രോഗമുക്തി 193

ജില്ലയില്‍ ഇന്ന് 244 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ  മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ മൂന്ന് പേര്‍ക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ എട്ട് പേര്‍ക്കുമാണ് പോസിറ്റീവായത്. 15 പേരുടെ ഉറവിടം വ്യക്തമല്ല. സമ്പര്‍ക്കം വഴി 218 പേര്‍ക്കാണ് രോഗം ബാധിച്ചത്. മൂന്ന് ആരോഗ്യപ്രവര്‍ത്തകര്‍ക്കും പോസിറ്റീവായി. കടലുണ്ടിയില്‍ 68 പേര്‍ക്കും കോര്‍പ്പറേഷന്‍ പരിധിയില്‍ 41 പേര്‍ക്കും സമ്പര്‍ക്കം വഴി രോഗം ബാധിച്ചു. ചികിത്സയിലുളള കോഴിക്കോട് സ്വദേശികളുടെ എണ്ണം 1783 ആയി.

അധ്യാപക ദിനത്തില്‍ അധ്യാപക ദമ്പതിമാരെ നീലേശ്വരം നഗരസഭ സംഘം വീട്ടില്‍ ചെന്ന് ആദരിച്ചു. പടിഞ്ഞാറ്റംകൊഴുവലിലെ അധ്യാപക ശ്രേഷ്ഠനായ എം.ശങ്കരന്‍ നമ്പ്യാര്‍മാസ്റ്റര്‍ - സി.എം.ഭാര്‍ഗ്ഗവി ടീച്ചര്‍ ദമ്പതിമാര്‍, രാമരം മുഹമ്മദ്മാസ്റ്റര്‍ - ലൈലടീച്ചര്‍ ദമ്പതിമാര്‍, പട്ടേനയിലെ പി.വി.കുഞ്ഞിരാമന്‍ മാസ്റ്റര്‍ - പത്മാവതി ടീച്ചര്‍ ദമ്പതിമാര്‍ എന്നിവരെയാണ് അധ്യാപക ദിനത്തില്‍ രാവിലെ അവരവരുടെ വീടുകളില്‍ എത്തി നഗരസഭ സംഘം ആദരിച്ചത്.

കോവിഡ് കാലത്ത് മാസ്‌ക്, സാനിറ്റൈസര്‍ നിര്‍മ്മാണത്തിലും സമൂഹ അടുക്കളകളില്‍ ഭക്ഷണമൊരുക്കിയും പ്രതിരോധ നിരയില്‍ അണിനിരന്ന കുടുംബശ്രീ പുതിയ ദൗത്യവുമായി എത്തുന്നു. മികച്ച പരിശീലനത്തിലൂടെ അണുനശീകരണ രംഗത്തും സജീവമാകാന്‍ തയ്യാറെടുക്കുകയാണ്  ജില്ലയിലെ കുടുംബശ്രീ പ്രവര്‍ത്തകര്‍. തദ്ദേശ സ്വയംഭരണ സ്ഥാപനങ്ങളില്‍ മാലിന്യ നിര്‍മ്മാര്‍ജ്ജന രംഗത്ത് പ്രവര്‍ത്തിച്ചു വരുന്ന കുടുംബശ്രീ അംഗങ്ങളായ ഹരിത കര്‍മ്മസേന വളണ്ടിയര്‍മാരാണ് അണുനശീകരണത്തിനെത്തുന്നത്.

കോവിഡ് 19 ചികില്‍സാ രംഗത്ത് ചരിത്രം സൃഷ്ടിച്ചു കൊണ്ട് കേരളത്തില്‍ ആദ്യമായി ജില്ലയില്‍ തുടങ്ങിയ ഗൃഹചികില്‍സ പദ്ധതിയിലും നീലേശ്വരം നഗരസഭ മുന്നില്‍. ഓഗസ്റ്റ് 13 നാണ് നീലേശ്വരത്ത് ഗൃഹചികില്‍സ പദ്ധതി ആരംഭിച്ചത്. നീലേശ്വരം നഗരസഭയില്‍ ഇതിനകം    92 കോവിഡ് രോഗികളെയാണ് ഗൃഹചികില്‍സ പദ്ധതിയില്‍ ഉള്‍പ്പെടുത്തി ചികില്‍സിച്ചത് . ജില്ലയിലെ തന്നെ ഉയര്‍ന്ന കണക്കാണിത്.

*30 പേര്‍ക്ക് രോഗമുക്തി*

വയനാട് ജില്ലയില്‍ ഇന്ന് (06.09.20) 40 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. വിദേശത്ത് നിന്ന് വന്ന 3 പേർക്കും ഇതര സംസ്ഥാനങ്ങളില്‍ നിന്ന് വന്ന 2 പേർക്കും സമ്പര്‍ക്കത്തിലൂടെ 35 പേര്‍ക്കുമാണ് രോഗബാധ. ഇവരിൽ രണ്ടുപേർ ഉറവിടം അറിയാത്തവരാണ്. 30 പേര്‍  രോഗമുക്തി നേടി. 

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 1704 ആയി. ഇതില്‍ 1429 പേര്‍ രോഗമുക്തരായി. 266 പേരാണ് ഇപ്പോള്‍ ചികിത്സയിലുള്ളത്. 

രോഗം ബാധിച്ചവര്‍:

ചികിത്സയിലുള്ളത് 22,676 പേർ; 23 പുതിയ ഹോട്ട് സ്പോട്ടുകൾ

കോവിഡ് 19 ആശങ്കയുയര്‍ത്തുന്ന വേളയില്‍ രോഗപ്രതിരോധ പ്രവര്‍ത്തനങ്ങളില്‍ നിറസാനിധ്യമായ അധ്യാപര്‍ക്ക് ജില്ലാ ഭരണകൂടത്തിന്റെ ആദരം. അധ്യാപക ദിനത്തിലും രോഗപ്രതിരോധ പ്രവര്‍ത്തനങ്ങളില്‍ കര്‍മ്മനിരതരായ അധ്യാപകരെ ജില്ലാ ആസ്ഥാനത്ത് മധുരം നല്‍കി ആദരിച്ചു. പൊതു സമൂഹത്തിന് അറിവ് പകരുന്നതിനൊപ്പം നാടിന്റെ പ്രധാന പ്രശ്‌നങ്ങളില്‍ ഒരുമിച്ചുള്ള പോരാട്ടത്തിന് ജനതയെ നയിക്കുന്ന ഇടപെടല്‍ നടത്തുന്ന അധ്യാപകരെ ദേശീയ അധ്യാപക ദിനത്തില്‍ ഹൃദ്യമായാണ് ആരോഗ്യ പ്രവര്‍ത്തകരും ജില്ലാ ഭരണകൂടവും വരവേറ്റത്.

  പ്രളയത്തില്‍ തകര്‍ന്ന കൂമന്‍ കല്ല് പാലത്തിന്റെ സംരക്ഷണഭിത്തി പുനര്‍നിര്‍മിക്കാന്‍ നടപടികള്‍ ആരംഭിച്ചു.  കൂമന്‍ കല്ല് പാലത്തിനടുത്ത് പള്ളിക്ക് സമീപമുള്ള ഭാഗമാണ് പൊതുമരാമത്ത്  വകുപ്പ് പുനര്‍ നിര്‍മിക്കുന്നത്. എസ്റ്റിമേറ്റ് തയ്യാറാക്കുന്നതിനായി ഉദ്യോഗസ്ഥ സംഘം സ്ഥലം സന്ദര്‍ശിച്ചു. സംരക്ഷണഭിത്തിക്ക് പ്രളയത്തില്‍ കേട് പാടുകള്‍ സംഭവിച്ചത് പാലത്തിന് തന്നെ ഭീഷണിയായിരുന്നു.
പൊതുമരാമത്ത് വകുപ്പ് (പാലങ്ങളുടെ വിഭാഗം) എക്സിക്യൂട്ടീവ് എഞ്ചിനീയര്‍ എസ്.ഹരീഷ്, എ.എക്സ് ഇ പി രാമകൃഷണന്‍, ഓവര്‍സിയര്‍ ദിനേശന്‍ തുടങ്ങിയവര്‍ സ്ഥലം സന്ദര്‍ശിച്ചു.