കോട്ടയം ജില്ലയില്‍ ആരോഗ്യ കേരളം പദ്ധതിക്കു കീഴില്‍ പൊതു-സ്വകാര്യ പങ്കാളിത്തത്തോടെ മൊബൈല്‍ മെഡിക്കല്‍ സര്‍വൈലന്‍സ് യൂണിറ്റുകള്‍ സജ്ജീകരിക്കുന്നതിന് താത്പര്യപത്രം ക്ഷണിച്ചു. ഡോക്ടര്‍,നഴ്സ്, ലാബ് ടെക്നീഷ്യന്‍, ഡ്രൈവര്‍ എന്നീ ജീവനക്കാരും മതിയായ  ഉപകരണങ്ങള്‍, മരുന്നുകള്‍, ലാബ് കിറ്റുകള്‍ എന്നിവയും അനുബന്ധ സൗകര്യങ്ങളുമുള്ള ട്രാവലര്‍ വാഹനങ്ങളാണ്(ഫോഴ്സ്, ടാറ്റാ വിംഗര്‍ തുടങ്ങിയവ) പരിഗണിക്കുന്നത്.

തിരുവഞ്ചൂരിലെ സർക്കാർ ചിൽഡ്രൻസ് ഹോമിൽ മൾട്ടി ടാസ്ക് കെയർ പ്രൊവൈഡർ തസ്തികയിൽ ഒരു വർഷത്തെ  കരാർ നിയമനത്തിന്  ജൂലൈ 15ന് രാവിലെ 11ന് വാക്ക് -ഇൻ- ഇന്റർവ്യൂ നടത്തും. കുട്ടികളെ പരിചരിക്കുന്നതിനും സ്ഥാപനത്തിൽ ശുചീകരണ പ്രവർത്തനങ്ങൾ നടത്തുന്നതിനും താല്പര്യമുള്ള എട്ടാം ക്ലാസ് യോഗ്യതയുള്ളവർക്ക് പങ്കെടുക്കാം. 

മുൻപരിചയമുള്ളവർക്കും സ്ത്രീകൾക്കും മുൻഗണന. ആധാർ കാര്‍ഡിന്‍റെയും വയസ്, വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന രേഖകളുടെയും സാക്ഷ്യപ്പെടുത്തിയ പകർപ്പ് ഹാജരാക്കണം. ഫോൺ: 0481-2770530

സപ്ലൈകോ   ചെയര്‍മാനും    മാനേജിംഗ്  ഡയറക്ടറുമായി  ഡോ. ബി. അശോക്  ചുമതലയേറ്റു.  ജലവിഭവ വകുപ്പ്  സെക്രട്ടറി, വെറ്ററിനറി  സര്‍വ്വകലാശാല  വൈസ് ചാന്‍സലര്‍ ,  കേന്ദ്രകൃഷി  മന്ത്രിയുടെ  പ്രൈവറ്റ്  സെക്രട്ടറി, ഊര്‍ജ്ജ സെക്രട്ടറി  തുടങ്ങിയ പദവികൾ വഹിച്ചിട്ടുണ്ട്.  98  ബാച്ച്   ഐ എ എസ് ഉദ്യോഗസ്ഥനാണ്.

കലഞ്ഞൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌ക്കൂളിനെയും, ഗവണ്‍മെന്റ് എല്‍പി സ്‌കൂളിനെയും ഉന്നത നിലവാരത്തിലേക്ക് ഉയര്‍ത്തുന്നതിന് കിഫ്ബിയില്‍ നിന്നും, പൊതുവിദ്യാഭ്യാസ വകുപ്പിന്റെ വാര്‍ഷിക പദ്ധതിയില്‍ ഉള്‍പ്പെടുത്തിയും പണം അനുവദിച്ചതായി അഡ്വ. കെ.യു.ജനീഷ് കുമാര്‍ എംഎല്‍എ അറിയിച്ചു. ഗവ. ഹയര്‍ സെക്കന്‍ഡറി സ്‌കൂളിന് മൂന്നു കോടി രൂപയും, ഗവ. എല്‍പി സ്‌കൂളിന് 1.20 കോടി രൂപയുമാണ് അനുവദിച്ചത്.

        രണ്ടു പ്രവൃത്തികളുടെയും നിര്‍മാണം ആരംഭിക്കുന്നതിന് എംഎല്‍എയുടെ അധ്യക്ഷതയില്‍ സ്‌ക്കൂളില്‍ ചേര്‍ന്ന യോഗം തീരുമാനിച്ചു. ഹയര്‍ 

മണിമല ആറിന്റെ തീര സംരക്ഷണവുമായി ബന്ധപ്പെട്ട എന്റെ മണിമലയാര്‍ പദ്ധതിയുടെ കോര്‍ കമ്മറ്റിയോഗം ചേര്‍ന്നു. യോഗം ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി ഉദ്ഘാടനം ചെയ്തു. ജില്ലാ പഞ്ചായത്തിന്റെയും ഹരിതകേരളം മിഷന്റേയും ജില്ലാ ആസൂത്രണ സമതിയുടേയും നേതൃത്വത്തില്‍ പൊതുവിദ്യാഭ്യാസ സംരക്ഷണ യജ്ഞവുമായി കൈകോര്‍ത്താണ് പദ്ധതി നടപ്പാക്കുന്നത്. കോയിപ്രം ബ്ലോക്ക് മെമ്പര്‍  ജിജി മാത്യു അധ്യക്ഷത വഹിച്ചു.

കല്‍പ്പറ്റ മണ്ഡലത്തിലെ ജലവിതരണ പദ്ധതികളുടെ നിര്‍മ്മാണ പ്രവൃത്തികള്‍ വേഗത്തിലാക്കുന്നതിനായി സി.കെ.ശശീന്ദ്രന്‍ എം.എല്‍.എയുടെ അധ്യക്ഷതയില്‍ യോഗം ചേര്‍ന്നു. മണ്ഡലത്തിലെ ജലവിതരണ പദ്ധതികള്‍ ജല ജീവന്‍ മിഷനുമായി സംയോജിപ്പിച്ച് കൂടുതല്‍ വീടുകളിലേക്ക് ശുദ്ധജലം ലഭ്യമാക്കുന്നതിനുള്ള സാധ്യത യോഗം ചര്‍ച്ച ചെയ്തു. ഇതുമായി ബന്ധപ്പെട്ട് പ്രോജക്ട് ഡിവിഷന്‍ എക്‌സികൂട്ടീവ് എഞ്ചിനീയറുടെ സാന്നിധ്യത്തില്‍ ജൂലായ് ഏഴിന് കളക്ട്രേറ്റില്‍ യോഗം ചേരും.

പെരിങ്ങര പഞ്ചായത്തിലെ ചാത്തങ്കരി വളവനാരി പ്രദേശത്ത് പെയ്ത ശക്തമായ മഴയില്‍ അപ്രതീക്ഷിത 'വെള്ളപ്പൊക്കം'. വളവനാരിപ്രദേശത്ത് വെള്ളത്തിനടിയിലായ കുടുംബങ്ങളിലെ 20 പേരെ തിരുവല്ല സബ് കളക്ടര്‍ ഡോ. വിനയ് ഗോയലിന്റെ നേതൃത്വത്തില്‍ നാലു 'പുനരധിവാസ ക്യാമ്പുകളി'ലേക്ക് മാറ്റി. ഇവരില്‍ രണ്ടുപേരെ കോവിഡ് ലക്ഷണങ്ങളെ തുടര്‍ന്ന് പ്രത്യേക ക്യാമ്പിലേക്കു മാറ്റി.  ഇന്നലെ(ജൂലൈ 1) രാവിലെയായിരുന്നു വെള്ളം പൊങ്ങിയതും അടിയന്തരമായി രക്ഷാപ്രവര്‍ത്തനം നടത്തിയതും. 

സാമൂഹ്യ അകലം പാലിക്കാതിരിക്കല്‍, മാസ്‌ക് ധരിക്കാതിരിക്കല്‍, ക്വാറന്റൈന്‍ അനുസരിക്കാതിരിക്കല്‍ തുടങ്ങിയ ലംഘനങ്ങള്‍ക്കെതിരെ ശക്തമായ നടപടികള്‍ സ്വീകരിച്ചു വരുന്നതായി ജില്ലാ പോലീസ് മേധാവി കെ ജി സൈമണ്‍ അറിയിച്ചു. ക്വാറന്റൈന്‍ ലംഘിച്ച് പുറത്തിറങ്ങിയതിന് അടൂര്‍ മണക്കാല സ്വദേശിക്കെതിരെയും, തിരുവല്ല തിരുമൂലപുരം മാക്ഫാസ്റ്റില്‍ ക്വാറന്റീനിലായിരുന്ന കടമ്മനിട്ട സ്വദേശിക്കെതിരെയും കേസെടുത്തതായി ജില്ലാപോലീസ് മേധാവി അറിയിച്ചു. മാസ്‌ക് വയ്ക്കാതെ പുറത്തിറങ്ങിയതിന് 73 പേര്‍ക്ക് നോട്ടീസ് നല്‍കി. ലംഘനങ്ങള്‍ ജനമൈത്രി പോലീസ് സംവിധാനത്തിലൂടെയും മറ്റും നിരീക്ഷിച്ച് നടപടികള്‍ എടുത്തു വരുന്നു.

പത്തനംതിട്ട ജില്ലാ പഞ്ചായത്തും കുന്നന്താനം ഗ്രാമ പഞ്ചായത്തും സംയുക്തമായി
ഡോക്ടേഴ്‌സ് ദിനത്തില്‍ ഡോക്ടര്‍മാരെ ആദരിച്ചു. കുന്നന്താനം പഞ്ചായത്തിലെ അലോപ്പതി, ആയുര്‍വേദം, ഹോമിയോ, മൃഗ ഡോക്ടര്‍മാരെ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി ആദരിച്ചു.
ഗ്രാമപഞ്ചായത്ത് പ്രസിഡന്റ് കെ കെ രാധാകൃഷ്ണക്കുറുപ്പിന്റെ അധ്യക്ഷതയില്‍ ജില്ലാ പഞ്ചായത്തംഗം എസ്.വി.സുബിന്‍ മുഖ്യ പ്രഭാഷണം നടത്തി. കുന്നന്താനം പ്രാഥമിക ആരോഗ്യ കേന്ദ്രത്തിലെ ഡോക്ടര്‍ രശ്മി ആര്‍ നായര്‍ ആയുര്‍വേദ ഡോക്ടര്‍ വിനീത
എന്നിവര്‍ സന്നിഹിതരായി. ഹോമിയോ, മൃഗ ഡോക്ടര്‍മാരെ സിസ്‌പെന്‍സറികളിലുമെത്തി ആദരിച്ചു.