പീരുമേട് ഇന്‍ഡസ്ട്രിയല്‍ ട്രൈബ്യൂണലിന്റെ കാര്യാലയത്തിലെ ഔദ്ദ്യോഗിക വാഹ്നം ഓടിക്കുന്നതിനായി ദിവസ വോതനത്തില്‍ ഡ്രൈവര്‍ തസ്തികയില്‍ അപേക്ഷ ക്ഷണിച്ചു. വെള്ള കടലാസ്സില്‍ തയ്യാറാക്കിയ അപേക്ഷ ജൂണ്‍ 6 ന് 4 മണിക്കകം ലഭിക്കണം. അപേക്ഷയോടൊപ്പം വയസ്സ് തെളിയിക്കുന്ന സര്‍ട്ടിഫിക്കറ്റ്, സാധുവായ ഡ്രൈവിംഗ് ലൈസന്‍സ്,ബാഡ്ജ് എന്നിവയുടെ പകര്‍പ്പ് അപേക്ഷക്കൊപ്പം നല്കണം. ജൂണ്‍ 15 ഉച്ചക്ക് 2 ന് പീരുമേട് ഇന്‍ഡസ്ട്രിയല്‍ ട്രൈബ്യൂണലിന്റെ കാര്യാലയത്തില്‍ വെച്ചാണ് ഇന്റര്‍വ്യു. കൂടുതല്‍ വിവരങ്ങള്‍ക്ക് ഫോണ്‍ 04869 233625
 

സാമൂഹിക അകലം പാലിക്കാന്‍ വേണ്ടി കുടുംബശ്രീയുടെ നേതൃത്വത്തില്‍ സംഘടിപ്പിക്കുന്ന ഒരുമയ്ക്കു ഒരു കുട അകലം ക്യാമ്പയിന്റെ ജില്ലാതല ഉദ്ഘാടനം  വൈദ്യുതി വകുപ്പ് മന്ത്രി എംഎം മണി വാത്തികുടി കുടുംബശ്രീ സിഡിഎസ്സ് ചെയര്‍പേഴ്‌സണ്‍  സനില വിജയന് കുട നല്‍കി നിര്‍വഹിച്ചു.

ക്ഷീരവികസനവകുപ്പിനു കീഴില്‍ രജിസ്റ്റര്‍ ചെയ്ത ക്ഷീരസംഘങ്ങളില്‍ പാല്‍ അളന്ന ക്ഷീരകര്‍ഷകര്‍ക്ക്  കോവിഡ് 19 പ്രത്യേക ധനസഹായ പദ്ധതി പ്രകാരം  സബ്‌സിഡി നിരക്കില്‍ കാലിത്തീറ്റ വിതരണം നടത്തുന്നതിനു അര്‍ഹരായ ഗുണഭോക്താക്കളുടെ അപേക്ഷ ക്ഷണിച്ചു.  2020 ഏപ്രില്‍ മാസത്തില്‍ ക്ഷീരസംഘങ്ങളില്‍ പാല്‍ അളന്ന കര്‍ഷകരാണ് ഗുണഭോക്താക്കള്‍.  50 കിലോയുള്ള ഒരു ചാക്ക് കാലിത്തീറ്റയ്ക്ക്  400 രൂപയാണ് സബ്‌സിഡി നല്‍കുന്നത്.  400 രൂപ കഴിച്ചുള്ള തുക ഗുണഭോക്തൃ വിഹിതം ആയി കളക്റ്റ് ചെയ്യണം.

വാഴത്തോപ്പ് ഗ്രാമ പഞ്ചായത്തില്‍ പച്ചതുരുത്ത് പദ്ധതി  രണ്ടാം ഘട്ടം   ഉദ്ഘാടനം വാഴത്തോപ്പ് പ്രാഥമിക ആരോഗ്യ കേന്ദ്ര അങ്കണത്തില്‍ ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പാലോസ് നിര്‍വഹിച്ചു. ആരോഗ്യ കേന്ദ്രത്തിന്റെ പരിസരത്ത് പച്ചപ്പ് നിലനിര്‍ത്തുക എന്ന ലക്ഷ്യത്തോടെയാണ് പദ്ധതി ഇവിടെയാരംഭിച്ചത്. കേന്ദ്രത്തിന്റെ  അങ്കണത്തില്‍ ജില്ലാ പഞ്ചായത്ത് പ്രസിഡണ്ട് വൃക്ഷതൈ നട്ടു. പരിപാടിക്ക് പഞ്ചായത്ത് പ്രസിഡണ്ട് സെലിന്‍ വിഎം അധ്യക്ഷത വഹിച്ചു. പഞ്ചായത്ത്, ഹരിതകേരളം മിഷന്‍, തൊഴിലുറപ്പ്, സാമൂഹ്യ വനവത്കരണം തുടങ്ങിയവയുടെ സംയുക്ത സഹകരണത്തോട് കൂടിയാണ് പദ്ധതി നടപ്പിലാക്കുന്നത്.

വാഴത്തോപ്പ് സര്‍വ്വീസ് സഹകരണ ബാങ്കിന്റെ നേതൃത്വത്തില്‍ ഹരിതം സഹകരണം പദ്ധതിയുടെ താലൂക്ക്തല ഉദ്ഘാടനം ഇടുക്കി മെഡിക്കല്‍ കോളേജ് അങ്കണത്തില്‍ തെങ്ങിന്‍തൈ നട്ടു കൊണ്ട് ജില്ലാ കലക്ടര്‍ എച്ച്.ദിനേശന്‍ നിര്‍വ്വഹിച്ചു.

സൈക്കോസോഷ്യല്‍ റീഹാബിലിറ്റേഷന്‍ സ്ഥാപനങ്ങള്‍ക്ക് നല്‍കി വരുന്ന ഗ്രാന്‍റ്-ഇന്‍-എയ്ഡുമായി ബന്ധപ്പെട്ട് 2019-20 സാമ്പത്തിക വര്‍ഷത്തേക്കുളള അപേക്ഷകള്‍ ക്ഷണിച്ചു.  ജൂണ്‍ 20നകം  ജില്ലാ സാമൂഹ്യനീതി ഓഫീസില്‍ ലഭ്യമാക്കണം. ഫോണ്‍: 0481 2563980

കോവിഡ്- 19 പശ്ചാത്തലത്തില്‍ സംസ്ഥാന സര്‍ക്കാര്‍ നടപ്പിലാക്കുന്ന സുഭിക്ഷ കേരളം പദ്ധതിയുടെ ഭാഗമായി ഒരു കോടി ഫലവൃക്ഷതൈ വിതരണത്തിന്റെ ജില്ലാതല ഉദ്ഘാടനം പരിസ്ഥിതി ദിനത്തില്‍   ഇടുക്കി മെഡിക്കല്‍ കോളേജ് അങ്കണത്തില്‍ നടന്നു. ഇടുക്കി എം.പി അഡ്വ. ഡീന്‍ കുര്യാക്കോസ് , യുവ കര്‍ഷകനായ അലന് മാവിന്‍തൈ കൈമാറിക്കൊണ്ട് വിതരണോദ്ഘാടനം നിര്‍വ്വഹിച്ചു.  കൊറോണ വൈറസ് മനുഷ്യകുലത്തെ പിടിച്ചുലയ്ക്കുന്ന ഈ സാഹചര്യത്തില്‍ പരിസ്ഥിതി സംരക്ഷണത്തിനും ശുചിത്വത്തിനും അന്തരീക്ഷ മലിനീകരണം ഒഴിവാക്കേണ്ടതിനും വലിയ പ്രാധാന്യമുണ്ട്.

സംസ്ഥാന സര്‍ക്കാര്‍ സുഭിക്ഷ കേരളം പദ്ധതി ആവിഷ്‌കരിച്ചതോടെ കോവിഡ് കാലത്ത്  കൂടുതല്‍ കൃഷിയിടങ്ങള്‍ സജ്ജീവമാകുകയാണ്. സുഭിക്ഷ കേരളം പദ്ധതി ജില്ലയില്‍ ആവിഷ്‌കരിച്ചപ്പോള്‍ അടിമാലി പഞ്ചായത്തിലെ ചിന്നപ്പാറകുടിയില്‍ വിളയുന്നത് കരനെല്ലും റാഗിയും. ഗ്രാമപഞ്ചായത്ത്, കൃഷിഭവന്‍, ഹരിത കേരള മിഷന്‍, യുഎന്‍ഡിപി, കാര്‍ഷിക കര്‍മമസേന എന്നിവയുടെ  സഹകരണത്തോടെ അഞ്ചോളം കര്‍ഷകരാണ് ചിന്നപ്പാറകുടിയില്‍ കരനെല്ലും റാഗിയും കൃഷിയിറക്കുന്നത്.  വരുംനാളുകളില്‍ ഭക്ഷ്യ വസ്തുക്കളുടെ സുരക്ഷയുറപ്പാക്കേണ്ടതിന്റെ ആവശ്യകതയേറെയുള്ളതിനാല്‍ പരമാവധി കൃഷിയിടങ്ങളില്‍ കര്‍ഷകര്‍ കൃഷിയിറക്കുന്ന സമയമാണിത്.

    കോട്ടയം ജില്ലയിലെ ഭാഗ്യക്കുറി ക്ഷേമനിധി അംഗങ്ങള്‍ക്ക് അനുവദിച്ചിരിക്കുന്ന കൂപ്പണ്‍, സാനിറ്റൈസര്‍, മാസ്ക് എന്നിവ ലഭിക്കാത്തവര്‍ ജൂണ് 12,13 തീയതികളില്‍ കോട്ടയം ഭാഗ്യക്കുറി ക്ഷേമനിധി ഓഫീസില്‍നിന്നും വാങ്ങേണ്ടതാണെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു.

കോട്ടയം ജനറല്‍ ആശുപത്രിയിലെ കോവിഡ് സെല്ലില്‍ ആവശ്യമായ സര്‍ജിക്കല്‍ ഗൗണ്‍,  ഷൂ കവര്‍, ഡ്രേപ്, ഏപ്രണ്‍, ഡെലിവറി കിറ്റ് എന്നിവ കുറഞ്ഞ വിലക്ക് ലഭ്യമാക്കാന്‍ താല്പര്യമുള്ളവരില്‍ നിന്ന് ദര്‍ഘാസ് ക്ഷണിച്ചു ജൂണ്‍ 15ന് രാവിലെ 11.30 നകം ആശുപത്രി സൂപ്രണ്ടിന് നല്‍കണം ഫോണ്‍ : 0481 2563612 , 2563611