തദ്ദേശ ഭരണ സ്ഥാപനങ്ങളുടെ 2017 18 വര്‍ഷത്തെ വാര്‍ഷിക പദ്ധതി ഭേദഗതികള്‍ക്ക് അംഗീകാരം നല്‍കുന്നതിനായി ആസൂത്രണഭവനിലെ ഡോ.എ.പി.ജെ ഹാളില്‍ ജില്ലാ ആസൂത്രണ സമിതി യോഗം ചേര്‍ന്നു.ജില്ലാ പഞ്ചായത്ത് പ്രസിഡന്റ് അധ്യക്ഷത വഹിച്ച യോഗത്തില്‍ 11 തദ്ദേശ സ്ഥാപനങ്ങളുടെ പദ്ധതി ഭേദഗതികള്‍ അംഗീകരിച്ചു. 
 

    പടിഞ്ഞാറത്തറ ഇലക്ട്രിക്കല്‍ സെക്ഷനിലെ മുണ്ടക്കുറ്റി, കല്ലുവെട്ടുംതാഴെ എന്നിവിടങ്ങളില്‍ നാളെ (ജനുവരി 29) രാവിലെ 9 മുതല്‍ വൈകീട്ട് 5 വരെ വൈദ്യുതി മുടങ്ങും.

രാഷ്ട്രപിതാവിന്റെ ജീവിതത്തിലെ അത്യപൂര്‍വ്വ നിമിഷങ്ങള്‍ ഒപ്പിയെടുത്ത ഫോട്ടോകള്‍, വീഡിയോകള്‍ ഗാന്ധിജി കഥാപാത്രമായ കാര്‍ട്ടൂണുകള്‍ എന്നിവയുടെ പ്രദര്‍ശനം ഇന്ന് (ജനുവരി 29) ആരംഭിക്കും.  കേരള മീഡിയാ അക്കാഡമി, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, സാംസ്‌കാരിക പുരാവസ്തു വകുപ്പുകള്‍ എന്നിവര്‍ സംയുക്തമായാണ് വി.ജെ.ടി. ഹാളില്‍ പ്രദര്‍ശനം സംഘടിപ്പിച്ചിരിക്കുന്നത്.  
    ഉച്ചക്ക് 12ന് സാംസ്‌കാരിക വകുപ്പ് മന്ത്രി എ.കെ. ബാലന്‍ പ്രദര്‍ശനം ഉദ്ഘാടനം ചെയ്യും.  പുരാവസ്തു വകുപ്പ് മന്ത്രി കടന്നപ്പള്ളി രാമചന്ദ്രന്‍ മുഖ്യാതിഥിയായിരിക്കും.  

സംസ്ഥാന ലഹരി വര്‍ജന മിഷന്‍ വിമുക്തിയുടെ ഭാഗമായി 19 വയസില്‍ താഴെയുള്ള ആണ്‍കുട്ടികള്‍ക്കായി എക്‌സൈസ് വകുപ്പ് സംസ്ഥാനതലത്തില്‍ നടത്തിയ കബഡി മത്സരത്തിന്റെ ഫൈനല്‍ പൊന്നാനി അച്ചുത വാര്യര്‍ ഹയര്‍സെക്കന്‍ഡറി സ്‌കൂളില്‍ സ്പീക്കര്‍ പി. ശ്രീരാമകൃഷ്ണന്‍ ഇന്ന് (ജനുവരി 29) രാവിലെ ഒന്‍പതിന് ഉദ്ഘാടനം ചെയ്യും.  ഒന്നാം സമ്മാനം 25,000 രൂപയാണ്.  15,000 രൂപയും 10,000 രൂപയും രണ്ടും മൂന്നും സ്ഥാനക്കാര്‍ക്ക് യഥാക്രമം ലഭിക്കും.  പൊന്നാനി നഗരസഭ ചെയര്‍മാര്‍ മുഹമ്മദ് കുഞ്ഞി അധ്യക്ഷത വഹിക്കും.  എം.പിമാര്‍, എം.എല്‍.എമാര്‍ തുടങ്ങിയവര്‍ പങ്കെടുക്കും.  

പി.എന്‍.എക്‌സ്.354/18

 പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി 45000 ക്ലാസ്മുറികള്‍ ഹൈടെക് ആക്കുന്ന പദ്ധതി ആരംഭിച്ച് ആദ്യ ആഴ്ചയില്‍ 7000 ക്ലാസ്മുറികളിലേക്കുളള ലാപ്ടോപ്പുകളുടേയും പ്രൊജക്ടറുകളുടേയും വിതരണം പൂര്‍ത്തിയായി.  ആദ്യ ഘട്ടത്തില്‍ 22618 ക്ലാസ്മുറികളിലേക്ക് ആവശ്യമുള്ള ഉപകരണങ്ങളുടെ വിതരണം ഫെബ്രുവരി മാസത്തോടെ വിതരണം പൂര്‍ത്തിയാക്കാനാണ് ലക്ഷ്യമിട്ടിരിക്കുന്നത്.  കഴിഞ്ഞ 22 ന് മുഖ്യമന്ത്രി ഉദ്ഘാടനം ചെയ്ത പദ്ധതിയുടെ ഒന്നാംഘട്ടത്തിലുള്ള ഉപകരണങ്ങളുടെ 31 ശതമാനവും വിതരണം ചെയ്തതായി കൈറ്റ് വൈസ്‌ചെയര്‍മാന്‍ കെ. അന്‍വര്‍ സാദത്ത് അറിയിച്ചു.

ഇന്‍ഫര്‍മേഷന്‍ പബ്‌ളിക് റിലേഷന്‍സ് വകുപ്പിന്റെ നേതൃത്വത്തില്‍ കേരള മീഡിയ അക്കാഡമി, കെ. യു. ഡബ്യു. ജെ, തിരുവനന്തപുരം പ്രസ് ക്ലബ് എന്നിവരുടെ സഹകരണത്തോടെ ഇന്ന് (ജനുവരി 29) രാവിലെ 11ന് മാസ്‌കറ്റ് ഹോട്ടലിലെ സിംഫണി ഹാളില്‍ മാദ്ധ്യമ സെമിനാര്‍ സംഘടിപ്പിക്കും. പി. ആര്‍. ഡി സെക്രട്ടറി പി. വേണുഗോപാല്‍ ഉദ്ഘാടനം ചെയ്യും. കേരള മീഡിയ അക്കാഡമി ചെയര്‍മാന്‍ ആര്‍. എസ്. ബാബു, പി. ആര്‍.ഡി ഡയറക്ടര്‍ ടി. വി. സുഭാഷ് എന്നിവര്‍ സംസാരിക്കും. 

കേരള സ്റ്റേറ്റ് സ്‌പോര്‍ട്‌സ് കൗണ്‍സിലിന്റെ കീഴില്‍ വിവിധ ജില്ലകളില്‍ പ്രവര്‍ത്തിക്കുന്ന സ്‌കൂള്‍, പ്ലസ് വണ്‍, കോളേജ് സ്‌പോര്‍ട്‌സ് ഹോസ്റ്റലുകളിലേക്കും, സെന്‍ട്രലൈസ്ഡ് സ്‌പോര്‍ട്‌സ് ഹോസ്റ്റലുകളിലേക്കും 2018-19 അദ്ധ്യയന വര്‍ഷത്തേക്കുള്ള ഹോസ്റ്റല്‍ സോണല്‍തല തിരഞ്ഞെടുപ്പ് ഫെബ്രുവരി ഒന്നുമുതല്‍ ഒമ്പതുവരെ നടത്തും.  നിലവില്‍ ആറ്, ഏഴ്, 10, പ്ലസ് ടു ക്ലാസുകളില്‍ പഠിക്കുന്ന കായിക താരങ്ങള്‍ക്ക് സോണല്‍ തെരഞ്ഞെടുപ്പില്‍ പങ്കെടുക്കാം.  

കണ്ണൂര്‍ സര്‍ക്കാര്‍ ആയുര്‍വേദ കോളേജില്‍ ക്രിയാശാരീര, പ്രസൂതിതന്ത്ര, പഞ്ചകര്‍മ്മ, ശാലാക്യതന്ത്ര വകുപ്പുകളില്‍ അദ്ധ്യാപക ഒഴിവുണ്ട്.  ഈ ഒഴിവുകളിലേക്ക് കരാര്‍ നിയമനം നടത്തുന്നതിന് പരിയാരത്തുള്ള കണ്ണൂര്‍ സര്‍ക്കാര്‍ ആയുര്‍വേദ കോളേജ് പ്രിന്‍സിപ്പാളിന്റെ കാര്യാലയത്തില്‍ വാക്ക് ഇന്‍ ഇന്റര്‍വ്യു  നടത്തും.  ബന്ധപ്പെട്ട വിഷയങ്ങളില്‍ ബിരുദാനന്തര ബിരുദമാണ് യോഗ്യത.  ഉദേ്യാഗാര്‍ത്ഥികള്‍ ജനനതീയതി, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും അവയുടെ ശരിപ്പകര്‍പ്പുകളും ബയോഡാറ്റയും സഹിതം ഫെബ്രുവരി ഏഴിന് രാവിലെ 11 മണിക്ക് ഇന്റര്‍വ്യുവിനെത്തണം.    കൂടുതല്‍ വിവരങ്ങള്‍ കോ

കേരള സ്റ്റേറ്റ് സിവില്‍ സര്‍വീസ് അക്കാദമിയില്‍ 2017 ലും മുന്‍വര്‍ഷങ്ങളിലുമായി പഠിച്ച് യു.പി.എസ്.സി സിവില്‍ സര്‍വീസ് മെയിന്‍ എഴുത്തു പരീക്ഷയില്‍ വിജയിച്ച 32 വിദ്യാര്‍ത്ഥികള്‍ക്കും അക്കാഡമിയുടെ അഡോപ്ഷന്‍ സ്‌കീമില്‍ ചേര്‍ന്ന വിദ്യാര്‍ത്ഥികള്‍ക്കുമായി കേരള സ്റ്റേറ്റ് സിവില്‍ സര്‍വീസ് അക്കാദമി നല്‍കുന്ന ഇന്റര്‍വ്യൂ പരിശീലന പരിപാടി ഫെബ്രുവരി ഒന്നിന് തിരുവനന്തപുരം തൈക്കാട് ഗവണ്‍മെന്റ് ഗസ്റ്റ് ഹൗസില്‍ ആരംഭിക്കും.  അക്കാഡമിയുടെ മെന്റര്‍ എമിരറ്റസ് ഡോ. ഡി.ബാബു പോള്‍ രാവിലെ 10.30ന് ഉദ്ഘാടനം ചെയ്യും.  ഉദ്ഘാടനത്തിനു ശേഷം യു.പി.എസ്.സി മെമ്പര്‍ റോയ് പോള്‍, മുന്‍ ഷിപ്പിംഗ് സെക്രട്ടറി കെ.