കോവിഡ് രോഗവ്യാപനം പ്രതിരോധിക്കുന്നതിന്റെ ഭാഗമായി ജില്ലയിൽ രണ്ട് കണ്ടെയ്ൻമെന്റ് സോണുകൾ കൂടി പ്രഖ്യാപിച്ചു. ചാലക്കുടി നഗരസഭയുടെ 16, 19, 21, 30, 31, 35, 36 ഡിവിഷനുകൾ, ശ്രീനാരായണപുരം ഗ്രാമപഞ്ചായത്തിന്റെ 7, 8 വാർഡുകൾ എന്നിവയാണ് പുതുതായി പ്രഖ്യാപിച്ച കണ്ടെയ്ൻമെന്റ് സോണുകൾ.
ഇതോടൊപ്പം നേരത്തെ പ്രഖ്യാപിച്ച 5 തദ്ദേശസ്ഥാപനപ്രദേശങ്ങൾ കണ്ടെയ്ൻമെന്റ് സോണുകളായി തുടരും. ജൂൺ 21, 24 തീയതികളിൽ കണ്ടെയ്ൻമെന്റ് സോൺ ആയി പ്രഖ്യാപിച്ച പ്രദേശങ്ങളാണ് കണ്ടെയ്ൻമെന്റ് സോണിൽ തുടരുക.

കോവിഡ് 19ന്റെ പശ്ചാത്തലത്തിൽ എസ്.എസ്.എൽ.സി ഫലപ്രഖ്യാപനത്തിന് പി.ആർ.ചേംബറിൽ മാധ്യമ റിപ്പോട്ടർമാർക്ക് മാത്രമാണ് പ്രവേശനം. കോവിഡ് പ്രോട്ടോകോളും സാമൂഹ്യാകലവും പാലിക്കുന്നതിന്റെ ഭാഗമായാണ് റിപ്പോർട്ടർമാർമാർക്ക് മാത്രം അനുമതി നൽകിയത്.
പി.എൻ.എക്സ്. 2320/2020

2020 എസ്.എസ്.എൽ.സി പരീക്ഷാഫലം ചൊവ്വാഴ്ച (ജൂൺ 30) ഉച്ചക്ക് രണ്ടിന് പൊതുവിദ്യാഭ്യാസ വകുപ്പ് മന്ത്രി പ്രൊഫ:സി.രവീന്ദ്രനാഥ് പ്രഖ്യാപിക്കും. ഇതോടൊപ്പം തന്നെ ടി.എച്ച്.എസ്.എൽ.സി, ടി.എച്ച്.എസ്.എൽ.സി (ഹിയറിംഗ് ഇംപേർഡ്), എസ്.എസ്.എൽ.സി (ഹിയറിംഗ് ഇംപേർഡ്), എ.എച്ച്.എസ്.എൽ.സി എന്നീ പരീക്ഷകളുടെ ഫലവും പ്രഖ്യാപിക്കും.

പോക്‌സോ കേസുകളുടേയും ലൈംഗിക പീഡന കേസുകളുടെയും അതിവേഗ വിചാരണയ്ക്കായുള്ള ഫാസ്റ്റ്ട്രാക്ക് പ്രത്യേക കോടതികളുടെ ഉദ്ഘാടനം 30 ന് നടക്കും. വിവിധജില്ലകളിലായുള്ള 17 പ്രത്യേക കോടതികളുടെ ഉദ്ഘാടനം വൈകിട്ട് മൂന്നിന് മുഖ്യമന്ത്രി പിണറായി വിജയനും ഹൈക്കോടതി ചീഫ്ജസ്റ്റിസ് എസ്.മണികുമാറും സംയുക്തമായി വീഡിയോ കോൺഫറൻസിംഗിലൂടെ നിർവഹിക്കും. മന്ത്രിമാരായ എ.കെ.ബാലൻ, കെ.കെ.ശൈലജ ടീച്ചർ, അഡ്വക്കേറ്റ് ജനറൽ സി.പി.സുധാകര പ്രസാദ്, ചീഫ് സെക്രട്ടറി ഡോ. വിശ്വാസ് മേത്ത, ഹൈക്കോടതി ജഡ്ജിമാരായ സി.ടി.രവികുമാർ, എ.എം. ഷഫീഖ്, കെ. വിനോദ്ചന്ദ്രൻ, എ.ഹരിപ്രസാദ് എന്നിവർ സംബന്ധിക്കും.

ജില്ലയില്‍ കൊവിഡ്19 മാര്‍ഗനിര്‍ദ്ദേശ പ്രകാരം ക്വാറന്റീനില്‍ കഴിയുന്നവരെ നിരീക്ഷിക്കുന്നതിന് ജില്ലാ പോലീസ് മേധാവിയുടെ നിര്‍ദ്ദേശപ്രാകാരം സ്‌പെഷ്യല്‍  ഡ്രൈവ് നടത്തി. 569 പേര്‍ മാര്‍ഗനിര്‍ദ്ദേശങ്ങള്‍ പാലിക്കുന്നുണ്ടോയെന്നു നിരീക്ഷിച്ചു. സാമൂഹിക അകലം പാലിക്കാത്തതിനെതിരെ 81 പേര്‍ക്കെതിരെ  ഏഴു കേസുകളും പൊതു സ്ഥലങ്ങളില്‍ മാസ്‌ക് ധരിക്കാത്ത രണ്ടു പേര്‍ക്കെതിരെ 310 പെറ്റി കേസുകളും രജിസ്റ്റര്‍ ചെയ്തു. ക്വാറന്റീന്‍ നിര്‍ദ്ദേശം പാലിക്കാത്തവര്‍ക്കെതിരെയും പാസുകള്‍ ഇല്ലാതെ സംസ്ഥാന അതിര്‍ത്തി കടന്നുവരുന്നവര്‍ക്കെതിരെയും കര്‍ശന നടപടി സ്വീകരിക്കുമെന്നും ജില്ലാ പോലീസ് മേധാവി ആര്‍ കറുപ്പസ്വാമി അറിയിച്ചു.

2018ലെ പ്രളയത്തില്‍ നഷ്ടം സംഭവിച്ച വ്യാപാരി ക്ഷേമനിധി ബോഡില്‍ അംഗങ്ങളായ ചപ്പാത്തിലെ വ്യാപാരികള്‍ക്ക് ക്ഷേമനിധി ബോര്‍ഡിന്റെ ധനസഹായം ലഭിച്ചു.