മലങ്കര ഡാമിലെ ജലനിരപ്പ് 36.90 മീറ്ററായി നിജപ്പെടുത്തുന്നതിനായി ഡാമിന്റെ ആറു ഷട്ടറുകളും നാളെ രാവിലെ 8 മുതല്‍ ഘട്ടം ഘട്ടമായി തുറന്ന് നിയന്ത്രിത അളവില്‍ ജലം പുറത്തേക്ക് ഒഴുക്കുമെന്നും തൊടുപുഴ, മുവാറ്റുപുഴയാറുകളുടെ തീരത്ത് വസിക്കുന്നവര്‍ ജാഗ്രത പുലര്‍ത്തണമെന്നും ജില്ലാ കളക്ടര്‍ അറിയിച്ചു.
 

 
ജില്ലയില്‍ ഇന്ന് (100620) നാലുപേര്‍ക്ക് കോവിഡ് സ്ഥിരീകരിച്ചതായി ജില്ലാ കലക്ടര്‍ അറിയിച്ചു.
1. കുമളി സ്വദേശികളായ അമ്മയ്ക്കും
 (35 വയസ്) രണ്ട് മക്കള്‍ക്കുമാണ് (10 വയസ്, 12 വയസ്) ഇന്ന് കോവിഡ്-19 സ്ഥിരീകരിച്ചത്. ചെന്നൈയില്‍ നിന്നും മെയ് 31 ന് സ്വന്തം വാഹനത്തിലാണ് ഇവര്‍ നാട്ടിലെത്തിയത്.
2. നെടുങ്കണ്ടം സ്വദേശിയായ 30 വയസുകാരന്‍. ജൂണ്‍ 4 ന് ദുബായില്‍ നിന്നും നാട്ടിലെത്തി.
ജില്ലയില്‍ ഇന്ന് ആരും രോഗമുക്തി നേടിയിട്ടില്ല.

ജില്ലയില്‍ റീബില്‍ഡ് കേരളയിലും പ്ലാന്‍ഫണ്ടിലുമുള്‍പ്പെടുത്തിയുളള നിര്‍മ്മാണപ്രവര്‍ത്തനങ്ങള്‍ സംബന്ധിച്ച് ജില്ലാ കലക്ടര്‍ എച്ച്.ദിനേശന്റെ അധ്യക്ഷതയില്‍ ചേംബറില്‍ അവലോകനയോഗം ചേര്‍ന്നു.    റീബില്‍ഡ് കേരളയിലുള്‍പ്പെടുത്തി 27 വില്ലേജ് ഓഫീസുകളുടെ നവീകരണ പുരോഗതിയും, 12കോടി രൂപയുടെ ഭരണാനുമതി ലഭിച്ചിട്ടുളള സ്റ്റാഫ് കോര്‍ട്ടേഴ്സ്, രണ്ടു കോടിരൂപ വീതം അനുമതിയുളള  വണ്ടിപ്പെരിയാര്‍, കുമളി, വാഴത്തോപ്പ്, പീരുമേട്, വാത്തിക്കുടി എന്നിവിടങ്ങളില്‍ റെസ്‌ക്യു ഹോമുകള്‍ തുടങ്ങിയവയുടെ  പ്രാരംഭ നടപടിക്രമങ്ങളും യോഗം വിലയിരുത്തി.

കോവിഡ് 19ന്റെ പശ്ചാത്തലത്തിൽ ശബരിമല ക്ഷേത്രത്തിൽ ഭക്തരെ അനുവദിക്കേണ്ടെന്നും ഈ വർഷം ഉത്‌സവം നടത്തേണ്ടെന്നും തീരുമാനിച്ചതായി ദേവസ്വം മന്ത്രി കടകംപള്ളി സുരേന്ദ്രൻ വാർത്താസമ്മേളനത്തിൽ പറഞ്ഞു. ദേവസ്വം ബോർഡ് അധികൃതരും ക്ഷേത്രം തന്ത്രി കണ്ഠരരു മഹേഷ് മോഹനരരുമായും മന്ത്രിയുടെ അധ്യക്ഷതയിൽ നടത്തിയ ചർച്ചയിലാണ് തീരുമാനം. അതേസമയം ക്ഷേത്രത്തിലെ ആചാരപരമായ ചടങ്ങുകൾ നടത്തും. ചർച്ചയിലെ തീരുമാനങ്ങൾ മുഖ്യമന്ത്രിയെ അറിയിച്ചതായും മന്ത്രി പറഞ്ഞു.

പത്തനംതിട്ട അസിസ്റ്റന്റ് കളക്ടറായി വി.ചെല്‍സാസിനി കളക്ടറേറ്റിലെത്തി ചുമതലയേറ്റു. ജില്ലാ കളക്ടര്‍ പി.ബി നൂഹിന്റെ ചേംബറിലെത്തിയാണ് ചുമതല ഏറ്റെടുത്തത്. എ.ഡി.എം അലക്‌സ് പി.തോമസ്, എല്‍.ആര്‍ ഡെപ്യൂട്ടി കളക്ടര്‍ ആര്‍.രാജലക്ഷ്മി എന്നിവര്‍ ചേര്‍ന്ന് സ്വീകരിച്ചു. 

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് ജില്ലയില്‍ ആറ് കേസുകള്‍ കൂടി ഇന്നലെ (ജൂണ്‍ 10) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു.  വിവിധ സ്റ്റേഷനുകളിലായി ആറ് പേരെ ഇന്നലെ അറസ്റ്റു ചെയ്തു. നിര്‍ദേശങ്ങള്‍ ലംഘിച്ച് നിരത്തിലിറക്കിയ ഒരു വാഹനവും പിടിച്ചെടുത്തിട്ടുണ്‍്. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,544 ആയി. 5,591 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,597 വാഹനങ്ങളും പിടിച്ചെടുത്തിട്ടുണ്‍്.

ഏറനാട് താലൂക്കിലെ ജില്ലാകലക്ടറുടെ പരാതി പരിഹാര അദാലത്ത് ജൂണ്‍ 18ന് വീഡിയോ കോണ്‍ഫറന്‍സ് വഴി നടക്കും. അദാലത്തിലേക്കുള്ള അപേക്ഷകള്‍ ജൂണ്‍ 15 വൈകീട്ട് അഞ്ചിനകം  അക്ഷയ കേന്ദ്രങ്ങളില്‍ രജിസ്റ്റര്‍ ചെയ്യണം. അപേക്ഷകര്‍ ജൂണ്‍ 18ന് അക്ഷയകേന്ദ്രങ്ങളില്‍ ഹാജരായി വീഡിയോ കോണ്‍ഫറന്‍സില്‍ പങ്കെടുക്കണം.
(എം.പി.എം 2164/2020)
 

വേങ്ങര കുറ്റൂര്‍ പാടത്ത് നിന്ന് കടലുണ്‍ിപ്പുഴയിലേക്കൊഴുകുന്ന കൈതത്തോടിന് ഭൂവസ്ത്രം ഇട്ടു.  പ്രധാനമന്ത്രി കൃഷി സഞ്ചയി യോജന - ദേശീയ മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിലുള്‍പ്പെടുത്തി 59 ലക്ഷം രൂപ ചെലവിലാണ്  വേങ്ങര ബ്ലോക്ക് പഞ്ചായത്ത് ഭൂവസ്ത്രമണിയിച്ചത്. വെള്ളത്തിന്റെ ഒഴുക്ക് സുഗമമാക്കുന്നതിനായി തോട് ആഴം കൂട്ടുകയും കയര്‍ ഭൂവസ്ത്രം വിരിച്ച് ഭിത്തി സംരക്ഷിക്കുകയും ചെയ്തു. 300 ഏക്കറോളം വരുന്ന നെല്‍കൃഷിയെ സംരക്ഷിക്കുന്നതിനും 150 ഏക്കര്‍ സ്ഥലത്ത് പുതുതായി കൃഷി ചെയ്യുന്നതിനും കുറ്റൂര്‍ തോടിന്റെ നവീകരണത്തിലൂടെ കഴിയും.

തിരൂരങ്ങാടി ജി.എച്ച്.എസ്.എസില്‍ 2019 നവംബര്‍ മാസത്തില്‍ കെ.ടെറ്റ് പരീക്ഷ എഴുതി പാസ്സായി സര്‍ട്ടിഫിക്കറ്റ് വെരിഫിക്കേഷന്‍ പൂര്‍ത്തീകരിച്ചവരുടെ സര്‍ട്ടിഫിക്കറ്റ് വിതരണം ജൂണ്‍ 15ന് തുടങ്ങും. ജൂണ്‍ 15ന് (കാറ്റഗറി ഒന്ന്, രണ്‍്), ജൂണ്‍ 16 (കാറ്റഗറി മൂന്ന്), ജൂണ്‍ 17(കാറ്റഗറി നാല്) എന്നിങ്ങനെയാണ് സര്‍ട്ടിഫിക്കറ്റ് വിതരണം. ഉദ്യോഗാര്‍ഥികള്‍ ഹാള്‍ടിക്കറ്റിന്റെ പകര്‍പ്പുമായി വന്ന് തിരൂരങ്ങാടി ജില്ലാവിദ്യാഭ്യാസ ഓഫീസില്‍ നിന്ന് സര്‍ട്ടിഫിക്കറ്റ് കൈപ്പറ്റണമെന്ന് ജില്ലാവിദ്യാഭ്യാസ ഓഫീസര്‍ അറിയിച്ചു.
(എം.പി.എം 2163/2020)