എളനാട് പ്രാഥമികാരോഗ്യ കേന്ദ്രത്തിൽ 2020-21 സാമ്പത്തിക വർഷം ലാബ് പ്രവർത്തനത്തിന് വേണ്ട സമാഗ്രികൾ വാങ്ങൽ പദ്ധതിയുടെ ഭാഗമായി സാധന സാമഗ്രികൾ വിതരണം ചെയ്യുന്നതിന് ടെണ്ടർ ക്ഷണിച്ചു. ടെണ്ടർ സ്വീകരിക്കുന്ന അവസാന തീയതി ജൂൺ 18 വൈകീട്ട് നാല് മണി. ഫോൺ: 04884 288574.

സപ്ലൈകോ വിൽപനശാലകൾ വഴി വിതരണം ചെയ്തു വരുന്നകോവിഡ് അതിജീവന കിറ്റ് വാങ്ങാൻ വരുന്നവർ റേഷൻ കാർഡുമായെത്തണമെന്ന് സിഎംഡി പി.എം. അലി അസ്ഗർ പാഷ അറിയിച്ചു. റേഷൻ കടകളിൽ നിന്ന് അതിജീവന കിറ്റുവാങ്ങാത്തവരാണ് ഈ അവസരം വിനിയോഗിക്കേണ്ടത്. ജൂൺ 15 വരെ കിറ്റ് കൈപ്പറ്റാം.
 

ഒല്ലൂക്കര ബ്ലോക്ക് പഞ്ചായത്തിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുമായി ബന്ധപ്പെട്ട് പ്രവർത്തിക്കുന്നതിന് അക്രഡിറ്റഡ് എഞ്ചിനീയർ തസ്തികയിലേക്ക് പ്രസവാവധി ഒഴിവിലേക്ക് ദിവസവേതന അടിസ്ഥാനത്തിൽ അപേക്ഷകൾ ക്ഷണിക്കുന്നു. ആറുമാസമാണ് കാലാവധി. അപേക്ഷകൾ ജൂൺ 16 വൈകീട്ട് 5 മണി വരെ അയയ്ക്കാം. അപേക്ഷകൾ പഞ്ചായത്ത് ഓഫീസിലും സ്വീകരിക്കുന്നതാണ്. ബി ടെക് സിവിൽ എഞ്ചിനീയറിംഗാണ് യോഗ്യതയായി പരിഗണിച്ചിട്ടുള്ളത്. ഈ പദ്ധതിയിൽ മുൻപ് പ്രവർത്തിച്ചിട്ടുള്ള വർക്ക് മുൻഗണന ലഭിക്കുമെന്നും ഒല്ലൂക്കര ബ്ലോക്ക് പഞ്ചായത്ത് സെക്രട്ടറി അറിയിച്ചു.

എളനാട് പ്രാഥമികാരോഗ്യ കേന്ദ്രത്തിൽ 2020-21 സാമ്പത്തിക വർഷം മരുന്ന് വാങ്ങൽ പദ്ധതിയുടെ ഭാഗമായി മരുന്നുകൾ വിതരണം ചെയ്യുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തീയതി ജൂൺ 18 വൈകീട്ട് നാല് മണി. ഫോൺ: 04884 288574.
 

മുളങ്കുന്നത്തുകാവ് കിലയിൽ ഡ്രൈവർ തസ്തികയിൽ നിയമനത്തിന് അപേക്ഷ ക്ഷണിച്ചു. വിശദവിവരങ്ങൾ www.kila.ac.in എന്ന വെബ്‌സൈറ്റിൽ ലഭിക്കും. അപേക്ഷ സ്വീകരിക്കുന്ന അവസാന തീയതി ജൂൺ 24. ഫോൺ: 0487 2207000.

കഴിഞ്ഞ പ്രളയത്തിൽ വീടുകൾക്ക് നാശനഷ്ടം സംഭവിച്ച കയ്പമംഗലം ഗ്രാമപഞ്ചായത്തിലെ കുടുംബശ്രീ അംഗങ്ങൾക്കുള്ള ധനസഹായ വിതരണം നടന്നു. പഞ്ചായത്തിലെ 100 കുടുംബശ്രീ ഗ്രൂപ്പുകൾക്കാണ് സഹായം ലഭ്യമാവുക. ഗ്രാമപഞ്ചായത്ത് പ്രസിഡന്റ് ടി.വി. സുരേഷ് ബാബു വിതരണോദ്ഘാടനം നിർവ്വഹിച്ചു. കുടുംബശ്രീ സി. ഡി. എസ് ചെയർപേഴ്സൺ മിനി അരയങ്ങാട്ടിൽ, ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ലത ഭരതൻ, അസി.സെക്രട്ടറി സി എം സുഹാസ് എന്നിവർ പങ്കെടുത്തു.
 

സംസ്ഥാനത്തെ വിവിധ ഗ്രാന്റ്-ഇൻ-എയിഡ് സ്ഥാപനങ്ങളുടെ ശമ്പളപരിഷ്‌കരണവുമായി ബന്ധപ്പെട്ട് സ്ഥാപന മേധാവികൾ പതിനൊന്നാം ശമ്പള പരിഷ്‌കരണ കമ്മീഷന് ജീവനക്കാരുടെ എണ്ണം, നിലവിലെ ശമ്പള സ്‌കെയിൽ തുടങ്ങിയ വിവരങ്ങൾ നൽകണം. വിശദാംശങ്ങൾ കമ്മീഷന്റെ വെബ് സൈറ്റായ www.prc.kerala.gov.in  ൽ നൽകിയിട്ടുണ്ട്. സ്ഥാപന മേധാവികൾ വെബ്‌സൈറ്റ് സന്ദർശിച്ച് വിവരം ഇ-മെയിൽ (office.prc@kerala.gov.in )/തപാൽ വഴി കമ്മീഷന് അയച്ചുതരണം. സ്ഥാപന മേധാവികൾക്ക് നേരിട്ട് അറിയിപ്പ് നൽകുന്നതല്ല.
പി.എൻ.എക്സ്. 2097/2020

കോവിഡ് 19 പ്രതിരോധത്തിന്റെ ഭാഗമായി തയ്യൽ തൊഴിലാളി ക്ഷേമനിധി ബോർഡിലെ തൊഴിലാളികൾക്ക് സർക്കാർ പ്രഖ്യാപിച്ച 1000 രൂപ വീതമുളള ധനസഹായം 3.50 ലക്ഷം തൊഴിലാളികൾക്ക് 30 കോടി 50 ലക്ഷം രൂപ വിതരണം ചെയ്തു. ധനസഹായത്തിന് ഇനിയും അപേക്ഷ സമർപ്പിച്ചിട്ടില്ലാത്ത തൊഴിലാളികൾ www.tailorwelfare.in  എന്ന വെബ്‌സൈറ്റ് മുഖേന ബാങ്ക് പാസ്സ് ബുക്ക് ആധാർ കാർഡ് എന്നിവയുടെ പകർപ്പ് സഹിതം ഓൺലൈനായി അപേക്ഷിക്കണം. ഓൺലൈൻ മുഖേന അപേക്ഷ സമർപ്പിച്ചിട്ട് ധനസഹായം ലഭ്യമാകാത്ത തൊഴിലാളികൾ ജില്ലാ ഓഫീസുമായി ബന്ധപ്പെടണമെന്ന് ചെയർപേഴ്‌സൺ ജി.രാജമ്മ അറിയിച്ചു.
പി.എൻ.എക്സ്. 2096/2020