സംസ്ഥാന വികലാംഗ കോര്‍പ്പറേഷന്‍ 2017-ലെ എസ്.എസ്.എല്‍.സി, പ്ലസ്.ടു പരീക്ഷകളില്‍ എല്ലാ വിഷയങ്ങള്‍ക്കും ബി ഗ്രേഡോ അതിനു മുകളിലോ വാങ്ങി പാസ്സായ ഭിന്നശേഷിക്കാരായ വിദ്യാര്‍ത്ഥികള്‍ക്ക് 2500 രൂപ വീതം ക്യാഷ് അവാര്‍ഡ് നല്‍കുന്നു. (കേരള/സി.ബി.എസ്.സി/ഐ.സി.എസ്.സി സിലബസിലുള്ളവര്‍ക്ക്). 40 ശതമാനമോ അതിനു മുകളിലോ ഭിന്നശേഷി ഉള്ളവരും വാര്‍ഷിക വരുമാനം ഒരു ലക്ഷം രൂപയില്‍ താഴെയുള്ളതുമായ ഭിന്നശേഷിക്കാര്‍ മാനേജിംഗ് ഡയറക്ടര്‍, കേരള സംസ്ഥാന വികലാംഗക്ഷേമ കോര്‍പ്പറേഷന്‍, പൂജപ്പുര, തിരുവനന്തപുരം എന്ന വിലാസത്തില്‍ 31 നകം അപേക്ഷ നല്‍കണം. അപേക്ഷാഫോറം www.hpwc.kerala.gov.in ല്‍ ലഭ്യമാണ്. ഫോണ്‍: 0471 - 2347768

പുരാവസ്തു വകുപ്പില്‍ 42500-87000/- ശമ്പള സ്‌കെയിലില്‍ അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ ഒരു ഒഴിവിലേക്കും 39500-83000/- ശമ്പള സ്‌കെയിലിലുള്ള അസിസ്റ്റന്റ് എഞ്ചിനീയറുടെ രണ്ട് ഒഴിവിലേക്കും ഡെപ്യൂട്ടേഷന്‍ വ്യവസ്ഥയില്‍ അപേക്ഷ ക്ഷണിച്ചു. വിവിധ സര്‍ക്കാര്‍ വകുപ്പുകളില്‍ സമാന തസ്തികകളില്‍ ജോലി ചെയ്യുന്നവര്‍ക്ക് അപേക്ഷിക്കാം. സിവില്‍/ആര്‍ക്കിടെക്ചര്‍ ബിരുദവും പൈതൃക സംരക്ഷണ പ്രവര്‍ത്തനങ്ങളില്‍ പ്രവൃത്തി പരിചയവും അഭിലഷണീയം.

    പോങ്ങുംമൂട് സബ് ഡിവിഷന്‍ പരിധിയിലുള്ള പൗഡിക്കോണം പുതുകുന്ന് ടാങ്കില്‍ അറ്റകുറ്റപ്പണികള്‍ നടക്കുന്നതിനാല്‍ ഇന്ന് (ഡിസംബര്‍ 13) രാത്രി 12 മണി മുതല്‍ നാളെ ഉച്ചയ്ക്ക് രണ്ട് മണിവരെ പൗഡിക്കോണം, കാര്യവട്ടം, ഇടത്തറ, പുല്ലാനിവിള, ടെക്‌നോപാര്‍ക്ക്, ചേങ്കോട്ടുകോണം, കഴക്കൂട്ടം എന്നീ പ്രദേശങ്ങളില്‍ ജലവിതരണം തടസ്സപ്പെടുമെന്ന് എക്‌സിക്യൂട്ടീവ് എന്‍ജിനീയര്‍ അറിയിച്ചു.  
 

    തിരുവനന്തപുരം ജില്ലാ ഇന്‍ഫര്‍മേഷന്‍ ഓഫീസില്‍ നിന്നും പത്രപ്രവര്‍ത്തകേതര പെന്‍ഷന്‍ കൈപ്പറ്റുന്നവര്‍ തുടര്‍ന്ന് പെന്‍ഷന്‍ കൈപ്പറ്റുന്നതിനായി ബാങ്ക് അക്കൗണ്ട് നമ്പര്‍, ഐ.എഫ്.എസ് കോഡ് എന്നിവ രേഖപ്പെടുത്തിയ അപേക്ഷയും ബാങ്ക് പാസ്ബുക്കിന്റെ പകര്‍പ്പും എത്രയും വേഗം ജില്ലാ ഇന്‍ഫര്‍മേഷന്‍ ഓഫീസില്‍ എത്തിക്കേണ്ടതാണ്.  ഫോണ്‍: 0471 2731300.

                ഒ.ആര്‍.കേളു എം.എല്‍.എ. യുടെ പ്രതേ്യക വികസന നിധിയില്‍ നിന്നും തവിഞ്ഞാല്‍ ഗ്രാമപഞ്ചായത്തിലെ വാളാട് വലിയക്കൊല്ലി റോഡ് ടാറിംഗിനായി നാല് രക്ഷം രൂപയും പനമരം ഗ്രാമപഞ്ചായത്തിലെ പനമരം ഗവ.ഹയര്‍ സെക്കന്‍ഡറി സ്‌കൂളിന് കെട്ടിടം നിര്‍മ്മിക്കുന്നതിന് എട്ട് ലക്ഷം രൂപയും അനുവദിച്ച് ജില്ലാ കളക്ടര്‍ ഭരണാനുമതി നല്‍കി.