കാസര്‍കോട് ജില്ലയില്‍ തെക്കില്‍ വില്ലേജിലെ ടാറ്റ കോവിഡ് ആശുപത്രി ടാറ്റാ ഗ്രൂപ്പ് പ്രതിനിധികളില്‍ നിന്ന് സെപ്റ്റംബര്‍ 9 ന്  ഉച്ചയ്ക്ക് 12 ന്  സംസ്ഥാന സര്‍ക്കാറിന് വേണ്ടി ജില്ലാ കളക്ടര്‍ ഡോ.ഡി.സജിത് ബാബു ഏറ്റുവാങ്ങും. മുഖ്യമന്ത്രി പിണറായി വിജയന്‍ ആശുപത്രി വീഡിയോ കോണ്‍ഫറന്‍സിലൂടെ ഉദ്ഘാടനം ചെയ്യും. റവന്യുമന്ത്രി ഇ. ചന്ദ്രശേഖരന്‍ അധ്യക്ഷത വഹിക്കും. ജില്ലയിലെ എം പി ,എം എല്‍ എ മാര്‍ മറ്റു ജനപ്രതിനിധികള്‍ ഉള്‍പ്പടെ ക്ഷണിക്കപ്പെട്ട 50 പേര്‍ പങ്കെടുക്കും. പദ്ധതി പൂര്‍ത്തിയാക്കുന്നതിന് സഹായിച്ചവര്‍ക്കുള്ള അനുമോദന പത്രം നല്‍കും.

ജില്ലയിൽ ഓണക്കാലത്തോടനുബന്ധിച്ച് കണ്ടെയിൻമെൻ്റ് സോണുകളല്ലാത്ത സ്ഥലങ്ങളിൽ മാർഗ നിർദേശങ്ങൾ പാലിച്ചുകൊണ്ട് വ്യാപാര സ്ഥാപനങ്ങൾക്ക് രാവിലെ ഏഴ് മണി മുതൽ രാത്രി ഒമ്പത് മണിവരെ തുറന്ന് പ്രവർത്തിക്കാൻ ജില്ലാ കലക്ടർ ടിവി സുഭാഷ് അനുമതി നൽകി. 

കോവിഡ് വ്യാപനം വർധിച്ച സാഹചര്യത്തിൽ അനധികൃതമായ വഴിയോരക്കച്ചവടങ്ങള്‍ അനുവദിക്കില്ല.

ജില്ലയില്‍ 102 പേര്‍ക്ക് ഇന്നലെ  (ആഗസ്ത് 27) കൊവിഡ് ബാധ സ്ഥിരീകരിച്ചു. 86 പേര്‍ക്ക് സമ്പര്‍ക്കം മൂലമാണ് രോഗബാധ. ഒരാൾ വിദേശത്ത് നിന്നും 12 പേര്‍ ഇതര സംസ്ഥാനങ്ങളില്‍ നിന്നും  നിന്നെത്തിയവരാണ്. മൂന്ന് ആരോഗ്യ പ്രവര്‍ത്തകര്‍ക്കും പുതുതായി രോഗബാധയുണ്ടായി. 

ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട  കൊവിഡ് പോസിറ്റീവ് കേസുകള്‍ 3174 ആയി. ഇവരില്‍ ഇന്നലെ രോഗമുക്തി നേടിയ 116 പേരടക്കം 2138 പേര്‍ ആശുപത്രി വിട്ടു. കൊവിഡ് സ്ഥിരീകരിച്ച 19 പേര്‍ ഉള്‍പ്പെടെ 27 പേര്‍ മരണപ്പെട്ടു. ബാക്കി 1009 പേര്‍ ആശുപത്രികളില്‍ ചികില്‍സയിലാണ്. 

സമ്പര്‍ക്കം - 86പേര്‍

കൊവിഡിന്റെ സാഹചര്യത്തില്‍ കുടുംബശ്രീയുടെ നേതൃത്വത്തില്‍ ജില്ലയില്‍ ക്ലീന്‍ പ്ലസ് ഡിസ്ഇന്‍ഫെക്ഷന്‍ സര്‍വ്വീസ് ടീം പ്രവര്‍ത്തനമാരംഭിച്ചു. ജില്ലാ ആസൂത്രണ സമിതി കോണ്‍ഫറന്‍സ് ഹാള്‍ അണുനശീകരണം നടത്തിയാണ് ഡിസ്ഇന്‍ഫെക്ഷന്‍ ടീമിന്റെ പ്രവര്‍ത്തനം ആരംഭിച്ചത്. ജില്ലാ പഞ്ചായത്ത് പ്രസിഡണ്ട് കെ വി സുമേഷ് ഉദ്ഘാടനം നിര്‍വഹിച്ചു. ടീമിനാവശ്യമായ ഉപകരണങ്ങള്‍ അദ്ദേഹം ടീം അംഗങ്ങള്‍ക്ക് കൈമാറി. കണ്ണൂര്‍ കോര്‍പ്പറേഷന്‍ പരിധിയിലെ 10 കുടുംബശ്രീ അംഗങ്ങളാണ് ഈ ഗ്രൂപ്പില്‍ ഉള്‍പ്പെടുന്നത്.

സപ്റ്റംബര്‍ ഒന്‍പതിന ഉച്ചയ്ക്ക് 12 ന് ചട്ടഞ്ചാല്‍ ടാറ്റ കോവിഡ് ആശുപത്രിയില്‍ നടക്കുന്ന ചടങ്ങില്‍ ടാറ്റാ കോവിഡ് ആശുപത്രി സംസ്ഥാന സര്‍ക്കാറിന് കൈമാറും. മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ ഉദ്ഘാടനം ചെയ്യും. റവന്യു വകുപ്പ് മന്ത്രി ഇ ചന്ദ്രശേഖരന്‍ അധ്യക്ഷതവഹിക്കും. ആരോഗ്യ സാമൂഹ്യനീതി വകുപ്പ് മന്ത്രി കെ കെ ശൈലജ  മുഖ്യപ്രഭാഷണം നടത്തും സംസ്ഥാന സര്‍ക്കാറിനു വേണ്ടി ജില്ലാ കളക്ടര്‍ ഡോ.ഡി.സജിത് ബാബുവാണ്  ആശുപത്രി ടാറ്റാ ഗ്രൂപ്പില്‍ നിന്ന് ഏറ്റുവാങ്ങുക.

കോവിഡ് നിര്‍വ്യാപനത്തിന് ജില്ലാ ഭരണ സംവിധാനം അധ്യാപകരുടെ പങ്കാളിത്തത്തോടെ വാര്‍ഡ്തല ജനജാഗത സമിതികളെ ശക്തമാക്കുന്നതിന്  രൂപം നല്‍കിയ മാഷ് പദ്ധതിയുടെ മാതൃകപരമായ നടത്തിപ്പിന് റേഡിയോ ആരംഭിച്ച ബേഡഡുക്ക ഗ്രാമ പഞ്ചായത്തിനെ ഐ ഇ സി കോവിഡ് 19 ജില്ലാതല കോര്‍ഡിനേഷന്‍ കമ്മിറ്റി യോഗം അഭിനന്ദിച്ചു. മറ്റു തദ്ദേശ ഭരണസ്ഥാപനങ്ങള്‍ക്കും മാതൃകയാക്കാവുന്ന പദ്ധതിയാണിതെന്ന് ഓണ്‍ലൈനായി സംഘടിപ്പിച്ച യോഗത്തില്‍ അധ്യക്ഷത വഹിച്ച കമ്മിറ്റി ചെയര്‍മാനായ ജില്ലാ കളക്ടര്‍ ഡോ.ഡി.സജിത് ബാബു പറഞ്ഞു. വാര്‍ഡ്തല ജാഗ്രത സമിതികളെ ശക്തിപ്പെടുത്താന്‍ അധ്യാപകരുടെ സാന്നിധ്യം സഹായിക്കും.

ജില്ലയിലെ  ആരോഗ്യമേഖലയില്‍ നടക്കുന്നത് വന്‍ മുന്നേറ്റമാണെന്ന്  തുറമുഖ പുരാവസ്തു വകുപ്പ്  മന്ത്രി രാമചന്ദ്രന്‍ കടന്നപ്പള്ളി പറഞ്ഞു. കണ്ണൂര്‍ ജില്ലാ ആശുപത്രിയില്‍ വനിതാ പേ  വാര്‍ഡ് കോംപ്ലക്‌സിന്റെ ശിലാസ്ഥാപനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.  

സുഭിക്ഷ കേരളം പദ്ധതിയുടെ ഭാഗമായി കരനെല്‍ കൃഷി ചെയ്ത മാലോത്തെ സെബാസ്റ്റ്യന്‍ അഞ്ചാനിക്കലിന്റെ കരനെല്‍കൃഷിക്ക് നൂറുമേനി വിളവ്.   ഒരു ഏക്കര്‍ സ്ഥലത്താണ് തനതു ഇനമായ തൊണ്ണൂറാന്‍ നെല്‍വിത്തു ഉപയോഗിച്ച് കരനെല്‍കൃഷിയിറക്കിയത്. ഒരു ഏക്കര്‍  കരനെല്‍കൃഷിയില്‍ നിന്നും 150 പറ നെല്‍ ലഭിക്കുമെന്നാണ് പ്രതീക്ഷ.   വിത മുതല്‍ കൊയ്ത്തു വരെ കുടുംബാഗങ്ങള്‍  തന്നെയാണ് എല്ലാ കൃഷി പണികളും ചെയ്തിരുന്നത്. കരനെല്‍ കൃഷി പുതിയ അനുഭവമാണെന്നും വരും  വര്‍ഷങ്ങളിലും കരനെല്‍കൃഷി തുടരണമെന്നാണ് ആഗ്രഹമെന്നും കര്‍ഷകനായ സെബാസ്റ്റ്യന്‍ അഞ്ചാനിക്കല്‍ പറഞ്ഞു.