ജില്ലാ കുടുംബശ്രീമിഷന്റെ നേതൃത്വത്തില്‍ മഴക്കാലത്ത് കൃഷി ഉത്സവമാക്കുന്ന മഴപ്പൊലിമ ക്യാമ്പയിനിന് ജില്ലയില്‍ തുടക്കമായി. തരിശു ഭൂമി കൃഷിയോഗ്യമാക്കുക, ഭക്ഷ്യസുരക്ഷ ഉറപ്പുവരുത്തുക, യുവ തലമുറയെ കൃഷിയിലേക്ക് ആകര്‍ഷിക്കുക, ജില്ലയുടെ കാര്‍ഷിക സംസ്‌കൃതി വീണ്ടെടുക്കുക എന്നീ ലക്ഷ്യങ്ങളോടെ കുടുംബശ്രീ ജില്ലാ മിഷന്‍ ആവിഷ്‌കരിച്ച കാര്‍ഷിക പുനരാവിഷ്‌കരണ പരിപാടിയാണ് മഴപ്പൊലിമ. 2017 മുതല്‍ തുര്‍ച്ചയായി വര്‍ഷം തോറും  സംഘടിപ്പിക്കുന്ന ക്യാമ്പയിന്‍ ഈ വര്‍ഷം ബളാല്‍, ചെമ്മനാട്, അജാനൂര്‍, വലിയപറമ്പ, തൃക്കരിപ്പൂര്‍, കുമ്പള, കിനാനൂര്‍ കരിന്തളം, പള്ളിക്കര, മുളിയാര്‍ എന്നീ പഞ്ചായത്തുകളില്‍ ആരംഭിച്ചു.

കോവിഡ് 19 ന്റെ സാമൂഹിക വ്യാപനം തടയുന്നതിനായി വിദേശത്തുനിന്നും ഇതര സംസ്ഥാനങ്ങളില്‍ നിന്നും  വരുന്നവര്‍ ആരോഗ്യവകുപ്പിന്റെ  നിര്‍ദ്ദേശങ്ങള്‍ കര്‍ശനമായി പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. രാംദാസ് എ .വി അറിയിച്ചു. വിദേശത്തു നിന്നോ ഇതര സംസ്ഥാനങ്ങളില്‍ നിന്നോ  ജില്ലയില്‍ എത്തുന്നവര്‍ 14 ദിവസത്തെ കര്‍ശനമായ റൂം ക്വാറന്റീന്‍  പാലിക്കേണ്ടതാണ്. 14 ദിവസത്തെ റൂം ക്വാറന്റീന്‍ കഴിഞ്ഞാല്‍ അടുത്ത 14 ദിവസം പ്രസ്തുത വ്യക്തിയും കുടുംബാംഗങ്ങളും നിരീക്ഷണത്തില്‍ കഴിയണം.

റൂം ക്വാറന്റീനില്‍ കഴിയുമ്പോള്‍ ശ്രദ്ധിക്കാം

· വീടുകളില്‍ പ്രത്യേക മുറിയില്‍ ഐസലേഷന്‍ കഴിയണം 

കല്‍പ്പറ്റ നിയോജക മണ്ഡലത്തിലെ വിവിധ പട്ടിക വര്‍ഗ്ഗ കുടുംബങ്ങള്‍ക്ക് അനുവദിച്ചു നല്‍കിയ ഭൂമിയിലെ ഭവന നിര്‍മ്മാണ പ്രവൃത്തികളുടെ ഉദ്ഘാടനം ജൂലൈ 2 ന് നടക്കും. സി.കെ.ശശീന്ദ്രന്‍ എം.എല്‍.എ.യുടെ അധ്യക്ഷതയില്‍ കളക്‌ട്രേറ്റില്‍ ചേര്‍ന്ന പട്ടികവര്‍ഗ്ഗ വകുപ്പ് പ്രതിനിധികളുടെയും നിര്‍വഹണ ഏജന്‍സികളുടെയും യോഗത്തിലാണ് തീരുമാനം.  

· കല്‍പ്പറ്റ നിയോജക മണ്ഡലത്തില്‍ പദ്ധതിക്ക് എംഎല്‍എ ഫണ്ട് അനുവദിച്ചു

ജില്ലയില്‍ 2063 സംശയാസ്പദ ഡെങ്കി കേസുകളും 91 സ്ഥിരീകരിച്ച ഡെങ്കി കേസുകളും, രണ്ട് ഡെങ്കിപ്പനി മരണങ്ങളും റിപ്പോര്‍ട്ട് ചെയ്ത സാഹചര്യത്തില്‍ ഡെങ്കി പ്രതിരോധ പ്രവര്‍ത്തനങ്ങള്‍ ഊര്‍ജിതപ്പെടുത്തി ആരോഗ്യവകുപ്പ്. താഴെ തലത്തില്‍ വാര്‍ഡ് തല ശുചിത്വ സമിതികളുടെ പ്രവര്‍ത്തനം ശക്തിപ്പെടുത്തി കൊണ്ടാണ് പ്രതിരോധനടപടികള്‍ ഊര്‍ജ്ജിതമാക്കുന്നത്.

തരിയോട് പഞ്ചായത്തില്‍ കമ്പനികുന്ന് പ്രദേശത്തെ 20 പട്ടിക വര്‍ഗ കുടുംബങ്ങളെ മാറ്റി പാര്‍പ്പിക്കുന്നതിന് അനുയോജ്യമായ സ്ഥലം കണ്ടെത്തുന്നതിന് ഭൂ ഉടമകളില്‍ നിന്നും അപേക്ഷ ക്ഷണിച്ചു. സ്ഥലം തരിയോട് പഞ്ചായത്തില്‍ ഉള്‍പ്പെട്ടതും  താമസ യോഗ്യമായതും പ്രകൃതിക്ഷോഭ ഭീഷണിയില്ലാത്തതുമായിരിക്കണം. കുറഞ്ഞത് രണ്ട് ഏക്കറില്‍ കൂടുതല്‍ സ്ഥലം ഉണ്ടായിരിക്കണം.  അപേക്ഷ കാവുമന്ദം വില്ലേജ് ഓഫീസില്‍ ജൂലൈ 4 വരെ സ്വീകരിക്കും.

കോവിഡ് 19 പ്രതിരോധ പ്രവര്‍ത്തനങ്ങളില്‍ നിര്‍ണ്ണായക പങ്ക് വഹിക്കുന്ന ആശ പ്രവര്‍ത്തകര്‍ക്കായി കൈപുസ്തകം തയ്യാറാക്കി ആരോഗ്യ കേരളം വയനാട്. ഫീല്‍ഡ് തലത്തില്‍ ഇടപെടുന്ന ആശാ പ്രവര്‍ത്തകര്‍ക്ക് ആവശ്യമായ മാര്‍ഗ്ഗനിര്‍ദേശങ്ങള്‍ അടങ്ങിയ കൈപുസ്തകം ജില്ലാ കളക്ടര്‍ ഡോ. അദീല അബ്ദുള്ള കല്‍പ്പറ്റ ഗവണ്‍മെന്റ് ആശുപത്രിയ്ക്ക് കീഴിലെ ആശാ പ്രവര്‍ത്തക പി. മിനിയ്ക്ക് നല്‍കി പ്രകാശനം ചെയ്തു.

ജില്ലയിലെ പെട്രോള്‍ ബങ്കുകളുടെ പ്രവര്‍ത്തന സമയം ലോക്ക്ഡൗണിന് മുന്‍പുണ്ടായുരുന്ന നിലയിലേക്ക് പുന:ക്രമീകരിച്ച് ജില്ലാ ഭരണകൂടം ഉത്തരവിറക്കി. കോവിഡ് മാനദണ്ഡങ്ങള്‍ പാലിച്ചായിരിക്കണം പെട്രോള്‍ ബങ്കുകള്‍ പ്രവര്‍ത്തിക്കേണ്ടത്. അവശ്യ സാധനങ്ങള്‍ കൊണ്ടുവരുന്ന ലോറികള്‍ ഉള്‍പ്പെടെയുള്ള എല്ലാ വാഹനങ്ങള്‍ക്കും ബങ്കുകളില്‍ നിന്ന് പെട്രോള്‍ നല്‍കണം. ലോറി ഡ്രൈവര്‍മാര്‍ക്ക് ബങ്കുകളിലെ ശുചിമുറികള്‍ ഉപയോഗിക്കാന്‍ അനുവദിക്കണം. ഈ നിര്‍ദേശങ്ങള്‍ കര്‍ശനമായി പാലിക്കുന്നുണ്ടെന്ന് ബന്ധപ്പെട്ട അധികാരികള്‍ ഉറപ്പ് വരുത്തേണ്ടതാണെന്നും ഉത്തരവില്‍ പറയുന്നു.