മലപ്പുറം ഗവ.ബോയ്‌സ് ഹയര്‍ സെക്കന്‍ഡറി സ്‌കൂളില്‍ രണ്ട് കോടി രൂപ ചെലവില്‍ നിര്‍മിച്ച കെട്ടിടത്തിന്റെ ഉദ്ഘാടനം പി. ഉബൈദുള്ള എം.എല്‍.എ. നിര്‍വഹിച്ചു. സര്‍ക്കാരിന്റെ പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നിര്‍മിച്ച കെട്ടിടത്തില്‍  രണ്ടു നിലകളിലായി 10 ക്ലാസ് മുറികളാണുള്ളത്.  1.60 കോടി രൂപ ചെലവില്‍ പുതിയ കെട്ടിടം നിര്‍മിക്കുന്നതിനുള്ള ടെന്‍ഡര്‍ നടപടികളും പൂര്‍ത്തിയാക്കിയിട്ടുണ്ട്.

പോക്സോ കേസുകളുടേയും ലൈംഗിക പീഡന കേസുകളുടെയും അതിവേഗ വിചാരണയ്ക്കായുള്ള ഫാസ്റ്റ്ട്രാക്ക് പ്രത്യേക കോടതി പെരിന്തല്‍മണ്ണ യില്‍  മുഖ്യമന്ത്രി പിണറായി വിജയനും ഹൈക്കോടതി ചീഫ്ജസ്റ്റിസ് എസ്.മണികുമാറും സംയുക്തമായി വിഡിയോ കോണ്‍ഫറന്‍സിങിലൂടെ ഉദ്ഘാടനം ചെയ്തു. സംസ്ഥാനത്തെ 17 അതിവേഗ സ്പെഷ്യല്‍ കോടതികളുടെ സംസ്ഥാനതല ഉദ്ഘാടനമാണ് വിഡിയോ കോണ്‍ഫറന്‍സിങിലൂടെ നിര്‍വഹിച്ചത്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 30)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 18 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 30 പ്രതികളിൽ 29 പേരെ അറസ്റ്റ് ചെയ്തു. 5 വാഹനങ്ങൾ പിടിച്ചെടുത്തു.  സാമൂഹിക അകലം പാലിക്കാത്തതിന് 12 കേസുകൾ രജിസ്റ്റർ ചെയ്തിട്ടുണ്ട്.

 മാസ്ക് ധരിക്കാത്ത 331 പേർക്കെതിരെ കേസ് 

 റാസൽഖൈമ,  ഷാർജ,  ദുബായ് എന്നിവിടങ്ങളില്‍ നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തിൽ  ഇന്നലെ (ജൂണ്‍ 29) ജില്ലയിലെത്തിയത് 25 പാലക്കാട് സ്വദേശികള്‍. 

 റാസൽഖൈമ,  ഷാർജ,  ദുബായ് എന്നിവിടങ്ങളിൽ നിന്നും കൊച്ചി അന്താരാഷ്ട്ര വിമാനത്താവളത്തിൽ എത്തിയ 25 പേരിൽ 2 പേർ  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു. 23  പേർ വീടുകളിൽ നിരീക്ഷണത്തിലാണ്.

വിമാനത്താവളത്തിലെ പരിശോധനയ്ക്കുശേഷം ജില്ലയിലെ കോവിഡ് കെയര്‍ കണ്‍ട്രോള്‍  സെന്ററായ ചെമ്പൈ സംഗീത കോളേജില്‍  എത്തിയവരെയാണ് ഇന്‍സ്റ്റിറ്റിയൂഷനല്‍  ക്വാറന്റൈനില്‍  പ്രവേശിപ്പിച്ചിരിക്കുന്നത്.

ജില്ലയിലെ കോവിഡ് 19 രോഗപ്രതിരോധ, നിയന്ത്രണ പ്രവര്‍ത്തനങ്ങള്‍ കൂടുതല്‍ ശക്തിപ്പെടുത്തുന്നതിന്റെ ഭാഗമായി ആരോഗ്യവകുപ്പ് ഡെപ്യൂട്ടി ഡയറക്ടര്‍ ഡോ.ജഗദീശൻ്റെ അധ്യക്ഷതയിൽ വിവിധ വകുപ്പുകളുടെ സംയോജിത യോഗം ചേര്‍ന്നു. തമിഴ്നാടുമായും മലപ്പുറം ജില്ലയുമായി അതിര്‍ത്തി പങ്കിടുന്ന മേഖലകളില്‍ പ്രതിരോധ പ്രവര്‍ത്തനങ്ങള്‍  ഊര്‍ജ്ജിതമാക്കാന്‍ യോഗത്തില്‍ തീരുമാനമായി. ജില്ലയിലെ എല്ലാ ഓഫീസുകളിലും ശാരീരിക അകലം ഉറപ്പുവരുത്തുന്നതിന് സോഷ്യല്‍ ഡിസ്റ്റന്‍സിംഗ് മാനേജരെ ചുമതലപ്പെടുത്തി.

പാലക്കാട് ജില്ലയിൽ ഇന്ന്(ജൂൺ 30) ഏഴ് വയസ്സുകാരന് ഉൾപ്പെടെ 17 പേർക്ക്  കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  ഇതിൽ ഒരാൾ കളമശ്ശേരി മെഡിക്കൽ കോളേജിൽ ചികിത്സയിലാണ്. ജില്ലയിൽ ഇന്ന് ആറുപേർ രോഗ രോഗമുക്തി നേടിയതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

കുവൈത്ത്-6
തച്ചമ്പാറ സ്വദേശി (35 പുരുഷൻ)

കുമരംപുത്തൂർ അരിയൂർ സ്വദേശി (45 പുരുഷൻ)

കുത്തനൂർ സ്വദേശി (27 പുരുഷൻ)

ലക്കിടി-പേരൂർ മുളഞ്ഞൂർ സ്വദേശി (29 പുരുഷൻ)

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 29) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 30 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 84 പ്രതികളിൽ 63 പേരെ അറസ്റ്റ് ചെയ്തു. 6 വാഹനങ്ങൾ പിടിച്ചെടുത്തു. സാമൂഹിക അകലം പാലിക്കാത്തതി നും പച്ചക്കറി ചന്തകളിൽ സർക്കാർ നിർദേശങ്ങൾ പാലിക്കാതെ കച്ചവടം നടത്തിയതിനും കേസ് രജിസ്റ്റർ ചെയ്തിട്ടുണ്ട്.

മാസ്ക് ധരിക്കാത്ത 426 പേർക്കെതിരെ കേസ്

ഷാര്‍ജ, ദുബായ്, കുവൈറ്റ്, ബോറോസ്പില്‍, റാസല്‍ഖൈമ, പാരീസ്, ദോഹ, ബഹറിന്‍, അബുദാബി, ഖത്തര്‍, മസ്‌കറ്റ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂര്‍, കണ്ണൂര്‍, അന്താരാഷ്ട്ര വിമാനത്താവളങ്ങളിലായി ഇന്നലെ (ജൂണ്‍ 28) ജില്ലയിലെത്തിയത് 163 പാലക്കാട് സ്വദേശികള്‍. ഇവരില്‍ 14 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 268 പേരാണ് ചികിത്സയിലുള്ളത്. ഇന്ന് (ജൂണ്‍ 29) ജില്ലയില്‍ 12 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 14 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.

ഇതുവരെ 18610 സാമ്പിളുകള്‍ പരിശോധനയ്ക്കായി അയച്ചതില്‍ 17477 പരിശോധനാ ഫലങ്ങളാണ് ലഭ്യമായത്. 496 പേർക്കാണ് ഇതുവരെ പരിശോധനാഫലം പോസിറ്റീവായത്. ഇന്ന് 720 പരിശോധനാ ഫലങ്ങളാണ് ലഭിച്ചത്. ഇതുവരെ 226 പേർ രോഗമുക്തി നേടി. പുതുതായി 179 സാമ്പിളുകളും അയച്ചു. ഇനി 1133 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.