ഏറനാട് താലൂക്കിലെ ജില്ലാകലക്ടറുടെ പരാതി പരിഹാര അദാലത്ത് ജൂണ്‍ 18ന് വീഡിയോ കോണ്‍ഫറന്‍സ് വഴി നടക്കും. അദാലത്തിലേക്കുള്ള അപേക്ഷകള്‍ ജൂണ്‍ 15 വൈകീട്ട് അഞ്ചിനകം  അക്ഷയ കേന്ദ്രങ്ങളില്‍ രജിസ്റ്റര്‍ ചെയ്യണം. അപേക്ഷകര്‍ ജൂണ്‍ 18ന് അക്ഷയകേന്ദ്രങ്ങളില്‍ ഹാജരായി വീഡിയോ കോണ്‍ഫറന്‍സില്‍ പങ്കെടുക്കണം.
(എം.പി.എം 2164/2020)
 

വേങ്ങര കുറ്റൂര്‍ പാടത്ത് നിന്ന് കടലുണ്‍ിപ്പുഴയിലേക്കൊഴുകുന്ന കൈതത്തോടിന് ഭൂവസ്ത്രം ഇട്ടു.  പ്രധാനമന്ത്രി കൃഷി സഞ്ചയി യോജന - ദേശീയ മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിലുള്‍പ്പെടുത്തി 59 ലക്ഷം രൂപ ചെലവിലാണ്  വേങ്ങര ബ്ലോക്ക് പഞ്ചായത്ത് ഭൂവസ്ത്രമണിയിച്ചത്. വെള്ളത്തിന്റെ ഒഴുക്ക് സുഗമമാക്കുന്നതിനായി തോട് ആഴം കൂട്ടുകയും കയര്‍ ഭൂവസ്ത്രം വിരിച്ച് ഭിത്തി സംരക്ഷിക്കുകയും ചെയ്തു. 300 ഏക്കറോളം വരുന്ന നെല്‍കൃഷിയെ സംരക്ഷിക്കുന്നതിനും 150 ഏക്കര്‍ സ്ഥലത്ത് പുതുതായി കൃഷി ചെയ്യുന്നതിനും കുറ്റൂര്‍ തോടിന്റെ നവീകരണത്തിലൂടെ കഴിയും.

തിരൂരങ്ങാടി ജി.എച്ച്.എസ്.എസില്‍ 2019 നവംബര്‍ മാസത്തില്‍ കെ.ടെറ്റ് പരീക്ഷ എഴുതി പാസ്സായി സര്‍ട്ടിഫിക്കറ്റ് വെരിഫിക്കേഷന്‍ പൂര്‍ത്തീകരിച്ചവരുടെ സര്‍ട്ടിഫിക്കറ്റ് വിതരണം ജൂണ്‍ 15ന് തുടങ്ങും. ജൂണ്‍ 15ന് (കാറ്റഗറി ഒന്ന്, രണ്‍്), ജൂണ്‍ 16 (കാറ്റഗറി മൂന്ന്), ജൂണ്‍ 17(കാറ്റഗറി നാല്) എന്നിങ്ങനെയാണ് സര്‍ട്ടിഫിക്കറ്റ് വിതരണം. ഉദ്യോഗാര്‍ഥികള്‍ ഹാള്‍ടിക്കറ്റിന്റെ പകര്‍പ്പുമായി വന്ന് തിരൂരങ്ങാടി ജില്ലാവിദ്യാഭ്യാസ ഓഫീസില്‍ നിന്ന് സര്‍ട്ടിഫിക്കറ്റ് കൈപ്പറ്റണമെന്ന് ജില്ലാവിദ്യാഭ്യാസ ഓഫീസര്‍ അറിയിച്ചു.
(എം.പി.എം 2163/2020)
 

ജില്ലയില്‍ ഇന്നും നാളെയും ( ജൂണ്‍ 11, 12) ശക്തമായ കാറ്റോടു കൂടിയുള്ള മഴയ്ക്ക് സാധ്യത. കേന്ദ്രകാലാവസ്ഥാ നിരീക്ഷണ വകുപ്പ് ജില്ലയില്‍ മഞ്ഞ ജാഗ്രത പ്രഖ്യാപിച്ചിട്ടുണ്‍്. ഒറ്റപ്പെട്ടയിടങ്ങളില്‍ 24 മണിക്കൂറില്‍ 64.5 മി.മി മുതല്‍ 115.5 മി.മി വരെയുള്ള മഴക്കാണ് സാധ്യത. പൊതുജനങ്ങളും ബന്ധപ്പെട്ട ഉദ്യോഗസ്ഥരും ജാഗ്രത പാലിക്കണം. ഉരുള്‍പൊട്ടല്‍, മണ്ണിടിച്ചില്‍ എന്നിവയ്ക്ക് സാധ്യതയുള്ള പ്രദേശങ്ങളില്‍ വസിക്കുന്നവര്‍, നദിക്കരകളില്‍ താമസിക്കുന്നവര്‍, തീരദേശ വാസികള്‍  തുടങ്ങിയവര്‍ പ്രത്യേക ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി അറിയിച്ചു.
(എം.പി.എം 2162/2020)
 

ജില്ലയില്‍ ഒന്നുമുതല്‍ 12 വരെ ക്ലാസുകളിലെ കുട്ടികള്‍ക്കുള്ള പാഠപുസ്തകങ്ങള്‍ ഈ മാസം 30 നകം ലഭ്യമാക്കുമെന്ന് വിദ്യാഭ്യാസ ഉപഡയറക്ടര്‍ കെ.എസ് കുസുമം അറിയിച്ചു. ഹോട്സ്പോട്ടുകളിലൊഴികെ ഓണ്‍ലൈന്‍ ക്ലാസുകള്‍ക്കാവശ്യമായ പഠന സൗകര്യങ്ങള്‍ ജൂണ്‍ 14 നകം തന്നെ ലഭ്യമാക്കും. ഹോട്സ്പോട്ടിലുള്ള കുട്ടികള്‍ക്ക് വീടുകളില്‍ അതിനുള്ള സൗകര്യമില്ലെങ്കില്‍ ക്ലാസുകള്‍ പിന്നീട് ഡൗണ്‍ലോഡ് ചെയ്ത് പഠിപ്പിക്കുന്നതിനുള്ള നടപടികള്‍ സ്വീകരിക്കുമെന്നും ഡി.ഡി.ഇ അറിയിച്ചു. 

പഠനം ഓണ്‍ലൈനില്‍, പാഠപുസ്തകം കൈകളില്‍

നിയമവിരുദ്ധമായി പ്രവര്‍ത്തിച്ചാല്‍ കര്‍ശന നടപടികള്‍ സ്വീകരിക്കും

കോവിഡ് 19 സ്ഥിരീകരിച്ച് മഞ്ചേരി ഗവ. മെഡിക്കല്‍ കോളജ് ആശുപത്രിയിലെ ഐസൊലേഷന്‍ കേന്ദ്രത്തില്‍ ചികിത്സയിലായിരുന്ന ഒരാള്‍ കൂടി രോഗമുക്തനായി. തിരുവനന്തപുരം കഠിനംകുളം സ്വദേശി 40 കാരനാണ് രോഗം ഭേദമായത്. ഇയാളെ ഐസൊലേഷന്‍ കേന്ദ്രത്തിലെ സ്റ്റെപ് ഡൗണ്‍ ഐ.സി.യുവിലേക്ക് മാറ്റിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.
മെയ് 26 ന് കുവൈത്തില്‍ നിന്നുള്ള പ്രത്യേക വിമാനത്തില്‍ കരിപ്പൂര്‍ വഴിയെത്തിയ ഇയാളെ ആരോഗ്യ പ്രശ്‌നങ്ങളെ തുടര്‍ന്ന് മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ഐസൊലേഷനില്‍ പ്രവേശിപ്പിക്കുകയായിരുന്നു. മെയ് 29 നാണ് വൈറസ് ബാധ സ്ഥിരീകരിച്ചത്. 
(എം.പി.എം 2157/2020)

മഞ്ചേരിയില്‍ ചികിത്സയിലുള്ള തൃശൂര്‍ സ്വദേശിക്കും രോഗബാധ