നിയമ സഭയില്‍ 12,13 തിയതികളില്‍ ചേരുന്ന പ്രഥമ ലോക കേരള സഭയില്‍ ആകെ 351 അംഗങ്ങളുണ്ടാകും. കേരളത്തിനകത്തും പുറത്തും വസിക്കുന്ന ഇന്ത്യന്‍ പൗരന്മാരുടെ പ്രഥമ പൊതുവേദി എന്ന നിലയില്‍ കേരള സര്‍ക്കാര്‍ സംഘടിപ്പിക്കുന്ന ലോക കേരള സഭയില്‍ വിവിധ വിഷയങ്ങള്‍ ചര്‍ച്ചചെയ്ത് കേന്ദ്ര, സംസ്ഥാന സര്‍ക്കാരുകളുടെ ശ്രദ്ധയില്‍ കൊണ്ടുവരും. 

ലോകകേരള സഭാ സമ്മേളനത്തോടുനുബന്ധിച്ച് വിരുന്നെത്തുന്ന പ്രവാസി പ്രതിനിധികള്‍ക്കും പൊതുജനങ്ങള്‍ക്കുമായി പുതുമയാര്‍ന്ന സാംസ്‌കാരിക ദൃശ്യവിരുന്നുകള്‍ ഒരുങ്ങുന്നു. ജനുവരി 12ന് നിയമസഭമുതല്‍ നിശാഗന്ധി വരെ ട്രാവലിങ്ങ് ഇന്‍സ്റ്റലേഷന്‍ തിയ്യറ്റര്‍ സജ്ജ മാകും.

തിരുവനന്തപുരം പ്രവേശന പരീക്ഷാ കമ്മീഷണറുടെ കാര്യാലയത്തില്‍ സിസ്റ്റം മാനേജര്‍ (55350-101400), പ്രോഗ്രാമിംഗ് ഓഫീസര്‍ (36600-79200), ഇന്‍ഫര്‍മേഷന്‍ ഓഫീസര്‍ (36600 - 79200), ടെക്‌നിക്കല്‍ അസിസ്റ്റന്റ് (39500 - 83000), കോണ്‍ഫിഡന്‍ഷ്യല്‍ അസിസ്റ്റന്റ് (20000 - 45800), അറ്റന്റര്‍ (19000 - 43600) എന്നീ തസ്തികകളില്‍ ഡെപ്യൂട്ടേഷന്‍ വ്യവസ്ഥയില്‍ നിയമനത്തിന് അപേക്ഷ ക്ഷണിച്ചു. പ്രോഗ്രാമിംഗ് ഓഫീസറുടെ രണ്ട് ഒഴിവുകളുണ്ട്. മറ്റ് തസ്തികകളില്‍ ഒരൊഴിവ് വീതം. 

സംസ്ഥാനത്തിന്റെ വികസന പ്രവര്‍ത്തനങ്ങളുടെ ധനശേഖരണത്തിന്റെ ഭാഗമായി 1000 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം ജനുവരി ഒന്‍പതിന് മുംബൈ ഫോര്‍ട്ടിലുളള റിസര്‍വ് ബാങ്കില്‍ നടക്കും. ഇ-കുബേര്‍ സിസ്റ്റത്തിലൂടെയാണ് ഇടപാടുകള്‍. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്സൈറ്റായ www.finance.kerala.gov.in ല്‍ ലഭിക്കും. (വിജ്ഞാപന നമ്പര്‍ എസ്.എസ്.1/7/2018ധനവകുപ്പ് തീയതി 05.01.2018).

പി.എന്‍.എക്‌സ്.73/18

കേരള സംസ്ഥാന വൈദ്യുതി ബോര്‍ഡ് ലിമിറ്റഡ് വൈദ്യുതി വിതരണ ജോലികളുടെ എസ്റ്റിമേറ്റ് നിരക്കുകള്‍ പുതുക്കി നിശ്ചയിക്കുന്നതിന് സംസ്ഥാന വൈദ്യുതി റഗുലേറ്ററി കമ്മീഷണനില്‍ സമര്‍പ്പിച്ച  അപേക്ഷയിന്മേലുള്ള പൊതു തെളിവെടുപ്പ് ജനുവരി 15, 16, 18 തീയതികളില്‍ നടക്കും. അപേക്ഷ കമ്മീഷന്റെ (www.erckerala.org) വെബ്‌സെറ്റില്‍ ലഭ്യമാണ്. തെളിവെടുപ്പ് സമയവും തീയതിയും : ജനുവരി 15 രാവിലെ 11 ടൗണ്‍ഹാള്‍, എറണാകുളം, 16 രാവിലെ 10.30 ഹോട്ടല്‍ സ്പാന്‍, ജയില്‍റോഡ്, കോഴിക്കോട്, 18 രാവിലെ 11 കമ്മീഷന്‍ ഓഫീസ്, തിരുവനന്തപുരം.

ലൈബ്രറി സയന്‍സ് പരീക്ഷാ (മാര്‍ച്ച് 2018) വിജ്ഞാപനം പ്രസിദ്ധീകരിച്ചു. www.keralapareekshabhavan.in എന്ന വെബ്‌സൈറ്റില്‍ ലഭിക്കും.

പി.എന്‍.എക്‌സ്.71/18

ആഴക്കടലില്‍ മത്സ്യത്തൊഴിലാളികളുടെ സുരക്ഷ ഉറപ്പാക്കാനുള്ള ശക്തമായ സംവിധാനങ്ങളാണ് സര്‍ക്കാര്‍ ഒരുക്കുന്നതെന്ന് ഫിഷറീസ് മന്ത്രി ജെ. മെഴ്‌സിക്കുട്ടി അമ്മ പറഞ്ഞു.  ഐ. എസ്. ആര്‍. ഒ. വികസിപ്പിച്ച നാവിക് ഉപകരണം ഘടിപ്പിച്ച ബോട്ടുകളുടെ പരീക്ഷണയാത്ര ശക്തികുളങ്ങര തുറമുഖത്ത് ഫ്‌ളാഗ് ഓഫ് ചെയ്യുകയായിരുന്നു മന്ത്രി. 

സര്‍ക്കാര്‍ സ്‌കൂള്‍, അധ്യാപകരുടെ സഹതാപാര്‍ഹ സാഹചര്യത്തിലുളള അന്തര്‍ ജില്ലാ സ്ഥലം മാറ്റത്തിന് അപേക്ഷ ക്ഷണിച്ചു.

തിരുവനന്തപുരം ഗവണ്‍മെന്റ് ആര്‍ട്‌സ് കോളേജില്‍ ഫിസിക്‌സ് ഡിപ്പാര്‍ട്ട്‌മെന്റില്‍ എഫ്.ഡി.പി സബ്സ്റ്റിറ്റിയൂട്ട് അധ്യാപക ഒഴിവിലേക്ക് നിയമനം നടത്തും. യു.ജി.സി നിഷ്‌ക്കര്‍ഷിച്ച യോഗ്യതയുള്ളവരും കൊല്ലം ഡി.ഡി ഓഫീസില്‍ പേര് രജിസ്റ്റര്‍ ചെയ്തിട്ടുള്ളവരുമായ ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റ് സഹിതം 2018 ജനുവരി ഒമ്പതിനു രാവിലെ 11 ന് കോളേജ് ഓഫീസില്‍ എത്തിച്ചേരണം.

പി.എന്‍.എക്‌സ്.68/18

പൊതുവിദ്യാഭ്യാസ വകുപ്പിന് കീഴിലുള്ള ഡിസ്ട്രിക്ട് സെന്റര്‍ ഫോര്‍ ഇംഗ്ലീഷിലെ ചീഫ് ട്യൂട്ടര്‍ തസ്തികയിലേക്ക് കരാറടിസ്ഥാനത്തില്‍ നിയമനം നടത്തുന്നതിന് യോഗ്യരായവരില്‍ നിന്നും അപേക്ഷ ക്ഷണിച്ചു. കൂടുതല്‍ വിവരങ്ങള്‍ www.education.kerala.gov.in എന്ന വെബ്‌സൈറ്റില്‍ ലഭിക്കും.

പി.എന്‍.എക്‌സ്.67/18