ജില്ലാ പദ്ധതി വികസന സെമിനാര്‍ ജനുവരി 18 ന് കോട്ടക്കുന്ന് ഡി.ടി.പി.സി. ഹാളില്‍ നടക്കും. രാവിലെ 10 ന് നടക്കുന്ന പരിപാടി തദ്ദേശ സ്വയം ഭരണ വകുപ്പ് മന്ത്രി കെ.ടി.ജലീല്‍ ഉദ്ഘാടനം ചെയ്യും.

ആലപ്പുഴ: പ്രായമേറിയ മാതാപിതാക്കളെ മക്കൾ സംരക്ഷിക്കാത്ത കേസുകൾ ഗൗരവമായാണ് പരിഗണിക്കുന്നതെന്നും കർശന നടപടികൾ സ്വീകരിക്കുമെന്നും വനിത കമ്മിഷൻ. ജില്ലാ പഞ്ചായത്ത് ഹാളിൽ നടന്ന മെഗാ അദാലത്തിൽ ചേർത്തല താലൂക്കിലുള്ള അറുപത്തിയേഴുകാരിയെ മകൻ സംരക്ഷിക്കുന്നില്ലെന്ന പരാതിയിൽ തഹസിൽദാരുടെ റിപ്പോർട്ട് ആവശ്യപ്പെട്ടാണ് കമ്മിഷൻ അംഗങ്ങളായ അഡ്വ. എം.എസ്. താര, ഷാഹിദ കമാൽ എന്നിവർ ഇക്കാര്യം വ്യക്തമാക്കിയത്. സ്വത്ത് കൈക്കലാക്കിയ ശേഷം മാതാപിതാക്കളെ സംരക്ഷിക്കാത്ത കേസുകൾ നിരവധിയുണ്ട്. ഇത്തരം കേസുകളിൽ സ്വത്ത് തിരികെ ലഭിക്കുന്നതടക്കമുള്ള നിയമനടപടികളാണ് കമ്മിഷൻ സ്വീകരിക്കുക. 

ഇന്ന് (ജനുവരി 12)  വൈകുന്നേരം 6.30 - കവണാറ്റിന്‍കര ബോട്ട് ജെട്ടി:  തോല്‍പ്പാവകൂത്ത് അവതരണം -രാമചന്ദ്രപുലവാര്‍, നോക്കുപാവക്കളി  അവതരണം - രഞ്ജിനി; ചങ്ങനാശേരി പെരുന്ന ബസ് സ്റ്റേഷന്‍:  തോറ്റംപാട്ട് അവതരണം -വിഷ്ണു, നിണബലി അവതരണം - വിജേഷ്.                                                                            

ആയുഷ് വകുപ്പിലെ പൊതുമരാമത്ത് ജോലികള്‍ സമയ ബന്ധിതമായി പൂര്‍ത്തിയാക്കാന്‍ ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ അധ്യക്ഷതയില്‍ ആയുഷ് വകുപ്പ് പ്രിന്‍സിപ്പല്‍ സെക്രട്ടറി, പൊതുമരാമത്ത് പ്രിന്‍സിപ്പല്‍ സെക്രട്ടറി, ബന്ധപ്പെട്ട ഉദ്യോഗസ്ഥര്‍ എന്നിവര്‍ യോഗം ചേര്‍ന്ന് കര്‍മ്മ പദ്ധതിക്ക് രൂപം നല്‍കി.

സംസ്ഥാന ടൂറിസം വകുപ്പ് കനകക്കുന്നില്‍ സംഘടിപ്പിച്ച വസന്തോത്സവം പുഷ്പപ്രദര്‍ശന മേള ജനത്തിരക്ക് കണക്കിലെടുത്ത് ജനുവരി  16  വരെ നീട്ടി.  കഴിഞ്ഞ ഞായറാഴ്ചയാണ് വസന്തോത്സവം ആരംഭിച്ചത്. പുഷ്പമേള കൂടാതെ,കേരളത്തിന്റെ ജൈവവൈവിധ്യത്തിന്റെ പ്രതീകമായ കാവുകളുടെ പുനരാവിഷ്‌ക്കാരം, ഗോത്രവര്‍ഗ്ഗ സംസ്‌ക്കാരത്തിന്റെ നേര്‍ക്കാഴ്ചയുമായി ഗോത്രവര്‍ഗ്ഗ ഊരിന്റെ മാതൃക, വയനാടന്‍ വിത്തുപുര, തേന്‍കൃഷിയും പരിപാലനവും വിപണനവുമായി 'തേന്‍കൂട്', വനക്കാഴ്ചകള്‍, ശലഭോദ്യാനം,കാര്‍ഷികോത്പന്നങ്ങളുടെ പ്രദര്‍ശനം, ഭക്ഷ്യമേള എന്നിവയും വസന്തോത്സവത്തിലുണ്ട്.

പി.എന്‍.എക്‌സ്.170/18