കോട്ടയം ജില്ലയില്‍ വിദ്യാഭ്യാസ വകുപ്പില്‍ എല്‍.പി സ്‌കൂള്‍ അസിസ്റ്റന്റ് മലയാളം മീഡിയം (കാറ്റഗറി നമ്പര്‍ 387/2014) തസ്തികയിലേയ്ക്കുളള ഇന്റര്‍വ്യൂവിന് അര്‍ഹരായവരുടെ ചുരുക്കപ്പട്ടിക പ്രസിദ്ധീകരിച്ചു. കൂടുതല്‍ വിവരങ്ങള്‍ പി.എസ്.സിയുടെ വെബ്‌സൈറ്റായ ംംം.സലൃമഹമുരെ.ഴീ്.ശി  ല്‍ ലഭിക്കും.   

പി.എന്‍ പണിക്കര്‍ ഫൗണ്ടേഷന്‍ ജനുവരി 26 മുതല്‍ മാര്‍ച്ച് വരെ സംഘടിപ്പിക്കുന്ന 14-ാംമത്  എക്കോ ഡിജിറ്റല്‍ ജന്‍വിജ്ഞാന്‍ യാത്രയുടെ ഭാഗമായുളള സംഘാടക സമിതിയുടെ ജില്ലാതല യോഗം ജനുവരി 30ന് ഉച്ചകഴിഞ്ഞ് മൂന്നിന് കളക്‌ട്രേറ്റ് കോമ്പൗണ്ടിലെ നാഷണല്‍ സേവിംഗ്‌സ് ഹാളില്‍ ചേരും. 

അവിചാരിതമായി ഉണ്ടാകുന്ന ദുരന്തങ്ങള്‍ നേരിടുന്നതിന് ജീവനക്കാരെയും പൊതുജനങ്ങളെയും ബോധവത്കരിക്കുന്നതിന്റെ ഭാഗമായി കളക്‌ട്രേറ്റില്‍ ജനുവരി 29ന് ഉച്ചയ്ക്ക് രണ്ടിന് മോക് ഡ്രില്‍ (ഫയര്‍ ഇവാക്വേഷന്‍) നടത്തും. ഫയര്‍ ആന്‍ഡ് റെസ്‌ക്യൂ വിഭാഗത്തിന്റെ നേതൃത്വത്തിലാണ് മോക് ഡ്രില്‍ നടക്കുന്നത്.

            മത്സ്യവകുപ്പിന്റെ ആഭിമുഖ്യത്തില്‍ പടുതാക്കുളം  നിര്‍മ്മിച്ച് മത്സ്യകൃഷി നടത്തുന്നതിന് പട്ടികജാതി വിഭാഗത്തില്‍പ്പെട്ട കര്‍ഷകരില്‍ നിന്നും അപേക്ഷ ക്ഷണിച്ചു. അപേക്ഷാഫോറവും വിശദവിവരങ്ങളും പൂക്കോട് ഫിഷറീസ് അസിസ്റ്റന്റ് ഡയറക്ടര്‍ ഓഫീസില്‍ ലഭിക്കും. അപേക്ഷ ഫെബ്രുവരി 3 വരെ സ്വീകരിക്കും.

കുടിവെള്ള ക്ഷാമം നേരിടുന്നതിന് പഞ്ചായത്തുകള്‍ക്ക് നല്‍കിയിട്ടുളള കുടിവെള്ള കിയോസ്‌കുകള്‍ ഉചിതമായ സ്ഥലം കണ്ടെത്തി സ്ഥാപിക്കണമെന്ന് ജില്ലാ കളക്ടര്‍ ഡോ. ബി.എസ്. തിരുമേനി നിര്‍ദ്ദേശിച്ചു. ജില്ലാ വികസന സമിതി യോഗത്തില്‍ അദ്ധ്യക്ഷത വഹിച്ചു സംസാരിക്കുകയായിരുന്നു അദ്ദേഹം. 

    കര്‍ഷക തൊഴിലാളി ക്ഷേമനിധിയില്‍ 2011 മാര്‍ച്ച് 31 വരെ അതിവര്‍ഷാനുകൂല്യത്തിന് അപേക്ഷ നല്‍കിയിട്ടുളളതും ആനുകൂല്യം ലഭിക്കാത്തതുമായ തൊഴിലാളികള്‍ മാര്‍ച്ച് 31 നകം കല്‍പ്പറ്റയിലുളള ക്ഷേമനിധി ഓഫീസില്‍ നിന്ന് ആനുകൂല്യം കൈപ്പറ്റണം. തൊഴിലാളികള്‍ റേഷന്‍കാര്‍ഡ്,ഇലക്ഷന്‍ തിരിച്ചറിയല്‍ കാര്‍ഡ്, ആധാര്‍ കാര്‍ഡ് എന്നീ രേഖകള്‍ സഹിതം നേരിട്ട് ഹാജരാകണം. 

    സര്‍ക്കാര്‍ ജീവനക്കാര്‍ക്കായി നടത്തുന്ന സിവില്‍ സര്‍വ്വീസ് പ്രീമിയര്‍ ലീഗിന്റെ അഞ്ചാം സീസണ്‍ തുടങ്ങി.  ജില്ലയിലെ വിവിധ സര്‍ക്കാര്‍ വകുപ്പുകളെ പ്രതിനിധീകരിച്ച് 14 ടീമുകളാണ് മത്സര രംഗത്തുള്ളത്.  കാരപ്പുഴയില്‍ നടന്ന ഉദ്ഘാടന സമ്മേളനത്തില്‍ എ.ഡി.സി ജനറല്‍ അബ്ദുല്‍ മജീദ്, കൊമേഴ്‌സ്യല്‍ ടാക്‌സ് അസി. കമ്മീഷണര്‍ അഭിലാഷ്, പോലീസ് ഹെഡ് ക്വാര്‍ട്ടേഴ്‌സ് അസിസ്റ്റന്റ് കമാഡന്റ് ഷാജി അഗസ്റ്റിന്‍, സി.എസ്.പി.എല്‍ ചെയര്‍മാന്‍ പി.കെ ജയന്‍, നിഥിന്‍ ഷാജി, സി.എ രവീന്ദ്രന്‍ തുടങ്ങിയവര്‍ സംസാരിച്ചു.