:കൈയ്യില്‍ കുഞ്ഞി ട്രേയും പിടിച്ച് സമയാസമയം മുരുന്നും ഭക്ഷണവും വെള്ളവും ബെഡ്ഷീറ്റുമായി കോവിഡ് രോഗികളുടെ മുറിയിലെത്തി നിറചിരിയും സമ്മാനിച്ച് അവര്‍ തിരികെ പോകും. ചികിത്സയിലുള്ളവര്‍ക്ക് ഡോക്ടറെയോ വീട്ടുകാരേയോ കാണണമെന്ന ആവശ്യം പറഞ്ഞാല്‍ ഞൊടിയിടയില്‍ വീഡിയോ കോളിലൂടെ അവരെയും അടുത്തെത്തിക്കും. നാലടി പൊക്കം മാത്രമുള്ള ഇത്തിരി കുഞ്ഞന്‍ റോബോട്ട് 'നഴ്‌സുമാര്‍' ചെയ്തുനല്‍കുന്ന  സേവനങ്ങളാണിത്. 

കോവിഡ് വ്യാപനം തടയുന്നതിന് ഏര്‍പ്പെടുത്തിയിട്ടുള്ള നിയന്ത്രണങ്ങള്‍ ലംഘിക്കുന്നവര്‍ക്കെതിരെ നിയമനടപടികള്‍ ശക്തമാക്കുമെന്ന് ജില്ലാപോലീസ് മേധാവി കെ.ജി സൈമണ്‍. രോഗബാധക്കെതിരായ പ്രതിരോധ നടപടികള്‍ കര്‍ശനമാക്കിയ പശ്ചാത്തലത്തില്‍, ലംഘനങ്ങളുടെ ഗൗരവമനുസരിച്ച് പിഴയീടാക്കുന്നത് ഉള്‍പ്പെടെയുള്ള നടപടികള്‍ സ്വീകരിക്കും. പിഴ 10000 രൂപ വരെയാകാം. പിഴയടച്ചില്ലെങ്കില്‍ തടവുശിക്ഷ. അറസ്റ്റ് രേഖപ്പെടുത്തിയശേഷം വിട്ടയയ്ക്കുകയും, കേസ് കോടതിയില്‍ ചാര്‍ജ് ചെയ്യുകയും ചെയ്യും. 

കോന്നി മെഡിക്കല്‍ കോളജ് പ്രവര്‍ത്തനം ആരംഭിക്കുന്നതിന്റെ ഭാഗമായി ഉന്നതതല സംഘം മെഡിക്കല്‍ കോളജ് സന്ദര്‍ശിച്ചു. കെ.യു.ജനീഷ് കുമാര്‍ എംഎല്‍എയുടെയും മെഡിക്കല്‍ എഡ്യുക്കേഷന്‍ ഡപ്യൂട്ടി ഡയറക്ടറുടെയും സാന്നിധ്യത്തില്‍ അവലോകനയോഗം ചേര്‍ന്നു. മെഡിക്കല്‍ കോളജിന്റെ നിര്‍മാണ പ്രവര്‍ത്തനങ്ങളില്‍ സംഘം തൃപ്തി രേഖപ്പെടുത്തി. ആഗസ്റ്റില്‍ ഒപി പ്രവര്‍ത്തനം ആരംഭിക്കുന്നതിനുള്ള പരിശോധനയാണു സംഘം നടത്തിയത്. ഒന്നാംഘട്ട പ്രവര്‍ത്തനങ്ങള്‍ പൂര്‍ത്തിയാക്കുന്നതോടെ ആഗസ്റ്റില്‍ ഒപി ആരംഭിക്കാന്‍ കഴിയും. പരിസ്ഥിതി അനുമതി ലഭിക്കുന്നതിനുള്ള പ്രവര്‍ത്തനങ്ങള്‍ അവസാന ഘട്ടത്തിലാണ്.

അപേക്ഷ ക്ഷണിച്ചു

ഒരു നൂറ്റാണ്ടിലേറെ പഴക്കമുള്ള മൃഗശാല തൃശൂരിനടുത്തുള്ള പുത്തൂർ വനമേഖലയിലേക്ക് മാറ്റിസ്ഥാപിക്കുന്നതിനുള്ള നടപടികൾ പുരോഗമിക്കുന്നു. രണ്ട് പതിറ്റാണ്ടു മുൻപ് വിഭാവനം ചെയ്തതാണ് ഈ പദ്ധതി. കിഫ്ബിയിൽ നിന്നുള്ള ധനസഹായത്തോടെ ഇത് മൂന്ന് ഘട്ടങ്ങളിലായി അതിവേഗം പുരോഗമിക്കുകയാണ്.