തെറ്റില്ലാതെ മലയാളം, ഇംഗ്ലീഷ്, ഹിന്ദി ഭാഷകള്‍ എഴുതാനും വായിക്കാനും പഠിപ്പിക്കുന്ന സംസ്ഥാന സാക്ഷരതാ മിഷന്റെ പച്ചമലയാളം, ഗുഡ് ഇംഗ്ലീഷ്, അച്ചീ ഹിന്ദി എന്നീ നാലുമാസ സര്‍ട്ടിഫിക്കറ്റ് കോഴ്‌സുകളിലേക്ക് 30 വരെ അപേക്ഷിക്കാം.  ഓരോ കോഴ്‌സിനും രജിസ്‌ട്രേഷന്‍ ഫീസ് 500 രൂപയും കോഴ്‌സ് ഫീസ് 2000 രൂപയുമാണ്.  ജില്ലയിലെ തെരഞ്ഞെടുത്ത ഹൈസ്‌കൂളുകളാണ് പഠനകേന്ദ്രങ്ങള്‍.  അപേക്ഷാ ഫോറവും കൂടുതല്‍ വിവരങ്ങളും സാക്ഷരതാ മിഷന്‍ വികസന/ തുടര്‍ വിദ്യാകേന്ദ്രം പ്രേരക്മാരില്‍ നിന്ന് ലഭിക്കും.  ഫോണ്‍:   0497 2707699.
പി എന്‍ സി/4345/2017

കുത്തകകളുടെ താത്പര്യങ്ങള്‍ സംരക്ഷിക്കുന്നതിന് ബദലായി സമാന്തര മാധ്യമപ്രവര്‍ത്തനത്തിന് ഇന്ത്യയില്‍ ഏറെ സാധ്യതകളുണ്ടെന്ന് വീണാജോര്‍ജ് എം എല്‍ എ പറഞ്ഞു. മാധ്യമ ദിനാചരണത്തിന്‍റെ ഭാഗമായി പി ആര്‍ ഡിയുടെയും പത്തനംതിട്ട പ്രസ്ക്ലബിന്‍റെയും സംയുക്താഭിമുഖ്യത്തില്‍  മാധ്യമ സ്വാതന്ത്ര്യം ഇന്ത്യയില്‍ വെല്ലുവിളികളും പ്രതീക്ഷകളും എന്ന വിഷയത്തില്‍  സംഘടിപ്പിച്ച മാധ്യമ സെമിനാര്‍ ഉദ്ഘാടനം ചെയ്യുകയായിരുന്നു അവര്‍. പത്രപ്രവര്‍ത്തനത്തെ വളരെ താത്പര്യത്തോടെ സ്വേച്ഛയാല്‍ തിരഞ്ഞെടുത്തിരുന്ന തലമുറ ഇന്നില്ല.

പയ്യന്നൂര്‍ നിയോജകമണ്ഡലത്തിലെ 96 ബൂത്തുകളില്‍ ആദ്യഘട്ടത്തില്‍ സ്മാര്‍ട്ട് ഫോണ്‍ ഉപയോഗിച്ച് ബൂത്ത് തല ഉദ്യോഗസ്ഥര്‍ വിവരശേഖരണം നടത്തുന്നു. ഇതിനായി തെരഞ്ഞെടുപ്പ് കമ്മീഷന്റെ പ്രത്യേക ആന്‍ഡ്രോയിഡ് അപ്ലിക്കേഷന്റെ ഉപയോഗം സംബന്ധിച്ച പരിശീലനം ഇതിനകം പൂര്‍ത്തിയായി.  ഇന്ത്യന്‍ തെരഞ്ഞെടുപ്പ് കമ്മീഷന്റെ നിര്‍ദ്ദേശ പ്രകാരം കേരളത്തില്‍ 5 നിയോജകമണ്ഡലങ്ങളിലാണ് ഇപ്രകാരം സ്മാര്‍ട്ട് ഫോണ്‍ ഉപയോഗിച്ച്  ബി.എല്‍.ഒ മാര്‍ വിവരശേഖരണം നടത്തുന്നത്. കണ്ണൂര്‍ ജില്ലയില്‍ പയ്യന്നൂര്‍ നിയോജകമണ്ഡലമാണ് ഇതിനായി തെരഞ്ഞെടുക്കപ്പെട്ടിട്ടുള്ളത്.
പി എന്‍ സി/4341/2017
 

 കേന്ദ്ര തെരഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരം വോട്ടര്‍പട്ടിക ശുദ്ധീകരിക്കുന്നതിന്റെ ഭനുളള പ്രത്യേക വിവരശേഖരണ ദൗത്യത്തിന്റെ ഭാഗമായി ബുത്തുതല ഓഫീസര്‍മാര്‍ വോട്ടര്‍മാരുടെ വീടുകള്‍ സന്ദര്‍ശിച്ച് നടത്തും.  ഒന്നു മുതല്‍ എട്ട് വരെയുള്ള ഫോറങ്ങളില്‍ ഓരോ വീട്ടിലെയും മരണമടഞ്ഞവര്‍, താമസം മാറ്റിയവര്‍, വോട്ടുള്ള പ്രവാസികള്‍, വോട്ടില്ലാത്ത പ്രവാസികള്‍, 2019 ജനുവരി 1 ന് 18 വയസ്സ് പൂര്‍ത്തിയാകുന്നവര്‍, പുതിയ വീടുകളില്‍ താമസിച്ചുവരുന്ന വോട്ടര്‍മാര്‍, മൊബൈല്‍ ഫോണ്‍ നമ്പറുകള്‍, എന്നിങ്ങനെയുള്ള വിവരങ്ങളാണ് ശേഖരിക്കുക. നവംബര്‍ 30 വരെ ബൂത്തുതലത്തില്‍ ഓരോ ഭവനവും ബി.എല്‍.ഒമാര്‍ സന്ദര്‍ശിക്കും.

    പമ്പാ ജലസേചന പദ്ധതി കനാലിലൂടെ ഇന്ന് (17) മുതല്‍ ജലവിതരണം നടത്തുമെന്ന് പിഐപി എക്സിക്യൂട്ടീവ് എന്‍ജിനീയര്‍ അിറയിച്ചു.                (പിഎന്‍പി 3074/17)

 മുന്‍ഗണനാ പട്ടികയില്‍ ഉള്‍പ്പെടുത്തുന്നതിനു വേണ്ടി നിലവില്‍ അപേക്ഷ സമര്‍പ്പിക്കുകയും, പഞ്ചായത്തുകളില്‍ നടന്ന കൂടിക്കാഴ്ചയില്‍ പങ്കെടുക്കാന്‍ കഴിയാതിരിക്കുകയും ചെയ്ത പരാതിക്കാരുമായി കണ്ണൂര്‍ താലൂക്ക് സപ്ലൈ ഓഫീസില്‍ കൂടിക്കാഴ്ച നടത്തും.   മുന്‍ഗണനാ പട്ടികയില്‍ അര്‍ഹരാണെന്ന് സൂചിപ്പിച്ച് പരാതി സമര്‍പ്പിച്ച പഞ്ചായത്തിലെ കൂടിക്കാഴ്ചയില്‍ പങ്കെടുക്കാന്‍ സാധിക്കാത്തവര്‍ ആവശ്യമായ രേഖകള്‍, പഴയതും പുതിയതുമായ റേഷന്‍ കാര്‍ഡുകള്‍ സഹിതം അന്തിമ ഘട്ട ഹിയറിംഗിന് താലൂക്ക് സപ്ലൈ ഓഫീസില്‍ ഹാജരാകണം.

കേരള ലളിതകലാ അക്കാദമിയുടെ സഞ്ചരിക്കുന്ന ആര്‍ട്ട് ഗാലറി മേയര്‍ ഇ.പി ലത ഫ്‌ളാഗ്ഓഫ് ചെയ്തു. കലക്ടറേറ്റ് പരിസരത്ത് നടന്ന ചടങ്ങില്‍ ജില്ലാ പഞ്ചായത്ത് പ്രസിഡണ്ട് കെ.വി സുമേഷ് അധ്യക്ഷത വഹിച്ചു. ജില്ലാ പഞ്ചായത്ത് സ്റ്റാന്റിംഗ് കമ്മിറ്റി അധ്യക്ഷന്‍മാരായ കെ.പി ജയബാലന്‍ മാസ്റ്റര്‍, വി.കെ സുരേഷ് ബാബു, ടി.ടി റംല,  ജില്ലാ പഞ്ചായത്തംഗം അജിത് മാട്ടൂല്‍, സെക്രട്ടറി വി ചന്ദ്രന്‍, ആസൂത്രണ സമിതി അംഗം കെ.വി ഗോവിന്ദന്‍, ലളിതകല അക്കാദമി അംഗം രവീന്ദ്രന്‍ എം. വി തുടങ്ങിയവര്‍ സംസാരിച്ചു.

ജില്ലയിലെ എസ്.എസ്.എല്‍.സി, പ്ലസ്ടു പഠനനിലവാരം മെച്ചപ്പെടുത്തുന്നതിന്റെ ഭാഗമായി ജില്ലാപഞ്ചായത്തിന്റെ നേതൃത്വത്തില്‍ നടപ്പാക്കുന്ന ഇ-മുകുളം പദ്ധതിക്ക് തുടക്കമായി. ജില്ലാ പഞ്ചായത്ത് ഹാളില്‍ ജില്ലാ കലക്ടര്‍ മീര്‍ മുഹമ്മദലി ഇ-മുകുളം പദ്ധതിയുടെ പോര്‍ട്ടല്‍ പ്രകാശനം ചെയ്തു. 

    ദേശീയ മാധ്യമ ദിനത്തില്‍ വിവര പൊതുജന സമ്പര്‍ക്ക വകുപ്പും കണ്ണൂര്‍ പ്രസ് ക്ലബും സംഘടിപ്പിച്ച സെമിനാര്‍ മാധ്യമ സ്വാതന്ത്ര്യം നേരിടുന്ന വര്‍ത്തമാനകാല വെല്ലുവിളികളും ആശങ്കകളും പങ്കുവെച്ചു. കണ്ണൂര്‍ പ്രസ് ക്ലബില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. ഇഷ്ടപ്പെടാത്ത വാര്‍ത്ത ചെയ്താല്‍ ചെയ്തയാളെ ഉന്‍മൂലനം ചെയ്യുന്ന, ജനാധിപത്യത്തിന്റെ തകര്‍ച്ചയ്ക്ക് കാരണമായേക്കാവുന്ന തെറ്റായ പ്രവണത നമ്മുടെ നാട്ടില്‍ വളര്‍ന്നു വരുന്നതായി അദ്ദേഹം പറഞ്ഞു. 

പ്രമുഖ പരിസ്ഥിതി പ്രവര്‍ത്തകയും ചാലക്കുടി പുഴ സംരക്ഷണ സമിതി അംഗവും റിവര്‍ റിസര്‍ച്ച് സെന്റര്‍ ഡയറക്ടറുമായിരുന്ന ഡോ. എ.ലതയുടെ നിര്യാണത്തിലൂടെ കേരളത്തിന് നഷ്ടമായത് എക്കാലത്തെയും മികച്ച പരിസ്ഥിതി ശാസ്ത്രജ്ഞയെയാണെന്ന് കൃഷി വകുപ്പ് മന്ത്രി അഡ്വ. വി.എസ് സുനില്‍ കുമാര്‍ അനുശോചന കുറിപ്പില്‍ അറിയിച്ചു.