തൃക്കരിപ്പൂരിനെ തരിശുരഹിത പഞ്ചായത്താക്കിയുള്ള  ഔദ്യോഗിക പ്രഖ്യാപനം  റവന്യൂ- ഭവന നിര്‍മ്മാണ വകുപ്പ് മന്ത്രി ഇ.ചന്ദ്രശേഖരന്‍ വിഡിയോകോണ്‍ഫറന്‍സ് വഴി നിര്‍വഹിച്ചു.  കോവിഡ് കാലത്ത് നമ്മുടെ മണ്ണില്‍ കൃഷി ചെയ്ത് കാര്‍ഷിക മേഖലയെ സമ്പന്നമാക്കി നാടിനോടുള്ള വലിയ ഉത്തരവാദിത്വമാണ് നാം ഓരോരുത്തരും നിറവേറ്റുന്നതെന്ന് മന്ത്രി പറഞ്ഞു.തരിശുപാടങ്ങളും നിലങ്ങളും കൃഷിയോഗ്യമാക്കിയ തൃക്കരിപ്പൂര്‍ ഗ്രാമപഞ്ചായത്തിന്റെ വിജയം  മാതൃകാപരമാണെന്ന് അദ്ദേഹം അഭിപ്രായപ്പെട്ടു. ഗ്രാമ പഞ്ചായത്ത് പ്രസിഡണ്ട് വി.പി. ഫൗസിയ അധ്യക്ഷത വഹിച്ചു.ഹരിത കേരളം മിഷന്‍ എക്സിക്യൂട്ടീവ് വൈസ് ചെയര്‍പേഴ്സണ്‍ ഡോ: ടി.എന്‍.

കോവിഡ് പ്രതിരോധ പ്രവര്‍ത്തനത്തിന്റെ ഭാഗമായി  സര്‍ക്കാര്‍  രൂപം നല്‍കിയ കോവിഡ് ബ്രിഗേഡിന്റെ ആദ്യ സംഘം ഇന്ന് (ഓഗസ്റ്റ് 26)മുതല്‍ ജില്ലയിലെ സിഎഫ്എല്‍ടിസികളില്‍ കര്‍മ്മനിരതരാവും.

സുഭിക്ഷ കേരളം പദ്ധതിയുടെ ജില്ലതല ഡോക്യൂമെന്റേഷന്‍ നീലേശ്വരം കടിഞ്ഞിമൂലയില്‍ ആരംഭിച്ചു.  ഡോക്യൂമെന്റേഷന്‍ സിപി സി ആര്‍ ഐ പ്രിന്‍സിപ്പല്‍  സയന്റിസ്റ്റ് ഡോ സി തമ്പാന്റെ നേതൃത്വത്തില്‍ കൃഷി ഓഫീസര്‍മാരുടെ സഹകരണത്തോടെയാണ്  തയ്യറാക്കുന്നത്. തരിശ് നിലങ്ങളിലെ കൃഷിയുടെ സാധ്യതയും ഈ പദ്ധതിയിലൂടെ കൃഷിയിലേക്ക് കടന്നു വന്നവരുടെ  അനുഭവങ്ങളുമാണ് ഓരോ ഘട്ടത്തിലും ഡോക്യുമെന്റ് ചെയ്യുന്നത്.

മത്സ്യ വകുപ്പിന്റെ കീഴിൽ പൊതുകുളങ്ങളിൽ മത്സ്യകൃഷി പ്രോത്സാഹിപ്പിക്കുന്നതിന്റെ ഭാഗമായി കുമ്പള പഞ്ചായത്തിന്റെ അധീനതയിലുള്ള കൊടിയമ്മ ചത്രം പള്ളം, കജൂർ പള്ളം എന്നിവിടങ്ങളിൽ മത്സ്യക്കുഞ്ഞുങ്ങളെ നിക്ഷേപിച്ചു. എട്ട് മാസം കൊണ്ട് രണ്ട് കിലോ വരെ വളർച്ചയെത്തുന്ന മത്സ്യങ്ങളാണ് കൃഷി ചെയ്യുന്നത്. കുടുംബശ്രീ അയൽക്കൂട്ടങ്ങൾക്കാണ് മേൽനോട്ട ചുമതല. ഇതിനാവശ്യമായ തുക സി ഇ എഫ് പദ്ധതിയിൽ പെടുത്തി പലിശരഹിത വായ്പയായി കുടുംബശ്രീ നൽകും. പദ്ധതി കുമ്പള ഗ്രാമ പഞ്ചായത്ത് പ്രസിഡന്റ് കെ എൽ പൂണ്ടരീകാക്ഷ ഉൽഘാടനം ചെയ്തു. വൈസ് പ്രസിഡന്റ്  ഗീത ഷെട്ടി അധ്യക്ഷത വഹിച്ചു.

നമ്മുടെ ഓണത്തിന് നമ്മുടെ നാട്ടിലെ പൂക്കൾ, സംസ്ഥാന സർക്കാർ ഏറ്റെടുത്ത കാസർകോടിന്റെ ക്യാമ്പയിനിന് മാതൃകയൊരുക്കി പുല്ലൂർ പെരിയ പഞ്ചായത്ത്. 31 ഏക്കർ സ്ഥലത്ത് പത്ത് പ്ലോട്ടുകളിലാക്കി തിരിച്ച് നടത്തിയ മിശ്ര കൃഷിക്ക് വരമ്പുകളിൽ നിറയെ മഞ്ഞയും ഓറഞ്ചും നിറത്തിൽ മല്ലികപൂ നിറഞ്ഞു. പൂവിളികളുയർന്നതോടെ നാടാകെ പൂക്കൊട്ടകളുമായി ഗ്രാമീണതയിലേക്ക് അലിഞ്ഞ് നാട്ടു പൂക്കൾ ശേഖരിക്കുമ്പോൾ കൃഷിയിടത്തിൽ പൂക്കൾ വിരിയിച്ച് മാതൃകയാവുകയാണ് ഈ പഞ്ചായത്ത്. സുഭിക്ഷകേരളം പദ്ധതിയുടെ ഭാഗമായി ചാലിങ്കാൽ രാവണേശ്വരം പാതയോരത്ത് തരിശ്ശായി കിടന്ന് തീപ്പിടുത്തം കൂടുതൽ റിപ്പോർട്ട് ചെയ്യപ്പെട്ട പ്രദേശമാണ് കൃഷിക്കായി തിരഞ്ഞെടുത്തത്.

കോവിഡാനന്തരം നാടിന്റെ ഭക്ഷ്യ സുരക്ഷ ഉറപ്പാക്കാൻ ബേഡകത്തെ ബാല്യകാല സുഹൃത്തുക്കൾ ഒന്നിച്ചു. മധ്യവയ്ക്കരായ ഒരു സംഘം നാട്ടുകാരാണ് കാടുമൂടിക്കിടന്ന 11 ഏക്കർ തരിശ് ഭൂമിയിൽ പൊന്നു വിളയിക്കാനൊരുങ്ങുന്നത്. പാമ്പു പഴുതാരയും കയറിക്കിടന്ന നാട്ടുകാർ കയറാൻ ഭയന്നു നടന്ന പ്രദേശത്തെ ബാല്യകാല സുഹൃത്തുക്കൾ കൃഷിയിടമാക്കുകയായിരുന്നു. മൂന്ന് വിളവ് നടത്താവുന്ന കൃഷിയിടത്തിലേക്ക് പ്രവാസികളും നാട്ടിലെ കർഷകരുമായ സുഹൃത്തുക്കൾ ഒന്നിച്ചു. ഒപ്പം യുവാക്കൾ കൂടെ ചേർന്നപ്പോൾ സംഗതി തകർത്തു.

കോവിഡ് വ്യാപനത്തിന്റെ പശ്ചാത്തലത്തിൽ തൃശൂർ ജില്ലാ ഫയർ ഓഫീസ് ജീവനക്കാർക്കും സന്ദർശകർക്കും വേണ്ടി ഇലക്ട്രോണിക് രജിസ്റ്റർ ആരംഭിച്ചു. സന്ദർശകരുടെ പേര്, മൊബൈൽ നമ്പർ, സ്ഥലം, തീയതി, സമയം, എന്നിവ ഓട്ടോമാറ്റിക്കായി ഇ ബുക്കിൽ രേഖപ്പെടുത്തുന്ന സംവിധാനമാണിത്. ആവശ്യ സമയങ്ങളിൽ ഇതിൽ നിന്ന് പ്രിന്റ് എടുത്തും സൂക്ഷിക്കാവുന്നതാണ്.

പഴയന്നൂർ ബ്ലോക്ക് പഞ്ചായത്ത് പരിധിയിൽ 2020 മാർച്ച് 31നകം 100 ദിവസം തൊഴിൽദിനങ്ങൾ പൂർത്തിയാക്കിയ മുഴുവൻ കുടുംബത്തിനും ആയിരം രൂപ ഓണം പ്രത്യേക ഉത്സവ ബത്തയായി നൽകും. ബ്ലോക്ക് പരിധിയിൽ 3559 കുടുംബങ്ങളാണ് 100 ദിവസം പൂർത്തിയാക്കിയത്. 150 ദിവസം പൂർത്തിയാക്കിയ 17 കുടുംബങ്ങളുണ്ട്. ലക്ഷ്യം വെച്ചതിനെക്കൾ 181.19 ശതമാനമാണ് കൈവരിക്കാൻ കഴിഞ്ഞത്. ചേലക്കര 613, കൊണ്ടാഴി 625, പാഞ്ഞാൾ 445, പഴയന്നൂർ 1208, തിരുവില്വാമല 429, വള്ളത്തോൾനഗർ 239 എന്നീ ക്രമത്തിലാണ് 100 ദിവസം പൂർത്തിയാക്കിയ കുടുംബങ്ങൾ.

ദേശീയ സമ്പാദ്യ പദ്ധതി ഓഫീസുമായി ബന്ധപ്പെട്ട് പ്രവർത്തിക്കുന്ന എംപികെബിവൈ/എസ്എഎസ് ഏജന്റുമാരുടെ കാലാവധി കഴിഞ്ഞ നാഷ്ണൽ സേവിങ്‌സ് സർട്ടിഫിക്കറ്റുകൾ റിലീസ് ചെയ്ത് തീർപ്പാക്കുന്നു. ബന്ധപ്പെട്ട രേഖകളും തിരിച്ചറിയൽ രേഖകളുമായി അപേക്ഷ നൽകി ഒരു മാസത്തിനകം തിരികെ കൈപ്പറ്റണം. വൈകിയാൽ സർട്ടിഫിക്കറ്റുകൾ സർക്കാരിലേക്ക് കണ്ട് കെട്ടും. വിശദ വിവരങ്ങൾക്ക് കളക്റ്ററേറ്റിൽ പ്രവർത്തിക്കുന്ന ദേശീയ സമ്പാദ്യ പദ്ധതി ഓഫീസിൽ ബന്ധപ്പെടുക. ഫോൺ: 0487 2361566.