*ക്ളസ്റ്റർ മാനേജ്മെൻറ് സ്ട്രാറ്റജി നടപ്പാക്കുന്നതായി മുഖ്യമന്ത്രി
മലപ്പുറം പൊന്നാനി താലൂക്കിൽ തിങ്കളാഴ്ച വൈകിട്ട് അഞ്ചുമുതൽ ജൂലൈ ആറിന് അർധരാത്രി വരെ ട്രിപ്പിൾ ലോക്ക്ഡൗൺ പ്രഖ്യാപിച്ചതായി മുഖ്യമന്ത്രി പിണറായി വിജയൻ അറിയിച്ചു.

ട്രോളിങ് നിരോധനത്തിന് ശേഷമുള്ള കാലയളവില്‍ ജില്ല കേന്ദ്രീകരിച്ച് കടല്‍രക്ഷാ പ്രവര്‍ത്തനങ്ങള്‍ നടത്തുന്നതിന് ബോട്ട് വാടകയ്ക്ക് എടുക്കുന്നതിന് ക്വട്ടേഷന്‍ ക്ഷണിച്ചു. ജൂലൈ ഏഴിന് ഉച്ചകഴിഞ്ഞ് രണ്ടുവരെ സമര്‍പ്പിക്കാം. വിശദ വിവരങ്ങള്‍ 0476-2680036, 9496007036 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍ 1745/2020)

സദാനന്ദപുരം കൃഷി വിജ്ഞാന കേന്ദ്രത്തില്‍ നടത്തുന്ന വിവിധ ഓണ്‍ലൈന്‍ പരിശീലന ക്ലാസുകള്‍ സംഘടിപ്പിക്കും. ശാസ്ത്രീയ മുട്ടക്കോഴി പരിപാലനം, വീട്ടുവളപ്പിലെ പച്ചക്കറികൃഷി, കിഴങ്ങുവര്‍ഗ വിളകളുടെ കൃഷിരീതികള്‍, പഴം പച്ചക്കറി സംസ്‌കരണം, കീട നിയന്ത്രണത്തിനുള്ള ജൈവ ഉപാദികള്‍ എന്നിവയെക്കുറിച്ചാണ് ക്ലാസുകള്‍ നടത്തുന്നത്. വിശദ വിവരങ്ങള്‍ക്കും രജിസ്ട്രേഷനുമായി 0474-2663599 നമ്പരില്‍ ബന്ധപ്പെടണം.
(പി.ആര്‍.കെ നമ്പര്‍ 1744/2020)

ജൂണ്‍ മാസത്തെ ജില്ലാ വികസന സമിതി യോഗം ജൂണ്‍ നാലിന് രാവിലെ 11 ന് കലക്ട്രേറ്റ് കോണ്‍ഫറന്‍സ് ഹാളില്‍ നടക്കും.
(പി.ആര്‍.കെ നമ്പര്‍ 1743/2020)

ഫിഷറീസ് വകുപ്പ് കേന്ദ്ര സര്‍ക്കാര്‍ സഹായത്തോടെ നടപ്പിലാക്കുന്ന പി എം എം എസ് വൈ പദ്ധതിയുടെ ഘടക പദ്ധതിയായ ബയോഫ്ളോക്ക് യൂണിറ്റ് ചെയ്യുന്നതിന് കര്‍ഷകരില്‍ നിന്നും അപേക്ഷ ക്ഷണിച്ചു. തദ്ദേശ സ്വയംഭരണ സ്ഥാപനം വഴി നടപ്പാക്കുന്ന സുഭിക്ഷ കേരളം പദ്ധതിയില്‍ ബയോഫ്ളോക്ക് യൂണിറ്റിന് അപേക്ഷിച്ചവര്‍ അപേക്ഷിക്കേണ്ടതില്ല. അപേക്ഷ ജൂലൈ ആറിനകം ജില്ലാ പഞ്ചായത്തിലുളള മത്സ്യകര്‍ഷക വികസന ഏജന്‍സിയില്‍ സമര്‍പ്പിക്കണം. വിശദവിവരങ്ങള്‍ 0474-2795545 നമ്പറില്‍ ലഭിക്കും.
(പി.ആര്‍.കെ നമ്പര്‍ 1742/2020)

കോവിഡ് 19 രോഗവ്യാപനം തടയുന്നതിന്റെ ഭാഗമായി പൊതുജനങ്ങള്‍ ഒത്തുകൂടുന്ന പരിപരിപാടികള്‍ ഒഴിവാക്കുന്നതിന് സര്‍ക്കാര്‍ ഉത്തരവായിട്ടുള്ളതാണ്. ഈ സാഹചര്യത്തില്‍ ഇനിയൊരറിയിപ്പ് ഉണ്ടാകുന്നത് വരെ ജില്ലാ കലക്ടറുടെ പരാതി പരിഹാര അദാലത്തുകള്‍ എല്ലാ മാസവും ഒന്നാമത്തെയും മൂന്നാമത്തെയും ശനിയാഴ്ച്ചകളില്‍ ജില്ലയില്‍ ഓരോ താലൂക്കുകളില്‍ വീതം ഓണ്‍ലൈനായി നടത്തും.

കൊല്ലം സിവില്‍ സ്റ്റേഷനിലെ വിവിധ ഓഫീസുകളില്‍ നിന്നും ശേഖരിച്ച അജൈവ മാലിന്യങ്ങള്‍ ക്ലീന്‍ കേരള കമ്പനിക്ക് കൈമാറി. അജൈവ മാലിന്യങ്ങള്‍ ശാസ്ത്രീയമായി സംസ്‌കരിച്ച് സിവില്‍ സ്റ്റേഷനും പരിസരവും വൃത്തിയായി സൂക്ഷിക്കുകയാണ് ജില്ലാ ഭരണകൂടം ലക്ഷ്യമിടുന്നതെന്ന് ജില്ലാ കലക്ടര്‍ ബി അബ്ദുല്‍ നാസര്‍ പറഞ്ഞു.
ശുചിത്വ മിഷന്‍ ജില്ലാ കോ- ഓര്‍ഡിനേറ്റര്‍ ജി സുധാകരന്‍, ക്ലീന്‍ കേരള ജില്ലാ അസിസ്റ്റന്റ് മാനേജര്‍ നസീം ഷാ, ശുചിത്വമിഷന്‍, ഹരിത കേരളം മിഷന്‍, ഡിഡി പഞ്ചായത്ത് ഓഫീസ് ജീവനക്കാര്‍ തുടങ്ങിയവര്‍ പങ്കെടുത്തു.
(പി.ആര്‍.കെ നമ്പര്‍ 1740/2020)

കുണ്ടറ താലൂക്ക് ആശുപത്രിയില്‍ 77  കോടി രൂപയുടെ വികസനത്തിന് തുടക്കം. താലൂക്ക് ആശുപത്രിയിലെ ഏഴുനില കെട്ടിടത്തിന്റെ തറക്കല്ലിടീല്‍ ചടങ്ങ് ആരോഗ്യവകുപ്പ് മന്ത്രി കെ കെ ശൈലജ ടീച്ചര്‍ വീഡിയോ കോണ്‍ഫറന്‍സിങിലൂടെ നിര്‍വ്വഹിച്ചു. 

ജില്ലയില്‍ ഇന്നലെ(ജൂണ്‍ 29) 18 പേര്‍ കോവിഡ് രോഗമുക്തരായി ആശുപത്രി വിട്ടു.