റെഡ് ഈസ് ബ്ലഡ് കേരള പത്തനംതിട്ട ചാപ്റ്റര്‍ കോവിഡ് 19 പശ്ചാത്തലത്തില്‍ ജീവാമൃതം പ്ലാസ്മ ഡൊണേഷന്‍ ഡ്രൈവ് കാമ്പയിന്‍ പോസ്റ്റര്‍ പ്രകാശനം ചെയ്തു. പത്തനംതിട്ട ജനറല്‍ ആശുപത്രി ബ്ലഡ് ബാങ്ക് കൗണ്‍സിലര്‍ എം.എസ്. സുനിതയ്ക്ക് ക്യാമ്പയിന്‍ പോസ്റ്റര്‍ കൈമാറി ജില്ലാ കളക്ടര്‍ പി.ബി നൂഹ് പ്രകാശനം നിര്‍വഹിച്ചു. 

കോവിഡ് രോഗികളുടെ എണ്ണം കൂടി വരുന്ന സാഹചര്യത്തില്‍ പന്തളത്ത് കടുത്ത നിയന്ത്രണം ഏര്‍പ്പെടുത്തണമെന്ന് ചിറ്റയം ഗോപകുമാര്‍ എംഎല്‍എ. അടൂര്‍ നിയോജക മണ്ഡലത്തിലെ തദ്ദേശസ്ഥാപന അധ്യക്ഷന്മാര്‍, സെക്രട്ടറിമാര്‍, ആര്‍ഡിഒ, തഹസീല്‍ദാര്‍, അടൂര്‍ ഡിവൈഎസ്പി, പന്തളം എസ്എച്ച്ഒ, മെഡിക്കല്‍ ഓഫീസര്‍മാര്‍ എന്നിവരുടെ യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു എംഎല്‍എ. ജനങ്ങള്‍ ജാഗ്രത പാലിക്കണമെന്നും എംഎല്‍എ അഭ്യര്‍ഥിച്ചു.

കാര്‍ഷിക വികസന കര്‍ഷകക്ഷേമ വകുപ്പ് വെച്ചൂച്ചിറ ഗ്രാമപഞ്ചായത്തുമായി സഹകരിച്ച് ഓണസമൃദ്ധി ഓണവിപണി നാളെ (ആഗസ്റ്റ് 27) മുതല്‍ ആഗസ്റ്റ് 30വരെ വെച്ചൂച്ചിറ എ.ടി.എം ഓഡിറ്റോറിയത്തില്‍ നടക്കും. വിപണിയുടെ ഉദ്ഘാടനം വെച്ചൂച്ചിറ ഗ്രാമപഞ്ചായത്ത് പ്രസിഡന്റ് റോസമ്മ സ്‌കറിയ നാളെ (ആഗസ്റ്റ് 27) രാവിലെ 10.30 ന് നിര്‍വഹിക്കും.

ലൈഫ് മിഷന്‍ പദ്ധതിയില്‍ പത്തനംതിട്ട ജില്ലയില്‍ പുതിയതായി അപേക്ഷ സമര്‍പ്പിച്ചവര്‍ 17035 പേര്‍. അപേക്ഷ നല്‍കാന്‍ നാളെകൂടി(ആഗസ്റ്റ് 27) അവസരമുണ്ട്. ഇതുവരെ അപേക്ഷിച്ച 17035 പേരില്‍ 12465 ഭൂമിയുള്ള ഭവന രഹിതരും 4570 ഭൂരഹിത ഭവന രഹിതരുമാണുള്ളത്. 4344 പട്ടികജാതി വിഭാഗത്തിലുള്ളവരും 322 പട്ടികവര്‍ഗ വിഭാഗത്തിലുള്ളവരും ഇവയില്‍പെടുന്നു. 

  സംസ്ഥാനത്തില്‍ ഇതിനോടകം 6,04,213 അപേക്ഷകള്‍ ലഭിച്ചിട്ടുണ്ട്. ഇതില്‍ 1,01,369 പേര്‍ പട്ടികജാതിയിലുള്ളവരും 11,059 പട്ടികവര്‍ഗത്തിലുള്ളവരും ഉണ്ട്. 

കാര്‍ഷിക വികസന കര്‍ഷക ക്ഷേമ വകുപ്പിന്റെ ആഭിമുഖ്യത്തില്‍ കാര്‍ഷിക വിപണി ശക്തിപ്പെടുത്തല്‍ പദ്ധതി പ്രകാരം ഓണ സമൃദ്ധി 2020-21 എന്ന പേരില്‍ ആഗസ്റ്റ് 27 മുതല്‍ 30 വരെ ഓണം പഴം പച്ചക്കറി വിപണി സംഘടിപ്പിക്കും. കൃഷി വകുപ്പും അനുബന്ധ സ്ഥാപനങ്ങളായ ഹോര്‍ട്ടികോര്‍പ്പ്, വി.എഫ്പിസികെ, എന്നിവയുടെ സഹകരണത്തോടെ ജില്ലയിലെ എല്ലാ പഞ്ചായത്തുകളിലും, നഗരസഭകളിലുമായി  77 വിപണികള്‍ നടത്തും. ഓണം പഴം പച്ചക്കറി വിപണികളുടെ പത്തനംതിട്ട ജില്ലാ തല ഉദ്ഘാടനം ആഗസ്റ്റ് 26 ന് വൈകിട്ട് അഞ്ചിന് അടൂര്‍ പഴയ പ്രൈവറ്റ് ബസ് സ്റ്റാന്റിന് സമീപം ചിറ്റയം ഗോപകുമാര്‍ എംഎല്‍എ നിര്‍വഹിക്കും. 

സമ്പര്‍ക്കത്തിലൂടെ 428 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 27 പേര്‍
രോഗബാധിതരായി ചികിത്സയില്‍ 3,154 പേര്‍
ആകെ നിരീക്ഷണത്തിലുള്ളത് 42,935 പേര്‍

ശുചിത്വ നഗര പദവി കൈവരിച്ച് പൊന്നാനി നഗരസഭ. നിയമസഭാ സ്പീക്കര്‍ പി.ശ്രീരാമകൃഷ്ണന്‍ വീഡിയോ കോണ്‍ഫറന്‍സ് മുഖേന ശുചിത്വ നഗര പദവി പ്രഖ്യാപനം നടത്തി. ശുചിത്വ പദവി ലഭിക്കുന്നതിന് സംസ്ഥാന സര്‍ക്കാര്‍ നിശ്ചയിച്ചിട്ടുള്ള പതിനൊന്ന് നിബന്ധനകളില്‍ ആറെണ്ണം കൈവരിച്ചാല്‍ തന്നെ ഈ പദവി ലഭിക്കാമെന്നിരിക്കെ പതിനൊന്ന് നിബന്ധനകളും നേടിയാണ് പൊന്നാനി ഈ നേട്ടം കൈവരിച്ചത്.

മങ്കടയിലെ ഫുഡ്ക്രാഫ്റ്റ് ഇന്‍സിറ്റിറ്റിയൂട്ടില്‍ ഒരുവര്‍ഷത്തെ ഫുഡ് ആന്‍ഡ് ബിവറേജ് സര്‍വീസ്, ഫ്രണ്ട് ഓഫീസ് ഓപ്പറേഷന്‍, ഹോട്ടല്‍ അക്കോമഡേഷന്‍ ഓപ്പറേഷന്‍ എന്നീ കോഴ്‌സുകളിലേക്ക് ജനറല്‍, ഒ.ബി.സി, എസ്.സി, എസ്.ടി വിഭാഗങ്ങള്‍ക്കും  ഫുഡ് പ്രൊഡക്ഷന്‍ കോഴ്‌സിന് എസ്.സി, എസ്.ടി വിഭാഗങ്ങള്‍ക്കും സീറ്റ് ഒഴിവുണ്ട്. ഫോണ്‍: 0493 3295733, 9645078880, 9895510650.