്‍ പുറത്തിറക്കിയ വേസ്റ്റ് എന്ന പുസ്തകത്തെ ആസ്പദമാക്കി ജനുവരി 30ന് രാവിലെ 11.30ന് മലപ്പുറം വിദ്യാഭ്യാസ ജില്ലക്ക് കീഴിലെ  വിവിധ സ്‌കൂളുകളില്‍ ക്വിസ് മത്സരം നടത്തും.

ജില്ല ക്ഷീരകര്‍ഷക സംഗമത്തോടനുബന്ധിച്ച് പന്തല്ലൂര്‍ ക്ഷീര സംഘം കെട്ടിടത്തിന്റെ ഉദ്ഘാടനം വനം മൃഗ സംരക്ഷണ - ക്ഷീരവികസന വകുപ്പ് മന്ത്രി അഡ്വ. കെ.രാജു നിര്‍വ്വഹിച്ചു. പി. ഉബൈദുള്ള എം.എല്‍.എ അധ്യക്ഷത വഹിച്ചു. ആനക്കയം ഗ്രാമ പഞ്ചായത്ത് പ്രസിഡണ്ട് പി.ടി .സുനീറ, ക്ഷീര വികസന വകുപ്പ് ഡയറക്ടര്‍ അബ്രഹാം ടി. ജോസഫ്, സംഘം പ്രസിഡണ്ട് ശ്രീധരന്‍ ഐ, സെക്രട്ടറി അബൂബക്കര്‍ കെ.പി,  പഞ്ചായത്ത് മെമ്പര്‍മാര്‍, രാഷ്ട്രീയ പാര്‍ട്ടി പ്രതിനിധികള്‍, കര്‍ഷകര്‍ തുടങ്ങിയവര്‍ പങ്കെടുത്തു.

    കേരള ഓട്ടോമൊബൈല്‍ വര്‍ക്‌ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗങ്ങളായിട്ടുള്ള ക്ഷേമനിധി കുടിശ്ശിക വരുത്തിയിട്ടുള്ള തൊഴിലാളികള്‍ക്ക് മാര്‍ച്ച് 31 വരെ കുടിശ്ശിക അടക്കാമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
 

    സാമൂഹ്യനീതി വകുപ്പ് നടപ്പാക്കുന്ന സ്വാശ്രയ പദ്ധതിയില്‍ ധനസഹായത്തിന് അപേക്ഷ ക്ഷണിച്ചു. ശാരീരിക മാനസിക വെല്ലുവിളി നേരിടുന്ന  മക്കളെ സംരക്ഷിക്കുന്ന ഭര്‍ത്താവ് ഉപേക്ഷിച്ച ബി.പി.എല്‍ കുടുംബങ്ങളിലെ സ്ത്രീകള്‍ക്ക് സ്വയം തൊഴില്‍ ആരംഭിക്കുന്നതിനാണ് ധനസഹായം. ഒറ്റത്തവണ ധനസഹായമായി 35000 രൂപ ലഭിക്കും.   അപേക്ഷ ഫോം  ജില്ലാ സാമൂഹ്യനീതി ഓഫീസിലോ, തൊട്ടടുത്ത ഐ.സി.ഡി.എസ് ഓഫീസിലോ ലഭിക്കും.  ഫോണ്‍: 04936 205307  
 

സാക്ഷരതാ മിഷന്‍ മൂപ്പൈനാട് ഗ്രാമ പഞ്ചായത്തില്‍ നടപ്പിലാക്കുന്ന ഇതരസംസ്ഥാന തൊഴിലാളികള്‍ക്കുള്ള സാക്ഷരതാ പദ്ധതിയായ ചങ്ങാതി പ്രവേശനോത്സവം ഫിബ്രുവരി 1ന് അരപ്പറ്റ കോളനിയില്‍ വൈകീട്ട് 4ന് നടക്കും. ഇതര സംസ്ഥാന തൊഴിലാളികള്‍ക്കുള്ള പാഠപുസ്തകമായ ഹമാരിമലയാളം പാഠപുസ്തകങ്ങള്‍ ഇതരസംസ്ഥാന തൊഴിലാളികള്‍ക്ക് വിതരണം ചെയ്ത് ക്ലാസുകള്‍ ജില്ലാ പഞ്ചായത്ത് പ്രസിഡണ്ട് ടി.ഉഷാകുമാരി ഉദ്ഘാടനം ചെയ്യും.