ജില്ലാ എംപ്ലോയ്‌മെന്റ് എക്‌സ്‌ചേഞ്ചിനു കീഴിലുള്ള എംപ്ലോയബിലിറ്റി സെന്റര്‍ മുഖേന പ്രമുഖ ഓട്ടോമൊബൈല്‍ കമ്പനികളിലെ വിവിധ തസ്തികകളിലേക്ക് അപേക്ഷ ക്ഷണിച്ചു.  മലപ്പുറം, കോട്ടക്കല്‍, വേങ്ങര, നിലമ്പൂര്‍, ചങ്ങരംകുളം എന്നിവിടങ്ങളിലാണ് നിയമനം.  ജില്ലയില്‍ സ്ഥരിതാമസക്കാരായ 18നും 35 നും ഇടയില്‍ പ്രായമുള്ള ഐ.ടി.ഐ ഡിപ്ലോമ യോഗ്യതയുള്ളവര്‍ malappuramempcentre@gmail.com ലേക്ക് ഫെബ്രുവരി രണ്ടിനകം ബയോഡാറ്റ അയക്കുക.  ഫോണ്‍ 0483 2734737.

സംസ്ഥാന വിമുക്തി - ലഹരി വര്‍ജ്ജനമിഷന്‍,പൊതുവിദ്യാഭ്യാസം, ആരോഗ്യം , സ്‌പോര്‍ട്‌സ് - യുവജനക്ഷേമം എന്നീ വകുപ്പുകളുടെയും സംസ്ഥാന കബഡി അസോസിയേഷന്റെയും സഹകരണത്തോടെ 19 വയസ്സിനു താഴെയുള്ള സ്‌കൂള്‍ വിദ്യാര്‍ത്ഥികള്‍ക്കായി നടത്തുന്ന സംസ്ഥാനതല കബഡി മത്സരം ഇന്നും നാളെയുമായി (ജനുവരി 28, 29) പൊന്നാനി അച്യുതവാര്യര്‍ ഹയര്‍സെക്കന്‍ഡറി സ്‌കൂള്‍ മൈതാനയില്‍ നടക്കും.

വനം -വന്യ ജീവി വകുപ്പിന്റെ സാമൂഹ്യ വനവല്‍ക്കരണ വിഭാഗം മലപ്പുറം ഡിവിഷന്‍ ജില്ലയില്‍ വിവിധ ബ്ലോക്കുകളില്‍ പങ്കാളിത്ത ഹരിത സമിതികള്‍ രൂപീകരിക്കുന്നു.  വന മേഖലക്ക് പുറത്തെ ജൈവ വൈവിധ്യം സംരക്ഷിക്കുന്നതിന് വൃക്ഷ തൈ നടല്‍, ജല സ്രോതസ്സുകള്‍ സംരക്ഷിക്കല്‍, മാലിന്യ നിര്‍മ്മാര്‍ജ്ജനം, കണ്ടല്‍ സംരക്ഷണം തുടങ്ങി വിവിധ പ്രവര്‍ത്തനങ്ങള്‍ സമിതി വഴി നടപ്പാക്കും.  ഇതിനായി ബ്ലോക്ക് പഞ്ചായത്തുകളില്‍ ഹരിത സമിതി രൂപീകരണ പൊതുയോഗങ്ങള്‍ താഴെ പറയും പ്രകാരം നടക്കും.

    കേരള കര്‍ഷക തൊഴിലാളി ക്ഷേമനിധിയില്‍  അംശദായം 24 മാസത്തിലധികം കുടിശ്ശിക വരുത്തി അംഗത്വം നഷ്ടപ്പെട്ടവരില്‍ നിന്നും കുടിശ്ശിക പിഴ സഹിതം മെയ് 31 വരെ സ്വീകരിക്കുമെന്ന് കര്‍ഷക തൊഴിലാളി ക്ഷേമനിധി ബോര്‍ഡ് വെല്‍ഫെയര്‍ ഓഫീസര്‍ അറിയിച്ചു.  ഫോണ്‍ 0483 2732001.

ജോസ് കെ മാണി എം. പിയുടെ  വണ്‍ എം.പി വണ്‍ ഐഡിയ പരിപാടിയുടെ ഭാഗമായി ജില്ലയിലെ സ്‌കൂള്‍ കോ-ഓര്‍ഡിനേറ്റര്‍മാരുടെ യോഗം ഇന്ന് (ജനുവരി 31) രാവിലെ 11 ന് എം.ടി സെമിനാരി സ്‌കൂളില്‍ നടക്കും.  എം.പി.യുടെ അദ്ധ്യക്ഷതയില്‍ ചേരുന്ന യോഗത്തില്‍ ജില്ല കളക്ടര്‍ ഡോ. ബി.എസ് തിരുമേനി, വിദ്യാഭ്യാസ വകുപ്പിലെ ഉദ്യോഗസ്ഥര്‍, അദ്ധ്യാപകര്‍ തുടങ്ങിയവര്‍ പങ്കെടുക്കും.  

    കര്‍ഷക തൊഴിലാളി ക്ഷേമനിധി ബോര്‍ഡ് മലപ്പുറം ഡിവിഷണല്‍ ഓഫീസില്‍ ഡിസംബര്‍ 31നകം 60 വയസ്സ് പൂര്‍ത്തീകരിച്ച് അതിവര്‍ഷാനുകൂല്യത്തിന് അപേക്ഷ നല്‍കി ആനുകൂല്യം കൈപ്പറ്റാത്തവര്‍ ഓഫീസുമായി ബന്ധപ്പെടണമെന്ന് വെല്‍ഫെയര്‍ ഫണ്ട് ഓഫീസര്‍ അറിയിച്ചു.  ഫോണ്‍ 0483 2732001.

    മങ്കട ഐ.സി.ഡി.എസ് പ്രോജക്ടിലെ 185 അങ്കണ്‍വാടികള്‍ക്ക് കണ്ടിജന്‍സി സാധനങ്ങള്‍ വിതരണം ചെയ്യുവാന്‍ താല്‍പര്യമുള്ള വ്യക്തികള്‍ / സ്ഥാപനങ്ങള്‍ എന്നിവയില്‍ നിന്നും ദാര്‍ഘാസുകള്‍ ക്ഷണിച്ചു.  ദര്‍ഘാസുകള്‍ ഫെബ്രുവരി ഒമ്പതിന് വൈകീട്ട് 2.30നകം ശിശു വികസന പദ്ധതി ഓഫീസര്‍, മങ്കട വിലാസത്തില്‍ ലഭിക്കണം. 

    തഞ്ചത്തെഴുത്തച്ഛന്‍ മലയാള സര്‍വ്വകലാശാലയിലെ മൂന്നാമത്തെ ബിരുദദാന ചടങ്ങ് ജനവരി 30ന് രാവിലെ 11.30ന് തിരൂര്‍ രംഗശാല അക്ഷരം കാമ്പസില്‍ നടക്കും.  ഉന്നത വിദ്യാഭ്യാസ കൗണ്‍സില്‍ വൈസ് ചെയര്‍മാന്‍ ഡോ. രാജന്‍ ഗുരുക്കള്‍ മുഖ്യാതിഥിയാവും.  ഇ.ടി മുഹമ്മദ് ബഷീര്‍ എം.പി, സി. മമ്മുട്ടി എം.എല്‍.എ തുടങ്ങിവര്‍ പങ്കെടുക്കും.