മഞ്ചേരി സര്‍ക്കാര്‍ മെഡിക്കല്‍ കോളജില്‍ ഡോക്ടര്‍മാരുടെ വിവിധ ഒഴിവുകളിലേക്ക് ജൂലൈ 17ന് നടത്താന്‍ തീരുമാനിച്ച കൂടിക്കാഴ്ച കോവിഡ് 19 രോഗവ്യാപനത്തിന്റെ പശ്ചാത്തലത്തില്‍ മറ്റൊരു ദിവസം ഓണ്‍ലൈനായി നടത്തുമെന്ന് പ്രിന്‍സിപ്പല്‍ അറിയിച്ചു. കൂടിക്കാഴ്ചയില്‍ പങ്കെടുക്കുന്നവര്‍ സര്‍ട്ടിഫിക്കറ്റുകളും തിരിച്ചറിയല്‍ രേഖയുള്‍പ്പടെയുള്ള അപേക്ഷ ജൂലൈ 21 ന് വൈകീട്ട് അഞ്ചിനകം  എന്ന ഇ-മെയില്‍ വിലാസത്തില്‍ ലഭിക്കണം. അപേക്ഷയില്‍ മൊബൈല്‍ നമ്പറും നിര്‍ബന്ധമായും രേഖപ്പെടുത്തണം. ഫോണ്‍: 0483: 2765056. 
 

               കോവിഡ് 19 സ്ഥിരീകരിച്ച് മലപ്പുറം ജില്ലയില്‍ ഐസൊലേഷന്‍ കേന്ദ്രങ്ങളില്‍ ചികിത്സയിലായിരുന്ന 43 പേര്‍ കൂടി ഇന്നലെ (ജൂലൈ 15) രോഗമുക്തരായി. രോഗബാധിതരായി 566 പേര്‍ ചികിത്സയില്‍ കഴിയുന്നു. ജില്ലയില്‍ ഇതുവരെ 1,129 പേര്‍ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ 877 പേര്‍ക്ക് കൂടി പ്രത്യേക നിരീക്ഷണം ഏര്‍പ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.

   കോവിഡ് കാലത്തും മൃഗ സംരക്ഷണ മേഖലയില്‍ കര്‍ഷകര്‍ക്ക് ഓണ്‍ലൈനിലൂടെ പരിശീലനം ഉറപ്പാക്കി കുറ്റിപ്പുറം ബ്ലോക്കിന് കീഴില്‍ ആതവനാടുള്ള മൃഗ സംരക്ഷണ പരിശീലന കേന്ദ്രം. മെയ് 21 നാണ് കേന്ദ്രം പ്രവര്‍ത്തനമാരംഭിച്ചതെങ്കിലും കോവിഡിനെ തുടര്‍ന്ന് കര്‍ഷകര്‍ക്ക് നേരിട്ടുള്ള പരിശീലന പരിപാടികള്‍ നടത്താന്‍ കഴിയാതെ  വന്നതിനെ തുടര്‍ന്നാണ് അധികൃതര്‍ ഓണ്‍ലൈന്‍ സംവിധാനത്തിന്റെ സഹായം തേടിയത്. വാട്ട്സ്ആപ്പ് സംവിധാന സൗകര്യമുള്ള ഏതൊരു കര്‍ഷകനും മൃഗസംരക്ഷണ മേഖലുമായി ബന്ധപ്പെട്ട വിഷയങ്ങളില്‍ സൗജന്യ വെബിനാറിലൂടെ സംശയ നിവാരണത്തിനുള്ള അവസരമൊരുക്കുന്നു.