കോവിഡ് വ്യാപനത്തെതുടർന്ന് അടച്ചിട്ട ശക്തൻ മാർക്കറ്റ് തുറന്ന് പ്രവർത്തിക്കാൻ തീരുമാനിച്ച സാഹചര്യത്തിൽ അത് സംബന്ധിച്ച മാർഗ്ഗനിർദ്ദേശങ്ങൾ ജില്ലാ കളക്ടർ ഉത്തരവിറക്കി.

കല്‍പ്പറ്റ- പനമരം- മാനന്തവാടി റൂട്ടിലോടുന്ന ഗോപിക ബസ് കണ്ടക്ര്‍ക്ക് കോവിഡ് സ്ഥിരീകരിച്ചതിനാല്‍ ഈ ബസില്‍ കഴിഞ്ഞ 14 ദിവസം യാത്ര ചെയ്തവര്‍ സ്വയം നിരീക്ഷണത്തില്‍ പോകണമെന്നും എന്തെങ്കിലും രോഗലക്ഷണങ്ങളുള്ളവര്‍ അടിയന്തരമായി ആരോഗ്യ കേന്ദ്രങ്ങളില്‍ ബന്ധപ്പെടണമെന്നും ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. കഴിഞ്ഞ രണ്ടാഴ്ചയായി എല്ലാ ദിവസവും ഇദ്ദേഹം ഡ്യൂട്ടിയില്‍ ഉണ്ടായിരുന്നു.

പട്ടിക വര്‍ഗ വികസന വകുപ്പിന്റെ പുനരധിവാസ പദ്ധതി പ്രകാരം കാലവര്‍ഷക്കെടുതി മൂലം ദുരിതമനുഭവിക്കുന്ന പുല്‍പ്പള്ളി പഞ്ചായത്തിലെ പാളക്കൊല്ലി കോളനിയില്‍ നിന്നും മാറ്റിപാര്‍പ്പിച്ച കുടുംബങ്ങള്‍ക്കായി പുല്‍പ്പള്ളി പഞ്ചായത്തിലെ മരകാവില്‍ നിര്‍മ്മാണം പൂര്‍ത്തികരിച്ച വീടുകളുടെ താക്കോല്‍ ദാന ഓണ്‍ലൈന്‍ ഉദ്ഘാടനം ഇന്ന് (ആഗസ്റ്റ് 26) വൈകീട്ട് 3 ന് പട്ടികജാതി-പട്ടികവര്‍ഗ ക്ഷേമ വകുപ്പ് മന്ത്രി എ.കെ. ബാലന്‍ നിര്‍വ്വഹിക്കും. കോവിഡ് പ്രോട്ടോക്കോള്‍ പാലിച്ച് മരകാവ് പാരിഷ് ഹാളില്‍ നടക്കുന്ന ചടങ്ങില്‍ ഐ.സി. ബാലകൃഷ്ണന്‍ എം.എല്‍.എ അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് കെ.ബി.

*32 പേര്‍ക്ക് രോഗമുക്തി*

വയനാട് ജില്ലയില്‍ ഇന്ന് (25.08.20) 37 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 11 പേര്‍ ഇതര സംസ്ഥാനങ്ങളില്‍ നിന്ന് എത്തിയവരാണ്. 26 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇവരില്‍ മൂന്നു പേരുടെ ഉറവിടം വ്യക്തമല്ല. 32 പേര്‍ ഇന്ന് രോഗമുക്തി നേടി.
 
ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 1363 ആയി. ഇതില്‍ 1100 പേര്‍ രോഗമുക്തരായി. 255 പേരാണ് ഇപ്പോള്‍ ചികിത്സയിലുള്ളത്. 245 പേര്‍ ജില്ലയിലും 10 പേര്‍ ഇതര ജില്ലകളിലും ചികിത്സയില്‍ കഴിയുന്നു.

ഓണ്‍ലൈന്‍ ക്ലാസുകള്‍ക്കായി കുട്ടികള്‍ക്ക് സൗകര്യം ഒരുക്കുന്നതിന് കല്‍പ്പറ്റ നിയോജക മണ്ഡലത്തിലെ പൊതു പഠന കേന്ദ്രങ്ങളില്‍ കെ.എസ്.എഫ്.ഇ.യുടെ സഹകരണത്തോടെ ടെലിവിഷന്‍ വാങ്ങുന്ന പദ്ധതിക്ക് സബ്സിഡി ഇനത്തില്‍ 2,75,225 രൂപ എം.എല്‍.എ. എസ്.ഡി.എഫ്.ല്‍ ഉള്‍പ്പെടുത്തി അനുവദിച്ചു. ഇതിനായി കല്‍പ്പറ്റ നഗരസഭ, മൂപ്പൈനാട്, മേപ്പാടി, വൈത്തിരി, പൊഴുതന, തരിയോട്, പടിഞ്ഞാറത്തറ, വെങ്ങപ്പള്ളി, കോട്ടത്തറ, കണിയാമ്പറ്റ, മുട്ടില്‍ എന്നീ 11 തദ്ദേശ സ്വയംഭരണ സ്ഥാപനങ്ങളില്‍ 101 ടെലിവിഷനുകള്‍ വാങ്ങുന്നതിനാണ് ഭരണാനുമതി നല്‍കിയത്.   ടെലിവിഷനുകളുടെ ആകെ ചെലവ്  11,00,900 രൂപയാണ്. ഇതില്‍ 25 ശതമാനമാണ് എം.എല്‍.എ ഫണ്ട് വിഹിതം.

ജില്ലയിലെ കേന്ദ്രാവിഷ്‌കൃത പദ്ധതികളുടെ നിര്‍വഹണം ഊര്‍ജിതപ്പെടുത്തണമെന്ന് രാഹുല്‍ ഗാന്ധി എം.പി പറഞ്ഞു. ഓണ്‍ലൈനിലൂടെ നടന്ന ദിശ-യുടെ പ്രവര്‍ത്തന പുരോഗതി അവലോകന യോഗത്തില്‍ സംസാരിക്കുകയായിരുന്നു അദ്ദേഹം. ജില്ലയിലെ മൊറട്ടോറിയം കാലയളവില്‍ അയല്‍ക്കൂട്ടങ്ങള്‍ക്കും സംഘ കര്‍ഷകര്‍ക്കും നല്‍കി വരുന്ന വായ്പ സബ്‌സിഡി  ഒഴിവാക്കുന്നതിനെതിരെ കേന്ദ്രത്തിന് കത്തെഴുതുമെന്നു രാഹുല്‍ ഗാന്ധി എം.പി പറഞ്ഞു.

സി.ബി.എസ്.ഇ. സ്‌കൂളുകളില്‍ കുട്ടികളെ ചേര്‍ക്കുന്ന രക്ഷിതാക്കള്‍ സ്‌കൂള്‍ സി.ബി.എസ്.ഇ. അഫിലിയേഷന്‍ ലഭിച്ചിട്ടുള്ളതാണോ എന്ന് www.cbseaff.nic.in വെബ്‌സൈറ്റില്‍ നിന്നോ ജില്ലാ വിദ്യാഭ്യാസ ഓഫീസില്‍ നിന്നോ ഉറപ്പ് വരുത്തണമെന്ന് ജില്ലാ വിദ്യാഭ്യാസ ഓഫീസര്‍ അറിയിച്ചു.  അഫിലിയേഷന്‍ ലഭിക്കാത്ത സ്‌കൂളുകളില്‍ പഠിക്കുന്ന കുട്ടികളെ ബോര്‍ഡ് പരീക്ഷകളില്‍ പങ്കെടുപ്പിക്കില്ലെന്ന് സി.ബി.എസ്.ഇ. അറിയിച്ചിട്ടുണ്ട്.  

പൂതാടി കുടുംബാരോഗ്യ കേന്ദ്രത്തില്‍ ഇ ഹെല്‍ത്ത് ജോലികള്‍ക്കായി കമ്പ്യൂട്ടര്‍ അസിസ്റ്റന്റിനെ നിയമിക്കുന്നതിനുള്ള കൂടിക്കാഴ്ച മാറ്റിവെച്ചു. പൂതാടി കുടുംബാരോഗ്യകേന്ദ്രവും പരിസര പ്രദേശങ്ങളും കണ്ടെയ്ന്‍മെന്റ് സോണാക്കിയതിനാലാണ് കൂടിക്കാഴ്ച മാറ്റിവെച്ചതെന്ന് മെഡിക്കല്‍ ഓഫീസര്‍ അറിയിച്ചു. അടുത്ത തീയതി പിന്നീട് അറിയിക്കും. ഫോണ്‍: 04936 211110

സുല്‍ത്താന്‍ ബത്തേരി താലൂക്ക് പരിധിയിലെ പൊതുജനങ്ങളുടെ പരാതി പരിഹരിക്കുന്നതിനായി ജില്ലാ കളക്ടര്‍ ആഗസ്റ്റ് 27 ന് നടത്താനിരുന്ന പരാതി പരിഹാര അദാലത്ത് മാറ്റി.  പുതുക്കിയ തീയതി പിന്നീട് അറിയിക്കും.

ജില്ലയുടെ സമഗ്ര വികസനത്തിന് കുതിപ്പേകി പൊതുമരാമത്ത് വകുപ്പിന്റെ കീഴിലുള്ള ജില്ലയിലെ ആറ് റോഡുകള്‍ ഇന്ന് (26.08.20) പൊതുമരാമത്ത്- രജിസ്‌ട്രേഷന്‍ വകുപ്പ് മന്ത്രി ജി.സുധാകരന്‍ ഓണ്‍ലൈന്‍ വഴി ഉദ്ഘാടനം ചെയ്യും. കല്‍പ്പറ്റ, ബത്തേരി നിയോജക മണ്ഡലങ്ങളിലെ മൂന്ന് വീതം റോഡുകളുടെ പ്രവൃത്തി- പ്രവൃത്തി പൂര്‍ത്തീകരണ ഉദ്ഘാടനങ്ങളാണ് നിര്‍വഹിക്കുന്നത്.