സോഷ്യല്‍ ഫോറസ്ട്രി ഡിവിഷനില്‍ ഉള്‍പ്പെട്ട പുനലൂര്‍ സോഷ്യല്‍ ഫോറസ്ട്രി റെയിഞ്ചിലെ കുളത്തൂപ്പുഴ സഞ്ജീവിനി വനത്തിന്റെ ഭാഗമായി കുടംപുളി തോട്ടത്തില്‍ നിന്നും കുടംപുളി ശേഖരിച്ച് നീക്കം ചെയ്യുന്നതിനുള്ള അവകാശം ലേലം ചെയ്യും. ജൂണ്‍ 15 ന് ഉച്ചകഴിഞ്ഞ് മൂന്നിന് കൊല്ലം സോഷ്യല്‍ ഫോറസ്ട്രി ഡിവിഷന്‍ ഓഫീസിലാണ് ലേലം നടക്കുക. വിശദ വിവരങ്ങള്‍ ഓഫീസിലും 0474-2748976 നമ്പരിലും ലഭിക്കും.
 (പി.ആര്‍.കെ നമ്പര്‍ 1598/2020)

കോവിഡ് 19 ന്റെ പശ്ചാത്തലത്തില്‍ വിദേശ രാജ്യങ്ങളില്‍ നിന്നും മടങ്ങിയെത്തുന്ന പ്രവാസികള്‍ക്ക് വകുപ്പുതല സഹായം നല്‍കുന്നതിനായി ജില്ലാ വ്യവസായ കേന്ദ്രം കെല്‍ട്രോണ്‍ മുഖേന സജ്ജമാക്കിയ പോര്‍ട്ടല്‍ വഴി വിവര ശേഖരണം നടത്തും. വ്യവസായ വാണിജ്യ ഡയറക്‌ട്രേറ്റിന്റെ www.industry.kerala.gov.in  വെബ്‌സൈറ്റിലാണ് വിവരങ്ങള്‍ നല്‍കേണ്ടത്. അടിസ്ഥാന വിവരങ്ങളോടൊപ്പം താത്പര്യമുള്ള മേഖലയും അതിനെ സംബന്ധിച്ച മറ്റ് വിവരങ്ങളും പ്രവാസികള്‍ക്ക് നേരിട്ട് രേഖപ്പെടുത്താം. ലഭ്യമാകുന്ന വിവര സമ്പത്ത് തുടര്‍സഹായ പ്രവര്‍ത്തനങ്ങള്‍ക്കായി വകുപ്പ് വിനിയോഗിക്കും.

കരുനാഗപ്പള്ളി തൊടിയൂര്‍ പള്ളിക്കല്‍ ആറിന് കുറുകെ നിര്‍മിച്ച തടയണയുടെ ഘടന ഭേദഗതി ചെയ്യുന്നതിന്റെ സാധ്യത പരിശോധിക്കാന്‍ ജലവിഭവ വകുപ്പ് മന്ത്രി കെ കൃഷ്ണന്‍കുട്ടി നിര്‍ദേശം നല്‍കി. ഇതിന്റെ അടിസ്ഥാനത്തില്‍ ഇന്ന് (ജൂണ്‍ 11) ജലസേചനവകുപ്പ് ചീഫ് എന്‍ജിനീയര്‍ സ്ഥലം സന്ദര്‍ശിക്കും. ചീഫ്  എന്‍ജിനിയര്‍ നല്‍കുന്ന റിപ്പോര്‍ട്ടിന്റെ അടിസ്ഥാനത്തില്‍ തുടര്‍ നടപടികള്‍ ഉണ്ടാവും.

ജില്ലയില്‍ ഇന്നലെ (ജൂണ്‍ 10) കടയ്ക്കല്‍ സ്വദേശികളായ ദമ്പതികള്‍ ഉള്‍പ്പെടെ  നാല് പേര്‍ക്ക് കോവിഡ് പോസിറ്റീവ് സ്ഥിരീകരിച്ചു. നാലുവയസുകാരിയടക്കം നാലുപേര്‍ രോഗം ഭേദമായി ആശുപത്രി വിട്ടു. സമ്പര്‍ക്കംമൂലമുള്ള രോഗബാധയിമില്ല.  രോഗം സ്ഥിരീകരിച്ച നാലുപേരും വിദേശത്തുനിന്നും എത്തിയവരാണ്.

വടക്കാഞ്ചേരി ഗവ. മോഡൽ റസിഡൻഷ്യൽ സ്‌കൂളിൽ 2020-21 അദ്ധ്യയന വർഷം ഇംഗ്ലീഷ് മീഡിയം വിഭാഗത്തിൽ അഞ്ചാം ക്ലാസ്സിൽ ഒഴിവുളള സീറ്റുകളിൽ പ്രവേശനത്തിനായി പട്ടികജാതി വിഭാഗത്തിൽപ്പെട്ട ആൺകുട്ടികളുടെ രക്ഷിതാക്കളിൽ നിന്ന് അപേക്ഷ ക്ഷണിച്ചു. വിദ്യാർത്ഥികൾക്ക് താമസം, ഭക്ഷണം, യൂണിഫോം, പാഠപുസ്തകങ്ങൾ എന്നിവ സൗജന്യമാണ്. പ്രവേശനം ആഗ്രഹിക്കുന്ന വിദ്യാർത്ഥികളുടെ രക്ഷിതാക്കൾ വടക്കാഞ്ചേരി റെയിൽവേ സ്റ്റേഷനു സമീപത്തെ സ്‌കൂളിൽ നേരിട്ട് എത്തണം. ഫോൺ: 9846590067.

റീ ബിൽഡ് കേരള ഇനിഷ്യേയേറ്റീവ് പദ്ധതിയുടെ ഭാഗമായി കൃഷിഭവനുകളിൽ പ്രളയബാധിത ഉപജീവനകൃഷി നടപ്പാക്കുന്നു. സംയോജിത കൃഷി രീതികളിലൂടെ 2018, 2019 വർഷങ്ങളിലെ പ്രളയബാധിതരുടെ ഉപജീവന മാർഗ്ഗം വർധിപ്പിക്കുക എന്ന ലക്ഷ്യത്തോടെയാണ് ചൊവ്വന്നൂർ ബ്ലോക്ക് കൃഷി അസിസ്റ്റന്റ് ഡയറക്ടറുടെ കീഴിലുള്ള ആർത്താറ്റ്, ചൂണ്ടൽ, ചൊവ്വന്നൂർ, കടങ്ങോട്, കടവല്ലൂർ, കാട്ടകാമ്പാൽ, കണ്ടാണശ്ശേരി, കുന്നംകുളം, പോർക്കുളം, വേലൂർ എന്നീ കൃഷിഭവനുകളിൽ സംയോജിത കൃഷി രീതിയായ 'ജൈവഗ്രഹം' നടപ്പിലാക്കുന്നത്. ഇതിന് കർഷകരിൽ നിന്ന് അപേക്ഷ ക്ഷണിച്ചു.

കോവിഡ് 19 സുരക്ഷാ മുൻകരുതലോടെ വിവിധ ദേശീയ സാമ്പിൾ സർവേകൾ നാഷനൽ സ്റ്റാറ്റിക്കൽ ഓഫീസ് (എൻ.എസ്.ഒ) ആരംഭിച്ചു. 78 ാമത് സാമൂഹിക സാമ്പത്തിക സർവേ, തൊഴിൽ സേനാ സർവേ, അർബൻ ഫ്രെയിം സർവേ എന്നിവയാണ് കണ്ടെയ്മെൻറ് സോണുകൾ ഒഴികെയുള്ള വിവിധ സാമ്പിൾ യൂനിറ്റുകളിൽ നടത്തുന്നത്.

ഇരിങ്ങാലക്കുട ജനറൽ ആശുപത്രിയിൽ സഖി വൺ സ്റ്റോപ്പ് സെന്ററിലേക്ക് സെന്റർ അഡ്മിനിസ്‌ട്രേറ്റർ, കേസ് വർക്കർ, സൈക്കോ സോഷ്യൽ കൗൺസിലർ, ഐടി സ്റ്റാഫ്, സെക്യൂരിറ്റി ഓഫീസർ (നൈറ്റ് ഡ്യൂട്ടി) എന്നീ തസ്തികൾക്ക് അപേക്ഷ ക്ഷണിച്ചു. സൈക്കോ സോഷ്യൽ കൗൺസിലർ ഒഴികെയുളള തസ്തികളിൽ സ്ത്രീകൾ മാത്രം അപേക്ഷിച്ചാൽ മതി. സൈക്കോളജി അല്ലെങ്കിൽ സോഷ്യൽ വർക്കിൽ ബിരുദാനന്തരബിരുദം അല്ലെങ്കിൽ നിയമത്തിൽ ബിരുദമാണ് അഡ്മിനിസ്‌ട്രേറ്ററുടെ യോഗ്യത. നിയമബിരുദം അല്ലെങ്കിൽ സോഷ്യൽ വർക്കിൽ ബിരുദാനന്തരബിരുദമാണ് കേസ് വർക്കറുടെ യോഗ്യത. സൈക്കോളജി അല്ലെങ്കിൽ സോഷ്യൽ വർക്കിൽ ബിരുദാനന്തരബിരുദമാണ് കൗൺസിലറുടെ യോഗ്യത.

കേരള കലാമണ്ഡലം കല്പിത സർവകലാശാല ആർട്ട് ഹൈസ്‌കൂളിലെ എട്ടാം ക്ലാസ് പ്രവേശനവുമായി ബന്ധപ്പെട്ട പൊതു വിജ്ഞാന പരീക്ഷ ജൂൺ 30 ന് കാലത്ത് 11 മണി മുതൽ ഒരു മണി വരെ കലാമണ്ഡലം ആർട്ട് ഹയർ സെക്കന്ററി സ്‌കൂളിൽ നടത്തും. പരീക്ഷയെഴുതുന്ന വിദ്യാർത്ഥികൾക്ക് മാത്രമേ കലാമണ്ഡലത്തിലേക്ക് പ്രവേശനം അനുവദിക്കൂ. കോവിഡ് 19 സുരക്ഷയുടെ ഭാഗമായി മാസ്‌ക് നിർബന്ധമായും ധരിക്കണം. ആരോഗ്യ വകുപ്പ് നിർദ്ദേശിക്കുന്ന മാർഗ്ഗനിർദ്ദേശങ്ങൾ പാലിക്കണം.