കോട്ടയം: വയർമാൻ എഴുത്തുപരീക്ഷ, പ്രായോഗികപരീക്ഷ 2023 ജയിച്ചവർക്കായി നടത്തുന്ന ഏകദിനപരിശീലനക്ലാസ് ജൂലൈ അഞ്ചിന് രാവിലെ ഒൻപതുമണിക്ക് കോട്ടയം തെക്കുംഗോപുരം സുവർണ ഓഡിറ്റോറിയത്തിൽ വച്ചു നടത്തുമെന്ന് ജില്ലാ ഇലക്ട്രിക്കൽ ഇൻസ്‌പെക്ടററേറ്റ് അറിയിച്ചു.

ഇടുക്കി ജില്ലാ ആശുപത്രിയില്‍ പ്രവര്‍ത്തിക്കുന്ന വിമുക്തി ഡീ-അഡിക്ഷന്‍ സെന്ററില്‍ ക്ലിനക്കല്‍ സൈക്കോളജിസ്റ്റ്, സൈക്യാട്രിക് സോഷ്യല്‍ വര്‍ക്കര്‍ തസ്തികകളിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നു. ജൂലൈ9 ന് രാവിലെ 11.00 മണി മുതല്‍ ഇടുക്കി ജില്ലാ മെഡിക്കല്‍ ആഫീസില്‍ (ആരോഗ്യം) വാക്ക് ഇന്‍ ഇന്റര്‍വ്യൂ നടക്കും. താല്‍പര്യമുള്ളവര്‍ യോഗ്യതകളുടെ അസ്സല്‍ സര്‍ട്ടിഫിക്കറ്റും സാക്ഷ്യപ്പെടുത്തിയ പകര്‍പ്പും ആധാര്‍/വോട്ടര്‍ ഐ.ഡി. എന്നിവയുടെ അസ്സലും സാക്ഷ്യപ്പെടുത്തിയ പകര്‍പ്പും സഹിതം ഹാജരാവുക.

അടിമാലി പട്ടിക വർഗ്ഗ വികസന ഓഫീസിന് കീഴിൽ നടപ്പിലാക്കുന്ന അംബേദ്ക്കർ സെറ്റിൽമെൻ്റ് ഡവലപ്മെൻ്റ് പദ്ധതിക്ക് കീഴിലെ പ്രവൃത്തികൾ സമയബന്ധിതമായി പൂർത്തിയാക്കണമെന്ന് ജില്ലാകളക്ടർ ഷീബാ ജോർജ് നിർദ്ദേശിച്ചു. ജില്ലാതല മോണിറ്ററിംഗ് കമ്മിറ്റിയിൽ അധ്യക്ഷത വഹിച്ച് സംസാരിക്കുകയായിരുന്നു അവർ.

കോട്ടയം : സംസ്ഥാന യുവജനക്ഷേമബോർഡ് ജില്ലാ യുവജനകേന്ദ്രത്തിന്റെ ആഭിമുഖ്യത്തിൽ ജില്ലാ തല ശാസ്ത്ര ക്വിസ് മത്സരം സംഘടിപ്പിച്ചു. കോട്ടയം പ്രസ് ക്ലബ്ബ് ഹാളിൽ നടന്ന പരിപാടിയിൽ ജില്ലയിലെ ഒമ്പതു നിയോജകമണ്ഡലത്തിൽ നിന്നും ഒന്നാമതെത്തിയ ടീമുകളാണ് മാറ്റുരച്ചത്. നീണ്ടൂർ എസ്.കെ.വി,ജി.എച്ച്.എസ്.എസിലെ എം. ഹരികൃഷ്ണൻ,അശ്വിൻ കൃഷ്ണ എന്നിവർ ഒന്നാം സ്ഥാനവും കടുത്തുരുത്തി ഗവ.വി.എച്ച്.എസ്.എസിലെ മറിയം ഇസബേൽ,ആൻഡ്രൂസ് ജോൺസ് ജിനീഷ് എന്നിവർ രണ്ടാം സ്ഥാനവും പനക്കച്ചിറ ജി.എച്ച്.എസിലെ അലീന ബിനു,റിയമോൾ റോയി എന്നിവർ മൂന്നാം സ്ഥാനവും നേടി.

കോട്ടയം :പെരുവ ബോയ്സ് വൊക്കേഷണൽ ഹയർ സെക്കൻഡറി സ്‌കൂളിൽ എൻഎസ്എസ് യൂണിറ്റിന്റെ ആഭിമുഖ്യത്തിൽ അന്താരാഷ്ട്ര യോഗാദിനം ആചരിച്ചു.  സ്‌കൂൾ പ്രിൻസിപ്പൽ  ഷീബ പി പോൾ ഉദ്ഘാടനം ചെയ്തു.  അനുശ്രീ ,രമ്യ എന്നിവർ യോഗ പരിശീലനത്തിന് നേതൃത്വം നൽകി. എൻഎസ്എസ് പ്രോഗ്രാം ഓഫീസർ  ജോജി അഗസ്റ്റിൻ, അധ്യാപകരായ വിഷ്ണുമോഹൻ ,അഞ്ജുമോൾ എന്നിവർ പ്രസംഗിച്ചു.

കോട്ടയം :നെഹ്‌റു യുവകേന്ദ്രയുടെ സഹകരണത്തോടു കൂടി കരൂർ റൂറൽ ഡെവലപ്പ്മെന്റ് സൊസൈറ്റിയുടെ ആഭിമുഖ്യത്തിൽ യോഗ ദിനാചരണം സംഘടിപ്പിച്ചു  .  ജില്ലാ പഞ്ചായത്തംഗം രാജേഷ് വാളിപ്ലാക്കൽ ഉദ്ഘാടനം ചെയ്തു.   നെഹ്‌റു യുവകേന്ദ്ര ജില്ലാ യൂത്ത് ഓഫീസർ എച്ച്. സച്ചിൻ  അധ്യക്ഷത വഹിച്ചു. ശാന്തി യോഗസ്രം ചെയർമാൻ മോഹൻജി യോഗ ക്ലാസുകൾ  നയിച്ചു.