ജില്ലയിലെ തീവ്ര കണ്ടെയ്ന്‍മെന്റ് സോണുകളായി പ്രഖ്യാപിച്ചിട്ടുള്ള തീരദേശമേഖലകളിലെ റേഷന്‍ കോര്‍ഡുടമകള്‍ക്കുള്ള സൗജന്യ അരി വിതരണം തുടങ്ങി. അഞ്ച് കിലോഗ്രാം അരിയാണ് കാര്‍ഡുമകള്‍ക്ക് വിതരണം ചെയ്യുന്നത്. തീവ്ര കണ്ടെയ്ന്‍മെന്റ് സോണുകളായി ജില്ലയില്‍ പ്രഖ്യാപിച്ചിട്ടുള്ള പൊന്നാനി, തവനൂര്‍ നഗരസഭകളിലെ തീരദേശ മേഖലയിലുള്‍പ്പെടുന്ന വാര്‍ഡുകളിലും വെളിയങ്കോട്, പെരുമ്പടപ്പ് ഗ്രാമപഞ്ചായത്തുകളിലുമാണ് സൗജന്യമായി അരി വിതരണം ചെയ്യുന്നത്. എല്ലാ റേഷന്‍ കാര്‍ഡുടമകളും ആരോഗ്യ സുരക്ഷാ മാനദണ്ഡങ്ങള്‍  പാലിച്ച് റേഷന്‍ കൈപ്പറ്റണമെന്ന് ജില്ലാ സപ്ലൈ ഓഫീസര്‍ അറിയിച്ചു.
 

  കേരള ഡവലപ്‌മെന്റ് ആന്‍ഡ് ഇന്നോവേഷന്‍ സ്ട്രാറ്റജിക് കൗണ്‍സില്‍ (കെ-ഡിസ്‌ക്)  സ്‌കൂള്‍-കോളജ് വിദ്യാര്‍ഥികളില്‍ നിന്നുള്ള ഇന്നോവേറ്റര്‍മാരെ കണ്ടെത്തി പരിശീലനം നല്‍കുന്നതിന്  ആരംഭിച്ച യങ് ഇന്നോവേറ്റേഴ്‌സ് പ്രോഗ്രാമിലേക്ക് രജിസ്‌ട്രേഷന്‍ ആരംഭിച്ചു. താത്പര്യമുള്ളവര്‍ yip.kerala.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്യണം. അവസാന തീയതി: ജൂലൈ 19.
 

പ്ലാസ്മ നല്‍കാനെത്തിയത് 22 കോവിഡ് വിമുക്തര്‍

    കേരളത്തിലെ ആദ്യ പ്ലാസ്മ ബാങ്ക്  പ്രവര്‍ത്തിക്കുന്ന മഞ്ചേരി മെഡിക്കല്‍ കോളജില്‍ ഇന്നലെ (ജൂലൈ 17) പ്ലാസ്മ നല്‍കാന്‍ എത്തിയത് 22 കോവിഡ് വിമുക്തര്‍. ഇതുവരെ അന്‍പതിലധികം  രോഗവിമുക്തരാണ് പ്ലാസ്മ നല്‍കിയത്. ഇനിയും ഇരുനൂറോളം  പേര്‍ പ്ലാസ്മ നല്‍കാന്‍ സന്നദ്ധത അറിയിച്ചിട്ടുണ്ട്. ആലപ്പുഴ മെഡിക്കല്‍ കോളജില്‍ ചികിത്സയില്‍ കഴിയുന്ന അത്യാസന്ന നിലയിലുള്ള കോവിഡ് രോഗിക്ക് കഴിഞ്ഞ ദിവസം ഇവിടെ നിന്ന് പ്ലാസ്മ എത്തിച്ച് നല്‍കിയിരുന്നു.

 ജില്ലയിൽ കോവിഡ്‌ 19 സമൂഹ വ്യാപനം നടന്നിട്ടുണ്ടോ എന്നറിയാൻ വലിയങ്ങാടി ഉൾപ്പെടെയുള്ള പ്രദേശങ്ങളിലും മുട്ടികുളങ്ങര എ.ആർ ക്യാമ്പിൽ ട്രെയിനിങ്ങിന് മുന്നോടിയായും ഇന്ന് നടത്തിയ 404 ആൻറിജൻ ടെസ്റ്റുകളിലും ഫലങ്ങൾ നെഗറ്റീവ്  ആണെന്ന് ആരോഗ്യവകുപ്പ് അധികൃതർ അറിയിച്ചു. 

മുട്ടികുളങ്ങര എ.ആർ.പി ക്യാമ്പിൽ ഇന്ന് പരിശീലനത്തിനായി എത്തിയ 112 പേരിലാണ് ടെസ്റ്റ് നടത്തിയത്. കഴിഞ്ഞദിവസം ടെസ്റ്റ് നടത്തിയ144 പേരുടെ ഫലം നെഗറ്റീവ് ആണെന്ന് സ്ഥിരീകരിച്ചിരുന്നു.

ഹയർ സെക്കൻഡറി പരീക്ഷയിൽ ജില്ലയിലെ കുഴൽമന്ദം, തൃത്താല എം.ആർ.എസുകൾക്ക്  മികച്ച വിജയം. പെൺകുട്ടികൾ മാത്രം പഠിക്കുന്ന തൃത്താല എം.ആർ.എസ്. 100 ശതമാനം വിജയം നേടി. ബയോളജി സയൻസിൽ 37 വിദ്യാർഥികളാണ്  പരീക്ഷയെഴുതിയത്. അതിൽ രണ്ട് വിദ്യാർത്ഥികൾക്ക്  മുഴുവൻ വിഷയങ്ങൾക്കും എ.പ്ലസ് ലഭിച്ചു.  ആൺകുട്ടികൾ മാത്രം പഠിക്കുന്ന കുഴൽമന്ദം എം.ആർ.എസ് 97 ശതമാനം  വിജയം കൈവരിച്ചു. കൊമേഴ്സ് വിഭാഗത്തിൽ 38 വിദ്യാർഥികളും സയൻസ് വിഭാഗത്തിൽ 33 വിദ്യാർഥികളുമാണ് പരീക്ഷയെഴുതിയത്. രണ്ടു വിദ്യാർഥികൾക്ക് മുഴുവൻ വിഷയങ്ങൾക്കും  എ. പ്ലസ് ലഭിച്ചു.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  15) വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 12 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 56 പ്രതികളാണ് ഉള്ളത്. ഇവരിൽ 33 പേരെ അറസ്റ്റ് ചെയ്തു. ഒരു വാഹനവും പിടിച്ചെടുത്തു.
 
*മാസ്ക് ധരിക്കാത്ത 172 പേർക്കെതിരെ കേസ്* 

കോവിഡ് 19 ബാധിതരായി  ജില്ലയില്‍ നിലവില്‍ 264 പേരാണ് ചികിത്സയിലുള്ളത്.  ഇന്ന് (ജൂലായ് 15) ജില്ലയില്‍ 19 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 17 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 28146 സാമ്പിളുകള്‍ പരിശോധനയ്ക്കായി അയച്ചതില്‍ 24367 പരിശോധനാ ഫലങ്ങളാണ് ലഭ്യമായത്. ഇന്ന് 406 പരിശോധനാ ഫലങ്ങളാണ് ലഭിച്ചത്. പുതുതായി 626 സാമ്പിളുകൾ അയച്ചു. 924 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 654 പേർ രോഗമുക്തി നേടി. ഇനി 3771 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ജൂലൈ 15)ഒരു വയസ്സുകാരിക്കും ഒരു മലപ്പുറം സ്വദേശിക്കും ഉൾപ്പെടെ 19 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.യുഎഇ യിൽ നിന്നെത്തിയവരാണ് രോഗം സ്ഥിരീകരിച്ചവരിൽ കൂടുതലും. ഒരു അതിഥി തൊഴിലാളിയും പുതുപ്പരിയാരം സ്വദേശിയും ഉൾപ്പെടെ രണ്ട്  പേർക്ക് ഉറവിടം വ്യക്തമല്ലാതെ രോഗബാധ  ഉണ്ടായതായി അധികൃതർ അറിയിച്ചിട്ടുണ്ട്. കൂടാതെ ജില്ലയിൽ ഇന്ന് 53 പേർ രോഗമുക്തി നേടിയിട്ടുണ്ട്.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.*