കോവിഡ് 19 പ്രതിരോധ പ്രവർത്തനങ്ങൾക്ക് മുഖ്യമന്ത്രിയുടെ ദുരിതാശ്വാസ നിധിയിലേക്ക് കേരള നഴ്‌സസ് ആൻഡ് മിഡ്‌വൈവ്‌സ് കൗൺസിൽ ഒരു കോടി രൂപ നൽകി.
പി.എൻ.എക്സ്.1265/2020

അവശ്യസാധനങ്ങള്‍ക്ക്  അമിത വില ഈടാക്കുന്നതായ പരാതിയില്‍ പരിശോധന കര്‍ശനമാക്കി ജില്ലയിലെ സിവില്‍ സപ്ലൈസ് വകുപ്പ് ഉദ്യോഗസ്ഥര്‍. വടകര താലൂക്കിലെ പഴയ ബസ് സ്റ്റാന്റ് (കോട്ടപറമ്പ്), മാര്‍ക്കറ്റ് റോഡ്, കസ്റ്റംസ് റോഡ്, മയ്യന്നൂര്‍, വില്ല്യാപ്പള്ളി, നാദാപുരം റോഡ്, കണ്ണൂക്കര, മുക്കാളി (നടു മുക്കാളി), കുഞ്ഞിപ്പള്ളി തുടങ്ങിയ സ്ഥലങ്ങളിലെ പച്ചക്കറിക്കടകള്‍, ചിക്കന്‍ സ്റ്റാളുകള്‍, ഫിഷ്മാര്‍ക്കറ്റ് എന്നിവിടങ്ങളില്‍ റെയ്ഡ്  നടത്തി. വില്ല്യാപ്പള്ളിയില്‍  പഴം, വലിയ ഉള്ളി, തക്കാളി, പച്ചമുളക്, മുരിങ്ങ എന്നിവയ്ക്ക് അമിത വില ഈടാക്കുന്നതായി കണ്ടെത്തി. 

കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി സുരക്ഷിത മാലിന്യ സംസ്‌കരണം ഉറപ്പാക്കാന്‍ നടത്തേണ്ട ഇടപെടലുകളും ശുചിത്വ ശീലങ്ങളും സംബന്ധിച്ച മാര്‍ഗ്ഗ നിര്‍ദ്ദേശങ്ങളുമായി ഹരിതകേരളം മിഷന്‍. കമ്യൂണിറ്റി കിച്ചന്‍ പോലുള്ള പൊതു സംരംഭങ്ങളിലും അല്ലാതെയുള്ള കൂട്ടായ പ്രവര്‍ത്തനങ്ങളിലും തദ്ദേശ സ്വയംഭരണ സ്ഥാപനങ്ങള്‍ ഉള്‍പ്പെടെ പാലിക്കേണ്ടവയാണ് ഈ മാര്‍ഗ്ഗനിര്‍ദ്ദേശങ്ങള്‍.

കോവിഡ് 19 ന്റെ സാഹചര്യത്തിൽ സ്തുത്യർഹമായ സേവനം നടത്തുന്ന ആരോഗ്യ കുടുംബക്ഷേമ വകുപ്പിലെ ഉദ്യോഗസ്ഥർക്കും ജീവനക്കാർക്കും മാർച്ച് മാസത്തെ ശമ്പളവും ആനുകൂല്യവും ഏപ്രിൽ ഒന്നിന് വിതരണം ചെയ്യാൻ ഉത്തരവായി.
പി.എൻ.എക്സ്.1263/2020

ഏപ്രിൽ 15 മുതൽ എൽബിഎസിന്റെ വിവിധ കേന്ദ്രങ്ങളിൽ നടത്താനിരുന്ന കെജിടിഇ വേർഡ് പ്രോസസ്സിംഗ് പരീക്ഷ മാറ്റിവച്ചു.  പുതുക്കിയ തിയതി പിന്നീട് അറിയിക്കും.
പി.എൻ.എക്സ്.1262/2020

സംസ്ഥാനത്തു ഭക്ഷ്യ ദൗർലഭ്യമുണ്ടാകില്ലെന്നും മൂന്നു മാസത്തേക്ക് ആവശ്യമായ ഭക്ഷ്യധാന്യങ്ങൾ സ്‌റ്റോക്കുണ്ടെന്നും ഭക്ഷ്യമന്ത്രി പി. തിലോത്തമൻ. കോവിഡ് സൃഷ്ടിച്ച പ്രതിസന്ധി മറികടക്കാൻ ഭക്ഷ്യ സിവിൽ സപ്ലൈസ് വകുപ്പ് ചരിത്രത്തിലെ ഏറ്റവും വലിയ ദൗത്യം നിർവഹിക്കുകയാണെന്നും മന്ത്രി പറഞ്ഞു.

കോവിഡ് നിയന്ത്രണങ്ങളുടെ ഭാഗമായി ലോക്ക് ഡൌൺ പ്രഖ്യാപിച്ച സാഹചര്യത്തിൽ പൊതുജനങ്ങൾക്കായി തപാൽ വകുപ്പ് ഇടുക്കി ഡിവിഷണൽ ഓഫീസ് സഞ്ചരിക്കുന്ന പോസ്റ്റോഫീസ് ആരംടിച്ചു.

സേവിംഗ്സ് ബാങ്ക് നിക്ഷേപങ്ങളും പിൻവലിക്കലുകളും, സ്പീഡ് പോസ്റ്റ്/രജിസ്റ്റർ/ഇ-മണി ഓർഡർ ബുക്കിംഗ്, പി.‌എൽ‌.ഐ / ആർ.‌പി‌.എൽ.‌ഐ പ്രീമിയം പേയ്‌മെന്റുകൾ തുടങ്ങിയ  സേവനങ്ങൾ ഇതിലൂടെ ലഭ്യമാണ് 

 മൊബൈൽ പോസ്റ്റ് ഓഫീസ്  സമയക്രമം താഴെ ചേർക്കുന്നു. 

മാർച്ച് 30ന് രാവിലെ 10.30 – 11.30 കരിങ്കുന്നം, 12 - 1 -മുട്ടം, 1.30-3.00 മുലമറ്റം

ലോക്ക് ഡൗണിനെ തുടര്‍ന്ന്  സ്വദേശത്തേക്ക് പോവാനാവാതെ കുടുങ്ങിയ മറുനാടന്‍ തൊഴിലാളികള്‍ക്ക് കേരള സംസ്ഥാന യുവജനക്ഷേമ ബോര്‍ഡിന്റെ നേതൃത്വത്തില്‍ താമസസ്ഥലമൊരുക്കി. കൊച്ചി -  ധനുഷ്‌കോടി റോഡ് പണിയുടെ ഭാഗമായ ഗ്യാപ് റോഡിന്റെ നിര്‍മാണ പ്രവര്‍ത്തനങ്ങളില്‍ ഏര്‍പ്പെട്ടിരുന്ന 18 തൊഴിലാളികളാണ് വാഹന ഗതാഗതം നിലച്ചതോടെ കുടുങ്ങിയത്.
ഇതേ തുടര്‍ന്ന് ഇവര്‍ ദേവികുളം ഗ്യാപ് റോഡില്‍ കിടന്ന കണ്ടെയ്‌നറുകളിലാണ് കഴിഞ്ഞ ദിവസങ്ങളില്‍ കഴിഞ്ഞിരുന്നത്.