വനവാസികള്‍ക്ക് അവശ്യസാധനങ്ങള്‍ എത്തിക്കാന്‍ വനംവകുപ്പ് വാഹനങ്ങള്‍ വിട്ടു നല്‍കുമെന്ന് വനംമന്ത്രി അഡ്വ കെ രാജു അറിയിച്ചു.

ഇന്നും പുതിയ പോസിറ്റീവ് ഇല്ല

കോഴിക്കോട് ജില്ലയില്‍ ഇന്ന് (30/3)  ആകെ 20,135 പേര്‍ നിരീക്ഷണത്തിലുള്ളതായി ജില്ലാ മെഡിക്കല്‍ ഓഫീസര്‍ ഡോ.വി ജയശ്രീ അറിയിച്ചു. സംസ്ഥാന സര്‍ക്കാരിന്റെ കോവിഡ്-19 ട്രാക്കര്‍ വെബ് പോര്‍ട്ടല്‍ വഴി കീഴ്സ്ഥാപനങ്ങളില്‍ നിന്നും കഴിഞ്ഞ കുറച്ച് ദിവസങ്ങളിലായി നിരീക്ഷണത്തില്‍ ചേര്‍ത്തവരെ ഉള്‍പ്പെടുത്തിയാണ് പുതിയ കണക്ക്. മറ്റു സംസ്ഥാനങ്ങളില്‍ പോയി തിരിച്ചുവന്നവര്‍ ഉള്‍പ്പെടെയാണ് നിരീക്ഷണത്തിലുള്ളവര്‍. ഇന്ന് പുതുതായി വന്ന മൂന്ന് പേര്‍ ഉള്‍പ്പെടെ മെഡിക്കല്‍ കോളേജില്‍ ചികിത്സയിലുള്ള 22 പേരാണ് ആകെ ആശുപത്രി നിരീക്ഷണത്തിലുള്ളത്.

കൂടെയുണ്ട് സർക്കാർ; ക്ഷേമപെൻഷൻ വിതരണം തുടങ്ങിയപ്പോൾ ഇത് വരെ ജില്ലയിൽ 26.94 കോടി രൂപ പെൻഷനായി നൽകി. 111069 ഗുണ ഭോക്താക്കൾക്കാണ് ഇത് വരെ പെൻഷൻ ലഭിച്ചത്. തൃശൂർ താലൂക്കിൽ 25707പേർക്കും, കൊടുങ്ങല്ലൂർ - 7610, കുന്നംകുളം - 12395, തലപ്പിള്ളി -19578, മുകുന്ദപുരം - 20760, ചാവക്കാട് - 9748, ചാലക്കുടി - 15271 എന്നിങ്ങനെയാണ് പെൻഷൻ ലഭിച്ചവർ.

കോവിഡ് 19 രോഗവ്യാപനത്തിന്റെ ഭാഗമായി മലബാർ ദേവസ്വം ബോർഡിന് കീഴിലെ ക്ഷേത്ര ജീവനക്കാർക്കുള്ള ശമ്പള വിഹിതം ബോർഡിന്റെ തനത് ഫണ്ടിൽ നിന്ന് നൽകുമെന്ന് മലബാർ ദേവസ്വം ബോർഡ് അറിയിച്ചു.

ജില്ലയിൽ 20000 ത്തോളം വരുന്ന അതിഥി സംസ്ഥാന തൊഴിലാളികൾ സുരക്ഷിതരാണെന്ന് തദ്ദേശ സ്വയം ഭരണ വകുപ്പ് മന്ത്രി എ സി മൊയ്തീൻ. തൃശ്ശൂർ കോർപ്പറേഷൻ പരിധിയിൽ തോപ്പ് സ്‌കൂളിൽ പ്രവർത്തിക്കുന്ന സമൂഹ അടുക്കള സന്ദർശിച്ച് സംസാരിക്കുകയായിരുന്നു മന്ത്രി.

കോവിഡ് 19 വൈറസ് പ്രതിരോധിക്കുന്നതിന്റെ ഭാഗമായി 21 ദിവസത്തെ ലോക് ഡൗൺ പ്രഖ്യാപിച്ച സാഹചര്യത്തിൽ വീടുകളിൽ പച്ചക്കറി കൃഷി പ്രോത്സാഹിപ്പിക്കുന്നതിന്റെ ഭാഗമായി സംസ്ഥാന സർക്കാർ പ്രഖ്യാപിച്ച അടുക്കളത്തോട്ടം പദ്ധതിയുടെ സംസ്ഥാനതല ഉദ്ഘാടനം കളക്ടറേറ്റിൽ കൃഷി വകുപ്പ് മന്ത്രി വി എസ് സുനിൽകുമാർ നിർവഹിച്ചു. ലോക്ക് ഡൗണിന്റെ സാഹചര്യത്തിൽ ഭൂരിപക്ഷം പേരും വീട്ടിൽ തുടരുന്നതിലൂടെ ലഭിക്കുന്ന സമയം കൃഷി ചെയ്യാൻ ഉപയോഗിക്കണമെന്ന് മുഖ്യമന്ത്രി അഭ്യർത്ഥിച്ചിരുന്നു. കമ്പോളത്തിലെ പച്ചക്കറി ക്ഷാമം നേരിടാനും ഈ പദ്ധതിയിലൂടെ കഴിയുമെന്നാണ് വിലയിരുത്തൽ.