* അത്യാവശ്യഘട്ടങ്ങളിൽ  മാത്രം പാസിന് അപേക്ഷ നൽകണമെന്നു പോലീസ്

* 1,37,930 പേർക്കു സൗജന്യ ഭക്ഷണം വിതരണം ചെയ്തു
കോവിഡ് പ്രതിരോധ പ്രവർത്തനങ്ങളുടെ ഭാഗമായി സംസ്ഥാനത്ത് ആരംഭിച്ച കമ്യൂണിറ്റി കിച്ചണുകളിലൂടെ കഴിഞ്ഞ ദിവസം മാത്രം 1.54 ലക്ഷം പേർക്കു ഭക്ഷണം നൽകാനായെന്നു മുഖ്യമന്ത്രി പിണറായി വിജയൻ. സംസ്ഥാനത്തെ 1034 തദ്ദേശ സ്വയംഭരണ സ്ഥാപനങ്ങളിൽ 1031 ലും കമ്യൂണിറ്റി കിച്ചണുകൾ തുറന്നെന്നും ആകെ 1213 കിച്ചണുകൾ ഇപ്പോൾ പ്രവർത്തിക്കുന്നുണ്ടെന്നും മുഖ്യമന്ത്രി പറഞ്ഞു.

സംസ്ഥാനത്ത് ഇന്നലെ (30 മാർച്ച് 2020) 32 പേർക്കു കൂടി കോവിഡ് 19 സ്ഥിരീകരിച്ചു. ഇതിൽ 17 പേർ വിദേശത്തുനിന്ന് എത്തിയവരും 15 പേർ സമ്പർക്കം മൂലം രോഗം സ്ഥിരീകരിച്ചവരുമാണ്. ഇതോടെ സംസ്ഥാനത്ത് ആകെ രോഗം ബാധിച്ചവരുടെ എണ്ണം 213 ആയെന്നു മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ പറഞ്ഞു.

പായിപ്പാട് അതിഥി തൊഴിലാളികളെ ഇളക്കിവിടാൻ ആസൂത്രിത ശ്രമമുണ്ടായതായും കൊറോണ പ്രതിരോധ പ്രവർത്തനങ്ങളിൽ കേരളം നേടിയ മുന്നേറ്റം താറടിച്ചു കാണിക്കാനുള്ള ശ്രമമായേ ഇതിനെ കാണാൻ സാധിക്കൂയെന്നും മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. ഒന്നോ അതിലധികമോ ശക്തികൾ ഇതിനു പിന്നിൽ പ്രവർത്തിച്ചതായാണ് പ്രാഥമികമായി മനസിലാക്കുന്നത്. ഇവരെ കണ്ടെത്താൻ പോലീസിന് നിർദ്ദേശം നൽകിയിട്ടുണ്ട്.

ജില്ലാ ആശുപത്രിയിലെ സൈക്യാട്രിസ്റ്റ് ഡോ കിരണിനെ കൊറോണ കെയര്‍ സെന്റര്‍ ആന്റ് ട്രീറ്റ്‌മെന്റ് യൂണിറ്റ് നോഡല്‍ ഓഫീസറായി നിയമിച്ചു.  ക്വാറന്റയിനില്‍ കഴിയുന്ന ആള്‍ക്കഹോള്‍ വിഡ്രോവല്‍ സിന്‍ഡ്രോമുള്ള വ്യക്തികള്‍ക്ക് ആവശ്യമായ ചികിത്സയും കൗണ്‍സിലിംഗും നല്‍കുകയാണ് നോഡല്‍ ഓഫീസറുടെ ചുമതല. വിഡ്രോവല്‍ സിന്‍ഡ്രോമുള്ളവര്‍ കൊറോണ കെയര്‍ സെന്ററിലെ ജീവനക്കാര്‍ക്കും സഹവാസികള്‍ക്കും ബുദ്ധിമുട്ട് ഉണ്ടാക്കുന്ന സാഹചര്യത്തിലാണ് നടപടി.

ജില്ലയിലെ മുഴുവന്‍ കുടുംബങ്ങള്‍ക്കും സര്‍ക്കാര്‍ തീരുമാന പ്രകാരമുള്ള സൗജന്യ റേഷന്‍ സാധനങ്ങള്‍ ഏപ്രില്‍ ഒന്നു മുതല്‍ വിതരണം ചെയ്യുമെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു. ആള്‍ക്കൂട്ടമില്ലാത്ത രീതിയില്‍ ടോക്കണ്‍ സമ്പ്രദായത്തിലാകും റേഷന്‍ വിതരണം നടത്തുക. അര്‍ഹതപ്പെട്ടവര്‍ക്ക് മുന്‍ഗണനാടിസ്ഥാനത്തില്‍ വിതരണം ചെയ്യുമെന്നും റേഷന്‍ വാങ്ങാന്‍ വീടുവിട്ട് വരാന്‍ കഴിയാത്തവര്‍ക്ക് സാധനങ്ങള്‍ വീട്ടിലെത്തിച്ച് കൊടുക്കാനുള്ള നടപടി സ്വീകരിക്കുമെന്നും അദ്ദേഹം പറഞ്ഞു.

ജില്ലയില്‍  ഇന്നലെ (മാര്‍ച്ച് 30) 17,032 പേരാണ് ഗൃഹനിരീക്ഷണത്തില്‍ ഉള്ളത്. ഇതില്‍ 42 പേര്‍ വിദേശ പൗര•ാരാണ്. ദുബായില്‍ നിന്നുള്ള 1,954 പേര്‍ ഉള്‍പ്പെടെ ഗള്‍ഫ് മേഖലയില്‍ നിന്ന് തിരികെ എത്തിയ 6,398 സ്വദേശികളും ഗൃഹനിരീക്ഷണത്തില്‍ ഉള്‍പ്പെടുന്നു. ആറു പേര്‍ ഗൃഹ നിരീക്ഷണം വിജയകരമായി പൂര്‍ത്തിയാക്കി. ഇന്നലെ പുതിയതായി ആശുപത്രിയില്‍ പ്രവേശിക്കപ്പെട്ടത് നാല് പേര്‍ മാത്രമാണ്. ഇവര്‍ ഉള്‍പ്പെടെ 17 പേര്‍ ഐ പി യില്‍ ഉണ്ട്.
ദേശീയ വൈറോളജി ഇന്‍സ്റ്റിറ്റ്യൂട്ടിലേക്ക് പരിശോധനയ്ക്ക് അയച്ച 717 സാമ്പിളുകളില്‍ 94 എണ്ണത്തിന്റെ ഫലം കൂടി വരാനുണ്ട്.

കൊവിഡ് 19 രോഗബാധ ലക്ഷണങ്ങള്‍ പ്രകടിപ്പിക്കുന്നവരെ കൂടാതെ ലോക്ക് ഡൗണ്‍ കാലയളവില്‍  വീടില്ലാത്തവര്‍ക്കും അനാഥര്‍ക്കുമായി തിരഞ്ഞെടുത്ത കൊറോണ കെയര്‍ സെന്ററുകളില്‍  പ്രത്യേകം പ്രവേശനം നല്‍കിത്തുടങ്ങി. നിലവില്‍ റീഹാബിലിറ്റേഷന്‍ സെന്ററായി പ്രവര്‍ത്തിക്കുന്ന നാലിടങ്ങളില്‍ 65 പേര്‍ ഉണ്ട്.