കോളജ് ഓഫ് ഇന്‍ഡിജനസ് ഫുഡ് ടെക്‌നോളജി (സി എഫ് റ്റി കെ) നടത്തുന്ന ബി എസ് സി ഫുഡ് ടെക്‌നോളജി ആന്‍ഡ് ക്വാളിറ്റി അഷ്വറന്‍സ് കോഴ്‌സിലെ മാനേജ്‌മെന്റ് ക്വോട്ടയില്‍ ഒഴിവുള്ള സീറ്റിലേക്ക് ഇന്ന് (സെപ്റ്റംബര്‍ എട്ട്) രാവിലെ 10.30 ന് സ്‌പോട്ട് അഡ്മിഷന്‍ നടത്തും. ഫോണ്‍- 0468 2240047, 9846585609.

പുനലൂര്‍ താലൂക്ക് ആശുപത്രിയില്‍ ഫോറന്‍സിക് വിഭാഗം പ്രവര്‍ത്തനം ആരംഭിച്ചു. എല്ലാ ആഴ്ചയും ചൊവ്വ, വെള്ളി ദിവസങ്ങളില്‍ സേവനം ലഭിക്കും.

ഭൂമി ഏറ്റെടുക്കല്‍ പ്രവര്‍ത്തികളുടെ പ്രാരംഭനടപടിയായ സാമൂഹിക പ്രത്യാഘാത വിലയിരുത്തല്‍ പഠനംനടത്തുന്നതിന് ജില്ലാതല സോഷ്യല്‍ ഇമ്പാക്ട് അസിസ്റ്റന്റ് ഏജന്‍സികളുടെ പാനല്‍ രൂപീകരിക്കുന്നു. അംഗീകൃത ഏജന്‍സികള്‍ക്ക് അപേക്ഷിക്കാം. യോഗ്യത, പ്രവര്‍ത്തിപരിചയ രേഖകള്‍, ഫോണ്‍ നമ്പര്‍, ഇ-മെയില്‍ വിലാസം, വെബ്‌സൈറ്റ് വിലാസം, ടീം അംഗങ്ങളുടെ പേര്‌വിവരങ്ങള്‍ സഹിതം വെള്ളക്കടലാസില്‍ തയ്യാറാക്കിയ അപേക്ഷ സെപ്റ്റംബര്‍ 26 നകം ഡെപ്യൂട്ടി കലക്ടര്‍ എല്‍.എ, കലക്ടറേറ്റ്, പത്തനംതിട്ട വിലാസത്തില്‍ ലഭിക്കണം. കവറിന് പുറത്ത് ഭൂമി ഏറ്റെടുക്കല്‍ സാമൂഹിക പ്രത്യാഘാത പഠന ഏജന്‍സികളെ തിരഞ്ഞെടുക്കുന്നതിനുള്ള അപേക്ഷ എന്ന് രേഖപ്പെടുത്തണം.

ബിസില്‍ (ബ്രോഡ്കാസ്റ്റ് എഞ്ചിനീയറിംഗ് കണ്‍സള്‍ട്ടന്റ്‌സ് ഇന്ത്യ ലിമിറ്റഡ്) ട്രെയിനിംഗ് ഡിവിഷനില്‍ ആറു മാസം മുതല്‍ രണ്ട് വര്‍ഷംവരെ ദൈര്‍ഘ്യമുള്ള മോണ്ടിസ്സോറി , പ്രീ-പ്രൈമറി, നഴ്‌സറി ടീച്ചര്‍ ട്രെയിനിംഗ് കോഴ്സുകളിലേക്ക് ഡിഗ്രി/പ്ലസ്ടു/എസ് എസ് എല്‍ സി യോഗ്യതയുള്ള വനിതകള്‍ക്ക് അപേക്ഷിക്കാം. ഫോണ്‍: 7994449314.

കെല്‍ട്രോണില്‍ ഇന്ത്യന്‍ ആന്‍ഡ് അക്കൗണ്ടിങ് ടാലി കോഴ്‌സുകളിലേക്ക് അപേക്ഷിക്കാം. പ്രവേശനത്തിനായി അടുത്തുള്ള കെല്‍ട്രോണ്‍ നോളജ് സെന്ററില്‍ സര്‍ട്ടിഫിക്കറ്റുകള്‍ സഹിതം എത്തണം. ഫോണ്‍ : 9072592412, 9072592416.

കുടുംബശ്രീ മിഷന്റെ നേതൃത്വത്തില്‍ സ്‌പോര്‍ട്‌സ് കേരള ഫൗണ്ടേഷനുമായി ചേര്‍ന്ന് നടപ്പിലാക്കുന്ന കരാട്ടെ പരിശീലനത്തില്‍ തൊഴില്‍രഹിതര്‍ക്ക് പരിശീലകരാകാന്‍ അപേക്ഷിക്കാം. സ്ത്രീകളെയും കുട്ടികളെയും ആയോധനകലയില്‍ പ്രാവീണ്യമുള്ളവരാക്കി ലിംഗാധിഷ്ഠിത അതിക്രമങ്ങള്‍ കുറയ്ക്കുന്നതിനാണ് പദ്ധതി.

ചടയമംഗലം ഗ്രാമപഞ്ചായത്തില്‍ ജല്‍ ജീവന്‍ പദ്ധതി പ്രകാരം അങ്കണവാടി കുട്ടികള്‍ക്ക് ബാഗ്, വാട്ടര്‍ പൂരിഫയര്‍ എന്നിവ വിതരണം ചെയ്തു. ഉദ്ഘാടനം ഗ്രാമപഞ്ചായത്ത് ഹാളില്‍ ഗ്രാമപഞ്ചായത്ത് പ്രസിഡന്റ് മിനി സുനില്‍ നിര്‍വഹിച്ചു. വൈസ് പ്രസിഡന്റ് എ രാജു അധ്യക്ഷനായി. ജല്‍ജീവന്‍ മിഷന്‍ കമ്മ്യൂണിറ്റി ഫെസിലിറ്റേറ്റര്‍ സമീറ, പഞ്ചായത്ത് അംഗങ്ങളായ വിഷ്ണുരാജ്, ഷംനാ നിസാം, റീജ ഷെഫീഖ്, തുടങ്ങിയവര്‍ പങ്കെടുത്തു.

ജില്ലാ ആശുപത്രിയില്‍ കാത്ത് ലാബ് ടെക്‌നീഷ്യന്‍/എക്കോ ടെക്‌നീഷ്യന്‍ തസ്തികയിലേക്ക് താല്‍ക്കാലിക നിയമനം നടത്തും. യോഗ്യത: ബി സി വി റ്റി (ഒരു വര്‍ഷത്തെ ഇന്റേണ്‍ഷിപ്പ് ഉള്‍പ്പെടെ നാല് വര്‍ഷം ഡിഗ്രി കോഴ്‌സ് ) അല്ലെങ്കില്‍ ഡി സി വി റ്റിയും രണ്ടുവര്‍ഷ പ്രവര്‍ത്തിപരിചയവും, സ്റ്റേറ്റ് പാരാമെഡിക്കല്‍ കൗണ്‍സിലില്‍ നിന്നുള്ള സ്ഥിര രജിസ്‌ട്രേഷന്‍. പ്രായപരിധി 25-40. യോഗ്യത, പ്രായം, പ്രവര്‍ത്തിപരിചയം തെളിയിക്കുന്നതിനുള്ള അസ്സല്‍ സര്‍ട്ടിഫിക്കറ്റ് സാക്ഷ്യപ്പെടുത്തിയ പകര്‍പ്പുകള്‍ സഹിതം സെപ്റ്റംബര്‍ 15 ഉച്ചയ്ക്ക് രണ്ടിന് കൊല്ലം ജില്ലാ ആശുപത്രി സൂപ്രണ്ടിന്റെ ചേമ്പറില്‍ എഴുത്തുപരീക്ഷ/അഭിമുഖത്തിന് എത്തണം.

ചെറിയ വെളിനല്ലൂര്‍ എല്‍ പി സ്‌കൂളിന് പുതിയ കെട്ടിട്ടം ഒരുങ്ങുന്നു. പൊതുവിദ്യാഭ്യാസ സംരക്ഷണ യജ്ഞം പരിപാടിയുടെ ഒരു കോടി രൂപ വിനിയോഗിച്ചാണ് നിര്‍മിക്കുന്നത്. തിരുവനന്തപുരത്തെ കോളജ് ഓഫ് എഞ്ചിനീയറിങുമായി സഹകരിച്ചാണ് രണ്ട് നിലഘടന തയ്യാറാക്കുന്നത്. നാല് ക്ലാസ് മുറികള്‍, ശുചിമുറികള്‍, ഒരു ഗോവണി മുറി എന്നിവ ഉള്‍പ്പെടുന്നു.

           സംസ്ഥാന റവന്യൂ വകുപ്പ് പരിശീലന കേന്ദ്രമായ ഇൻസ്റ്റിറ്റ്യൂട്ട് ഓഫ് ലാൻഡ് ആൻഡ് ഡിസാസ്റ്റർ മാനേജ്മെന്റ് 2023-24 അധ്യയന വർഷം മുതൽ ആരംഭിക്കുന്ന എം.ബി.എ ഡിസാസ്റ്റർ മാനേജ്മെന്റ് പ്രോഗ്രാമിലെ ഒഴിവുള്ള സീറ്റുകളിലേക്കുള്ള സ്പോർട്ട് അഡ്മിഷൻ സെപ്റ്റംബർ എട്ടിനു നടക്കും.