സംസ്ഥാനത്ത് കോവിഡ് വ്യാപനം വര്‍ധിച്ചു വരുന്ന സാഹചര്യത്തില്‍ ഈ വര്‍ഷത്തെ  കര്‍ക്കടക വാവുബലി കര്‍മങ്ങള്‍ കൂട്ടമായി നിന്ന് ആചരിക്കാന്‍ പാടില്ലെന്നും ആചാരാനുഷ്ഠാനങ്ങളും ചടങ്ങുകളും അതത് വീടുകളില്‍ നടത്തണമെന്നും ബന്ധപ്പെട്ട ഉദ്യോഗസ്ഥരെയും മത ആചാര്യന്മാരെയും ജനങ്ങളെയും സംസ്ഥാന പോലീസ് മേധാവി ലോക്‌നാഥ് ബെഹറ അറിയിച്ചു.
 

രണ്ടാംഘട്ടത്തില്‍ വ്യവസായ വകുപ്പ് നല്‍കുന്ന 12 ടെലിവിഷന്‍ സെറ്റുകള്‍ വീണാ ജോര്‍ജ് എംഎല്‍എ കൈമാറി. വ്യവസായ വകുപ്പിന്റെ ഓഫീസിന് മുന്‍പിലെ തുറസായ സ്ഥലത്ത് മുന്‍കൂട്ടി നല്‍കിയ നിര്‍ദേശപ്രകാരം എത്തിയ 10 പേര്‍ക്കാണ് ടെലിവിഷന്‍ സെറ്റുകള്‍ നല്‍കിയത്.
അതത്  കുട്ടികളുടെ  രക്ഷകര്‍ത്താക്കള്‍ക്കാണ് ടെലിവിഷന്‍ സെറ്റുകള്‍ എംഎല്‍ എ കൈമാറിയത്. സാമ്പത്തികമായ ബുദ്ധിമുട്ട് മൂലം ഓണ്‍ലൈന്‍ ക്ലാസുകള്‍ പ്രയോജനപ്പെടുത്താന്‍ കഴിയാതിരുന്ന വിദ്യാര്‍ഥികള്‍ക്ക് എംഎല്‍എയുടെ നിര്‍ദേശപ്രകാരമാണ് റ്റിവികള്‍ നല്‍കിയത്. ആറന്മുള മണ്ഡലത്തിലെ അര്‍ഹരായ 12 വിദ്യാര്‍ഥികളെയാണ് ഇതിനായി തെരഞ്ഞെടുത്തത്.

ജില്ലയില്‍ കോവിഡ് 19 രോഗബാധ വര്‍ധിച്ചു വരുന്ന സാഹചര്യത്തില്‍ തിരുവല്ല നിയോജക മണ്ഡലത്തിലെ എല്ലാ പഞ്ചായത്തുകളിലും നഗരസഭയിലും കൂടുതല്‍ ഫസ്റ്റ് ലൈന്‍ ട്രീറ്റ്‌മെന്റ് സെന്ററുകള്‍ ആരംഭിക്കും. മാത്യു.ടി തോമസ് എംഎല്‍എയുടെ നേതൃത്വത്തില്‍ ചേര്‍ന്ന വീഡിയോകോണ്‍ഫറന്‍സ് യോഗത്തിലാണ് നിയോജകമണ്ഡലത്തില്‍ കൂടുതല്‍ ഫസ്റ്റ് ലൈന്‍ ട്രീറ്റ്‌മെന്റ് സെന്ററുകള്‍ ആരംഭിക്കാന്‍ തീരുമാനമായത്.

പ്രമാടം ഗ്രാമപഞ്ചായത്തിലെ വാര്‍ഡ് ഒന്ന്, അയിരൂര്‍ ഗ്രാമപഞ്ചായത്തിലെ വാര്‍ഡ് 11, 12, ചെന്നീര്‍ക്കര ഗ്രാമ പഞ്ചായത്തിലെ വാര്‍ഡ് 13, ഏഴംകുളം ഗ്രാമപഞ്ചായത്തിലെ വാര്‍ഡ് ആറ്, ഏറത്ത് ഗ്രാമപഞ്ചായത്തിലെ വാര്‍ഡ് 11, 13, 15, ആറന്മുള ഗ്രാമപഞ്ചായത്തിലെ വാര്‍ഡ് 14 എന്നീ സ്ഥലങ്ങളില്‍ ജൂലൈ 17 മുതല്‍ ഏഴു ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം.

കേന്ദ്ര കാലാവസ്ഥ വകുപ്പ് പത്തനംതിട്ട ജില്ലയില്‍ ജൂലൈ 20 ന് മഞ്ഞ അലര്‍ട്ട് പ്രഖ്യാപിച്ചു. ജില്ലയിലെ ഒറ്റപ്പെട്ട പ്രദേശങ്ങളില്‍ 64.5 മില്ലി മീറ്റര്‍ മുതല്‍ 115.5 മില്ലി മീറ്റര്‍ വരെ അളവില്‍ ശക്തമായ മഴ പെയ്യാന്‍ സാധ്യതയുണ്ട്. ഈ സാഹചര്യത്തില്‍ ജനങ്ങള്‍ ആവശ്യമായ ജാഗ്രത പുലര്‍ത്തുകയും, കാറ്റ്, മഴ, ഇടിമിന്നല്‍ എന്നിവ മൂലമുള്ള നാശനഷ്ടങ്ങള്‍ ഒഴിവാക്കുന്നതിനായി ആവശ്യമായ മുന്‍കരുതലുകള്‍ സ്വീകരിക്കണമെന്നും ജില്ലാ കളക്ടര്‍ പി.ബി. നൂഹ് അറിയിച്ചു.
ജില്ലാ തല, താലൂക്ക് തല കണ്‍ട്രോള്‍ റൂമുകളുടെ ഫോണ്‍ നമ്പര്‍:
ജില്ലാ എമര്‍ജന്‍സി ഓപ്പറേഷന്‍സ് സെന്റര്‍ -0468-2322515, 9188297112,

കോന്നി നിയോജക മണ്ഡലത്തില്‍ 2935 കുടുംബങ്ങള്‍ക്ക് പുതിയതായി കുടിവെള്ള കണക്ഷന്‍ നല്‍കുമെന്ന് അഡ്വ.കെ.യു.ജനീഷ് കുമാര്‍ എംഎല്‍എ അറിയിച്ചു. ജലജീവന്‍ പദ്ധതിയിലുള്‍പ്പെടുത്തി 452.63 ലക്ഷം രൂപയുടെ പദ്ധതിയാണ് ഇതിനായി തയാറാക്കിയിരിക്കുന്നത്. നിലവിലുള്ള കുടിവെള്ള പദ്ധതികളില്‍ നിന്നാണ് പുതിയ കണക്ഷന്‍ നല്‍കുക.

പത്തനംതിട്ട ജില്ലയില്‍ ഇന്ന് (17) 87 പേര്‍ക്ക് കോവിഡ്-19 സ്ഥിരീകരിച്ചു.
1) അബുദാബിയില്‍ നിന്നും എത്തിയ ഇലന്തൂര്‍ സ്വദേശിയായ 41 വയസുകാരന്‍.
2) അബുദാബിയില്‍ നിന്നും എത്തിയ ഇലന്തൂര്‍ സ്വദേശിയായ 44 വയസുകാരന്‍.
3) അബുദാബിയില്‍  നിന്നും എത്തിയ തിരുവല്ല സ്വദേശിയായ 50 വയസുകാരന്‍.
4) ബഹ്‌റനില്‍ നിന്നും എത്തിയ മണക്കാല സ്വദേശിയായ 60 വയസുകാരന്‍.
5) ബാംഗ്ലൂരില്‍ നിന്നും എത്തിയ ഏറത്ത് സ്വദേശിയായ 27 വയസുകാരന്‍.
6) ബാംഗ്ലൂരില്‍ നിന്നും എത്തിയ റാന്നി, ചെറുകുളഞ്ഞി സ്വദേശിയായ 30 വയസുകാരന്‍.
7) ബാംഗ്ലൂരില്‍ നിന്നും എത്തിയ വടശേരിക്കര സ്വദേശിയായ 25 വയസുകാരന്‍.

  അടൂര്‍ മണ്ഡലത്തിലെ വിവിധ പ്രദേശങ്ങളില്‍ സമ്പര്‍ക്കം മൂലം രോഗം വ്യാപിച്ചുകൊണ്ടിരിക്കുന്ന സാഹചര്യത്തില്‍ കണ്ടെയ്ന്‍മെന്റ് സോണുകളുടെ എണ്ണം വര്‍ധിപ്പിക്കണമെന്ന് ചിറ്റയം ഗോപകുമാര്‍ എംഎല്‍എ ജില്ലാ കളക്ടറോടു നിര്‍ദേശിച്ചു. നഗരസഭയിലെ അഞ്ച്, 20, 22, 27 വാര്‍ഡുകളും ഏറത്ത് പഞ്ചായത്തിലെ 11, 13, 15 വാര്‍ഡുകളും ഏഴംകുളം പഞ്ചായത്തിലെ 15-ാം വാര്‍ഡും കണ്ടെയ്ന്‍മെന്റ് സോണുകളാക്കണം.

കടപ്പുറം ഗവണ്മെന്റ് വൊക്കേഷണല്‍ ഹയര്‍ സെക്കന്ററി സ്‌കൂളില്‍ ഉച്ചഭക്ഷണപദ്ധതിയില്‍ ഉള്‍പ്പെട്ട അര്‍ഹരായ വിദ്യാര്‍ത്ഥികള്‍ക്ക് ഭക്ഷ്യ കിറ്റ് വിതരണം ചെയ്തു. ഇരുനൂറോളം വിദ്യാര്‍ത്ഥികള്‍ക്കാണ് ഭക്ഷ്യ കിറ്റ് നല്‍കിയത്. വിതരണോദ്ഘാടനം പഞ്ചായത്ത് പ്രസിഡണ്ട് പി. വി. ഉമ്മര്‍കുഞ്ഞി നിര്‍വഹിച്ചു. പിടിഎ പ്രസിഡണ്ട് ആര്‍. എസ് മുഹമ്മദ് അദ്ധ്യക്ഷത വഹിച്ചു. ജില്ലാ പഞ്ചായത്ത് മെമ്പര്‍ ഹസീന താജുദ്ദീന്‍ മുഖ്യാതിഥിയായി.