ജലജീവന്‍ മിഷനുമായി ബന്ധപ്പെട്ട് ജില്ലാതല ജല ശുചിത്വമിഷന്റെ ആദ്യ യോഗം ഇന്ന്(ജൂലൈ 17) രാവിലെ 10.30 ന് കളക്ടറേറ്റില്‍ ജില്ലാ കലക്ടറുടെ അധ്യക്ഷതയില്‍ ചേരും.

കോവിഡ് -19 ന്റെ പശ്ചാത്തലത്തില്‍ ബ്ലഡ് ബാങ്കുകളിലെ രക്തത്തിന്റെ അപര്യാപ്തത പരിഹരിക്കുകയെന്ന ലക്ഷ്യത്തോടെ ഒരു ദിനം ഒരു ദാതാവ് രക്തദാന പദ്ധതിക്ക് തുടക്കമിട്ട  കേരളാ അസോസിയേഷന്‍ ഓഫ് പ്രൊഫഷണല്‍ സോഷ്യല്‍ വര്‍ക്കേഴ്സ് (കെ.എ.പി.എസ്)പാലക്കാട് ചാപ്റ്ററിന് ജില്ലാശുപത്രി ബ്ലഡ് ബാങ്കിന്റെ  ആദരം. ജില്ലാ ആശുപത്രി സൂപ്രണ്ട് ഡോ.രമാദേവിയില്‍ നിന്നും കെ.എ.പി.എസ് പാലക്കാട് ചാപ്റ്റര്‍ പ്രസിഡന്റ് കെ. സതീഷ് ആദരം ഏറ്റുവാങ്ങി.

ജില്ലയിലെ വിവിധ പട്ടികവര്‍ഗ കോളനികളിലെ വിദ്യാര്‍ത്ഥികള്‍ക്ക് ഓണ്‍ലൈന്‍ പഠനത്തിന് ജില്ലാ പഞ്ചായത്ത് പദ്ധതി പ്രകാരം 49 ടെലിവിഷനുകള്‍ വിതരണം ചെയ്യുന്നതിന്റെ ഉദ്ഘാടനം ഇന്ന് (ജൂണ്‍ 16) ജില്ലാ പഞ്ചായത്ത് പ്രസിഡന്റ് അഡ്വ.കെ.ശാന്തകുമാരി നിര്‍വഹിക്കും. പുതുശ്ശേരി പഞ്ചായത്തിലെ നടുപ്പതി കോളനിയില്‍  ഉച്ചയ്ക്ക് മൂന്നു മണിക്ക് നടക്കുന്ന പരിപാടിയില്‍ പുതുശ്ശേരി പഞ്ചായത്ത് പ്രസിഡന്റ് ഉണ്ണികൃഷ്ണന്‍ അധ്യക്ഷനാകും.

ജില്ലയിലെ വിവിധ പട്ടികവര്‍ഗ കോളനികളിലെ വിദ്യാര്‍ത്ഥികള്‍ക്ക് ഓണ്‍ലൈന്‍ പഠനത്തിന് ജില്ലാ പഞ്ചായത്ത് പദ്ധതി പ്രകാരം 49 ടെലിവിഷനുകള്‍ വിതരണം ചെയ്യുന്നതിന്റെ ഉദ്ഘാടനം ഇന്ന് (ജൂണ്‍ 16) ജില്ലാ പഞ്ചായത്ത് പ്രസിഡന്റ് അഡ്വ.കെ.ശാന്തകുമാരി നിര്‍വഹിക്കും. പുതുശ്ശേരി പഞ്ചായത്തിലെ നടുപ്പതി കോളനിയില്‍  ഉച്ചയ്ക്ക് മൂന്നു മണിക്ക് നടക്കുന്ന പരിപാടിയില്‍ പുതുശ്ശേരി പഞ്ചായത്ത് പ്രസിഡന്റ് ഉണ്ണികൃഷ്ണന്‍ അധ്യക്ഷനാകും.

ഹയര്‍സെക്കന്‍ഡറി പരീക്ഷയില്‍ പാലക്കാട് ജില്ലയില്‍ 80.29 ശതമാനം വിജയം. 31116 വിദ്യാര്‍ത്ഥികള്‍ പരീക്ഷ എഴുതിയതില്‍ 24982 വിദ്യാര്‍ഥികളാണ് ഉപരിപഠനത്തിന് അര്‍ഹത നേടിയത്. 1000 വിദ്യാര്‍ഥികള്‍ മുഴുവന്‍ വിഷയങ്ങള്‍ക്കും എ. പ്ലസ് നേടി.

ഓപ്പണ്‍ സ്‌കൂള്‍ വിഭാഗത്തില്‍ 36.60ശതമാനം വിജയം

ജില്ലയില്‍ ഹയര്‍സെക്കന്‍ഡറി പരീക്ഷയില്‍ ഓപ്പണ്‍ സ്‌കൂള്‍ വിഭാഗത്തില്‍ 36.60 ശതമാനം വിജയം. 7000 വിദ്യാര്‍ഥികള്‍ പരീക്ഷ എഴുതിയതില്‍ 2562 വിദ്യാര്‍ത്ഥികളാണ് ഉപരിപഠനത്തിന് അര്‍ഹത നേടിയത്. 34 വിദ്യാര്‍ത്ഥികള്‍ മുഴുവന്‍ വിഷയങ്ങള്‍ക്കും എ പ്ലസ് നേടി

എന്‍.എച്ച്.എം ആരോഗ്യ കേരളത്തിനു കീഴില്‍ ഡാറ്റ എന്‍ട്രി ഓപ്പറേറ്റര്‍, ക്ലീനിംഗ് സ്റ്റാഫ് തസ്തികയിലേക്ക് അപേക്ഷിച്ചവര്‍ക്കായി കൂടിക്കാഴ്ച നടത്തുന്നു. ഡാറ്റ എന്‍ട്രി ഓപ്പറേറ്റര്‍ തസ്തികയിലേക്ക് അപേക്ഷിച്ചവര്‍ ജൂലൈ 17നും ക്ലീനിംഗ് സ്റ്റാഫ് തസ്തികയിലേക്ക് അപേക്ഷിച്ചവര്‍ ജൂലൈ 18നും രാവിലെ 10ന് പാലക്കാട് ഗവ.മെഡിക്കല്‍ കോളേജില്‍ കൂടിക്കാഴ്ചയ്ക്ക് എത്തണമെന്ന് ആരോഗ്യ കേരളം ജില്ലാ പ്രോഗ്രാം മാനേജര്‍ അറിയിച്ചു. അപേക്ഷയുടെ സമയവും തിയതിയും തെളിയിക്കുന്ന ഇ-മെയില്‍, വിദ്യാഭ്യാസ യോഗ്യതയും വയസും തെളിയിക്കുന്ന ഒറിജിനല്‍ സര്‍ട്ടിഫിക്കറ്റ്, അവയുടെ പകര്‍പ്പ് എന്നിവ കൂടിക്കാഴ്ചയ്ക്ക് ഹാജരാക്കണം.