ജില്ലാ ഭരണകൂടവും അക്ഷയ ജില്ലാ പ്രൊജക്ടും സംയുക്തമായി  തുഞ്ചത്തെഴുത്തച്ഛന്‍ മലയാളം സര്‍വ്വകലാശാലയുമായി  സഹകരിച്ച്  നടത്തുന്ന അക്ഷയ റേഡിയോ പ്രക്ഷേപണത്തിന് ഇന്ന് (ജനുവരി 26)  തുടക്കം കുറിക്കും. രാവിലെ എം.എസ്.പി. പരേഡ് ഗ്രൗണ്ടില്‍ നടക്കുന്ന പരേഡിന് ശേഷം എക്‌സൈസ് തൊഴില്‍ വകുപ്പ് മന്ത്രി ടി.പി രാമകൃഷ്ണന്‍   അക്ഷയ റേഡിയോ തുടക്കം പ്രഖ്യാപനം ചെയ്യും. തുടര്‍ന്ന അക്ഷയയുടെ ലോഗോ പ്രകാശനവും നിര്‍വഹിക്കും.

ദേശീയ സമ്മതിദായക ദിനത്തോടനുബന്ധിച്ച് ജില്ലയിലെ സര്‍ക്കാര്‍ ഓഫീസുകള്‍, വിദ്യാഭ്യാസ സ്ഥാപനങ്ങള്‍ എന്നിവ കേന്ദ്രീകരിച്ച് തെരഞ്ഞെടുപ്പ് വിഭാഗം  സമ്മതിദായക ദിനം ആഘോഷിച്ചു. ജില്ലാതല ഉദ്ഘാടനം മലപ്പുറം ഗവ.കോളേജില്‍ ജില്ലാ കലക്ടര്‍ അമിത് മീണ ഉദ്ഘാടനം ചെയ്തു.

സംസ്ഥാന വനിതാ വികസന കോര്‍പ്പറേഷന്റെ ജില്ലാതല വായ്പ മേള   ജനുവരി 27ന് ഉച്ചക്ക് 2.00ന് എടപ്പാള്‍ എം.എച്ച് ഇംഗ്ലീഷ് സ്‌ക്കൂളില്‍ നടക്കും. തദ്ദേശ സ്വയം ഭരണ വകുപ്പ് മന്ത്രി കെ.ടി.ജലീല്‍  ഉദ്ഘാടനം ചെയ്യും. മേളയില്‍ നേരത്തെ വിവിധ പദ്ധതികളില്‍ അപേക്ഷിച്ച 30 പേര്‍ക്ക് ഒരു കോടി രൂപയുടെ ധനസഹായം മന്ത്രി വിതരണം ചെയ്യും. മേളയില്‍ പുതിയ അപേക്ഷ സ്വീകരിക്കുന്നതിനും സൗകര്യങ്ങള്‍ ചെയ്തിട്ടുണ്ട്.

റിപ്പബ്ലിക്ദിന പരേഡിനോടനുബന്ധിച്ച്  നടക്കുന്ന വര്‍ണാഭമായ പരേഡ് ഇന്ന് (ജനുവരി 26) രാവിലെ 8.30 ന് മലപ്പുറം എം.എസ്.പി പരേഡ് ഗ്രൗണ്ടില്‍ നടക്കും. എക്‌സൈസ് - തൊഴില്‍ വകുപ്പ് മന്ത്രി ടി.പി. രാമകൃഷ്ണന്‍ സല്യൂട്ട് സ്വീകരിച്ച് പരേഡിനെ അഭിസംബോധനം ചെയ്യും. പരേഡിന് മുന്നോടിയായി നഗരസഭ പരിധിയിലെ സ്‌കൂളുകളെ പങ്കടുപ്പിച്ച് രാവിലെ എഴുമണിക്ക് സിവില്‍ സ്റ്റേഷനില്‍ നിന്ന് പ്രഭാതഭേരി നടത്തും. വിശിഷ്ടാതിഥി രാവിലെ 8.08 ന് സിവില്‍ സ്റ്റേഷനിലള്ള യുദ്ധസ്മാരകത്തില്‍ പുഷ്പ ചക്രം സമര്‍പ്പിക്കും.

ഏറ്റുമാനൂര്‍ ഗവ. ഐടിഐയില്‍ വിവിധ ട്രേഡുകളില്‍ 2014 അദ്ധ്യയന വര്‍ഷം മുതല്‍ അഡ്മിഷന്‍ ലഭിച്ച് ട്രെയിനിംഗ് പൂര്‍ത്തിയാക്കിയ ട്രെയിനികള്‍ക്കുളള കോഷന്‍ മണി/സെക്യൂരിറ്റി ഡിപ്പോസിറ്റ് എന്നിവ റ്റി.സി, ഐഡന്റിറ്റി കാര്‍ഡ് എന്നിവ സഹിതം നേരിട്ട് ഹാജരായി ഓഫീസില്‍ നിന്ന് കൈപ്പറ്റണമെന്ന് പ്രിന്‍സിപ്പല്‍ അറിയിച്ചു.