ജില്ലയിലെ ഉരുൾപൊട്ടൽ സാധ്യതയുള്ള പ്രദേശങ്ങളിലെ കാലവർഷ മുന്നൊരുക്കങ്ങൾ വിലയിരുത്താൻ ജില്ലാ കളക്ടർ ജി. പ്രിയങ്കയുടെ അധ്യക്ഷതയിൽ ഓൺലൈനായി അവലോകനയോഗം ചേർന്നു. 

കാലവർഷം ശക്തമാകുന്ന സാഹചര്യത്തിൽ  ജനങ്ങളുടെ സുരക്ഷ ഉറപ്പാക്കാൻ അതീവ ജാഗ്രത പുലർത്തണമെന്നും  പ്രതികൂല കാലാവസ്ഥയുള്ളപ്പോൾ ദുരന്തനിവാരണ അതോറിറ്റിയുമായി (ഡി ഡി എം എ)  തത്സമയ വിവരങ്ങൾ പങ്കുവെക്കണമെന്നും ജില്ലാ കളക്ടർ പറഞ്ഞു.

കുട്ടികളിൽ  ആരോഗ്യകരമായ ശീലങ്ങൾ പ്രോത്സാഹിപ്പിക്കുക എന്ന ലക്ഷ്യത്തോടെ ജില്ലയിൽ 'പാഠം ഒന്ന് - ആരോഗ്യം” ക്യാമ്പയിൻ നടപ്പിലാക്കും.

ആരോഗ്യ വകുപ്പും പൊതു വിദ്യാഭ്യാസ വകുപ്പും സംയുക്തമായാണ് ക്യാമ്പയിൻ സംഘടിപ്പിക്കുന്നത്. ആരോഗ്യകരമായ ശീലങ്ങളെക്കുറിച്ചുള്ള സന്ദേശങ്ങൾ കുട്ടികളിലേക്കും കുട്ടികളിലൂടെ കുടുംബങ്ങളിലേക്കും എത്തിക്കുകയാണ് ക്യാമ്പയിന്റെ ലക്ഷ്യം.

പകർച്ചവ്യാധി പ്രതിരോധം, ജീവിതശൈലീ രോഗ നിയന്ത്രണം, മാനസികാരോഗ്യം എന്നീ വിഷയങ്ങൾക്കൊപ്പം പുകയിലയും മറ്റ് ലഹരി വസ്തുക്കളും തടയുന്നതിനുള്ള ബോധവത്കരണ പ്രവർത്തനങ്ങളും ക്യാമ്പയിന്റെ ഭാഗമായി നടക്കും.

വേനലവധിക്ക് ശേഷം പുതിയ അധ്യയനവർഷത്തെ വരവേൽക്കാൻ ജില്ലയിലെ വിദ്യാലയങ്ങൾ പൂർണ്ണ സജ്ജം. 

ഈ വർഷത്തെ  ജില്ലാതല സ്കൂൾ പ്രവേശനോത്സവം  പേഴയ്ക്കാപ്പിള്ളി ഗവൺമെൻ്റ് ഹയർ സെക്കൻഡറി സ്കൂളിൽ നടക്കും. എംപിമാർ, എംഎൽഎമാർ,  ജില്ലാ പഞ്ചായത്ത് പ്രസിഡൻ്റ് കെ.ജി. രാധാകൃഷ്ണൻ, മറ്റു ജനപ്രതിനിധികൾ തുടങ്ങിയവർ പങ്കെടുക്കും. 

ജില്ലയിലെ ആകെ 984 സ്കൂളുകളാണുള്ളത്. ഇതിൽ 375 സർക്കാർ സ്കൂളുകളും, 514 എയ്ഡഡ് സ്കൂളുകളും, 95 അൺ-എയ്ഡഡ് സ്കൂളുകളും ഉൾപ്പെടുന്നു.

കണയന്നൂർ താലൂക്കിൽ കടമക്കുടി വില്ലേജിൽ ബ്ലോക്ക്-01 റീ-സർവ്വേ നമ്പർ 555/3-ൽ ഉൾപ്പെട്ട 01.41 ആർ പുരയിടം ഉൾപ്പെടെയുള്ള സ്ഥലം  ലേലം ചെയ്യുന്നു. ജൂൺ 30ന് കടമക്കുടി വില്ലേജിൽ വെച്ച് രാവിലെ 11 മണിക്കാണ് ലേലം നടക്കുക. കൂടുതൽ വിവരങ്ങൾക്ക് സുഭാഷ് പാർക്കിന് എതിർവശമുള്ള പാർക്ക് അവന്യൂ റോഡിലെ കണയന്നൂർ തഹസിൽദാരുടെ കാര്യാലയവുമായി ബന്ധപ്പെടേണ്ടതാണ്.

എറണാകുളം ജില്ലയിൽ നടപ്പിലാക്കി വരുന്ന വിവിധ കേന്ദ്രാവിഷ്കൃത പദ്ധതികൾ വിലയിരുത്തുന്നതിനുള്ള ജില്ലാ വികസന കോ-ഓർഡിനേഷൻ ആൻഡ്‌ മോണിറ്ററിംഗ് കമ്മിറ്റി(ദിശ)യുടെ ഈ സാമ്പത്തിക വർഷത്തിലെ ആദ്യപാദ യോഗം ചേർന്നു. എറണാകുളം ഗവൺമെൻ്റ് ഗസ്റ്റ് ഹൗസ് ബാങ്ക്വറ്റ് ഹാളിൽ നടന്ന യോഗത്തിൽ മെമ്പർ സെക്രട്ടിയും ജില്ലാ കളക്ടറുമായ ജി. പ്രിയങ്കയുടെ സാന്നിധ്യത്തിൽ ദിശ ജില്ലാ ചെയർമാൻ ഹൈബി ഈഡൻ എം.പി അധ്യക്ഷത വഹിച്ചു.

കാക്കനാട് സിവിൽ സ്റ്റേഷനിൽ പ്രവർത്തിക്കുന്ന എറണാകുളം വനിതാ സംരക്ഷണ ഓഫീസറുടെ ഔദ്യോഗിക ആവശ്യത്തിനായി കരാർ അടിസ്ഥാനത്തിൽ വാഹനം (കാർ) വാടകയ്ക്ക് നൽകുന്നതിന് താല്പര്യമുള്ള വാഹന ഉടമകളിൽ നിന്ന് ടെണ്ടറുകൾ ക്ഷണിച്ചു.
ടെണ്ടറുകൾ സമർപ്പിക്കേണ്ട അവസാന തിയതി  ജൂൺ 10 ന് ഉച്ചക്ക് 2 മണി വരെ. ഫോൺ: 8281999057/04842959296

എറണാകുളം - ബോൾഗാട്ടി പാലത്തിന്റെ (ജിഡ ഒന്നാം പാലം) ഉപരിതല പുനർനിർമ്മാണത്തിന്റെ ഭാഗമായി ഈ റോഡിൽ ട്രാഫിക് നിയന്ത്രണങ്ങൾ ഏർപ്പെടുത്തിയിരിക്കുന്നു. കാലാവസ്ഥ അനുകൂലമാണെങ്കിൽ 26, 27 ദിവസങ്ങളിൽ രാത്രി 9:00 മണി മുതൽ രാവിലെ 6:00 മണി വരെ പ്രവൃത്തി നടക്കുന്നതാണ്.നിർദ്ദിഷ്ട ദിവസങ്ങളിൽ രാത്രി 8:00 മണി മുതൽ പാലത്തിലൂടെയുള്ള വാഹന ഗതാഗതം പൂർണ്ണമായി നിരോധിച്ചിരിക്കുന്നു.
കാൽനടയാത്രക്കാർക്ക് പാലത്തിന്റെ നടപ്പാതയിലൂടെ കാൽനടയാത്ര മാത്രം അനുവദിക്കുന്നതാണ്.

കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയിൽ എറണാകുളം ജില്ലയിൽ ഒരു വർഷം അംഗത്വ കാലയളവ് പൂർത്തിയാക്കിയവരുടെ മക്കളിൽ നിന്നും 2025-2026 അദ്ധ്യയന വർഷത്തിൽ പത്താംതരത്തിൽ എല്ലാ വിഷയങ്ങൾക്കും എ പ്ലസ് നേടിയവർക്കുളള ക്യാഷ് അവാർഡിനുള്ള അപേക്ഷ ക്ഷണിച്ചു.  അപേക്ഷ സ്വീകരിക്കുന്ന അവസാന തീയതി ജൂൺ 15.
 ഓൺലൈൻ അപേക്ഷയുടെ കോപ്പിയും അനുബന്ധ രേകഖളു൦ ഓഫീസിൽ നേരിട്ട് ഹാജരാക്കേണ്ടതാണ്.
ഫോൺ:  0484-2366191 

 മത്സ്യഫെഡ് എറണാകുളം നെറ്റ് ഫാക്ടറിയിൽ വാങ്ങുന്ന , അസംസ്‌കൃതവസ്തുക്കളുടെയും മറ്റും പാക്കിംഗിന് ഉപയോഗിക്കുന്ന വേസ്റ്റ് സാമഗ്രികൾ ( കാർട്ടൻ വേസ്റ്റ്, പ്ലാസ്റ്റിക് ട്യൂബ്, പേപ്പർ ട്യൂബ്, പൊളിത്തീൻ കവറുകൾ, കാരിയർ സ്ട്രാപ്പ്)
വില്പപന നടത്തുന്നതിന് ക്വട്ടേഷൻ ക്ഷണിച്ചു.
കുട്ടേഷൻ സമർപ്പിക്കുവാനുള്ള അവസാന തീയ്യതി മെയ് 30 വൈകീട്ട് 3 വരെ

സംസ്ഥാന പൊതുവിദ്യാഭ്യാസവകുപ്പിന് കീഴിലുള്ള സ്റ്റേറ്റ് റിസോഴ്‌സ് സെന്ററിന്റെ നേതൃത്വത്തിൽ പ്രവർത്തിക്കുന്ന എസ്.ആർ.സി കമ്മ്യൂണിറ്റി കോളേജ് ജൂലൈ സെഷനിൽ ആരംഭിക്കുന്ന ഡിപ്ലോമ ഇൻ എയർലൈൻ & എയർപോർട്ട് മാനേജ്‌മെൻ്റ് (DAM) പ്രോഗ്രാമിലേക്ക് പ്ലസ്‌ ടു അഥവാ തത്തുല്യയോഗ്യതയോ ഉള്ളവർക്ക് അപേക്ഷിക്കാം.
അപേക്ഷാ ഫോറവും പ്രോസ്പെക്ടസും തിരുവനന്തപുരത്ത് നന്ദാവനം പോലീസ് ക്യാമ്പിനു സമീപം പ്രവർത്തിക്കുന്ന എസ്‌.ആർ.സി ഓഫീസിൽ നിന്നും ലഭിക്കും. വിലാസം: ഡയറക്ടർ, സ്റ്റേറ്റ് റിസോഴ്‌സ് സെൻ്റർ, നന്ദാവനം. വികാസ്‌ഭവൻ പി.ഒ. തിരുവനന്തപുരം -33.