അരീക്കോട് പൊലീസ് സ്റ്റേഷനിലും കാറ്റ്‌സ് ക്യാമ്പിലും സൂക്ഷിച്ചുവരുന്നതും അവകാശികളില്ലാത്തതുമായ 104 വാഹനങ്ങള്‍ ഓഗസ്റ്റ് 17ന് ലേലം  ചെയ്യുമെന്ന് ജില്ലാ പൊലീസ് മേധാവി യു.അബ്ദുള്‍ കരീം അറിയിച്ചു.

  കോട്ടക്കല്‍ ആയൂര്‍വേദിക് സ്റ്റഡീസ് ആന്‍ഡ് റിസര്‍ച്ച് സൊസൈറ്റിയുടെ കീഴിലുള്ള അഞ്ച്  പ്രവൃത്തികള്‍ക്ക് പൊതുമരാമത്ത് വകുപ്പിന് രജിസ്റ്റര്‍ ചെയ്ത അംഗീകൃത കരാറുകാരില്‍ നിന്ന് രജിസ്‌ട്രേഡ്/ സ്പീഡ് പോസ്റ്റ് /കൊറിയര്‍ മുഖേന ടെന്‍ഡര്‍ ക്ഷണിച്ചു.  ടെന്‍ഡര്‍ ഫോമും മറ്റ് വിവരങ്ങളും www.kasrs.org, www.kottakkalayurvedacollege.ac.inഎന്നീ വെബ്‌സൈറ്റുകളില്‍ ലഭിക്കും. ടെന്‍ഡര്‍ സ്വീകരിക്കുന്ന അവസാന തീയതി ജൂലൈ 29. ഫോണ്‍: 0483: 2751874. 

    ഉള്ളണം ഫിഷ് സീഡ് ഫാമില്‍ കാര്‍പ്പ് മത്സ്യങ്ങള്‍ക്ക് ആവശ്യമായ മത്സ്യത്തീറ്റ
(ഫ്‌ളോട്ടിങ് പെല്ലറ്റ് ഫീഡ്) വിതരണം ചെയ്യുന്നതിന് താത്പര്യമുള്ള  വ്യക്തി കള്‍/സ്ഥാപനങ്ങളില്‍ നിന്നും ദര്‍ഘാസ് ക്ഷണിച്ചു.  താത്പര്യമുള്ളവര്‍ ഫാം മാനേജര്‍, ഫിഷ് സീഡ് ഫാം, ഉളളണം നോര്‍ത്ത് (പി.ഒ), പരപ്പനങ്ങാടി - 676303 എന്ന വിലാസത്തില്‍ ദര്‍ഘാസ് അയച്ചുനല്‍കണമെന്ന്  ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു. ദര്‍ഘാസ് സ്വീകരിക്കുന്ന അവസാന തീയതി : ജൂലൈ 30. ദര്‍ഘാസ് ഫോമിന് പരപ്പനങ്ങാടിയിലെ ഉളളണം ഫിഷ് സീഡ് ഫാം ഓഫീസുമായി ബന്ധപ്പെടണം. ഫോണ്‍ ; 0494-2411018. 

  പെരിന്തല്‍മണ്ണ പി.ടി.എം ഗവ.കോളജിലെ 2013-14, 2016-17 അധ്യയന വര്‍ഷത്തിന് ഇടയില്‍ അഡ്മിഷന്‍ നേടി ബിരുദ/ ബിരുദാനന്തര കോഴ്‌സുകള്‍ പൂര്‍ത്തിയാക്കിയവരില്‍ ഇനിയും ക്വാഷന്‍ ഡിപ്പോസിറ്റ് കൈപ്പറ്റാത്തവര്‍ ജൂലൈ 30നം കോളജ് ഐഡന്റിറ്റി കാര്‍ഡ് സഹിതം കോളജ് ഓഫീസില്‍ നേരിട്ട് ഹാജരായി ക്വാഷന്‍ ഡിപ്പോസിറ്റ് കൈപ്പറ്റണമെന്ന്  പ്രിന്‍സിപ്പല്‍ അറിയിച്ചു.
 

   കേരള ഷോപ്‌സ് ആന്‍ഡ് കമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത എല്ലാ  അംഗങ്ങള്‍ക്കും  കുടിശിക പരിഗണിക്കാതെ ആശ്വാസ ധനമായി 1,000 രൂപ വിതരണം ചെയ്യുന്നു.  peedika.kerala.gov.in എന്ന വെബ്‌സൈറ്റില്‍ ക്ഷേമനിധി രജിസ്റ്റര്‍ നമ്പര്‍, ആധാര്‍ നമ്പര്‍, അപേക്ഷകന്റെ ബാങ്ക് വിവരങ്ങള്‍ എന്നിവ ഉള്‍പ്പെടുത്തിയുള്ള അപേക്ഷ സമര്‍പ്പിക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍: 0483-2734409, 9633548156, 9496361934.
 

   സുഭിക്ഷ കേരളം പദ്ധതിയിലൂടെ  ഊരകം ഗ്രാമ പഞ്ചായത്തില്‍ ആരംഭിച്ച സമ്മിശ്ര  കൃഷി രീതി മാതൃകയാകുന്നു. രണ്ടര ലക്ഷം രൂപ ചെലവില്‍ 15 ഏക്കര്‍ സ്ഥലത്താണ് കൃഷിയിറക്കിട്ടുള്ളത്.  പച്ചക്കറികള്‍, കിഴങ്ങുവര്‍ഗ്ഗങ്ങള്‍ തുടങ്ങിയ വിളകളില്‍  നിന്ന് വ്യത്യസ്തമായി രാഗി, ചാമ, മോടന്‍ നെല്ല് തുടങ്ങിയ ചെറുധാന്യങ്ങളാണ് സമ്മിശ്ര കൃഷി ചെയ്യുന്നത്. വളരെ കുറഞ്ഞ ചെലവില്‍ ഭക്ഷ്യ- പോഷക സുരക്ഷ ഉറപ്പു വരുത്താന്‍ ഈ സമ്മിശ്ര കൃഷി വിളകളിലൂടെ  സാധിക്കും.  സെപ്റ്റംബര്‍ മാസത്തില്‍ വിളവെടുപ്പ് നടത്താനാവുമെന്ന് ഊരകം കൃഷി ഓഫീസര്‍ പി.എം മെഹറുന്നീസ പറഞ്ഞു.
 

  കൊണ്ടോട്ടി മേലങ്ങാടി ഗവ. വൊക്കേഷനല്‍ ഹയര്‍ സെക്കന്‍ഡറി സ്‌കൂളിന്റെ കെട്ടിട നിര്‍മാണം പുരോഗമിക്കുന്നു. പൊതു വിദ്യാഭ്യാസ സംരക്ഷണ യജ്ഞം പദ്ധതിയിലുള്‍പ്പെടുത്തി അഞ്ച് കോടി രൂപ ചെലവിലാണ് ഹയര്‍ സെക്കന്‍ഡറി ബ്ലോക്കിന്റെ നിര്‍മാണം നടക്കുന്നത്. പൊതു വിദ്യാലയങ്ങളുടെ അടിസ്ഥാന സൗകര്യം മെച്ചപ്പെടുത്തുന്നതിനായി കിഫ്ബി വഴിയാണ് പുതിയ ബില്‍ഡിങ് ഒരുക്കുന്നത്. 2.02 കോടി രൂപ ചെലവില്‍ യു.പി വിഭാഗത്തിനുള്ള കെട്ടിട നിര്‍മാണവും ഉടന്‍ ആരംഭിക്കുമെന്ന് കൈറ്റ്‌സ് അറിയിച്ചു.
 

 കോവിഡ് 19 പ്രതിരോധപ്രവര്‍ത്തനങ്ങളുടെ ഭാഗമായി  ജില്ലയില്‍ സര്‍വീസ് നടത്തുന്ന എല്ലാ പൊതുഗതതാഗത വാഹനങ്ങളിലും (ഓട്ടോറിക്ഷ, മോട്ടോര്‍ ക്യാബ്, കോണ്‍ട്രാക്റ്റ് ക്യാരേജ്, സ്റ്റേജ് ക്യാരേജ്) ഡ്രൈവറുടെ ക്യാബിന്‍ യാത്രക്കാരില്‍ നിന്ന് വേര്‍തിരിച്ച് നിര്‍ത്തുന്നതിനായി  അക്രിലിക് ഷീറ്റ് സംവിധാനം  എത്രയും പെട്ടെന്ന് സജ്ജീകരിക്കണമെന്ന് മലപ്പുറം ആര്‍.ടി.ഒ അറിയിച്ചു.
 

   ജില്ലാ പഞ്ചായത്തിന്റെ 2020-21 വാര്‍ഷിക പദ്ധതിയില്‍ ശിങ്കാരിമേളം പരിശീലനം ലഭിച്ച പട്ടികജാതി യുവതീ-യുവാക്കള്‍ക്കുള്ള വാദ്യോപകരണങ്ങള്‍ വിതരണം ചെയ്തു. ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങ് പി. ഉബൈദുള്ള എം.എല്‍.എ ഉദ്ഘാടനം ചെയ്തു. 22 ഗ്രൂപ്പുകള്‍ക്കാണ് വാദ്യോപകരണങ്ങള്‍ വിതരണം ചെയ്തത്. ഒരു ഗ്രൂപ്പിന് 2019-20 വാര്‍ഷിക പദ്ധതിയില്‍ ഉള്‍പ്പെടുത്തി നേരത്തെ വാദ്യോപകരണങ്ങള്‍ നല്‍കിയിരുന്നു.