ജില്ലയില്‍ ഇന്നലെ(ജൂണ്‍ 29) 11 പേര്‍ക്കാണ് കോവിഡ് സ്ഥിരീകരിച്ചത്. രോഗം സ്ഥിരീകരിച്ചവരില്‍ ഒന്‍പത് പേര്‍ വിദേശത്ത് നിന്നും ഒരാള്‍ ഇതര സംസ്ഥാനത്തും എത്തിയവരാണ്. ഒരാള്‍ കായംകുളം സ്വദേശിയാണ്. മൂന്നുപേര്‍ സൗദിയില്‍ നിന്നും രണ്ടുപേര്‍  നൈജീരിയയില്‍ നിന്നും കുവൈറ്റ്, ഖത്തര്‍, അബുദാബി, ഒമാന്‍ എന്നിവിടങ്ങളില്‍ നിന്നും ഒരാള്‍ വീതവും ഒരാള്‍ ഹരിയാനയില്‍ നിന്നും എത്തിയവരാണ്.

കേരള ഹൈക്കോടതിയുടെ ജൂൺ 26 ലെ ഇടക്കാല ഉത്തരവ് പ്രകാരം തൃശൂർ ജില്ലയിൽ വെളളക്കെട്ട് ഒഴിവാക്കുന്നതിനുളള അടിയന്തിര നടപടികൾ സ്വീകരിക്കാൻ ദുരന്തനിവാരണ നിയമം 2005 പ്രകാരം ജില്ലാ കളക്ടർ ഉത്തരവിട്ടു. ജില്ലാ പ്രിൻസിപ്പൽ കൃഷി ഓഫീസറും ഈ വിഷയത്തിൽ റിപ്പോർട്ട് നൽകിയിരുന്നു.

* ഇരവിപേരൂർ കൊട്ടയ്ക്കാട് ആശുപത്രിയിലെ
ഫസ്റ്റ് ലൈൻ കോവിഡ് കെയർ ട്രീറ്റ്മെന്റ് സെന്ററിൽ സേവനം
കയ്യിൽ കുഞ്ഞി ട്രേയും പിടിച്ച് സമയാസമയം മുരുന്നും ഭക്ഷണവും വെള്ളവും ബെഡ്ഷീറ്റുമായി കോവിഡ് രോഗികളുടെ മുറിയിലെത്തി അവർ സാന്ത്വനം പകരും. ചികിത്സയിലുള്ളവർക്ക് ഡോക്ടറെയോ വീട്ടുകാരേയോ കാണണമെന്ന ആവശ്യം പറഞ്ഞാൽ ഞൊടിയിടയിൽ വീഡിയോ കോളിലൂടെ സൗകര്യമൊരുക്കും. നാലടി പൊക്കം മാത്രമുള്ള ഇത്തിരി കുഞ്ഞൻ റോബോട്ട് 'നഴ്സുമാർ' ഈ കോവിഡ് കാലത്ത് ഇത്തരം സേവനങ്ങളാണ് നൽകാനൊരുങ്ങുന്നത്.

ഗാർഹിക ഊർജ്ജസംരക്ഷണം  വിഷയമാക്കി എനർജി മാനേജ്മെന്റ് സെന്റർ നടത്തി വരുന്ന വെബിനാറിന്റെ   ഭാഗമായി ജൂലൈ ഒന്നിന്  പൊതുജനങ്ങൾക്ക് സംശയ നിവാരണത്തിന് ഫോൺ ഇൻ പരിപാടി സംഘടിപ്പിക്കും.  വീട്ടുപകരണങ്ങളിലെ ഊർജ്ജസംരക്ഷണം  എന്ന വിഷയവുമായി  ബന്ധപ്പെട്ട ചോദ്യങ്ങൾക്ക് ഇ. എം.സി. യിലെ ഉദ്യോഗസ്ഥൻ  സന്ദീപ്. കെ. മറുപടി നൽകും.  

മലപ്പുറത്ത് ഒരു സർക്കാർ സ്ഥാപനത്തിൽ ഓപ്പൺ വിഭാഗത്തിൽ ലബോറട്ടറി അസിസ്റ്റന്റ് തസ്തികയിൽ താൽക്കാലിക ഒഴിവുണ്ട്. എസ്.എസ്.എൽ.സി/തത്തുല്യം, അംഗീകൃത കെമിക്കൽ/ഫിസിക്കൽ ലബോറട്ടറികളിൽ രണ്ട് വർഷത്തെ പ്രവൃത്തിപരിചയവുമാണ് യോഗ്യത. കേരള ഇൻഡസ്ട്രീസ് സബോർഡിനേറ്റ് സർവീസ് പ്രത്യേക ചട്ടം പ്രകാരമുള്ള യോഗ്യത ഉണ്ടായിരിക്കണം. വയസ്: 2018 ജനുവരി ഒന്നിന് 18-41 നും മദ്ധ്യേ, ഉയർന്ന പ്രായപരിധിയിൽ നിയമാനുസൃത ഇളവ് അനുവദിക്കും. ശമ്പളം- 18000-41500 രൂപ.

തൃശൂരിലെ കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്‌ട്രേഷൻ (കില), കിഫ്ബി ധനസഹായത്തോടെ നടപ്പാക്കുന്ന പ്രോജക്ടിലേക്ക് പ്രോജക്ട് എൻജിനിയർ (സിവിൽ-3 ആന്റ് ഐ.ടി.-1) തസ്തികകളിൽ കരാർ നിയമനത്തിന് അപേക്ഷ ക്ഷണിച്ചു. അവസാന തീയതി ജൂലൈ പത്ത്. കൂടുതൽ വിവരങ്ങൾക്ക്: www.kila.ac.in/careers സന്ദർശിക്കുക.
പി.എൻ.എക്സ്. 2324/2020

കേരളസംസ്ഥാന തിരഞ്ഞെടുപ്പ് കമ്മീഷനിൽ കോൺഫിഡൻഷ്യൽ അസിസ്റ്റന്റ് ഒഴിവിൽ സർക്കാർ വകുപ്പുകളിൽ നിന്ന് ഡെപ്യൂട്ടേഷൻ നിയമനത്തിന് അപേക്ഷ ക്ഷണിച്ചു. വിവിധ സർക്കാർ വകുപ്പുകളിൽ കോൺഫിഡൻഷ്യൽ അസിസ്റ്റന്റ്/ടൈപ്പിസ്റ്റ് തസ്തികയിൽ ജോലിചെയ്യുന്നവർ വകുപ്പ് മുഖേന ജൂലൈ ഏഴിനകം സെക്രട്ടറി, സംസ്ഥാന തിരഞ്ഞെടുപ്പ് കമ്മീഷൻ, കോർപ്പറേഷൻ ഓഫീസ് സമുച്ചയം, എൽ.എം.എസ് ജംഗ്ഷൻ, തിരുവനന്തപുരം-695033 എന്ന വിലാസത്തിൽ അപേക്ഷിക്കണം.
പി.എൻ.എക്സ്. 2323/2020

സ്റ്റേറ്റ് സെൻട്രൽ ലൈബ്രറിയിൽ ജൂലൈ ഒന്നു മുതൽ പുസ്തക വിതരണം പുനരാരംഭിക്കും. റഫറൻസ്, പത്ര, മാഗസിൻ, വായനാമുറികൾ എന്നിവ ഇനിയൊരറിയിപ്പ് ഉണ്ടാകുന്നതുവരെ പ്രവർത്തിക്കില്ല. പുസ്തക വിതരണം രാവിലെ പത്ത് മുതൽ വൈകിട്ട് അഞ്ചുവരെയും മെമ്പർഷിപ്പ് വിതരണം രാവിലെ പത്ത് മുതൽ വൈകിട്ട് നാല് വരെയും ഉണ്ടായിരിക്കും.

*നവീകരണം നിശ്ചയിച്ച സമയത്തിന് മുൻപ് പൂർത്തിയാക്കും