കോവിഡ് പ്രോട്ടോകോൾ പാലിക്കണം

കോവിഡ് 19 നിയന്ത്രമവിധേയമല്ലാത്ത സാഹചര്യത്തില്‍ മാര്‍ക്കറ്റുകളിലെ തിരക്കും ജനങ്ങള്‍ ഒത്തുചേരുന്നതും  ഒഴിവാക്കാന്‍  ജില്ലയില്‍ നിയന്ത്രണങ്ങള്‍ ഏര്‍പ്പെടുത്തി ജില്ലാ കലക്ടര്‍ എസ്. സാംബശിവറാവു ഉത്തരവിട്ടു.  

വാഹനരജിസ്‌ട്രേഷൻ റദ്ദാക്കാനുള്ള അപേക്ഷകൾ ഇനി അറിയിപ്പ് ഉണ്ടാകുന്നതുവരെ രജിസ്റ്റേർഡ് ആയോ നേരിട്ടോ മാത്രമെ സ്വീകരിക്കുകയുള്ളൂവെന്ന് ട്രാൻസ്പോർട്ട് കമ്മീഷണർ അറിയിച്ചു. മുൻപ് ഓൺലൈനായി അപേക്ഷിക്കാമായിരുന്നു. വാഹനത്തിന്റെ സാധുവായ ഇൻഷുറൻസ് സർട്ടിഫിക്കറ്റ്, ഫിറ്റ്‌നസ് സർട്ടിഫിക്കറ്റ്, പുക പരിശോധനാ സർട്ടിഫിക്കറ്റ് എന്നിവ ഹാജരാക്കേണ്ടതില്ല. വാഹനം ഉപയോഗിച്ച ദിവസം വരെയുള്ള ഫിറ്റ്‌നസ് സർട്ടിഫിക്കറ്റ് ഹാജരാക്കാത്തവരിൽ നിന്നും പിഴ ഈടാക്കും. രജിസ്‌ട്രേഷൻ റദ്ദാക്കുന്നതിന് രജിസ്‌ട്രേഷൻ സർട്ടിഫിക്കറ്റും അനുബന്ധ രേഖകളും ബന്ധപ്പെട്ട ഓഫീസിൽ ഹാജരാക്കണം.
പി.എൻ.എക്‌സ്. 2928/2020

കേരള സംസ്ഥാന സഹകരണ യൂണിയന് കീഴിൽ പ്രവർത്തിക്കുന്ന സഹകരണ പരിശീലന കോളേജുകളിലെ 2020-21 വർഷത്തെ എച്ച്.ഡി.സി ആന്റ് ബി.എം കോഴ്‌സിന് അപേക്ഷ ക്ഷണിച്ചു. ബിരുദമാണ് അടിസ്ഥാന യോഗ്യത. ആഗസ്റ്റ് 27 മുതൽ ഓൺലൈനായി അപേക്ഷ സമർപ്പിക്കാം. അവസാന തീയതി സെപ്റ്റംബർ 30 ആണ്. അപേക്ഷ സമർപ്പിക്കാനും വിശദ വിവരത്തിനും www.scu.kerala.gov.in എന്ന വെബ്‌സൈറ്റ് സന്ദർശിക്കുക.
പി.എൻ.എക്‌സ്. 2927/2020

സംസ്ഥാനത്തെ പെൻഷൻകാരായ അങ്കണവാടി ജീവനക്കാർക്ക് ഓണത്തോടനുബന്ധിച്ച് പ്രത്യേക ധനസഹായം അനുവദിച്ച് വനിത ശിശുവികസന വകുപ്പ് ഉത്തരവ് പുറപ്പെടുവിച്ചതായി ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചർ അറിയിച്ചു. പെൻഷൻകാരായ അങ്കണവാടി വർക്കർമാർക്കും ഹെൽപ്പർമാർക്കും 1000 രൂപയാണ് ഓണത്തോടനുബന്ധിച്ച് പ്രത്യേക ധനസഹായം അനുവദിക്കുന്നത്. ഇതിനാവശ്യമായ തുക കേരള അങ്കണവാടി വർക്കേഴ്‌സ് ആന്റ് ഹെൽപ്പേഴ്‌സ് ക്ഷേമനിധി ബോർഡ് അക്കൗണ്ടിൽ നിന്നും തത്ക്കാലം വഹിക്കുന്നതിനും അനുമതി നൽകി. ഇതിനാവശ്യമായ തുകയുടെ 50 ശതമാനം സർക്കാർ പിന്നീട് ബോർഡിന് അനുവദിക്കുമെന്നും മന്ത്രി വ്യക്തമാക്കി.

പന്തളം കടയ്ക്കാട് പ്രദേശത്ത് കോവിഡ് രോഗികളുടെ എണ്ണം കൂടിയ സാഹചര്യത്തില്‍ നഗരസഭയിലെ വിവിധ പ്രദേശങ്ങളില്‍ കടുത്ത നിയന്ത്രണം ഏര്‍പ്പെടുത്തുന്നതിന്റെ ഭാഗമായി സ്ഥിതി വിലയിരുത്തുന്നതിന് ചിറ്റയം ഗോപകുമാര്‍ എംഎല്‍എയും ജില്ലാ കളക്ടര്‍ പി.ബി നൂഹും സ്ഥലങ്ങള്‍ സന്ദര്‍ശിച്ചു.

വര്‍ത്തിച്ചുകൊണ്ടിരിക്കുന്ന കോവിഡ് വാര്‍ റൂമിനോടനുബന്ധിച്ച്  കോള്‍ സെന്റര്‍ ഇന്ന് (25)  പ്രവര്‍ത്തനം ആരംഭിക്കും.  റവന്യൂ, ആരോഗ്യം, പോലീസ്, മോട്ടോര്‍ ട്രാന്‍സ്‌പോര്‍ട്ട്, തദ്ദേശ സ്വയംഭരണം, പി.ആര്‍.ഡി  എന്നീ വകുപ്പുകളുടെ സഹകരണത്തോടെയാണ് വാര്‍ റൂം പ്രവര്‍ത്തിക്കുന്നത്.
കോവിഡ് സംബന്ധിച്ച സംശയ നിവാരണത്തിനും പരാതികള്‍ അറിയിക്കുന്നതിനും താഴെ ചേര്‍ത്തിരിക്കുന്ന ടോള്‍ ഫ്രീ നമ്പറില്‍ 24 മണിക്കൂറും ബന്ധപ്പെടാം. ടോള്‍ ഫ്രീ നമ്പര്‍ 18004255640.
 

പൈനാവ് കേന്ദ്രീയ വിദ്യാലയത്തില്‍ ഒന്നാം ക്ലാസിലേക്ക് പട്ടികജാതി-9, പട്ടികവര്‍ഗ്ഗം-2, പിന്നോക്കവിഭാഗം-9,  ആര്‍.ടി.ഇ-3 , ജനറല്‍ വിഭാഗം-19 എന്നീ സീറ്റുകളിലേക്ക് ഒഴിവുണ്ട്. അപേക്ഷ ഫോം www.kvidukki.gov.in എന്ന വെബ്‌സൈറ്റില്‍ നിന്ന് ഡൗണ്‍ലോഡ് ചെയ്ത് പൂരിപ്പിച്ച് സെപ്തംബര്‍ 5 വൈകിട്ട് നാലുമണിക്ക് മുമ്പായി നേരിട്ടോ തപാലിലോ സമര്‍പ്പിക്കണം. വിവരങ്ങള്‍ക്ക് ഫോണ്‍ 04862 232205, 9495800741, 9497505303.
 

ചുരുളി- ആല്‍പ്പാറ- ഉമ്മന്‍ചാണ്ടി കോളനി- കഞ്ഞിക്കുഴി- തെക്കേമല റോഡില്‍ കി.മീ 10/700ല്‍ കലുങ്ക് നിര്‍മ്മാണ പ്രവൃത്തികള്‍ ആരംഭിക്കുന്നതിനാല്‍ ഈ റോഡിലൂടെയുള്ള ഗതാഗതം ഓഗസ്റ്റ് 27 മുതല്‍ 30 ദിവസത്തേക്ക് തടസ്സപ്പെടും. വാഹനങ്ങള്‍ കൊച്ചുചേലച്ചുവട് -ആല്‍പ്പാറ വഴി തിരിഞ്ഞുപോകണം.
 

ത്തിന്റെയും പുതിയ മന്ദിരത്തിന്റെയും ഉദ്ഘാടനം  നാളെ (ഓഗസ്റ്റ് 27) ഉച്ചയ്ക്ക് 12ന് വീഡിയോ കോണ്‍ഫറന്‍സിലൂടെ മുഖ്യമന്ത്രി പിണറായി വിജയന്‍ നിര്‍വഹിക്കും.
  ആരോഗ്യ- കുടുംബ ക്ഷേമ വകുപ്പ് മന്ത്രി കെ.കെ ശൈലജടീച്ചര്‍ അധ്യക്ഷത വഹിക്കും, വൈദ്യുതി വകുപ്പ് മന്ത്രി എം.എം മണി മുഖ്യപ്രഭാഷണം നടത്തും. അഡ്വ. ഡീന്‍ കുര്യാക്കോസ് എംപി മുഖ്യാതിഥിയായിരിക്കും. റോഷി അഗസ്റ്റിന്‍ എംഎല്‍എ സ്വാഗതമാശംസിക്കും. ആശുപത്രി വികസന സമിതി ചെയര്‍മാനായ ജില്ലാ കളക്ടര്‍ എച്ച്. ദിനേശന്‍ റിപ്പോര്‍ട്ട് അവതരിപ്പിക്കും.