ജില്ലാ വികസന സമിതി യോഗം ഇന്ന് (ജൂണ്‍ 29) രാവിലെ 11ന് കളക്ടറേറ്റ് ആസൂത്രണ ഭവനിലെ ഡോ.എ.പി.ജെ അബ്ദുല്‍ കലാം ഹാളില്‍ ചേരും.

കണ്ണൂര്‍ തോട്ടടയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്ലൂം ടെക്നോളജിയുടെ കീഴിലുള്ള കോളേജ് ഫോര്‍ കോസ്റ്റ്യൂം ആന്‍ഡ് ഫാഷന്‍ ഡിസൈനിംഗ് നടത്തുന്ന ബി.എസ്.സി ഇന്റീരിയല്‍ ഡിസൈനിംഗ് ആന്‍ഡ് ഫര്‍ണിഷിംഗ് കോഴ്സിലേക്ക് അപേക്ഷ ക്ഷണിച്ചു. പ്ലസ് ടു ആണ് യോഗ്യത. www.admission.kannuruniversity.ac.in ല്‍ ജൂലൈ അഞ്ച് വരെ അപേക്ഷ നല്കാം. ഫോണ്‍-0497 2835390, 8281574390

കേരള സ്റ്റേറ്റ് ഇലക്ട്രിസിറ്റി ലൈസന്‍സിങ് ബോര്‍ഡ് നിയമപ്രകാരം 2023 ലെ വയര്‍മാന്‍ പരീക്ഷ വിജയിച്ചവര്‍ക്കുള്ള നിര്‍ബന്ധിത ഏകദിന പരിശീലന പരിപാടി ജൂലായ് രണ്ടിന് രാവിലെ 9 മുതല്‍ വൈകിട്ട് 5 വരെ മുട്ടില്‍ പഞ്ചായത്ത് കമ്മ്യൂണിറ്റി ഹാളില്‍ നടക്കും. 2023 ലെ പ്രായോഗിക പരീക്ഷ പാസായവര്‍ ക്ലാസില്‍ പങ്കെടുത്ത് സര്‍ട്ടിഫിക്കറ്റ് വാങ്ങണം. ക്ലാസില്‍ പങ്കെടുക്കുന്നവര്‍ക്ക് മാത്രമേ  പെര്‍മിറ്റ് ലഭിക്കുകയുള്ളൂ എന്ന് ഇലക്ട്രിക്കല്‍ ഇന്‍സ്‌പെക്ടര്‍  അറിയിച്ചു. ഫോണ്‍-04936 295004

കേരള കർഷക തൊഴിലാളി ക്ഷേമനിധി ബോർഡ് തിരുവനന്തപുരം  ജില്ലയിലെ വില്ലേജ് സിറ്റിങുകൾ ജൂലായ് ആറ് മുതൽ 27 വരെ വിവിധ സ്ഥലങ്ങളിൽ നടക്കും. 18 മുതൽ 55 വയസ്സ് വരെ പ്രായമുള്ളവർക്ക് പുതിയതായി അംഗത്വം എടുക്കാനും, അംഗങ്ങൾക്ക് അംശദായം അടയ്ക്കാനുമുള്ള അവസരം വില്ലേജ് സിറ്റിങിൽ ഉണ്ടാകും. രാവിലെ 10 മുതലാണ് സിറ്റിങ്.

സുല്‍ത്താന്‍ ബത്തേരി ഗവ ടെക്നിക്കല്‍ ഹൈസ്‌ക്കൂളില്‍ പാര്‍ട്ട് ടൈം മലയാളം അധ്യാപക നിയമനം. ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകളും പകര്‍പ്പുകളുമായി ജൂലായ് രണ്ടിന് രാവിലെ 10 ന് സ്‌കൂള്‍ ഓഫീസില്‍ എത്തണം. ഫോണ്‍-04936 220147

ആലപ്പുഴ: ജില്ല പോലീസ് കംപ്ലയിന്റ് അതോറിറ്റിയുടെ ജൂലൈ ഒന്ന്, രണ്ട് തീയതികളില്‍ നടത്താനിരുന്ന സിറ്റിംഗ് മാറ്റിവച്ചതായി ജില്ല പോലീസ് കംപ്ലയിന്റ് അതോറിറ്റി സെക്രട്ടറി അറിയിച്ചു. പുതുക്കിയ തീയതി പിന്നീട അറിയിക്കും

ആലപ്പുഴ: അരൂര്‍-തുറവൂര്‍ ഉയരപാത നിര്‍മ്മാണവുമായി ബന്ധപ്പെട്ട് തകര്‍ന്ന ദേശീയപാത അടിയന്തിരമായി റീടാറിംഗ് നടത്തി സഞ്ചാര യോഗ്യമാക്കണമെന്നാവശ്യപ്പെട്ട് ജില്ലാപഞ്ചായത്ത് പ്രമേയം പാസാക്കി. ഉയരപാത നിര്‍മ്മാണവുമായി ബന്ധപ്പെട്ട് ദേശീയപാതയില്‍ കുഴികള്‍ രൂപപെടുകയും യാത്രാക്ലേശവും അപകടങ്ങളും ഉണ്ടാവുകയും ചെയ്യുന്ന സാഹചര്യത്തിലാണ് തകര്‍ന്ന ദേശീയപാത അടിയന്തിരമായി റീടാറിംഗ് നടത്തി സഞ്ചാര യോഗ്യമാക്കുന്നത് സംബന്ധിച്ച് വൈസ് പ്രസിഡന്റ് എന്‍.എസ്. ശിവപ്രസാദ് പ്രമേയം അവതരിപ്പിച്ചത്. പത്തിയൂര്‍ ഡിവിഷന്‍ അംഗം കെ.ജി. സന്തോഷ് പിന്തുണച്ചു.
 

ആലപ്പുഴ: സംസ്ഥാന സര്‍ക്കാര്‍ തൊഴില്‍ വകുപ്പിന് കീഴില്‍ കൊല്ലം ചവറയില്‍  പ്രവര്‍ത്തിക്കുന്ന ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനിലെ ഹയര്‍ ട്രെയിന്‍ ഡിപ്ലോയ് പദ്ധതിയിലേക്ക് അപേക്ഷിക്കാനുള്ള സമയപരിധി ജൂലൈ അഞ്ചു വരെ നീട്ടി.

പനമരം സാമൂഹിക ആരോഗ്യ കേന്ദ്രത്തിനു കീഴില്‍ പനമരം ഗ്രാമപഞ്ചായത്തിലെ ഏഴ്, ഒമ്പത് വാര്‍ഡുകളില്‍ ആശാപ്രവര്‍ത്തകരെ നിയമക്കുന്നു. 25 നും 45 നുമിടയില്‍ പ്രായമുള്ള എസ്.എസ്.എല്‍.സി യോഗ്യതയുള്ളവര്‍ ജൂലൈ രണ്ടിന് ഉച്ചക്ക് രണ്ടിന് സാമൂഹിക ആരോഗ്യ കേന്ദ്രത്തില്‍ അഭിമുഖത്തിന് എത്തണം.
 

ആലപ്പുഴ: സഹകരണ വകുപ്പിനു കീഴില്‍ പ്രവര്‍ത്തിക്കുന്ന സ്‌കില്‍ ആന്റ് നോളഡ്ജ് ഡവലപ്‌മെന്റ് സെന്റര്‍റില്‍ എസ്.എസ്.എല്‍.സി/പ്ലസ് ടു യോഗ്യതയുള്ളവര്‍ക്ക് ആറ് മാസം ദൈര്‍ഘ്യമുള്ള ജനല്‍ ഡ്യൂട്ടി അസിസ്റ്റന്റ് (നഴ്‌സിംഗ് അസിസ്റ്റന്റ്) കോഴ്‌സ് പ്രവേശനത്തിനായി അപേക്ഷിക്കാം. താത്പര്യമുള്ളവര്‍ 9496244701 നമ്പറില്‍ വിളിക്കുക.