സംസ്ഥാന സർക്കാർ ശുചിത്വ മേഖലയിൽ സുസ്ഥിര വികസനം നടത്തിയ തദ്ദേശസ്വയംഭരണ സ്ഥാപനങ്ങൾക്ക് നൽകുന്ന ശുചിത്വ പദവിയിലേക്ക് ചെറുവണ്ണൂർ പഞ്ചായത്ത്‌ അർഹത നേടി. ഹരിത കേരളം മിഷൻ നിശ്ചയിച്ച പതിനൊന്നു മാനദണ്ഡങ്ങളുടെ അടിസ്ഥാനത്തിൽ നൽകുന്ന ശുചിത്വ പദവിക്ക്  ചെറുവണ്ണൂർ പഞ്ചായത്ത്‌ 84 മാർക്ക്‌ നേടി അർഹരായി.ഓഗസ്റ്റ് 25ന് ഉച്ചക്ക് 2 മണിക്ക് പഞ്ചായത്തിൽ വെച്ച് കോവിഡ് മാനദണ്ഡങ്ങൾ പാലിച്ചു നടത്തിയ ചടങ്ങിൽ പഞ്ചായത്ത്‌ പ്രസിഡന്റ്‌ കെ.പി ബിജു ശുചിത്വ പ്രഖ്യാപനം നടത്തി.

കൊല്ലം സര്‍ക്കാര്‍ മെഡിക്കല്‍ കോളേജ് ആശുപത്രിയിലെ  ജൂനിയര്‍ റസിഡന്റ് തസ്തികയുടെ റാങ്ക് പട്ടികയില്‍ ഉള്‍പ്പെട്ടിട്ടുള്ള ഉദ്യോഗാര്‍ഥികളില്‍ നിലവില്‍ നിയമനം ലഭിക്കാത്ത, ജോലി ഏറ്റെടുക്കുവാന്‍ താത്പര്യമുള്ളവര്‍ സര്‍ട്ടിഫിക്കറ്റുകളുടെ അസല്‍ സഹിതം ആഗസ്റ്റ് 31 ന് മുമ്പ്  estt.gm...@gmail.com മുഖേന പ്രിന്‍സിപ്പലിനെ സേവന സന്നദ്ധത അറിയിക്കണം. താത്പര്യം അറിയിക്കാത്ത ഉദ്യോഗാര്‍ഥികളെ നിയമനത്തിന് പരിഗണിക്കില്ല.

കോഴിക്കോട് ഗവ. എഞ്ചിനീയറിങ്ങ് കോളേജിലെ മെക്കാനിക്കല്‍ എഞ്ചിനീയറിംഗ്  ഡിപ്പാര്‍ട്ട്‌മെന്റിലെ എഫ് എം ലാബിലേക്കാവശ്യമായ  മെഷറിങ്  ഇന്‍സ്ട്രമെന്റ്‌സ്,  കണ്‍സ്യൂമബിള്‍സ് എന്നിവ വാങ്ങുന്നതിന്   ക്വട്ടേഷന്‍ ക്ഷണിച്ചു.  അവസാന തീയതി സെപ്തംബര്‍ 16ന് രണ്ട്  മണി വരെയും കണ്‍സ്യൂമബിള്‍സിന് സെപ്തംബര്‍ 17 ന് രണ്ട് മണി വരെയുമാണ്. ഫോണ്‍ : 0495 2383220, 2383210. വെബ്‌സൈറ്റ് : www.geckkd.ac.in.
 

കോഴിക്കോട് ജില്ലാ വനിത ശിശുവികസന ഓഫീസര്‍ക്ക് കരാര്‍ വ്യവസ്ഥയില്‍ ഇലക്ട്രിക് വാഹനം വാടകയ്‌ക്കെടുക്കുന്നതിന് ടെണ്ടര്‍ ക്ഷണിച്ചു.  അവസാന തീയതി  സെപ്തംബര്‍ നാലിന്   രാവിലെ 11  മണി. കൂടുതല്‍ വിവരങ്ങള്‍ക്ക് - 0494 2370750.
 

മലബാര്‍ ദേവസ്വം ബോര്‍ഡിനു കീഴിലെ  കൊയിലാണ്ടി കീഴൂര്‍ ശിവക്ഷേത്രത്തിന്റെ  പാരമ്പര്യേതര ട്രസ്റ്റി നിയമനത്തിന്  ഹിന്ദുമതം ആചരിക്കുന്ന ആളുകളില്‍ നിന്ന് അപേക്ഷ ക്ഷണിച്ചു.  അപേക്ഷകള്‍ മലബാര്‍ ദേവസ്വം ബോര്‍ഡ് കമ്മീഷണറുടെ കോഴിക്കോട്ടുളള ഓഫീസില്‍ സെപ്തംബര്‍ 19 നകം ലഭിക്കണം.  അപേക്ഷ ഫോം malabardevaswom.kerala.gov.in ൽ ലഭ്യമാണ്.
 

ജില്ലയിലെ ഗ്രാമപഞ്ചായത്തുകളില്‍ ഇന്റഗ്രേറ്റഡ് ലോക്കല്‍ ഗവണ്‍മെന്റ് മാനേജ്‌മെന്റ് സിസ്റ്റം (ഐഎല്‍ജിഎംഎസ്) സോഫ്റ്റ്‌വെയര്‍ വിന്യസിക്കുന്നതിന്റെ ജില്ലാതല ഉദ്ഘാടനം ജില്ലാ കലക്ടര്‍ സാംബ ശിവറാവു നിര്‍വ്വഹിച്ചു. ഓമശ്ശേരി, ചേളന്നൂര്‍, തിരുവമ്പാടി, പെരുവയല്‍, മേപ്പയ്യൂര്‍, നടുവണ്ണൂര്‍, മൂടാടി എന്നീ പഞ്ചായത്തുകളിലാണ് ആദ്യഘട്ടമെന്ന നിലയില്‍ സോഫ്റ്റ്‌വെയര്‍ പ്രാബല്യത്തിൽ വരുന്നത്..