കോട്ടാങ്ങല്‍ ഗ്രാമപഞ്ചായത്തിലെ വാര്‍ഡ് മൂന്ന് (കുളങ്ങരക്കാവ് ഭാഗം മുതല്‍ കുളത്തൂര്‍മൂഴി ഭാഗം വരെ), വടശേരിക്കര ഗ്രാമപഞ്ചായത്തിലെ വാര്‍ഡ് ഒന്‍പത് (കുമ്പളത്താമണ്‍ ഭാഗം), എഴുമറ്റൂര്‍ ഗ്രാമപഞ്ചായത്തിലെ വാര്‍ഡ് 10 (അരീക്കാട് ആശുപത്രി ജംഗ്ഷന്‍ മുതല്‍ കൊട്ടിയമ്പലം ജംഗ്ഷന്‍ വരെ റോഡിന്റെ ഇരുവശവും) അടൂര്‍ നഗര സഭയിലെ വാര്‍ഡ് 15, പന്തളം തെക്കേക്കര ഗ്രാമപഞ്ചായത്തിലെ വാര്‍ഡ് രണ്ട് (അയനിക്കൂട്ടം കോളനി ഭാഗം), ഇരവിപേരൂര്‍ ഗ്രാമപഞ്ചായത്തിലെ വാര്‍ഡ് ഒന്ന് (ഇരവിപേരൂര്‍ പടിഞ്ഞാറ് ഭാഗം) എന്നീ സ്ഥലങ്ങളില്‍ സെപ്റ്റംബര്‍ നാലു മുതല്‍ ഏഴു ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം ഏര്‍പ്പെടുത്തി.

പത്തനംതിട്ട ജില്ലയില്‍ ഇന്ന് (4) 141 പേര്‍ക്ക് കോവിഡ്-19 സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ 21 പേര്‍ വിദേശ രാജ്യങ്ങളില്‍ നിന്ന് വന്നവരും, 17 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 103 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്.

പത്തനംതിട്ട കുടുംബശ്രീ ജില്ലാ മിഷന്‍ സ്‌നേഹിത ജെന്‍ഡര്‍ ഹെല്‍പ്‌ഡെസ്‌കിന്റെ ആഭിമുഖ്യത്തില്‍ അധ്യാപക ദിനമായ ഇന്ന് (സെപ്റ്റംബര്‍ 5) രാവിലെ  11.30 ന്  'ഗുരുവരം'  എന്നപേരില്‍ വെബിനാര്‍  സംഘടിപ്പിക്കും. കുടുംബശ്രീ ജില്ലാമിഷന്‍ കോ-ഓര്‍ഡിനേറ്റര്‍ എ. മണികണ്ഠന്‍  വെബിനാര്‍ ഉദ്ഘാടനം ചെയ്യും.
 പന്തളം എന്‍എസ്എസ്  ട്രെയിനിംഗ് കോളജ് അസിസ്റ്റന്‍ഡ് പ്രൊഫസര്‍ പദ്മപ്രിയ   ക്ലാസ് നയിക്കും. ഹയര്‍ സെക്കന്‍ഡറി അധ്യാപകനും കുടുംബശ്രീ മുന്‍ ജില്ലാമിഷന്‍ കോ-ഓര്‍ഡിനേറ്ററുമായ കെ.വിധു അധ്യാപകദിന സന്ദേശം നല്‍കും.

ജില്ലയില്‍ 222 പേര്‍ക്ക്   കൊവിഡ് ബാധ സ്ഥിരീകരിച്ചു. 179 പേര്‍ക്ക് സമ്പര്‍ക്കം മൂലമാണ് രോഗബാധ. രണ്ടു പേര്‍ വിദേശത്തു നിന്നും 20 പേര്‍ ഇതര സംസ്ഥാനങ്ങളില്‍ നിന്നും എത്തിയവരും 21 പേര്‍ ആരോഗ്യ പ്രവര്‍ത്തകരുമാണ്.
ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 4220 ആയി. ഇവരില്‍ ഇന്നലെ രോഗമുക്തി നേടിയ 121 പേരടക്കം 3113 പേര്‍ ആശുപത്രി വിട്ടു. കൊവിഡ് സ്ഥിരീകരിച്ച 29 പേര്‍ ഉള്‍പ്പെടെ 40 പേര്‍ മരണപ്പെട്ടു. ബാക്കി 1067 പേര്‍ ആശുപത്രികളില്‍ ചികില്‍സയിലാണ്.

റിവേഴ്‌സ് ക്വാറന്റൈന്‍ പൂര്‍ണമായി നടപ്പാക്കണമെന്നും ഇതില്‍ ഉദാസീനത കാട്ടിയാല്‍ ജില്ലയില്‍ മരണ നിരക്ക് കുത്തനെ ഉയരുമെന്നും ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. എ.എല്‍. ഷീജ അറിയിച്ചു.
കോവിഡ് 19 മൂലം ജില്ലയില്‍ മരണമടയുന്നവരില്‍ ഭൂരിഭാഗം പേരും മുതിര്‍ന്ന പൗരന്മാരാണ്. കുടുംബാംഗങ്ങളില്‍ നിന്നും പരിചരിക്കുന്ന വ്യക്തികളില്‍ നിന്നുമാണ് കൂടുതല്‍ പേര്‍ക്കും രോഗം പകര്‍ന്നിട്ടുള്ളത്. റിവേഴ്‌സ് ക്വാറന്റൈന്‍ നടപ്പാക്കുന്നതിലുള്ള ശ്രദ്ധക്കുറവിലേക്കാണ് ഇത് വിരല്‍ ചൂണ്ടുന്നത്.

ഉദ്ഘാടനത്തിനു തയാറെടുക്കുന്ന കോന്നി ഗവ. മെഡിക്കല്‍ കോളജില്‍ ഫര്‍ണിച്ചറുകള്‍ എത്തിച്ചു തുടങ്ങി. സിഡ്‌കോയാണ് ഫര്‍ണിച്ചറുകള്‍ എത്തിച്ചു നല്‍കുന്നത്.
       റാക്ക്, ഹോസ്പിറ്റല്‍ കോട്ട് ബഡ്, ബഡ് സൈഡ് ലോക്കര്‍, അലമാര, വാട്ടര്‍ ബിന്‍, ഇന്‍സ്ട്രുമെന്റ് ട്രോളി, വീല്‍ ചെയര്‍, വേസ്റ്റ് ബിന്‍, പേഷ്യന്റ് സ്റ്റൂള്‍ തുടങ്ങിയവയാണ് എത്തിയത്. ബാക്കിയുള്ള ഉപകരണങ്ങളും തുടര്‍ന്നുള്ള ദിവസങ്ങളില്‍ എത്തിക്കും. ഉദ്ഘാടനത്തിനു മുന്‍പായി ആവശ്യമായ എല്ലാ സാധനങ്ങളും എത്തിച്ച് സജ്ജീകരിക്കാനുള്ള പ്രവര്‍ത്തമാണ് നടന്നു വരുന്നത്.

പന്തളം തെക്കേക്കര ഗ്രാമപഞ്ചായത്തിലെ വാര്‍ഡ് ആറ്, തിരുവല്ല നഗരസഭയിലെ വാര്‍ഡ് 11 (കുന്തറ പാലം - മണ്ണില്‍ ഭാഗം വരെ) എന്നീ സ്ഥലങ്ങള്‍ സെപ്റ്റംബര്‍ നാലു മുതല്‍ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ മജിസ്‌ട്രേറ്റും കൂടിയായ ജില്ലാ കളക്ടര്‍ പി.ബി. നൂഹ് ഉത്തരവ് പുറപ്പെടുവിച്ചു.

പള്ളിക്കല്‍ ഗ്രാമപഞ്ചായത്തിലെ വാര്‍ഡ് ആറ്, ഏഴ്, 13, കുറ്റൂര്‍ ഗ്രാമപഞ്ചായത്തിലെ വാര്‍ഡ് 10 (ചിറ്റക്കാട്ട് ഭാഗം) എന്നീ സ്ഥലങ്ങളില്‍  സെപ്റ്റംബര്‍ മൂന്നു മുതല്‍ ഏഴു ദിവസത്തേക്ക്് കണ്ടെയ്ന്‍മെന്റ് സോണ്‍ നിയന്ത്രണം.
രോഗം സ്ഥിരീകരിച്ചവരുടെ സമ്പര്‍ക്കപട്ടിക ഉയരുന്നത് കണക്കിലെടുത്ത് പത്തനംതിട്ട ജില്ലാ മെഡിക്കല്‍ ഓഫീസറുടെ (ആരോഗ്യം) ശുപാര്‍ശ പ്രകാരമാണ് പുതിയ കണ്ടെയ്ന്‍മെന്റ് സോണുകള്‍ പത്തനംതിട്ട ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ മജിസ്‌ട്രേറ്റും കൂടിയായ ജില്ലാ കളക്ടര്‍ പി.ബി.നൂഹ് പ്രഖ്യാപിച്ച് ഉത്തരവായത്.