സംസ്ഥാന നിയമസഭാ മണ്ഡലങ്ങളിലേക്കുള്ള പൊതുതിരഞ്ഞെടുപ്പിൽ മത്സരിക്കുന്നതിന് മാർച്ച് 23 തിങ്കളാഴ്ച വരെ  നാമനിർദേശ  പത്രിക സമർപ്പിക്കാം. പത്രികകളുടെ സൂക്ഷ്മപരിശോധന മാർച്ച് 24 ചൊവ്വാഴ്ച നടക്കും. സ്ഥാനാർത്ഥിത്വം പിൻവലിക്കാൻ ആഗ്രഹിക്കുന്നവർക്ക് മാർച്ച് 26 വ്യാഴാഴ്ച വരെ സമയം അനുവദിച്ചിട്ടുണ്ട്.

ഏപ്രിൽ ഒമ്പത് വ്യാഴാഴ്ചയാണ് വോട്ടെടുപ്പ് നടക്കുക. മെയ് നാല് തിങ്കളാഴ്ച വോട്ടെണ്ണൽ നടക്കും. തിരഞ്ഞെടുപ്പ് നടപടികൾ മെയ് ആറ് ബുധനാഴ്ചയോടെ  പൂർത്തിയാകും.

സംസ്ഥാനത്ത്   നിയമസഭാ തിരഞ്ഞെടുപ്പ് പ്രഖ്യാപിച്ചതിനാല്‍ എല്ലാ രാഷ്ട്രീയ പാര്‍ട്ടികളും മാതൃകാ പെരുമാറ്റ ചട്ടം കര്‍ശനമായി പാലിക്കണമെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ അലക്സ് വർഗീസ് പറഞ്ഞു.

തിരഞ്ഞെടുപ്പ് പ്രഖ്യാപിച്ച മാർച്ച് 15 മുതൽ മാതൃകാ പെരുമാറ്റ ചട്ടം നിലവിൽ വന്നു. തിരഞ്ഞെടുപ്പ് നടപടിക്രമങ്ങൾ അവസാനിക്കുന്നത് വരെ പെരുമാറ്റ ചട്ടം നിലനിൽക്കും. 

മേജര്‍ വെള്ളായണി ദേവീ ക്ഷേത്രത്തിലെ കാളിയൂട്ട് മഹോത്സവത്തോടനുബന്ധിച്ച് ഏപ്രില്‍ 23ന് നേമം, കല്ലിയൂര്‍, പള്ളിച്ചല്‍, ബാലരാമപുരം, വെങ്ങാനൂര്‍, തിരുവല്ലം എന്നീ ഗ്രാമപഞ്ചായത്തുകളിൽ (തിരുവനന്തപുരം നഗരസഭയില്‍ ലയിപ്പിച്ച പ്രദേശങ്ങൾ ഉൾപ്പെടെ)  പ്രാദേശിക അവധി അനുവദിച്ചതായി ജില്ലാ കളക്ടര്‍ അറിയിച്ചു.

പൊതുതിരഞ്ഞെടുപ്പുമായി ബന്ധപ്പെട്ട് പ്രവര്‍ത്തിക്കുന്ന സര്‍ക്കാര്‍ സ്ഥാപനങ്ങള്‍ ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍ സ്ഥാപനങ്ങള്‍ക്കും പ്രാദേശിക അവധി ബാധകമായിരിക്കും. മുന്‍ നിശ്ചയിച്ചിട്ടുള്ള പൊതുപരീക്ഷകള്‍ക്ക് ഈ അവധി ബാധകമായിരിക്കില്ല.

ആന്റിബയോട്ടിക് ഉപയോഗത്തിലും, ആന്റിമൈക്രോബിയല്‍ പ്രതിരോധം തടയുന്നതിലും തിരുവനന്തപുരം ജില്ല ശ്രദ്ധേയമായ നേട്ടം കൈവരിച്ചു. കേരള സര്‍ക്കാരിന്റെ 'കാര്‍സാപ്പ്' പദ്ധതിയുടെ ഭാഗമായി അംഗീകരിച്ച സ്റ്റാന്‍ഡേര്‍ഡ് ഓപ്പറേറ്റിംഗ് പ്രൊസീജിയര്‍ പ്രകാരം, ജില്ലയിലെ വിവിധ സര്‍ക്കാര്‍ ആരോഗ്യ സ്ഥാപനങ്ങളെ ആന്റിമൈക്രോബിയല്‍ സ്റ്റീവാര്‍ഡ്ഷിപ്പ് കംപ്ലയിന്റ് ഹോസ്പിറ്റലുകള്‍, ആന്റിബയോട്ടിക് സ്മാര്‍ട്ട് ഹോസ്പിറ്റലുകള്‍ എന്നിവയായി ഔദ്യോഗികമായി പ്രഖ്യാപിച്ചു.

നിയമസഭ തിരഞ്ഞെടുപ്പ് ജോലിക്കായി നിയോഗിക്കുന്ന ഉദ്യോഗസ്ഥരുടെ നിയമന പ്രക്രിയ സുഗമമാക്കുന്നതിനായി തിരഞ്ഞെടുപ്പ് കമ്മീഷൻ 'ഓർഡർ' സോഫ്റ്റ് വെയർ സജ്ജീകരിച്ചു. സോഫ്റ്റ് വെയർ നാഷണൽ ഇൻഫർമാറ്റിക്സ് സെന്ററാണ് വെബ് അധിഷ്ഠിത സോഫ്റ്റവെയറായ 'ഓർഡർ' വികസിപ്പിച്ചത്.

കേന്ദ്ര സർക്കാർ കാര്യാലയങ്ങൾ, സംസ്ഥാന സർക്കാർ ഓഫീസുകൾ, വിദ്യാഭ്യാസ സ്ഥാപനങ്ങൾ, ബോർഡുകൾ, പൊതുമേഖല സ്ഥാപനങ്ങൾ, യൂണിവേഴ്സിറ്റികൾ, പി.എസ്.സി, എയിഡഡ് സ്കൂളുകൾ/കോളേജുകൾ, സർക്കാർ നിയന്ത്രിത സ്വാശ്രയ സ്ഥാപനങ്ങൾ, ദേശസാൽകൃത ബാങ്കുകൾ എന്നിവയിൽ നിന്നാണ് പോളിംഗ് ഉദ്യോഗസ്ഥരെ നിയമിക്കുന്നത്.

താന്നിമൂട്-സില്‍ക്ക്ഫാം വള്ളിയൂരപ്പന്‍കാട്-തേമ്പാമൂട് റോഡില്‍ ടാറിംഗ് നടക്കുന്നതിനാല്‍ മാര്‍ച്ച് 18 മുതല്‍ 20വരെ ഈ റോഡിലൂടെയുള്ള ഗതാഗതം നിരോധിച്ചതായി വെഞ്ഞാറമൂട് നിരത്ത് വിഭാഗം അസിസ്റ്റന്റ് എഞ്ചിനീയര്‍ അറിയിച്ചു.

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ പ്രവർത്തനങ്ങൾ ഏകോപിപ്പിക്കുന്നതിനായി ജില്ലാ കളക്ടർ അനു കുമാരിയുടെ അദ്ധ്യക്ഷതയിൽ നോഡൽ ഓഫീസർമാരുടെ അവലോകന യോഗം ചേർന്നു. കളക്ടറേറ്റ് കോൺഫറൻസ് ഹാളിൽ തിരഞ്ഞെടുപ്പിന്റെ മുഖ്യ ചുമതലകൾ നിർവഹിക്കുന്ന നോഡൽ ഓഫീസർമാരുടെ യോഗമാണ് ചേർന്നത്.

 പോസ്റ്റൽ ബാലറ്റ്, പെരുമാറ്റചട്ടം, ഇവിഎം മാനേജ്മെന്റ്, ഹരിത പ്രോട്ടോകോൾ, സ്വീപ്പ്, ട്രെയിനിങ് തുടങ്ങിയ പ്രവർത്തനങ്ങളുടെ പുരോഗതി ജില്ലാ ഇലക്ഷൻ ഓഫീസർ കൂടിയായ കളക്ടർ വിലയിരുത്തി.

പേരൂര്‍ക്കട-എ.കെ.ജി-കൃഷ്ണനഗര്‍-കുടപ്പനക്കുന്ന് റോഡില്‍ ടാറിംഗ് പ്രവൃത്തി നടക്കുന്നതിനാല്‍ മാര്‍ച്ച് 19വരെ ഇതുവഴിയുള്ള ഗതാഗതം ഭാഗികമായി തടസ്സപ്പെടുമെന്ന് പി.ഡബ്ലു.ഡി സിറ്റി റോഡ്‌സ് സെക്ഷന്‍ അസിസ്റ്റന്റ് എഞ്ചിനീയര്‍ അറിയിച്ചു.

നിയമസഭാ തിരഞ്ഞെടുപ്പുമായി ബന്ധപ്പെട്ട് സ്ഥാനാർത്ഥികളുടെ വരവ് ചെലവ് നിരീക്ഷിക്കുന്നതിനും സ്വതന്ത്രവും   നീതിയുക്തവുമായ തിരഞ്ഞെടുപ്പ് ഉറപ്പ് വരുത്തുന്നതിനുമായി ഇലക്ഷൻ എക്സ്പെൻഡിച്ചർ മോണിറ്ററിങ് സംവിധാനം ജില്ലയിൽ പ്രവർത്തനം ആരംഭിച്ചു.

2026-ലെ നിയമസഭാ തിരഞ്ഞെടുപ്പുമായി ബന്ധപ്പെട്ട് എറണാകുളം ജില്ലയിലെ വിവിധ തിരഞ്ഞെടുപ്പ് വിഭാഗം ഉദ്യോഗസ്ഥർക്കുള്ള പരിശീലനം ഇന്ന് ( മാർച്ച് 17 )  കളക്ടറേറ്റ് കോൺഫറൻസ് ഹാളിൽ നടക്കും. തിരഞ്ഞെടുപ്പ് ചെലവ് നിരീക്ഷിക്കുന്നതിനായി നിയോഗിച്ചിട്ടുള്ള വീഡിയോ സർവൈലൻസ് ടീം, വീഡിയോ വ്യൂയിംഗ് ടീം, അക്കൗണ്ടിംഗ് ടീം എന്നിവർക്ക് രാവിലെ 10.30 നും , ഫ്ലയിംഗ് സ്ക്വാഡ്, സ്റ്റാറ്റിക് സർവൈലൻസ് ടീം എന്നിവയിലെ എക്സിക്യൂട്ടീവ് മജിസ്‌ട്രേറ്റുമാർക്ക് ഉച്ചയ്ക്ക് രണ്ടിനുമാണ്  പരിശീലനം ക്രമീകരിച്ചിരിക്കുന്നത്.