ആലപ്പുഴ: സംസ്ഥാന സര്‍ക്കാര്‍ തൊഴില്‍ വകുപ്പിന് കീഴില്‍ കൊല്ലം ചവറയില്‍  പ്രവര്‍ത്തിക്കുന്ന ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷനിലെ ഹയര്‍ ട്രെയിന്‍ ഡിപ്ലോയ് പദ്ധതിയിലേക്ക് അപേക്ഷിക്കാനുള്ള സമയപരിധി ജൂലൈ അഞ്ചു വരെ നീട്ടി.

പനമരം സാമൂഹിക ആരോഗ്യ കേന്ദ്രത്തിനു കീഴില്‍ പനമരം ഗ്രാമപഞ്ചായത്തിലെ ഏഴ്, ഒമ്പത് വാര്‍ഡുകളില്‍ ആശാപ്രവര്‍ത്തകരെ നിയമക്കുന്നു. 25 നും 45 നുമിടയില്‍ പ്രായമുള്ള എസ്.എസ്.എല്‍.സി യോഗ്യതയുള്ളവര്‍ ജൂലൈ രണ്ടിന് ഉച്ചക്ക് രണ്ടിന് സാമൂഹിക ആരോഗ്യ കേന്ദ്രത്തില്‍ അഭിമുഖത്തിന് എത്തണം.
 

ആലപ്പുഴ: സഹകരണ വകുപ്പിനു കീഴില്‍ പ്രവര്‍ത്തിക്കുന്ന സ്‌കില്‍ ആന്റ് നോളഡ്ജ് ഡവലപ്‌മെന്റ് സെന്റര്‍റില്‍ എസ്.എസ്.എല്‍.സി/പ്ലസ് ടു യോഗ്യതയുള്ളവര്‍ക്ക് ആറ് മാസം ദൈര്‍ഘ്യമുള്ള ജനല്‍ ഡ്യൂട്ടി അസിസ്റ്റന്റ് (നഴ്‌സിംഗ് അസിസ്റ്റന്റ്) കോഴ്‌സ് പ്രവേശനത്തിനായി അപേക്ഷിക്കാം. താത്പര്യമുള്ളവര്‍ 9496244701 നമ്പറില്‍ വിളിക്കുക.

-വള്ളംകളിയുടെ പ്രചരണാര്‍ത്ഥം ഇത്തവണ ഡബിള്‍ ഡക്കര്‍ ബസ്സുമെത്തും

കുടുംബകോടതി ജഡ്ജ് കെ.ആര്‍.സുനില്‍കുമാര്‍ ജൂലൈ 12 ന് രാവിലെ 11 മുതല്‍ വൈകിട്ട് അഞ്ച് വരെ സുല്‍ത്താന്‍ ബത്തേരി കുടുംബ കോടതിയിലും ജൂലൈ 20 ന് മാനന്തവാടി കുടുംബ കോടതിയിലും സിറ്റിങ് നടത്തും.

സംസ്ഥാന ആരോഗ്യ വകുപ്പിന് കീഴിലെ പാലക്കാട് പെരിങ്ങോട്ടുകുറുശ്ശി ഗവ ജൂനിയര്‍ പബ്ലിക്ക് ഹെല്‍ത്ത് നഴ്സിങ് ട്രെയിനിങ് സെന്ററില്‍ 2024-2026 വര്‍ഷത്തെ എ.എന്‍.എം കോഴ്സിനുള്ള അപേക്ഷ ക്ഷണിച്ചു. അപേക്ഷകര്‍ ആലപ്പുഴ, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം ജില്ലകളിലെ സ്ഥിരതാമസക്കാരാകണം. പ്ലസ്ടു / തത്തുല്യ യോഗ്യതയുള്ള പെണ്‍കുട്ടികള്‍ക്ക് അപേക്ഷിക്കാം. മലയാളം എഴുതുവാനും വായിക്കുവാനും അറിഞ്ഞിരിക്കണം. 2024 ഡിസംബര്‍ 31 ന് 17 വയസ്സ് തികയണം, 35 വയസ്സ് കവിയരുത്. ഉയര്‍ന്ന പ്രായപരിധിയില്‍ ഒ.ബി.സി ക്കാര്‍ക്ക് മൂന്നും എസ്.സി/ എസ്.ടിക്കാര്‍ക്ക് അഞ്ചും വയസ്സ് ഇളവുണ്ട്.

ആലപ്പുഴ: ഹരിപ്പാട് താലൂക്ക് ആശുപത്രിയിലെ ലാബിലേക്ക് ആവശ്യമായ റീയേജന്റും മറ്റ് അനുബന്ധ സാമഗ്രികളും വിതരണം ചെയ്യുന്നതിനും കോമ്പൗണ്ടില്‍ വാഹന പാര്‍ക്കിംഗ് ഫീസ് നിരക്കില്‍ ശേഖരിക്കുന്നതിനുള്ള അവകാശത്തിനായും ടെന്‍ഡര്‍ ക്ഷണിച്ചു. ടെന്‍ഡറുകള്‍ ജൂലൈ ഒമ്പതിന് വൈകീട്ട് അഞ്ച് വരെ സ്വീകരിക്കും. വാഹന പാര്‍ക്കിംഗ് ഫീസ് ഏറ്റവും കുറഞ്ഞ തുക 1,10,000/രൂപയായി നിജപ്പെടുത്തിയിട്ടുണ്ട്.

ആലപ്പുഴ: ജനറല്‍ ആശുപത്രിയില്‍ സൗജന്യമായി തിമിര ശസ്ത്രക്രിയ ചെയ്യുന്നു. ദേശീയ അന്ധതാ നിവാരണ നിയന്തണ പരിപാടിയുടെ ഭാഗമായി നയനപഥം എന്ന പേരില്‍ സഞ്ചരിക്കുന്ന നേത്രരോഗ വിഭാഗം കാഴ്ചപരിമിതരെ കണ്ടെത്തിയാണ് സൗജന്യ ചികിത്സ നല്‍കുന്നത്. ജില്ലയുടെ വിവിധ ഭാഗങ്ങളില്‍ തിങ്കള്‍, ചൊവ്വ, ബുധന്‍ ദിവസങ്ങളില്‍ ഇതിനായി ക്യാമ്പ് സംഘടിപ്പിക്കും. ക്യാമ്പില്‍ തിമിരം കണ്ടെത്തിയവര്‍ക്കുള്ള ശസ്ത്രക്രിയ വെള്ളിയാഴ്ചകളില്‍ ആശുപത്രിയില്‍ വെച്ചാണ് നടത്തുന്നത്. ജനറല്‍ ആശുപത്രിയില്‍ ഒക്ടോബര്‍ മുതല്‍ 514 തിമിര സര്‍ജറികള്‍ നടത്തിയിട്ടുണ്ട്.