ജില്ലയില്‍ എം. ആര്‍ ക്യാമ്പയിന്‍ ലക്ഷ്യം നേടാന്‍ യൂത്ത് ക്ലബുകളും സന്നദ്ധ സംഘടനകളും ഉണര്‍ന്ന്  പ്രവര്‍ത്തിക്കണമെന്ന് ജില്ലാ കളക്ടര്‍ അമിത് മീണ പറഞ്ഞു. എന്‍ വൈകെയില്‍ അഫിലിയേറ്റ് ചെയ്ത ക്ലബ് പ്രവര്‍ത്തകര്‍ക്കുള്ള ബോധ വത്ക്കരണ സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലയില്‍ 66 ശതമാനം കുട്ടികള്‍ക്ക് വാക്‌സിനേഷന്‍ നല്‍കുയിട്ടുണ്ട്. ഡിസംബര്‍ 15നകം ബാക്കി കുട്ടികള്‍ക്ക്  കൂടി വാക്‌സിനേഷന്‍ നടത്താന്‍ എല്ലാവരും പരിശ്രമിക്കണം .

ജില്ലയില്‍ കാലാവസ്ഥ വ്യതിയാനത്തിന്റെ പശ്ചാതലത്തില്‍ ആരോഗ്യ വകുപ്പിന്റെ നേത്യത്വത്തില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം സെല്‍ തുടങ്ങിയതായി ജില്ല മെഡിക്കില്‍ ഓഫിസര്‍ അറിയിച്ചു. നോഡല്‍ ഓഫസിര്‍ ടി.എ.ക്യഷ്ണന്‍ യു.കെ യാണ് നംബര്‍: 9447189068.
 സ്ഥിതി ഗതികള്‍ വിലയിരുത്തുന്നതിനായി റാപ്പിഡ് റസ്‌പോണ്‍സ് ടിം യോഗം ചേര്‍ന്നു. ജില്ലയിലെ ആരോഗ്യ വകുപ്പിന്റെ കീഴിലുള്ള മുഴുവന്‍ സ്ഥാപനങ്ങളും മുഴുവന്‍ സമയവും പ്രവര്‍ത്തന സജ്ജമായിരിക്കണം. അത്യാവശ്യ മരുന്നുകള്‍, അനുബന്ധ സാമഗ്രികള്‍ ഉറപ്പുവരുത്തിയിട്ടുണ്ട്.

സംസ്ഥാനത്തെ ഏറ്റവും മികച്ച റിസോഴ്‌സ് അധ്യാപികക്ക് സര്‍ണ്‍വശിക്ഷാ അഭിയാന്‍ കേരള ഏര്‍പ്പെടുത്തിയ പ്രഥമ സംസ്ഥാന പുരസ്‌ക്കാരത്തിന്  വേങ്ങര ബിആര്‍ സിയിലെ റിസോഴ്‌സ് അധ്യാപിക വനജ പി അര്‍ഹയായി..
ഡിസമ്പര്‍ മൂന്നിന് തിരുവനന്തപുരത്ത് നടക്കുന്ന ചടങ്ങില്‍ മുഖ്യമന്ത്രിപിണറായി വിജയന്‍ പുരസ്‌കാരം സണ്‍മ്മാനിക്കും   

പട്ടികജാതി - പട്ടികവര്‍ഗ വകുപ്പിന്റെയും കിര്‍ത്താഡ്‌സിന്റെയും ആഭിമുഖ്യത്തില്‍ ഡിസംബര്‍ 23 മുതല്‍ 31 വരെ പൊന്നാനിയില്‍ നടക്കുന്ന ഗദ്ദികയുടെ ഒരുക്കങ്ങള്‍ സംബന്ധിച്ചുള്ള അവലോകന യോഗം ജില്ലാ കലക്ടര്‍ അമിത് മീണയുടെ അധ്യക്ഷതയില്‍ ചേമ്പറില്‍ ചേര്‍ന്നു.

ജില്ലയിലെ ഹൈസ്‌ക്കൂള്‍, ഹയര്‍ സെക്കണ്ടറി സ്‌ക്കൂള്‍ വിദ്യാര്‍ത്ഥികള്‍ക്ക് തെരഞ്ഞെടുപ്പുമായി ബന്ധപ്പെട്ട വിഷയത്തില്‍ തെരഞ്ഞെടുപ്പ് വിഭാഗം ജില്ലാ തല ക്വിസ് മത്സരം നടത്തുന്നു. ഡിസംബര്‍ നാലിന് മലപ്പുറം ഗവ. ഗേള്‍സ് ഹയര്‍ സെക്കണ്ടറി സ്‌കൂളില്‍  വൈകുന്നേരം മൂന്നിനാണ് മത്സരം.  
സ്‌കൂളുകളില്‍ നിന്ന് പ്രാഥമിക റൗണ്ടില്‍ തെരഞ്ഞെടുത്ത രണ്ടു വിദ്യാര്‍ത്ഥികള്‍ ഉള്‍പ്പെടുന്ന 120 സ്‌ക്കൂളുകളില്‍ നിന്നുള്ള ടീമുകള്‍പങ്കെടുക്കും.

തെക്കന്‍ കേരളത്തില്‍ കനത്ത മഴയും ചുഴലിക്കാറ്റ് സാധ്യതയും നിലനില്‍ക്കുന്ന സാഹചര്യത്തില്‍ ഇത് വടക്കന്‍ ജില്ലകളിലേക്ക് നീങ്ങാന്‍ സാധ്യതയുളതായും ജില്ലയില്‍ കനത്ത ജാഗ്രത പാലിക്കണമെന്നും  മുനറിയിപ്പ് ലഭിച്ചിട്ടുണ്ട്. കടല്‍ ക്ഷോഭവും  കടലില്‍ ശക്തമായ കറ്റും നിലനില്‍ക്കുന്നതിനാലും അടുത്ത 48 മണിക്കൂര്‍  മത്സ്യത്തൊഴിലാളികള്‍  കടലില്‍ പോകരുത് എന്ന് പൊന്നാനി ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

അന്താരാഷ്ട്ര ഭിന്നശേഷി ദിനാചരണത്തിന്റെ ഭാഗമായി ഡിസംബര്‍ 2,3 തിയ്യതികളില്‍ മലയാള സര്‍വ്വകലാശാലയില്‍ നടക്കും.
കഴിഞ്ഞ നാലുവര്‍ഷമായി ജില്ലാ ആശുപത്രിയിലെ ഡോക്ടര്‍മാരുടെ നേതൃത്വത്തില്‍ വിവിധ സംഘടനകളുമായി സഹകരിച്ച് ഭിന്നശേഷിക്കാര്‍ക്കായി നടത്തിവരുന്ന പരിപാടിയാണ്‌വരം.

സ്റ്റേറ്റ് ഐ.ടി. ഫെസ്റ്റ് വിജയികള്‍ക്കുള്ള സമ്മാനദാനം ജില്ലാ പഞ്ചായത്ത് വൈസ് പ്രസിഡന്റ് സക്കീന പൂല്‍പ്പാടന്‍ നിര്‍വ്വഹിച്ചു.  ചടങ്ങില്‍ ഐ.ടി അറ്റ് സ്‌കൂള്‍ ജില്ലാ കോഡിനേറ്റര്‍ ടി.കെ. അബ്ദുല്‍ റഷീദ് അധ്യക്ഷത വഹിച്ചു.  മാസ്റ്റര്‍ ട്രൈനര്‍മാരായ കൃഷ്ണന്‍. എം.പി, ഹബീബുറഹ്മാന്‍ പുല്‍പ്പാടന്‍ എന്നിവര്‍ സംസാരിച്ചു.