പാര്‍ശ്വവത്കരിക്കപ്പെട്ട പട്ടികജാതി പട്ടികവര്‍ഗ സമൂഹത്തെ ഉന്നതിയിലെത്തിക്കാനുള്ള ശ്രമങ്ങള്‍ നടത്തുമെന്ന് പട്ടികജാതി പട്ടികഗോത്രവര്‍ഗ കമ്മീഷന്‍ ചെയര്‍പേഴ്സണ്‍ ശേഖരന്‍ മിനിയോടന്‍. സാമൂഹ്യ, സാമ്പത്തിക, വിദ്യാഭ്യാസ മേഖലകളില്‍ പട്ടികജാതി പട്ടിക വര്‍ഗ സമൂഹം നേരിടുന്ന നീതി നിഷേധം അടക്കമുള്ള പ്രശ്നങ്ങള്‍ പഠിച്ച് പരിഹാരം കാണാന്‍ ശ്രമിക്കുമെന്നും അദ്ദേഹം പറഞ്ഞു. മലപ്പുറം ജില്ലാ ആസൂത്രണ സമിതി കോണ്‍ഫ്രന്‍സ് ഹാളില്‍ നടന്ന പട്ടികജാതി പട്ടികഗോത്ര വര്‍ഗ കമ്മീഷന്‍ അദാലത്തിനു ശേഷം സംസാരിക്കുകയായിരുന്നു അദ്ദേഹം.

ഫയലുകള്‍ പൂര്‍ണമായും മലയാളത്തിലാക്കുന്ന കാര്യത്തില്‍ ജില്ലയിലെ പുരോഗതി ആശാവഹമാണെന്ന് ജില്ലാ കളക്ടര്‍ വി.ആര്‍ വിനോദ് പറഞ്ഞു. കളക്ടറേറ്റ് കോണ്‍ഫറന്‍സ് ഹാളില്‍ നടന്ന ഔദ്യോഗികഭാഷ ജില്ലാതല ഏകോപന സമിതി യോഗത്തില്‍ സംസാരിക്കുകയായിരുന്നു അദ്ദേഹം. സംസ്ഥാനത്ത് ഭാഷാപുരോഗതിയുടെ കാര്യത്തില്‍ കഴിഞ്ഞവര്‍ഷം ഒന്നാമതായിരുന്നു മലപ്പുറം. അത് നിലനിര്‍ത്താന്‍ എല്ലാവകുപ്പുകളും ശ്രദ്ധിക്കണമെന്നും കലക്ടര്‍ നിര്‍ദേശിച്ചു. ഔദ്യോഗികഭാഷ സംസ്ഥാന ഏകോപനസമിതി പ്രതിനിധി സുനില്‍കുമാര്‍ ഓണ്‍ലൈനായി യോഗത്തില്‍ പങ്കെടുത്തു.

കോഴിക്കോട് ലേബര്‍ കോടതി പ്രിസൈഡിങ് ഓഫീസര്‍ രാജീവ് ജയരാജ് (ജില്ലാ ജഡ്ജ്) ജൂലൈ 19 ന് രാവിലെ 11 മണിക്ക് പാലക്കാട് റവന്യൂ ഡിവിഷണല്‍ ഓഫീസ് കോടതി ഹാളില്‍ വെച്ച് തൊഴില്‍ തര്‍ക്ക സംബന്ധമായി പാലക്കാട് ക്യാമ്പ് സിറ്റിങില്‍ വിളിച്ചു വരുന്ന എല്ലാ കേസുകളും വിചാരണ ചെയ്യും.

വനിതാ കമ്മിഷന്‍ ജില്ലാതല അദാലത്ത് ഇന്ന് (ജൂണ്‍ 27ന്) രാവിലെ 10 മുതല്‍ മലപ്പുറം കളക്ടറേറ്റ് കോണ്‍ഫറന്‍സ് ഹാളില്‍ നടക്കും.

ഷോപ്സ് ആന്റ് കമേഴ്സ്യല്‍ എസ്റ്റാബ്ലിഷ്മെന്റ്സ് തൊഴിലാളി ക്ഷേമനിധി ബോര്‍ഡില്‍ നിന്നും 2023 ഡിസംബര്‍ മാസം വരെ  പെന്‍ഷന്‍ അനുവദിക്കപ്പെട്ടവര്‍  തുടര്‍ന്നും പെന്‍ഷന്‍ ലഭിക്കുന്നതിനായി ആഗസ്റ്റ് 24 നുള്ളില്‍  അക്ഷയകേന്ദ്രങ്ങള്‍ വഴി ഇ മസ്റ്ററിങ് ചെയ്യേണ്ടതാണെന്ന് ജില്ലാ എക്സിക്യുട്ടീവ് ഓഫീസര്‍ അറിയിച്ചു.

അടുത്ത രണ്ടു മാസത്തിനകം വണ്ടൂര്‍ ബ്ലോക്കില്‍ ആയിരം സൂക്ഷ്മ സംരംഭങ്ങൾ ആരംഭിക്കാനുള്ള കർമ്മ പരിപാടിയുമായി കുടുംബശ്രീ വണ്ടൂർ എം.ഇ.ആർ.സി (മൈക്രോ എന്റര്‍പ്രൈസ് റിസോഴ്സ്സ് സെന്റര്‍). ഇതിനായി വണ്ടൂർ എം.ഇ.ആര്‍.സി ജനറൽ ബോഡി യോഗം കർമ പദ്ധതി തയ്യാറാക്കി.

കേരള ലോകായുക്ത കണ്ണൂർ, കോഴിക്കോട് എന്നിവിടങ്ങളിൽ ക്യാമ്പ് സിറ്റിങ് നടത്തും. കണ്ണൂരിൽ ജൂൺ 27 നു രാവിലെ 10.30 ന് കണ്ണൂർ ഗവൺമെന്റ് ഗസ്റ്റ്ഹൗസ് കോൺഫറൻസ് ഹാളിലും കോഴിക്കോട് 28 നു രാവിലെ 10.30 ന് കോഴിക്കോട് ഗവ. ഗസ്റ്റ്ഹൗസ് കോൺഫറൻസ് ഹാളിലുമാണ് സിറ്റിങ്. ലോകായുക്ത ജസ്റ്റിസ് ഹാറൂൺ-അൽ-റഷീദ്ദ് പരാതികൾ പരിഗണിക്കും. സിറ്റിങ് ദിവസങ്ങളിൽ നിശ്ചിത ഫോമിലുള്ള പുതിയ പരാതികൾ സ്വീകരിക്കുമെന്ന് ലോകായുക്ത രജിസ്ട്രാർ അറിയിച്ചു.

മലപ്പുറം ജില്ലയില്‍ സമഗ്ര മാനസികാരോഗ്യ പദ്ധതി, ജില്ലാ മാനസികാരോഗ്യ പദ്ധതി എന്നിവയ്ക്ക് കീഴില്‍ വിവിധ തസ്തികകളിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നു.

‘മാലിന്യ മുക്ത നവകേരളം’ പദ്ധതി പ്രവര്‍ത്തനങ്ങളുടെ ഭാഗമായി മലപ്പുറം ജില്ലയിലെ തദ്ദേശ സ്ഥാപന അദ്ധ്യക്ഷന്മാരുടെ യോഗം  ഇന്ന് (ജൂണ്‍ 27) രാവിലെ 10.30 ന് ജില്ലാ ആസൂത്രണ സമിതി സെക്രട്ടറിയറ്റ് ഹാളില്‍ ചേരും. ജില്ലാ പഞ്ചായത്ത് പ്രസിഡന്റ് എം.കെ റഫീഖ, ജില്ലാ കളക്ടര്‍ വി.ആര്‍ വിനോദ് തുടങ്ങിയവര്‍ പങ്കെടുക്കും.

മലപ്പുറം ജില്ലാ മൃഗസംരക്ഷണ ഓഫീസറായി  ഡോ. വി. ബിന്ദു ചുമതലയേറ്റു. പാലക്കാട് സ്വദേശിനിയാണ്