കൊല്ലം കോര്‍പ്പറേഷനിലെ രായരു ജംഗ്ഷനിലെ മാവേലി സ്റ്റോര്‍ പാലത്തറയിലെ എന്‍ എസ് ആശുപത്രിയ്ക്ക് സമീപമുള്ള പുതിയ കെട്ടിടത്തിലേക്ക് മാറ്റി സ്ഥാപിക്കുന്നു. മാവേലി സ്റ്റോറിന്റെ പ്രവര്‍ത്തനം നാളെ(ജൂണ്‍ 3) രാവിലെ 11 ന് ഭക്ഷ്യപൊതുവിതരണ വകുപ്പ് മന്ത്രി പി തിലോത്തമന്‍ വീഡിയോ കോണ്‍ഫറന്‍സിംഗിലൂടെ നിര്‍വഹിക്കും.
മേയര്‍ ഹണി ബഞ്ചമിന്‍, എം നൗഷാദ് എം എല്‍ എ, കൗണ്‍സിലര്‍ എസ് ആര്‍ ബിന്ദു തുടങ്ങിയവര്‍ പങ്കെടുക്കും.

തെ•ല ഗ്രാമപഞ്ചായത്തിലെ ഏഴാം വാര്‍ഡ് കണ്ടയിന്‍മെന്റ് സോണ്‍ ആയി നിശ്ചയിച്ച് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.
കുളത്തൂപ്പുഴ ഗ്രാമപഞ്ചായത്തിലെ ഇ എസ് എം കോളനി(വാര്‍ഡ് നാല്), റോഡ്മല(5), അമ്പതേക്കര്‍(6), അമ്പലം(7), ചോഴിയക്കോട്(8), ആര്യങ്കാവ് ഗ്രാമപഞ്ചായത്തിലെ അച്ചന്‍കോവില്‍ ക്ഷേത്രം(1), അച്ചന്‍കോവില്‍(2) എന്നിവിടങ്ങളില്‍ നിലവിലുള്ള ഹോട്ട് സ്‌പോട്ട് നിയന്ത്രണങ്ങളും പിന്‍വലിച്ചു.

കോവിഡ് പ്രതിരോധത്തില്‍ ജില്ല ഏറെ മുന്നിലാണെന്ന് മന്ത്രി ജെ മേഴ്‌സിക്കുട്ടിയമ്മ. ജില്ലയിലെ ആദ്യത്തെ കൊറോണ പ്രാഥമിക ചികിത്സാ കേന്ദ്രം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു മന്ത്രി.
കോവിഡ് പ്രതിരോധത്തിന് ജില്ലയില്‍ നടപ്പാക്കിയ പ്രതിരോധ നിയന്ത്രണ ചികിത്സാ സംവിധാനങ്ങള്‍ വിലയിരുത്തുകയും അവ യഥാസമയം പ്രയോഗികമാക്കി ജനങ്ങളുടെ ആത്മവിശ്വാസം ഉയര്‍ത്തുകയും അവരെ ജാഗ്രതയുള്ളവരാക്കി മാറ്റുന്നതിന് ജില്ലാ ഭരണകൂടവും ആരോഗ്യവകുപ്പും കൈക്കൊണ്ട നടപടികളുടെ തുടര്‍ച്ചയായാണ് കൊറോണ ഫസ്റ്റ് ലൈന്‍ ട്രീറ്റ്‌മെന്റ് സെന്റര്‍ ആരംഭിക്കുന്നത്.

ഫര്‍ണിച്ചര്‍ മാനുഫാക്‌ച്ചേഴ്‌സ് ആന്റ് മര്‍ച്ചന്റ്‌സ് വെല്‍ഫെയര്‍ അസോസിയേഷന്‍ കൊല്ലം ജില്ലാ ഘടകത്തിന്റെ കോവിഡ് സാന്ത്വന പ്രവര്‍ത്തനങ്ങളുടെ ജില്ലാതല ഉദ്ഘാടനം എം മുകേഷ് എം എല്‍ എ നിര്‍വഹിച്ചു.

ഭാഗ്യക്കുറി ഏജന്റുമാരുടെയും വില്‍പ്പനക്കാരുടെയും ക്ഷേമനിധി ബോര്‍ഡിലെ 2015 ഏപ്രില്‍ മുതല്‍ അംശദായം മുടങ്ങി അംഗത്വം റദ്ദായ അംഗങ്ങള്‍ക്ക് അംഗത്വം പുനസ്ഥാപിക്കുന്നതിനുള്ള തീയതി ജൂലൈ 10 വരെ നീട്ടി. 2020 ജൂലൈ 10 വരെ പുതിയ അംഗത്വം എടുക്കുന്നവര്‍ക്കും അംഗത്വം പുനസ്ഥാപിക്കുന്നവര്‍ക്കും ഭാഗ്യ കൂപ്പണിന് അര്‍ഹത ലഭിക്കും. ഭാഗ്യ കൂപ്പണ്‍ വിതരണം ജില്ലാ ഭാഗ്യക്കുറി ക്ഷേമനിധി ഓഫീസ് മുഖേന ജൂലൈ 20 വരെ നടത്തും.

കൊല്ലം പാരിപ്പള്ളി സര്‍ക്കാര്‍ മെഡിക്കല്‍ കോളജ് ആശുപത്രിയിലെ കോവിഡ് 19 വാര്‍ഡുകളില്‍ താത്കാലികാടിസ്ഥാനത്തില്‍ ക്ലിനിംഗ് സ്റ്റാഫ് തസ്തികയില്‍ നിയമനം നടത്തുന്നതിന് അപേക്ഷ ക്ഷണിച്ചു. എസ് എസ് എല്‍ സി യും മൂന്നു വര്‍ഷത്തെ പ്രവൃത്തി പരിചയവുമാണ് യോഗ്യത. പ്രായം 18 നും 50 നും ഇടയില്‍.

ജില്ലാ പഞ്ചായത്ത് 2020-21 ലെ ക്ഷീര സഹകരണ സംഘങ്ങള്‍ക്ക് റിവോള്‍വിങ് ഫണ്ട് അനുവദിക്കുന്ന പദ്ധതി നടപ്പിലാക്കുന്നതിന് മാനദണ്ഡങ്ങള്‍ പ്രകാരം അര്‍ഹതയുള്ള ജില്ലാ പഞ്ചായത്ത് പരിധിയിലെ ക്ഷീരോല്പാദക സഹകരണ സംഘങ്ങളില്‍ നിന്നും അപേക്ഷ ക്ഷണിച്ചു. നിശ്ചിത മാതൃകയില്‍ തയ്യാറാക്കിയ അപേക്ഷ ജൂലൈ 10 നകം അതത് ക്ഷീരവികസന യൂണിറ്റുകളില്‍ നല്‍കണം. വിശദ വിവരങ്ങള്‍ ക്ഷീരവികസന യൂണിറ്റുകളില്‍ ലഭിക്കും.
(പി.ആര്‍.കെ നമ്പര്‍ 1761/2020)

പുനലൂര്‍ സര്‍ക്കാര്‍ പോളിടെക്‌നിക് കോളജില്‍ ഗണിത ശാസ്ത്ര അധ്യാപക തസ്തികയില്‍ നിയമനം നടത്തുന്നതിനുള്ള അഭിമുഖം ജൂലൈ ഏഴിന് രാവിലെ 10.30 ന് നടക്കും. പി എസ് സി അംഗീകരിച്ച വിദ്യാഭ്യാസ യോഗ്യതയുള്ളവര്‍ (55 ശതമാനം മാര്‍ക്കോടെ എം എസ് സി യും നെറ്റും) വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല്‍ പ്രമാണങ്ങളുമായി അഭിമുഖത്തിന് ഹാജരാകണം.
(പി.ആര്‍.കെ നമ്പര്‍ 1760/2020)
 

ജില്ലാ ഭക്ഷ്യ സുരക്ഷാ കാര്യാലയം മത്സ്യവിപണന രംഗത്തെ മായം ചേര്‍ക്കല്‍, ചീഞ്ഞഴുകിയ മത്സ്യ വിപണനം, ഭക്ഷ്യ സുരക്ഷാ മാനദണ്ഡങ്ങള്‍ പാലിക്കേണ്ടതിന്റെ ആവശ്യകത എന്നിവ മുന്‍നിര്‍ത്തി 'മുന്നറിയിപ്പ്' എന്ന പേരില്‍ തയ്യാറാക്കിയ ഷോര്‍ട്ട് ഫിലിം ജില്ലാ കലക്ടര്‍ ബി അബ്ദുല്‍ നാസര്‍ പ്രകാശനം ചെയ്തു. എം മുകേഷ് എം എല്‍ എ യാണ് ഷോര്‍ട്ട് ഫിലിമില്‍ ആമുഖ സന്ദേശം നല്‍കുന്നത്.
(പി.ആര്‍.കെ നമ്പര്‍ 1759/2020)
 

ശാരീരിക അവശതകള്‍ മറന്ന് ഭിന്നശേഷിക്കാര്‍ക്ക് ഇനി പരസഹായമില്ലാതെ യാത്ര ചെയ്യാം. ജില്ലാ പഞ്ചായത്ത് വിതരണം ചെയ്ത ജോയ്സ്റ്റിക് ഓപ്പറേറ്റഡ് ഇലക്‌ട്രോണിക് വീല്‍ചെയറാണ് ഭിന്നശേഷിക്കാര്‍ക്ക് സാന്ത്വനമാവുക. 2019-20 വര്‍ഷത്തെ ബട്ടര്‍ഫ്‌ലൈസ് പദ്ധതി പ്രകാരമാണ് വീല്‍ചെയര്‍ വിതരണം ചെയ്തത്.