പെരിങ്ങര പഞ്ചായത്തിലെ ചാത്തങ്കരി വളവനാരി പ്രദേശത്ത് പെയ്ത ശക്തമായ മഴയില്‍ അപ്രതീക്ഷിത 'വെള്ളപ്പൊക്കം'. വളവനാരിപ്രദേശത്ത് വെള്ളത്തിനടിയിലായ കുടുംബങ്ങളിലെ 20 പേരെ തിരുവല്ല സബ് കളക്ടര്‍ ഡോ. വിനയ് ഗോയലിന്റെ നേതൃത്വത്തില്‍ നാലു 'പുനരധിവാസ ക്യാമ്പുകളി'ലേക്ക് മാറ്റി. ഇവരില്‍ രണ്ടുപേരെ കോവിഡ് ലക്ഷണങ്ങളെ തുടര്‍ന്ന് പ്രത്യേക ക്യാമ്പിലേക്കു മാറ്റി.  ഇന്നലെ(ജൂലൈ 1) രാവിലെയായിരുന്നു വെള്ളം പൊങ്ങിയതും അടിയന്തരമായി രക്ഷാപ്രവര്‍ത്തനം നടത്തിയതും. 

സാമൂഹ്യ അകലം പാലിക്കാതിരിക്കല്‍, മാസ്‌ക് ധരിക്കാതിരിക്കല്‍, ക്വാറന്റൈന്‍ അനുസരിക്കാതിരിക്കല്‍ തുടങ്ങിയ ലംഘനങ്ങള്‍ക്കെതിരെ ശക്തമായ നടപടികള്‍ സ്വീകരിച്ചു വരുന്നതായി ജില്ലാ പോലീസ് മേധാവി കെ ജി സൈമണ്‍ അറിയിച്ചു. ക്വാറന്റൈന്‍ ലംഘിച്ച് പുറത്തിറങ്ങിയതിന് അടൂര്‍ മണക്കാല സ്വദേശിക്കെതിരെയും, തിരുവല്ല തിരുമൂലപുരം മാക്ഫാസ്റ്റില്‍ ക്വാറന്റീനിലായിരുന്ന കടമ്മനിട്ട സ്വദേശിക്കെതിരെയും കേസെടുത്തതായി ജില്ലാപോലീസ് മേധാവി അറിയിച്ചു. മാസ്‌ക് വയ്ക്കാതെ പുറത്തിറങ്ങിയതിന് 73 പേര്‍ക്ക് നോട്ടീസ് നല്‍കി. ലംഘനങ്ങള്‍ ജനമൈത്രി പോലീസ് സംവിധാനത്തിലൂടെയും മറ്റും നിരീക്ഷിച്ച് നടപടികള്‍ എടുത്തു വരുന്നു.

പത്തനംതിട്ട ജില്ലാ പഞ്ചായത്തും കുന്നന്താനം ഗ്രാമ പഞ്ചായത്തും സംയുക്തമായി
ഡോക്ടേഴ്‌സ് ദിനത്തില്‍ ഡോക്ടര്‍മാരെ ആദരിച്ചു. കുന്നന്താനം പഞ്ചായത്തിലെ അലോപ്പതി, ആയുര്‍വേദം, ഹോമിയോ, മൃഗ ഡോക്ടര്‍മാരെ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി ആദരിച്ചു.
ഗ്രാമപഞ്ചായത്ത് പ്രസിഡന്റ് കെ കെ രാധാകൃഷ്ണക്കുറുപ്പിന്റെ അധ്യക്ഷതയില്‍ ജില്ലാ പഞ്ചായത്തംഗം എസ്.വി.സുബിന്‍ മുഖ്യ പ്രഭാഷണം നടത്തി. കുന്നന്താനം പ്രാഥമിക ആരോഗ്യ കേന്ദ്രത്തിലെ ഡോക്ടര്‍ രശ്മി ആര്‍ നായര്‍ ആയുര്‍വേദ ഡോക്ടര്‍ വിനീത
എന്നിവര്‍ സന്നിഹിതരായി. ഹോമിയോ, മൃഗ ഡോക്ടര്‍മാരെ സിസ്‌പെന്‍സറികളിലുമെത്തി ആദരിച്ചു.

പത്തനംതിട്ട ജില്ലയില്‍ ഇന്ന് (1) ആറു പേര്‍ക്ക് കോവിഡ്-19 സ്ഥിരീകരിച്ചു. 1)ജൂണ്‍ 16 ന് യുഎഇയില്‍ നിന്നും എത്തിയ പന്തളം സ്വദേശിയായ 44 വയസുകാരന്‍. 2)ജൂണ്‍ 18 ന് ഡല്‍ഹിയില്‍ നിന്നും എത്തിയ പന്തളം സ്വദേശിനിയായ 29 വയസുകാരി. 3)ജൂണ്‍ 16 ന് മാള്‍ഡോവയില്‍ നിന്നും എത്തിയ കുന്നംന്താനം സ്വദേശിയായ 20 വയസുകാരന്‍.
4)ജൂണ്‍ 25 ന് ഡല്‍ഹിയില്‍ നിന്നും എത്തിയ പറന്തല്‍ സ്വദേശിയായ 22 വയസുകാരന്‍.
5)ജൂണ്‍ 11 ന് കുവൈറ്റില്‍ നിന്നും എത്തിയ പുല്ലാട് സ്വദേശിയായ 29 വയസുകാരന്‍.

   കോവിഡ് 19 സ്ഥിരീകരിച്ച് മലപ്പുറം ജില്ലയില്‍ ഐസൊലേഷന്‍ കേന്ദ്രങ്ങളില്‍ ചികിത്സയിലായിരുന്ന 12 പേര്‍ കൂടി ഇന്നലെ (ജൂലൈ ഒന്ന്) രോഗമുക്തരായി. രോഗബാധിതരായി 266 പേര്‍ ചികിത്സയില്‍ കഴിയുന്നു. ജില്ലയില്‍ ഇതുവരെ 551 പേര്‍ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ (ജൂലൈ ഒന്ന്) 1,579 പേര്‍ക്ക് കൂടി പ്രത്യേക നിരീക്ഷണം ഏര്‍പ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.

    ജില്ലയില്‍ 34 പേര്‍ക്ക് കൂടി ഇന്നലെ (ജൂലൈ ഒന്നിന്) കോവിഡ് 19 സ്ഥിരീകരിച്ചു. ഇതില്‍ ഒമ്പത് പേര്‍ ഇതര സംസ്ഥാനങ്ങളില്‍ നിന്നും 25 പേര്‍ വിവിധ വിദേശ രാജ്യങ്ങളില്‍ നിന്നും എത്തിയവരാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവരെല്ലാം മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ചികിത്സയിലാണ്.

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ 36 കേസുകള്‍ കൂടി ഇന്നലെ (ജൂലൈ ഒന്ന്) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി 47 പേരെ ഇന്നലെ അറസ്റ്റു ചെയ്തു.  ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 5,022 ആയി. 6,167 പേരെയാണ് ഇതുവരെ അറസ്റ്റു ചെയ്തത്. 

മേലാറ്റൂര്‍ സബ്‌സ്റ്റേഷനില്‍ നവീകരണ പ്രവൃത്തികള്‍ നടക്കുന്നതിനാല്‍ സബ്‌സ്റ്റേഷനില്‍ നിന്നുള്ള 11 കെ.വി ലൈനുകളില്‍ ഇന്ന് (ജൂലൈ രണ്‍്) രാവിലെ 11 മുതല്‍ വൈകീട്ട്  മൂന്നുവരെ വൈദ്യുതി വിതരണം തടസ്സപ്പെടുമെന്ന് മലപ്പുറം ട്രാന്‍സ്മിഷന്‍ എക്‌സിക്യൂട്ടീവ് എഞ്ചിനീയര്‍ അറിയിച്ചു.
 

ജില്ലയില്‍ ജൂണ്‍മാസ റേഷന്‍ വിഹിതം കൈപ്പറ്റുന്നതിനുള്ള സമയപരിധി ജൂലൈ നാല് വരെ നീട്ടിയതായി ജില്ലാസപ്ലൈ ഓഫീസര്‍ അറിയിച്ചു