കോവിഡ് പശ്ചാത്തലത്തിൽ മാറ്റിവെച്ച ഡി.എഡ്/ഡി.എൽ.എഡ് പരീക്ഷകൾ സെപ്റ്റംബർ 22 മുതൽ 29 വരെയുള്ള തീയതികളിൽ നടത്തും. പുതുക്കിയ പരീക്ഷാ ടൈംടേബിൾ  www.keralapareekshabhavan.in  എന്ന പരീക്ഷാ ഭവന്റെ വെബ്സൈറ്റിൽ ലഭ്യമാണ്.
പി.എൻ.എക്‌സ്. 2932/2020

'അക്ഷരവൃക്ഷം' പദ്ധതിയുടെ ഭാഗമായി കോവിഡ്-19 കാലത്ത് 56399 രചനകൾ കുട്ടികൾക്ക് അപ്ലോഡ് ചെയ്യാനും അവ പൊതു ഡൊമൈനിൽ പ്രസിദ്ധീകരിക്കാനും ഡിജിറ്റൽ പ്ലാറ്റ്‌ഫോം സ്‌കൂൾ വിക്കിയിൽ ഒരുക്കിയതിന് കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്) ന് ഡിജിറ്റൽ ടെക്നോളജി സഭ എക്സലൻസ് അവാർഡ് ലഭിച്ചു. സർക്കാർ മേഖലയിൽ രാജ്യത്തെ മികച്ച എൻറർപ്രൈസ് ആപ്ലിക്കേഷൻസ് (ഇ.ആർ.പി/എസ്.സി.എം/സി.ആർ.എം) വിഭാഗത്തിലാണ് 'സ്‌കൂൾ വിക്കി'ക്ക് അവാർഡ്.  വീഡിയോ കോൺഫറൻസിംഗ് വഴി നടന്ന അവാർഡ് ദാന ചടങ്ങിൽ കൈറ്റ് സി.ഇ.ഒ. കെ. അൻവർ സാദത്ത് അവാർഡ് സ്വീകരിച്ചു.

കൈറ്റ് വിക്ടേഴ്സിൽ സ്‌കൂൾ കുട്ടികൾക്കായി ആരംഭിച്ച 'ഫസ്റ്റ്ബെൽ' ഡിജിറ്റൽ ക്ലാസുകളുടെ ഭാഗമായി മാനസിക-ശാരീരിക വികാസം ലക്ഷ്യമിട്ടുള്ള പുതിയ പരിപാടിയായ കായികവിദ്യാഭ്യാസം കൂടി ഉൾപ്പെടുത്തുന്നു. ആഗസ്റ്റ് 27 വ്യാഴാഴ്ച രാവിലെ 10.30-ന് ഒന്നു മുതൽ നാല് വരെയുള്ള കുട്ടികൾക്ക് പൊതുവായുള്ള ആദ്യ ക്ലാസ്  സംപ്രേഷണം ചെയ്യും.
പി.എൻ.എക്‌സ്. 2930/2020

കേന്ദ്ര ന്യൂനപക്ഷകാര്യ മന്ത്രാലയം കേരളത്തിലെ ന്യൂനപക്ഷ സമുദായങ്ങളായ മുസ്ലീം/ക്രിസ്ത്യൻ/സിഖ്/ബുദ്ധ/പാഴ്‌സി/ജൈന സമുദായങ്ങളിൽപ്പെട്ട +1 മുതൽ പി.എച്ച്.ഡി വരെ പഠിക്കുന്ന വിദ്യാർഥികൾക്ക് 2020-21 വർഷത്തിൽ നൽകുന്ന പോസ്റ്റ്‌മെട്രിക് സ്‌കോളർഷിപ്പിന് അപേക്ഷ ക്ഷണിച്ചു.

*

രോഗമുക്തി 140

സംസ്ഥാന സർക്കാർ ഉന്നത വിദ്യാഭ്യാസ വകുപ്പ് കീഴിലുള്ള കോടഞ്ചേരി ഗവ. കോളജ് മികവിന്റെ  കേന്ദ്രമാക്കുന്ന പദ്ധതിയുടെ ഭാഗമായി കോളേജിന് അനുവദിച്ച ആധുനിക ലൈബ്രറി ബ്ലോക്കിന്റെ  പ്രവൃത്തി ഉദ്ഘാടനം 27 ന് നടക്കും. രാവിലെ 10 മണിക്ക് നടക്കുന്ന ചടങ്ങിൽ ജോർജ് എ തോമസ് എംഎൽഎ പ്രവൃത്തി ഉദ്ഘാടനം നിർവഹിക്കും.

ജില്ലാ പഞ്ചായത്തും ചേമഞ്ചേരി ഗ്രാമ പഞ്ചായത്തും സംയുക്തമായി കാപ്പാട് കടലോരത്ത് 1.10 കോടി രൂപ ചെലവില്‍ നിര്‍മ്മിച്ച ആധുനിക ഹൈടെക്ക് ശ്മാശാനം ഇന്ന് (ബുധൻ) വൈകീട്ട് നാല് മണിക്ക് കെ. ദാസന്‍ എം.എല്‍.എ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, ജനപ്രതിനിധികൾ, തദ്ദേശ സ്വയംഭരണ സ്ഥാപന പ്രതിനിധികൾ ഉള്‍പ്പടെയുളളവര്‍ പങ്കെടുക്കും.

ശ്മശാനം നിര്‍മ്മിക്കാന്‍ കെ.ദാസന്‍ എം.എല്‍.എ 42 ലക്ഷം രൂപയും, ജില്ലാ പഞ്ചായത്ത് 40 ലക്ഷവും, ചേമഞ്ചേരി ഗ്രാമ പഞ്ചായത്ത് 28 ലക്ഷം രൂപയുമാണ് നല്‍കിയത്. വിശ്രാന്തിയെന്നാണ് ശ്മശാനത്തിന് പേര് നല്‍കിയത്.

കോഴിക്കോടിനെ ഭിന്നശേഷി സൗഹൃദ നഗരമായി പ്രഖ്യാപിക്കാനുള്ള നടപടി സ്വീകരിക്കുമെന്ന് മേയർ തോട്ടത്തിൽ രവീന്ദ്രൻ പറഞ്ഞു.  ജില്ലയിലെ കെട്ടിട നിർമാണങ്ങൾ ഭിന്നശേഷിസൗഹൃദമാക്കുന്നതുമായി ബന്ധപ്പെട്ട് നടത്തിയ ശിൽപശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.