കേന്ദ്ര കാലാവസ്ഥ വകുപ്പ് പത്തനംതിട്ട ജില്ലയില്‍ ജൂലൈ 20 ന് മഞ്ഞ അലര്‍ട്ട് പ്രഖ്യാപിച്ചു. ജില്ലയിലെ ഒറ്റപ്പെട്ട പ്രദേശങ്ങളില്‍ 64.5 മില്ലി മീറ്റര്‍ മുതല്‍ 115.5 മില്ലി മീറ്റര്‍ വരെ അളവില്‍ ശക്തമായ മഴ പെയ്യാന്‍ സാധ്യതയുണ്ട്. ഈ സാഹചര്യത്തില്‍ ജനങ്ങള്‍ ആവശ്യമായ ജാഗ്രത പുലര്‍ത്തുകയും, കാറ്റ്, മഴ, ഇടിമിന്നല്‍ എന്നിവ മൂലമുള്ള നാശനഷ്ടങ്ങള്‍ ഒഴിവാക്കുന്നതിനായി ആവശ്യമായ മുന്‍കരുതലുകള്‍ സ്വീകരിക്കണമെന്നും ജില്ലാ കളക്ടര്‍ പി.ബി. നൂഹ് അറിയിച്ചു.
ജില്ലാ തല, താലൂക്ക് തല കണ്‍ട്രോള്‍ റൂമുകളുടെ ഫോണ്‍ നമ്പര്‍:
ജില്ലാ എമര്‍ജന്‍സി ഓപ്പറേഷന്‍സ് സെന്റര്‍ -0468-2322515, 9188297112,

കോന്നി നിയോജക മണ്ഡലത്തില്‍ 2935 കുടുംബങ്ങള്‍ക്ക് പുതിയതായി കുടിവെള്ള കണക്ഷന്‍ നല്‍കുമെന്ന് അഡ്വ.കെ.യു.ജനീഷ് കുമാര്‍ എംഎല്‍എ അറിയിച്ചു. ജലജീവന്‍ പദ്ധതിയിലുള്‍പ്പെടുത്തി 452.63 ലക്ഷം രൂപയുടെ പദ്ധതിയാണ് ഇതിനായി തയാറാക്കിയിരിക്കുന്നത്. നിലവിലുള്ള കുടിവെള്ള പദ്ധതികളില്‍ നിന്നാണ് പുതിയ കണക്ഷന്‍ നല്‍കുക.

പത്തനംതിട്ട ജില്ലയില്‍ ഇന്ന് (17) 87 പേര്‍ക്ക് കോവിഡ്-19 സ്ഥിരീകരിച്ചു.
1) അബുദാബിയില്‍ നിന്നും എത്തിയ ഇലന്തൂര്‍ സ്വദേശിയായ 41 വയസുകാരന്‍.
2) അബുദാബിയില്‍ നിന്നും എത്തിയ ഇലന്തൂര്‍ സ്വദേശിയായ 44 വയസുകാരന്‍.
3) അബുദാബിയില്‍  നിന്നും എത്തിയ തിരുവല്ല സ്വദേശിയായ 50 വയസുകാരന്‍.
4) ബഹ്‌റനില്‍ നിന്നും എത്തിയ മണക്കാല സ്വദേശിയായ 60 വയസുകാരന്‍.
5) ബാംഗ്ലൂരില്‍ നിന്നും എത്തിയ ഏറത്ത് സ്വദേശിയായ 27 വയസുകാരന്‍.
6) ബാംഗ്ലൂരില്‍ നിന്നും എത്തിയ റാന്നി, ചെറുകുളഞ്ഞി സ്വദേശിയായ 30 വയസുകാരന്‍.
7) ബാംഗ്ലൂരില്‍ നിന്നും എത്തിയ വടശേരിക്കര സ്വദേശിയായ 25 വയസുകാരന്‍.

  അടൂര്‍ മണ്ഡലത്തിലെ വിവിധ പ്രദേശങ്ങളില്‍ സമ്പര്‍ക്കം മൂലം രോഗം വ്യാപിച്ചുകൊണ്ടിരിക്കുന്ന സാഹചര്യത്തില്‍ കണ്ടെയ്ന്‍മെന്റ് സോണുകളുടെ എണ്ണം വര്‍ധിപ്പിക്കണമെന്ന് ചിറ്റയം ഗോപകുമാര്‍ എംഎല്‍എ ജില്ലാ കളക്ടറോടു നിര്‍ദേശിച്ചു. നഗരസഭയിലെ അഞ്ച്, 20, 22, 27 വാര്‍ഡുകളും ഏറത്ത് പഞ്ചായത്തിലെ 11, 13, 15 വാര്‍ഡുകളും ഏഴംകുളം പഞ്ചായത്തിലെ 15-ാം വാര്‍ഡും കണ്ടെയ്ന്‍മെന്റ് സോണുകളാക്കണം.

കടപ്പുറം ഗവണ്മെന്റ് വൊക്കേഷണല്‍ ഹയര്‍ സെക്കന്ററി സ്‌കൂളില്‍ ഉച്ചഭക്ഷണപദ്ധതിയില്‍ ഉള്‍പ്പെട്ട അര്‍ഹരായ വിദ്യാര്‍ത്ഥികള്‍ക്ക് ഭക്ഷ്യ കിറ്റ് വിതരണം ചെയ്തു. ഇരുനൂറോളം വിദ്യാര്‍ത്ഥികള്‍ക്കാണ് ഭക്ഷ്യ കിറ്റ് നല്‍കിയത്. വിതരണോദ്ഘാടനം പഞ്ചായത്ത് പ്രസിഡണ്ട് പി. വി. ഉമ്മര്‍കുഞ്ഞി നിര്‍വഹിച്ചു. പിടിഎ പ്രസിഡണ്ട് ആര്‍. എസ് മുഹമ്മദ് അദ്ധ്യക്ഷത വഹിച്ചു. ജില്ലാ പഞ്ചായത്ത് മെമ്പര്‍ ഹസീന താജുദ്ദീന്‍ മുഖ്യാതിഥിയായി.

ജില്ലാ വനിതാ ശിശുവികസന ഓഫീസിലെ ഔദ്യോഗികാവശ്യത്തിനായി ഇലക്ട്രിക്ക് കാർ 2020-21 സാമ്പത്തിക വർഷത്തേക്ക് ലഭ്യമാക്കാൻ ടെണ്ടർ ക്ഷണിച്ചു. ടെണ്ടർ സ്വീകരിക്കുന്ന അവസാന തീയതി ജൂലൈ 27 ഉച്ചയ്ക്ക് 2 മണി. ഫോൺ: 0487 2361500.
 

അഴീക്കോട് മേഖല ചെമ്മീൻ വിത്തുൽപ്പാദന കേന്ദ്രത്തിലേക്ക് റൗണ്ട് എഫ്ആർപി ടാങ്ക് വാങ്ങുന്നതിന് ദർഘാസ് ക്ഷണിച്ചു. ദർഘാസ് സ്വീകരിക്കുന്ന അവസാന തീയതി ജൂലൈ 23 വൈകീട്ട് 3 മണി. ഫോൺ: 0480 2819698.

കോവിഡ് 19 ആശങ്കകൾ നിലനിൽക്കുന്ന സാഹചര്യത്തിൽ നിലവിലുള്ള കോൾ ഉപദേശക സമിതിയെയും പാടശേഖര എക്‌സിക്കുട്ടീവ് കമ്മിറ്റിയെയും തന്നെ നിലവിലെ ചുമതലകൾ ഏൽപ്പിച്ചു. വരും സീസണിലെ കൃഷി ആവശ്യങ്ങൾ നിർവഹിക്കുന്നതിനാണ് കമ്മിറ്റി. ജില്ലാ കളക്ടർ എസ് ഷാനവാസിന്റെ അധ്യക്ഷതയിൽ ചേർന്ന യോഗത്തിൽ കൃഷിക്കാർക്ക് നൽകാനുള്ള കുടിശ്ശിക അടക്കമുള്ള പ്രശ്‌നങ്ങൾ പരിഹരിക്കാൻ തീരുമാനമായി. എംഎൽഎ മുരളി പെരുനെല്ലി വിവിധ വകുപ്പ് ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.  

മദ്രസ അധ്യാപക ക്ഷേമനിധി അംഗങ്ങളുടെ മക്കൾക്കുള്ള മെറിറ്റ് അവാർഡിന് അപേക്ഷകൾ ക്ഷണിച്ചു. എസ്എസ്എൽസി, പ്ലസ് ടു പരീക്ഷയിൽ മുഴുവൻ വിഷയങ്ങളിലും എ പ്ലസ് നേടിയ വിദ്യാർത്ഥികളാണ് അപേക്ഷിക്കേണ്ടത്. www.kmtboard.in എന്ന വെബ്സൈറ്റിലൂടെ ഓഗസ്റ്റ് 20 വരെ ഓൺലൈനായാണ് അപേക്ഷ സമർപ്പിക്കേണ്ടത്.