സംസ്ഥാന സര്‍ക്കാരിന്റെ സഹായത്തോടെ വെജിറ്റബിള്‍ ആന്‍ഡ് ഫ്രൂട്ട് പ്രൊമോഷന്‍ കൗണ്‍സില്‍ (വി.എഫ്.പി.സി.കെ) ജില്ലയില്‍ പണി കഴിപ്പിച്ച വിപണന മന്ദിരങ്ങളുടെ ഉദ്ഘാടനം  കൃഷി വകുപ്പ് മന്ത്രി വി.എസ്. സുനില്‍ കുമാര്‍ വിഡിയോ കോണ്‍ഫറന്‍സ് വഴി നിര്‍വഹിച്ചു. പനമരം പഞ്ചായത്തില്‍ നീര്‍വാരം ആസ്ഥാനമാക്കി പ്രവര്‍ത്തിക്കുന്ന നീര്‍വാരം സ്വാശ്രയ കര്‍ഷക സമിതി, തവിഞ്ഞാല്‍ പഞ്ചായത്തില്‍ ആലാറ്റില്‍ ആസ്ഥാനമാക്കി പ്രവര്‍ത്തിക്കുന്ന പേര്യ സ്വാശ്രയ കര്‍ഷക സമിതി എന്നീ വിപണികള്‍ക്കാണ് വിപണന മന്ദിരങ്ങള്‍ പണി കഴിപ്പിച്ചത്.

വയനാട് ജില്ലാ പ്ലാനിംഗ് ഓഫീസിന്റെ ഉപയോഗത്തിന് സര്‍ക്കാര്‍ അംഗീകരിച്ച നിരക്കില്‍ പ്രതിമാസ വാടകയ്ക്ക് (ഡ്രൈവര്‍ ഉള്‍പ്പെടെ) വാഹനം ലഭ്യമാക്കുന്നതിന് താല്‍പര്യമുള്ള എ.സി ടൂറിസ്റ്റ് വാഹന ഉടമകളില്‍ നിന്നും ക്വട്ടേഷന്‍ ക്ഷണിച്ചു.  വാഹന ഉടമകള്‍ ജൂലൈ 30 ന് വൈകീട്ട്  3 നകം  ക്വട്ടേഷനുകള്‍ സിവില്‍ സ്റ്റേഷനിലെ ജില്ലാ ആസൂത്രണ ഭവനിലെ രണ്ടാം നിലയില്‍ പ്രവര്‍ത്തിക്കുന്ന ജില്ലാ പ്ലാനിംഗ് ഓഫീസില്‍ സമര്‍പ്പിക്കണം.  ഫോണ്‍.04936 202626

ജില്ലയിലെ മൂന്ന് നിയമസഭാ മണ്ഡലങ്ങളിലെ വിവിധ വികസന പ്രവര്‍ത്തനങ്ങള്‍ക്കായി എം എല്‍ എ ഫണ്ടില്‍ നിന്നും 40,50,000 രൂപയുടെ വിവിധ പ്രവൃത്തികള്‍ക്ക്  ഭരണാനുമതിയായി.

സുഗന്ധഗിരി സമഗ്ര വികസന പദ്ധതി പ്രവർത്തനങ്ങൾ സി.കെ. ശശീന്ദ്രൻ എം.എൽ.എയുടെ അധ്യക്ഷതയിൽ അവലോകനം ചെയ്തു. യോഗത്തിൽ കാർഷിക വികസന പദ്ധതികളുടെ പ്രവർത്തനങ്ങൾക്കായി അനുവദിച്ച തുക ഉടൻ വിനിയോഗിക്കാൻ കൃഷി ഡെപ്യൂട്ടി ഡയറക്ടർക്ക് എം.എൽ.എ നിർദേശം നൽകി. പദ്ധതിയുടെ ഭാഗമായി കുരുമുളക്, അവാക്കാഡോ, റമ്പൂട്ടാൻ, പാഷൻ ഫ്രൂട്ട് കൃഷിയ്ക്കായി 30,92,500 രൂപയാണ് അനുവദിച്ചത്. ഇതിൽ 7 ലക്ഷം രൂപയാണ് ഇതുവരെ വിനിയോഗിച്ചത്. പ്രദേശത്ത് കോഫീ പ്ലാൻ്റിംഗ് പദ്ധതിയ്ക്കായി ഒരു കോടി 20 ലക്ഷം രൂപ അനുവദിച്ചിട്ടുണ്ടെങ്കിലും തുക വിനിയോഗിച്ചിട്ടില്ല. പദ്ധതി ഒരു മാസത്തിനുള്ളിൽ ആരംഭിക്കണമെന്ന് കോഫീ ബോർഡിന് നിർദേശം നൽകി.

കേരള ഡെവലപ്പ്‌മെന്റ് ആന്റ് ഇന്നൊവേഷന്‍ സ്ട്രാറ്റജിക് കൗണ്‍സില്‍ (കെ -ഡിസ്‌ക്) 2020 -23 നുളള യങ് ഇന്നൊവേറ്റേഴ്‌സ് പ്രോഗ്രാം പ്രഖ്യാപിച്ചു. സ്‌കൂള്‍ കോളേജ് തലങ്ങളിലുളള ഇന്നൊവേറ്റര്‍മാരെ കണ്ടെത്തി പ്രോത്സാഹനം നല്‍കുന്ന പദ്ധതിയാണിത്. ഐഡിയ രജിസ്‌ട്രേഷന്‍ ജൂലൈ 29 വരെ നടത്താം. വിശദാംശങ്ങള്‍ https://yip.kerala.gov.in/yipapp/index.php/init/login ല്‍ ലഭ്യമാണ്.

പട്ടിക വര്‍ഗ്ഗ വികസന വകുപ്പിന്റെ കീഴില്‍ കണിയാമ്പറ്റയില്‍ പ്രവര്‍ത്തിക്കുന്ന കല്‍പ്പറ്റ ഗവ.മോഡല്‍ റസിഡന്‍ഷ്യല്‍ സ്‌കൂളില്‍ പ്ലസ് വണ്‍ സയന്‍സ് ബാച്ച് പ്രവേശനത്തിന് അപേക്ഷ ക്ഷണിച്ചു. വാര്‍ഷിക വരുമാനം ഒരു ലക്ഷം രൂപയില്‍ കവിയാത്ത പട്ടിക വര്‍ഗ, പട്ടിക ജാതി , ജനറല്‍ വിഭാഗങ്ങളില്‍പ്പെട്ട പെണ്‍കുട്ടികള്‍ക്ക് അപേക്ഷിക്കാം. അപേക്ഷ ജൂലൈ 30 ന് വൈകീട്ട്് 5 നകം സ്‌കൂള്‍ ഓഫീസില്‍ സമര്‍പ്പിക്കണം. അപേക്ഷഫോം സ്‌കൂള്‍ ഓഫീസ്, കല്‍പ്പറ്റ ഐ.ടി.ഡി.പി ഓഫീസ്, മാനന്തവാടി,ബത്തേരി താലൂക്ക് ടി.ഡി.ഒ ഓഫീസുകളില്‍ നിന്നും ലഭിക്കും. ഫോണ്‍.04936 284818, 9048336001.

    പ്രളയസാധ്യതക്കൊപ്പം മറ്റ് മഴക്കെടുതികളും  നേരിടാനുളള തയ്യാറെടുപ്പുകള്‍ ഇടന്‍ പൂര്‍ത്തിയാക്കാന്‍ ബന്ധപ്പെട്ട ഉദ്യോഗസ്ഥര്‍ക്ക്  സബ്കളക്ടര്‍ വികല്‍പ് ഭരദ്വാജ് നിര്‍ദേശം നല്‍കി. അടിയന്തരഘട്ടങ്ങള്‍ക്ക് ആവശ്യമായ ബോട്ടുകള്‍,വണ്ടികള്‍, ക്രെയിനുകള്‍, മണ്ണുമാന്തികള്‍,  ദുരിതാശ്വാസത്തിന് ആവശ്യമായ മറ്റ് വസ്തുക്കള്‍ എന്നിവ പഞ്ചായത്ത്തലത്തില്‍ തന്നെ ഉറപ്പാക്കണം. എമര്‍ജന്‍സി റെസ്‌പോണ്‍്‌സ് ടീമുകളെയും സജ്ജമാക്കണം.

   കോവിഡ് പശ്ചാത്തലത്തില്‍ നാല് തരത്തില്‍പ്പെട്ട ദുരിതാശ്വാസ ക്യാമ്പുകളാണ് തുറക്കുക.  എ,ബി,സി,ഡി തലത്തിലാണ് ഇവ നിര്‍ണ്ണയിച്ചിരിക്കുന്നത്. 'എ' വിഭാഗത്തില്‍ ജനറല്‍  വിഭാഗത്തില്‍ പെട്ടവരേയും 'ബി' വിഭാഗത്തില്‍ അറുപത് വയസ്സിന് മുകളിലുളള വരെയുമാണ് പ്രവേശിപ്പിക്കുക. കോവിഡ് ലക്ഷണങ്ങള്‍ പ്രകടിപ്പിക്കുന്നവരെ 'സി' വിഭാഗത്തിലാണ് പാര്‍പ്പിക്കുക. 'ഡി' വിഭാഗം ഹോം ക്വാറന്റീനില്‍ താമസിക്കുന്നവര്‍ക്കാണ്.

കാലവര്‍ഷം ശക്തി പ്രാപിക്കുന്ന സാഹചര്യത്തില്‍ അടിയന്തര ഘട്ടങ്ങളില്‍ ഇടപെടല്‍ നടത്താന്‍ പഞ്ചായത്ത് തലത്തില്‍ കണ്‍ട്രോള്‍ റൂം തുറക്കും. സി.കെ ശശീന്ദ്രന്‍ എം.എല്‍.എയുടെ അധ്യക്ഷതയില്‍ വൈത്തിരി താലൂക്കിലെ മഴക്കാല മുന്നൊരുക്കങ്ങള്‍ വിലയിരുത്താന്‍ ചേര്‍ന്ന യോഗത്തിലാണ് തീരുമാനം. തദ്ദേശ സ്ഥാപനങ്ങള്‍ തിങ്കളാഴ്ച്ചകകം ഇരുപത്തിനാല് മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകള്‍ തുറക്കണം. ഇവിടെ ആവശ്യമായ ജീവനക്കാരെ നിയമിക്കുന്നതിനുളള  നടപടികളും സ്വീകരിക്കണമെന്ന് എം.എല്‍.എ നിര്‍ദ്ദേശിച്ചു.

കൽപ്പറ്റ നഗരസഭയിലെ പതിനെട്ടാം വാർഡിൽ റാട്ടകൊല്ലി പണിയ കോളനി ഉൾപ്പെടുന്ന പ്രദേശം മൈക്രോ കണ്ടെയ്മെൻറ് സോണായും എടവക ഗ്രാമ പഞ്ചായത്തിലെ രണ്ടാം വാർഡ് കൂടാതെ 2/4 ടൗൺ (ചുണ്ടമുക്ക്) കണ്ടെയ്മെൻറ് സോണായും ജില്ലാ കലക്ടർ ഡോ. അദീല അബ്ദുള്ള പ്രഖ്യാപിച്ചു