കൊവിഡ് 19 പ്രതിരോധ പ്രവര്‍ത്തനങ്ങള്‍ക്ക് നിയോഗിച്ച സന്നദ്ധ പ്രവര്‍ത്തകരുടെയും  പഞ്ചായത്തിന്റെയും ആരോഗ്യ വകുപ്പിന്റെയും സംയുക്ത നേതൃത്വത്തില്‍ രാജക്കാട് ടൗണ്‍ അണുവിമുക്തമാക്കി. രാജക്കാട് ബസ് സ്റ്റാന്‍ഡ്, സെന്‍ട്രല്‍ ജംഗ്ഷന്‍, മാര്‍ക്കറ്റ്, തുടങ്ങി ടൗണും പരിസര പ്രദേശങ്ങളുമാണ് അണുവിമുക്തമാക്കിയത്. ആരോഗ്യ വകുപ്പിന്റെ നേതൃത്വത്തില്‍ നിര്‍മിച്ച അണുവിമുക്തലായിനി ഉപയോഗിച്ചാണ് ടൗണ്‍ ശുചീകരിച്ചത്. 25ഓളം സന്നദ്ധ പ്രവര്‍ത്തകരാണ് ശുചീകരണ പ്രവര്‍ത്തനങ്ങളില്‍ പങ്കാളികളായത്.

കൊവിഡ് 19 പ്രതിരോധപ്രവര്‍ത്തനങ്ങളുടെ ഭാഗമായി രാജ്യം ലോക്ഡൗണിലേക്ക് നീങ്ങിയപ്പോള്‍ ദൈനംദിന തൊഴില്‍ ഇല്ലാതെയായ നിരവധിപേരാണ് സ്വന്തം വീടുകളില്‍ കഴിഞ്ഞുകൂടുന്നത്. ലോക്ഡൗണ്‍ അഞ്ചാം ദിവസമായതോടെ പഞ്ചായത്തുകളുടെ നേതൃത്വത്തില്‍ ജില്ലയിലെ വിവിധ കേന്ദ്രങ്ങളില്‍ സാമൂഹിക അടുക്കളകള്‍ സജീവമായി. സാമൂഹിക അടുക്കളകളില്‍  പാചകം ചെയ്ത് സന്നദ്ധ സേവകരുടെയും പഞ്ചായത്തംഗങ്ങളുടെയും നേതൃത്വത്തിലാണ് നിരീക്ഷണത്തില്‍ കഴിയുന്നവര്‍ക്കും തൊഴിലില്ലാതയവര്‍ക്കും ഭക്ഷണമെത്തിക്കുന്നത്.

വട്ടവട ഗ്രാമപഞ്ചായത്തില്‍ താമസിച്ചു വന്നിരുന്ന കൊടൈക്കനാല്‍ സ്വദേശിക്ക് കോവിഡ് 19 രോഗ ലക്ഷണങ്ങള്‍ കണ്ടെത്തിയതിനെ തുടര്‍ന്ന് വട്ടവട്ടവടയില്‍ കൂടുതല്‍ ജാഗ്രത. നിര്‍മ്മാണ മേഖലയില്‍ ജോലിക്കായി ആഴ്ചകള്‍ക്കു മുമ്പ് എത്തിയ ഇദ്ദേഹത്തെ രോഗ ലക്ഷണങ്ങളെ തുടര്‍ന്ന് കൊടൈക്കനാലിലെ ആശുപത്രിയിലേക്ക് കൊണ്ടുപോയി. ഇദ്ദേഹത്തിന്റെ പരിശോധന ഫലം രണ്ടു ദിവസത്തിനകം ലഭിക്കും.

ലൈഫ് മിഷ്ന്‍ പദ്ധതിയുടെ ഭാഗമായി  അടിമാലി മച്ചിപ്ലാവില്‍ നിര്‍മ്മിച്ച ഫ്ളാറ്റ് സമുചയത്തില്‍ പഞ്ചായത്ത് ഭരണസമിതി ഭക്ഷ്യവസ്തുക്കള്‍ വിതരണം ചെയ്തു. ഗ്രമാപഞ്ചായത്ത് പ്രസിഡന്റ് ദീപാ രാജീവ്  കിറ്റുകള്‍ കൈമാറി.160 കുടുംബങ്ങള്‍ക്കാണ് 5 കിലോ അരിയും കറിപൗഡറുകളും വിതരണം ചെയ്തത്. അരി വിതരണത്തിനായി സമൂഹത്തിന്റെ വിവിധ കോണുകളില്‍ നിന്നും മികച്ച സഹകരണം ഉണ്ടായതായി പഞ്ചായത്ത് സെക്രട്ടറി കെ. എന്‍ സഹജന്‍ പറഞ്ഞു. കമ്മ്യൂണിറ്റി കിച്ചണ്‍ന്റെ പ്രവര്‍ത്തനവും മികച്ച രീതിയില്‍ നടന്നു വരുന്നതായും ദിനംപ്രതി 125 ഓളം ആളുകള്‍ക്ക് ഭക്ഷണം കൊടുക്കുന്നതായും ഭരണസമതി അറിയിച്ചു.

കൊറോണ വാര്‍ഡിനോടനുബന്ധിച്ച് തൊടുപുഴ ജില്ലാ ആശുപത്രിയില്‍ പ്രത്യേക കലവറ പ്രവര്‍ത്തനം തുടങ്ങി. ഐസൊലേഷനില്‍ കഴിയുന്ന രോഗികള്‍, നിരീക്ഷണത്തില്‍ കഴിയുന്നവര്‍, അവരെ പരിചരിക്കുന്നതിനായി പ്രത്യേകം പരിശീലനം ലഭിച്ച ഡോക്ടര്‍മാര്‍, നഴ്‌സ്മാര്‍, ജീവനക്കാര്‍ എന്നിവര്‍ ഉള്‍പ്പെടെ 60 ഓളം പേര്‍ക്ക് ദിവസവും അഞ്ച് നേരം വീതമാണ് ഇപ്പോള്‍ ഇവിടെ നിന്നും ഭക്ഷണം തയ്യാറാക്കി നല്‍കുന്നത്. കൊറോണ വാര്‍ഡില്‍ സേവനമനുഷ്ഠിക്കുന്ന നഴ്‌സ്മാരുള്‍പ്പെടെയുള്ളവര്‍ പൊതുജന സമ്പര്‍ക്കം ഒഴിവാക്കുന്നതിനായി ആശുപത്രിയില്‍ തന്നെ തയ്യാറാക്കിയ ഹാളിലാണ് താമസിക്കുന്നത്. ഇവര്‍ക്കും ഇവിടെ നിന്നാണ് ഭക്ഷണം.

ഇടുക്കിയില്‍ കോവിഡ് 19 ബാധിതരായവരെ ചികിത്സിക്കാന്‍ തൊടുപുഴ ജില്ലാ ആശുപത്രിയിയില്‍ തയ്യാറാക്കിയ കൊറോണ വാര്‍ഡിലേക്ക് വിവിധ സന്നദ്ധ സംഘടനകളുടേയും അഭ്യുദയകാംക്ഷികളുടേയും സഹായഹസ്തം. ജില്ലാ ആശുപത്രിയുടെ പണി പൂര്‍ത്തീകരിച്ച പുതിയ ബ്ലോക്കാണ് സര്‍ക്കാരിന്റെ അടിയന്തിര നിര്‍ദ്ദേശത്തെ തുടര്‍ന്ന്
മണിക്കൂറുകള്‍ക്കുള്ളില്‍ കൊറോണാ വാര്‍ഡാക്കി മാറ്റിയത്. അധികൃതരോടൊപ്പം നൂറോളം യുവജന സംഘടനാ പ്രവര്‍ത്തകരുടെ നേതൃത്വത്തില്‍ കെട്ടിടത്തിനുള്ളിലെ നിര്‍മ്മാണ അവശിഷ്ടങ്ങള്‍ നീക്കം ചെയ്ത് കഴുകി വൃത്തിയാക്കി വാര്‍ഡ് സജ്ജമാക്കുകയായിരുന്നു.

ആദ്യം നമുക്ക് ജീവിച്ചിരിക്കാം.... പിന്നീടാവാം ജോലി, അവശ്യസാധനങ്ങള്‍ ഞങ്ങള്‍ എത്തിച്ചു തരാം ... '
 കമ്പംമേട് പോലീസ് ഇന്‍സ്‌പെക്ടര്‍ ജി. സുനില്‍കുമാറിന്റെ വാക്കുകളാണിത്.

കൊവിഡ് - 19 വൈറസ് ബാധയുടെ നിയന്ത്രണ പ്രവര്‍ത്തനത്തിന്റെ ഭാഗമായി  ബ്ലോക്ക് തലത്തിലെ പ്രവര്‍ത്തനങ്ങള്‍ ഏകോപിപ്പിക്കുന്നതിനായി ബ്ലോക്ക് പഞ്ചായത്ത് പ്രസിഡന്റിനെ ചെയര്‍മാനായും ബ്ലോക്ക് മെഡിക്കല്‍ ആഫീസറെ കണ്‍വീനറായും ഏകോപനസമിതികള്‍ രൂപീകരിച്ച് ജില്ലാ കളക്ടര്‍ എച്ച്. ദിനേശന്‍ ഉത്തരവിട്ടു.ബ്ലോക്ക് തല കമ്മിറ്റികളുടെ ജില്ലാതല നോഡല്‍ ഓഫീസര്‍ ജില്ലാ പ്ലാനിംഗ് ഓഫീസര്‍ ആണ്. -9495098595

 
ഇടുക്കി ബ്ലോക്ക്
ചെയര്‍മാന്‍- റെജി മുക്കാട്ട്, ബ്ലോക്ക് പഞ്ചായത്ത് പ്രസിഡന്റ്,  8281040159
കണ്‍വീനര്‍  ഡോ. ചാക്കോ, ബ്ലോക്ക് മെഡിക്കല്‍ ഓഫീസര്‍  9446056521

 ലോക്ഡൗണിന്റെ സാഹചര്യത്തില്‍ വിലക്കയറ്റം തടയുന്നതിനായി ജില്ലയില്‍ വില്ക്കുന്ന പച്ചക്കറികള്‍ക്കു കൃഷി വകുപ്പ് വില നിശ്ചയിച്ചു. വ്യാപാരികള്‍ അമിത വില ഈടാക്കരുതെന്നും ഇതിനു വിരുദ്ധമായി പ്രവര്‍ത്തിച്ചാല്‍ കര്‍ശന നടപടി സ്വീകരിക്കുമെന്നും ജില്ലാ കളക്ടര്‍ എച്ച്. ദിനേശന്‍ അറിയിച്ചു.

 വില നിലവാരം താഴെ ചേര്‍ക്കുന്നു