സിവില്‍ സര്‍വീസ് അക്കാഡമിയുടെ കീഴില്‍ പൊന്നാനിയില്‍  പ്രവര്‍ത്തിക്കുന്ന സിവില്‍ സര്‍വ്വീസ് അക്കാദമി പി.എസ്.സി 2018 ല്‍ നടത്തുന്ന കേരള അഡ്മിനിസ്‌ട്രേറ്റീവ് സര്‍വീസ് പരീക്ഷയ്ക്ക് അപേക്ഷ സമര്‍പ്പിക്കുന്നതിനുള്ള അവസാന തിയതി ഫെബ്രുവരി അഞ്ച് വരെ നീട്ടിയതായി കോഡിനേറ്റര്‍ അറിയിച്ചു.  ഫോണ്‍: 0494 2665489, 8281098868.

    മലപ്പുറം നഗരസഭ പരിധിയിലുള്ള പട്ടികജാതി വിദ്യാര്‍ഥികളുടെ പഠന നിലവാരം മെച്ചപ്പെടുത്തുന്നതിന്റെ ഭാഗമായി പഠന മുറി നിര്‍മ്മിക്കുന്നതിന് ഹൈസ്‌കൂല്‍ വിദ്യാര്‍ഥികളില്‍ നിന്നും അപേക്ഷ ക്ഷണിച്ചു. വാര്‍ഷിക കുടുംബ വരുമാനം ഒരു ലക്ഷം രൂപയില്‍ കൂടാന്‍ പാടില്ല.  അപേക്ഷ ജനുവരി 31നകം മലപ്പുറം ബ്ലോക്ക് പട്ടികജാതി വികസന ഓഫീസില്‍ ലഭിക്കണം.  ഫോണ്‍ 8547630940.  

    മനുഷ്യാവകാശ കമ്മീഷന്‍ കെ. മോഹന്‍ കുമാര്‍ ഫെബ്രുവരി 16ന് തിരൂര്‍ റെസ്റ്റ് ഹൗസില്‍ ക്യാമ്പ് ചെയ്ത് പരാതികള്‍ കേള്‍ക്കും.

ജില്ലാ ആരോഗ്യ കുടുംബക്ഷേമ സമിതിക്കു കീഴില്‍ ജില്ലയിലെ വിവിധ മേഖലകളില്‍ പി.ആര്‍.ഒ. കം ലെയസണ്‍ ഓഫീസര്‍ തസ്തികയിലേക്ക് കരാര്‍ അടിസ്ഥാനത്തില്‍  നിയമിക്കുന്നതിനായി അപേക്ഷ ക്ഷണിക്കുന്നു.  പ്രായപരിധി   ജനുവരി ഒന്നിന് 40 വയസ്സ് കവിയരുത്.പി.ആര്‍.ഒ. കം ലെയസണ്‍ ഓഫീസര്‍ തസ്തികയിലേക്ക് സോഷ്യല്‍ വര്‍ക്ക്/ബിസിനസ്സ് അഡ്മിനിസ്‌ട്രേഷന്‍/പബ്ലിക്ക് ഹെല്‍ത്ത് /ഹോസ്പിറ്റല്‍ അഡ്മിനിസ്‌ട്രേഷന്‍ എന്നിവയില്‍ ബിരുദാനന്തര ബിരുദവും കമ്പ്യൂട്ടര്‍ പരിജ്ഞാനവും മൂന്നുവര്‍ഷത്തില്‍ കുറയാത്ത പ്രവര്‍ത്തന പരിചയവും ഉണ്ടായിരിക്കണം. ആരോഗ്യ മേഖലയില്‍ മുന്‍പരിചയം അഭികാമ്യം.

ജില്ലാ ഭരണകൂടവും അക്ഷയ ജില്ലാ പ്രൊജക്ടും സംയുക്തമായി  തുഞ്ചത്തെഴുത്തച്ഛന്‍ മലയാളം സര്‍വ്വകലാശാലയുമായി  സഹകരിച്ച്  നടത്തുന്ന അക്ഷയ റേഡിയോ പ്രക്ഷേപണത്തിന് ഇന്ന് (ജനുവരി 26)  തുടക്കം കുറിക്കും. രാവിലെ എം.എസ്.പി. പരേഡ് ഗ്രൗണ്ടില്‍ നടക്കുന്ന പരേഡിന് ശേഷം എക്‌സൈസ് തൊഴില്‍ വകുപ്പ് മന്ത്രി ടി.പി രാമകൃഷ്ണന്‍   അക്ഷയ റേഡിയോ തുടക്കം പ്രഖ്യാപനം ചെയ്യും. തുടര്‍ന്ന അക്ഷയയുടെ ലോഗോ പ്രകാശനവും നിര്‍വഹിക്കും.

ദേശീയ സമ്മതിദായക ദിനത്തോടനുബന്ധിച്ച് ജില്ലയിലെ സര്‍ക്കാര്‍ ഓഫീസുകള്‍, വിദ്യാഭ്യാസ സ്ഥാപനങ്ങള്‍ എന്നിവ കേന്ദ്രീകരിച്ച് തെരഞ്ഞെടുപ്പ് വിഭാഗം  സമ്മതിദായക ദിനം ആഘോഷിച്ചു. ജില്ലാതല ഉദ്ഘാടനം മലപ്പുറം ഗവ.കോളേജില്‍ ജില്ലാ കലക്ടര്‍ അമിത് മീണ ഉദ്ഘാടനം ചെയ്തു.