ജില്ലയില്‍  ഇന്നലെ(മാര്‍ച്ച് 30) 17 പേര്‍ക്കു കൂടി  കൊവിഡ് -19  രോഗം സ്ഥിരീകരിച്ചു.ഇതോടെ ജില്ലയിലെ രോഗ ബാധിതരുടെ എണ്ണം 106 ആയി.നിലവില്‍ ജില്ലയില്‍ നിരീക്ഷണത്തില്‍ ഉള്ളത് 7447 പേരാണ്  .ഇതില്‍ 134 പേര്‍ ആശുപത്രികളിലും 7313 പേര്‍ വീടുകളിലും ആണ് നിരീക്ഷണത്തില്‍ ഉള്ളത്. ഇനി 428 പേരുടെ ഫലം കൂടി  ലഭിക്കാനുണ്ട്.ഇന്നലെ മാത്രം(മാര്‍ച്ച് 30) 30 സാമ്പിളുകളാണ് പരിശോധനയ്ക്ക് അയച്ചത്.ഇതുവരെ   ലഭിച്ച   375 പേരുടെ പരിശോധന ഫലം നെഗറ്റീവാണ്.  .പുതുതായി ഒന്‍പത് പേരെ കൂടി ഐസോലോഷന്‍ വാര്‍ഡില്‍ പ്രവേശിപ്പിച്ചു. 

ജില്ലയില്‍ ഏറ്റവും കൂടുതല്‍ കോവിഡ് 19  സ്ഥിരീകരിച്ച  ആറ് പഞ്ചായത്തുകളിലെ സര്‍ക്കാര്‍ നിര്‍ദ്ദേശിച്ച പ്രദേശങ്ങള്‍ പോലീസിന്റെ പ്രത്യേക നിരീക്ഷണത്തിലാക്കുമെന്നും അവിടെ ജനങ്ങങ്ങള്‍ക്ക് കര്‍ശന നിയന്ത്രണങ്ങള്‍ ഏര്‍പ്പെടുത്തുമെന്നും ഐ ജി വിജയ് സാഖറെ അറിയിച്ചു. പള്ളിക്കര, ഉദുമ, ചെമ്മനാട്, മധുര്‍, മെഗ്രാല്‍ പുത്തൂര്‍ പഞ്ചായത്തുകളിലെയും കാസര്‍കോട് നഗരസഭയിലെയും  പ്രദേശങ്ങളാണ് പോലീസിന്റെ പ്രത്യേക നിരീക്ഷണത്തിലാക്കുന്നത്. ഈ പ്രദേശങ്ങളില്‍ പോലീസ് സംഘത്തിന്റെ  കാവലുണ്ടാകും. ഇവിടെ ജനങ്ങള്‍ക്ക് ആവശ്യമായ സാധനങ്ങളടക്കം എല്ലാ സേവനങ്ങളും പേലീസ് എത്തിച്ചു നല്‍കും.

അശാന്തമായ മനസ്...അറിയാതെ സംഭവിച്ച പിഴവ്...കുറ്റബോധത്തിന്റെ 24 ദിനങ്ങള്‍... കോവിഡ് 19-ല്‍ നിന്നു മുക്തിനേടി പത്തനംതിട്ട ജനറല്‍ ആശുപത്രിയിലെ ഐസലേഷന്‍ വാര്‍ഡില്‍നിന്നു പുറത്തിറങ്ങിയ ഇറ്റലിയില്‍ നിന്നെത്തിയ റാന്നി ഐത്തല സ്വദേശികളും ബന്ധുക്കളും ഉള്‍പ്പെടുന്ന കുടുബത്തിനു വികാരനിര്‍ഭരമായ യാത്രയയപ്പ്.

പത്തനംതിട്ട ജില്ലയില്‍ ഇന്ന്(30) പുതിയ കേസുകള്‍ ഒന്നും കണ്ടെത്തിയിട്ടില്ല.

ജില്ലയില്‍ കൂടുതല്‍ ആളുകള്‍ റോഡില്‍ ഇറങ്ങുന്നത് ശ്രദ്ധയിപ്പെട്ടതിന്റെ അടിസ്ഥാനത്തില്‍ നിയന്ത്രണങ്ങള്‍ കര്‍ശനമാക്കുമെന്ന് മന്ത്രി പറഞ്ഞു. ജില്ലയിലെ പ്രധാന റോഡുകളിലൂടെയുള്ള യാത്രകള്‍ക്ക് കൂടുതല്‍  നിയന്ത്രണങ്ങളുണ്ടാകും. അവശ്യസാധനങ്ങള്‍ കൊണ്ടുപോകുന്നതിനു തടസങ്ങളില്ല. എന്നാല്‍ വാഹനത്തിനുള്ള യാത്രാപാസ് ഉള്‍പ്പെടെ കരുതണം. പോലീസ്, തഹസില്‍ദാര്‍മാര്‍ എന്നിവരില്‍ നിന്ന് വാഹനത്തിന്റെ നമ്പര്‍ ഉള്‍പ്പെടെയുള്ള പാസ് ലഭിക്കും. ജില്ലാ അതിര്‍ത്തികളിലെ പോക്കറ്റ് റോഡുകള്‍ പൂര്‍ണമായും അടയ്ക്കും. ലോക്ക് ഡൗണ്‍ കാലയളവില്‍ ആളുകള്‍ പൂര്‍ണ്ണമായും വീടുകളില്‍ തന്നെ കഴിയണമെന്നും മന്ത്രി നിര്‍ദേശിച്ചു.  

കോവിഡ് 19ന്റെ ഭാഗമായി പ്രഖ്യാപിച്ച ലോക്ക്ഡൗണ്‍ തുടരുന്ന സാഹചര്യത്തില്‍ പത്തനംതിട്ട ജില്ലയിലെ അതിഥി തൊഴിലാളികള്‍ക്ക് അവശ്യസാധനങ്ങള്‍ എത്തിച്ചുനല്‍കുമെന്നു ജില്ലയുടെ ചുമതലയുള്ള വനം വകുപ്പ് മന്ത്രി അഡ്വ.കെ.രാജു പറഞ്ഞു. റേഷന്‍ സാധനങ്ങളും അവശ്യവസ്തുക്കളുടെ കിറ്റുകളും അതിഥി തൊഴിലാളികള്‍ക്കും നല്‍കുമെന്നു മന്ത്രി പറഞ്ഞു. 

പത്തനംതിട്ട കളക്ടറേറ്റില്‍ ജനപ്രതിനിധികളുമായി നടത്തിയ സൂം വീഡിയോ കോണ്‍ഫറന്‍സിനുശേഷം സംസാരിക്കുകയായിരുന്നു മന്ത്രി. 

കോവിഡ് 19നെ തുടര്‍ന്ന് പ്രഖ്യാപിച്ച ലോക്ക്ഡൗണ്‍ തുടരുന്ന സാഹചര്യത്തില്‍ ജില്ലയില്‍ പാല്‍ സംഭരണത്തിലും ലഭ്യതയിലും നേതൃത്വം നല്‍കുന്നതിനും കര്‍ഷകരും ഉപഭോക്താക്കളും നേരിടുന്ന പ്രശ്‌നങ്ങള്‍ പരിഹരിക്കുന്നതിനും ക്ഷീരവികസന വകുപ്പിലെയും മില്‍മയിലെയും ഉദേ്യാഗസ്ഥരെ ഫോണ്‍മുഖേന ബന്ധപ്പെടാമെന്നു ക്ഷീരവികസന വകുപ്പ് ഡയറക്ടര്‍ അറിയിച്ചു. 

പാല്‍ സംഭരണവും കാലിത്തീറ്റ പ്രശ്‌നങ്ങളും - 9446414418, പാല്‍ വിപണനം - 9446056114, പൊതുവിഷയങ്ങള്‍ - 9446500940, 9074704676 എന്നീ നമ്പരുകളില്‍ അറിയിക്കണം. സംസ്ഥാനതലത്തില്‍ 9496450432, 9446300767, 9446376988 എന്നീ നമ്പരുകളിലും ബന്ധപ്പെടാം.

സ്‌കൂള്‍ മിസ് ചെയ്യുന്നതിന്റെ ഉത്സാഹക്കുറവ് ഉണ്ടോ.. കൂട്ടുകാരുമായി കളിക്കാന്‍പറ്റാത്തതിന്റെ സങ്കടം ഉണ്ടോ...വീട്ടിലിരുന്ന് ബോറടിച്ചോ... ഈ കൊറോണ കാലത്ത് രോഗത്തെ കുറിച്ചുള്ള പേടിയോ, ആശങ്കയോ, ഒറ്റപ്പെടലോ, വിഷാദമോ തോന്നുന്നുണ്ടോ.. സാരമില്ല. ഹോമിയോപ്പതി വകുപ്പിന്റെ പത്തനംതിട്ട ജില്ലയിലെ സദ്ഗമയ  കൗമാരക്കാരുടെ ആരോഗ്യ പദ്ധതിയിലെ ഡോക്ടര്‍മാരെ വിളിക്കാം.

നിങ്ങള്‍ക്കാവശ്യമായ മാര്‍ഗനിര്‍ദേശങ്ങളും  ആരോഗ്യ സുരക്ഷയും, കൗണ്‍സിലിങ്ങും, വീട്ടുകാലം ആനന്ദകരമാക്കാനുള്ള രസകരമായ  നുറുങ്ങു വിദ്യകളും അവര്‍ പറഞ്ഞുതരും.

റാന്നി നിയോജക മണ്ഡലത്തിലെ എല്ലാ വീടുകളിലും ഏപ്രില്‍ ഒന്നു മുതല്‍ അവശ്യസാധനങ്ങള്‍ എത്തിച്ചുനല്‍കാന്‍ പഞ്ചായത്തുകള്‍ തോറും 200 വോളണ്ടിയര്‍മാരെ ചുമതലപ്പെടുത്തിയതായി രാജു ഏബ്രഹാം എംഎല്‍എ അറിയിച്ചു. ആവശ്യമുള്ളവര്‍ക്ക് പലചരക്ക് - പലവ്യഞ്ജന സാധനങ്ങള്‍, പച്ചക്കറി, മത്സ്യം, മാംസം, മരുന്നുകള്‍ എന്നിവയാണു വീടുകളില്‍ വാങ്ങിനല്‍കുക. ആവശ്യമുള്ള സാധനങ്ങളുടെ ലിസ്റ്റ് മെമ്പര്‍മാര്‍ മുഖേന പഞ്ചായത്തുകളില്‍ എത്തിക്കും. അവശ്യസാധനങ്ങളുടെ ലിസ്റ്റ് വാട്സാപ്പ് ഗ്രൂപ്പ് വഴി മെമ്പര്‍മാര്‍ക്കു നല്‍കണം.

അടൂര്‍ നിയോജക മണ്ഡലത്തിലെ വിവിധ സ്ഥലങ്ങളില്‍ ക്യാമ്പ് ചെയ്തിട്ടുള്ള അതിഥി സംസ്ഥാന തൊഴിലാളികള്‍ക്കു ഭക്ഷണം, താമസം തുടങ്ങിയ സൗകര്യങ്ങള്‍ ഉറപ്പുവരുത്താന്‍ നടപടി സ്വീകരിക്കുമെന്ന് ചിറ്റയം ഗോപകുമാര്‍ എം.എല്‍.എ പറഞ്ഞു. അടൂര്‍ ആര്‍.ഡി ഓഫീസില്‍ ചേര്‍ന്ന യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു എം.എല്‍.എ.