**വെൺപാലവട്ടം അങ്കണവാടിയിൽ ക്യാമ്പ് തുറന്നു

ജില്ലയിൽ രണ്ട് ദിവസമായി തുടരുന്ന ശക്തമായ മഴയിൽ 1.41 കോടി രൂപയുടെ കൃഷി നാശം റിപ്പോർട്ട് ചെയ്തു. 14.15 ഹെക്ടർ പ്രദേശത്തെ കൃഷിക്ക് നാശം സംഭവിച്ചു. വിവിധ കൃഷി മേഖലകളിലായി 289 കർഷകരെയാണ് നഷ്ടം ബാധിച്ചത്. വാഴ കൃഷിയെയാണ് മഴ ഏറെ ബാധിച്ചത്. 11.54 ഹെക്ടർ പ്രദേശത്തെ വാഴ കൃഷി മഴയിൽ നശിച്ചു. 1.05 ഹെക്ടർ പ്രദേശത്തെ പച്ചക്കറി കൃഷിയും 0.16 ഹെക്ടർ പ്രദേശത്തെ നാളികേര കൃഷിയും നശിച്ചു.  

എനർജി മാനേജ്‌മെന്റ് സെന്റർ വിദ്യാർത്ഥികൾക്കും അധ്യാപകർക്കുമായി നടത്തുന്ന ഊർജസംരക്ഷണ അവബോധപരിപാടി ഉണർവ് രണ്ടാം ഘട്ടത്തിന് വെള്ളിയാഴ്ച തുടക്കമാകും . ശ്രീകാര്യം എനർജി മാനേജ്‌മെന്റ് സെന്ററിൽ പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി ഉദ്ഘാടനം നിർവഹിക്കും. വൈദ്യുതി വകുപ്പ് മന്ത്രി കെ.കൃഷ്ണൻകുട്ടിയാണ് മുഖ്യാതിഥി. കടകംപള്ളി സുരേന്ദ്രൻ എം.എൽ.എ അധ്യക്ഷനായിരിക്കും.

കേരള തീരത്ത്  ഇന്നും (ജൂൺ 27) നാളെയും (ജൂൺ 28) ലക്ഷദ്വീപ് തീരത്ത് ഇന്നും (ജൂൺ 27) കർണാടക തീരത്ത് ജൂൺ 29 വരെയും മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്. ഈ സാഹചര്യത്തിൽ മുന്നറിയിപ്പുള്ള ദിവസങ്ങളിൽ കേരള-കർണാടക-ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകരുതെന്ന് കേന്ദ്രകാലാവസ്ഥാ വകുപ്പ് അറിയിച്ചു.
 

കേരള പബ്ലിക് സർവീസ് കമ്മീഷൻ തിരുവനന്തപുരം ജില്ലയിൽ ആരോഗ്യ മുനിസിപ്പൽ കോമൺ സർവീസസ് വകുപ്പിൽ ജൂനിയർ പബ്ലിക് ഹെൽത്ത് നഴ്‌സ് ഗ്രേഡ് 2 (കാറ്റഗറി നമ്പർ 527 2019) തസ്തികയ്ക്കായി 15.07.2023ൽ പ്രസിദ്ധീകരിച്ച 590 2023 ഡിഒറ്റി നമ്പർ റാങ്ക് പട്ടികയുടെ മുഖ്യപട്ടികയിൽ ഉൾപ്പെട്ട അവസാന ഉദ്യോഗാർത്ഥിയെ നിയമനശുപാർശ ചെയ്യാനുള്ള ഒഴിവ് ലഭിച്ച 03.01.2024 തിയതിയിൽ റാങ്ക് പട്ടിക കാലഹരണപ്പെട്ടതായി ജില്ലാ ഓഫീസർ അറിയിച്ചു. 06.02.2024 തിയതിയിൽ പ്രസിദ്ധീകരിച്ച  ഇതേ നമ്പർ വിജ്ഞാപനം പിൻവലിച്ചതായും അറിയിപ്പിൽ പറയുന്നു.

മൃഗസംരക്ഷണ വകുപ്പിന് കീഴിലുള്ള ചെറ്റച്ചൽ ജേഴ്‌സി ഫാം എക്സ്റ്റൻഷൻ യൂണിറ്റിൽ പ്രവർത്തിക്കുന്ന ഹാച്ചറിയിൽ അസിസ്റ്റന്റ്, ഇലക്ട്രീഷ്യൻ തസ്തികകളിൽ ദിവസവേതനാടിസ്ഥാനത്തിലുള്ള നിയമനത്തിനായി അഭിമുഖം നടത്തുന്നു. ഹാച്ചറി അസിസ്റ്റന്റ് തസ്തികയിൽ മൃഗസംരക്ഷണ വകുപ്പ് നടത്തുന്ന ഹാച്ചറി മാനേജ്‌മെന്റ് കോഴ്‌സ് അല്ലെങ്കിൽ വി.എച്ച്.എസ്.സി (പൗൾട്രി സയൻസ് കോഴ്‌സ് ) പാസായിരിക്കണം. മൂന്ന് ഒഴിവുകളുണ്ട്. ഹാച്ചറി ഇലക്ട്രീഷ്യൻ തസ്തികയിൽ ഐ.ടി.ഐ സർട്ടിഫിക്കറ്റ് അല്ലെങ്കിൽ ഇലക്ട്രീഷ്യൻ കോഴ്‌സ് പാസായിരിക്കണം. ഒരു ഒഴിവാണുള്ളത്.

തിരുവനന്തപുരം ജില്ലയിലെ ഭൂമിയേറ്റെടുക്കലുമായി ബന്ധപ്പെട്ട് സാമൂഹിക പ്രത്യാഘാത പഠന റിപ്പോർട്ട് വിലയിരുത്തുന്ന വിദഗ്ധ സമിതിയിൽ ആർ എഫ് സി റ്റി എൽ എ ആൻഡ് ആർ ആർ ആക്ട് (RFCTLA & RR Act ) 2013 സെക്ഷൻ 7 പ്രകാരം അനൗദ്യോഗിക സാമൂഹിക ശാസ്ത്രജ്ഞൻമാരെ നിയമിക്കുന്നതിനായി സോഷ്യോളജിയിൽ പി.എച്ച്.ഡി യോഗ്യത ഉളളവരിൽ നിന്നും അപേക്ഷ ക്ഷണിച്ചു. സമാന മേഖലയിൽ പ്രവർത്തി പരിചയം ഉളളവർക്ക് മുൻഗണന ഉണ്ടായിരിക്കും.

കൃഷി വകുപ്പ് സംസ്ഥാന ഹോർട്ടിക്കൾച്ചർ മിഷൻ മുഖേന കൂൺ കൃഷി പ്രാത്സാഹിപ്പിക്കുന്നതിയി ഉൽപ്പാദനം, സംസ്‌കരണം, മൂ

സ്റ്റേറ്റ് ട്രാൻസ്പോർട്ട് അതോറിറ്റിയുടെ ജൂലൈ മൂന്നിനു ചേരാൻ നിശ്ചയിച്ചിരുന്ന യോഗം 10ലേക്ക് മാറ്റി. അന്നേ ദിവസം രാവിലെ 11ന് വഴുതക്കാടുള്ള ട്രാൻസ് ടവറിലെ ട്രാൻസ്പോർട്ട് കമ്മീഷണറേറ്റ് കോൺഫറൻസ് ഹാളിലാണ് യോഗം.

കേരളാ മോട്ടോർ തൊഴിലാളി ക്ഷേമനിധി പദ്ധതിയിൽ അംഗങ്ങളായ കുടിശിക വരുത്തിയ തൊഴിലാളികൾക്ക് മൂന്ന് വർഷ കാലയളവു വരെയുള്ള (കോവിഡ് കാലയളവ് ഒഴികെ) കുടിശിക ഒടുക്കുന്നതിന് സെപ്റ്റംബർ 30 വരെ സമയം അനുവദിക്കും. ഈ അവസരം തൊഴിലാളികൾ പരമാവധി പ്രയോജനപ്പെടുത്തണമെന്ന് ചെയർമാൻ കെ.കെ. ദിവാകരൻ അറിയിച്ചു.

*നിലവിലെ തീയേറ്ററുകൾ ആധുനികസാങ്കേതികവിദ്യ ഉപയോഗിച്ച് നവീകരിക്കും