കേരള ഓട്ടോമൊബൈല്‍ വര്‍ക് ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗത്വം എടുത്ത ശേഷം അംശാദായം ഒടുക്കുന്നതില്‍ മുടക്കം വരുത്തിയിട്ടുള്ള എല്ലാ തൊഴിലാളികള്‍ക്കും സെപ്റ്റംബര്‍ 30 വരെ അംശാദായം ഒടുക്കുന്നതിന് അവസരമുണ്ടായിരിക്കുമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് 0491 2547437.

മലമ്പുഴ ഗ്രാമപഞ്ചായത്തിലെ മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ അഡീഷണല്‍ ഓവര്‍സിയര്‍ തസ്തികയിലേയ്ക്ക് നിയമനം നടത്തുന്നു. ഡിപ്ലോമ/ ഐ.ടി.ഐ സിവില്‍ യോഗ്യതയുള്ളവര്‍ സര്‍ട്ടിഫിക്കറ്റിന്റെ അസ്സല്‍ സഹിതം ജൂണ്‍ 16ന് രാവിലെ 11ന് കൂടിക്കാഴ്ചയ്ക്ക് ഹാജരാകണമെന്ന് സെക്രട്ടറി അറിയിച്ചു. കൂടുതല്‍ വിവരങ്ങള്‍ക്ക് പഞ്ചായത്ത് ഓഫീസുമായി ബന്ധപ്പെടുക.

   
  സുഭിക്ഷ കേരളം പദ്ധതിയുടെ കീഴില്‍ അടിമാലി ഗ്രാമ പഞ്ചായത്ത് ഭക്ഷ്യസുരക്ഷ ഉറപ്പാക്കുന്നതിന് നിരവധി പദ്ധതികള്‍ക്കു രൂപം നല്‍കി.

ലോക പരിസ്ഥിതി ദിനാചരണത്തോടനുബന്ധിച്ച്  യുവജന ക്ഷേമ ബോര്‍ഡിന്റെ ഇടുക്കി ജില്ലാ യുവജന കേന്ദ്രത്തിന്റെ ആഭിമുഖ്യത്തില്‍ തൊടുപുഴ സ്‌പോര്‍ട്‌സ് ആന്‍ഡ് ഗെയിംസ് വെല്‍ഫെയര്‍ അസോസിയേഷന്റെ സഹകരണത്തോടെ തൊടുപുഴ സോക്കര്‍ സ്‌കൂള്‍ ഗ്രൗണ്ട് ശുചിയാക്കലും വൃക്ഷത്തൈ നടീലും സംഘടിപ്പിച്ചു.

കുടുംബശ്രീയുടെ വനിതാ നിര്‍മാണ ഗ്രൂപ്പുകള്‍ക്കും  എറൈസ് ഗ്രൂപ്പുകള്‍ക്കും ടെന്‍ഡര്‍ ഇല്ലാതെ  നിര്‍മാണജോലികള്‍ കിട്ടാന്‍  സര്‍ക്കാര്‍ ഉത്തരവ് ഇറക്കി. പൊതുമരാമത്ത് വകുപ്പ്, ജലസേചന വകുപ്പ്, തദ്ദേശസ്വയംഭരണ വകുപ്പ് എന്നിവയുട അറ്റകുറ്റപ്പണി, ഓട നിര്‍മ്മാണം, ചെറിയ നിര്‍മ്മാണ പ്രവര്‍ത്തനങ്ങള്‍ തുടങ്ങിയ 2 ലക്ഷം രൂപ വരെയുളള പ്രവര്‍ത്തനങ്ങളില്‍ ടെന്‍ഡര്‍ ഇല്ലാതെ ലഭിക്കും. അത് കൂടാതെ ഓരോ ഗ്രൂപ്പിനും പതിനഞ്ച് ലക്ഷം രൂപ വരെ ഇത്തരത്തില്‍ വിവിധ ഘട്ടങ്ങളിലെ ജോലികള്‍ക്കായി ലഭിക്കും.

പീരുമേട് ഇന്‍ഡസ്ട്രിയല്‍ ട്രൈബ്യൂണലിന്റെ കാര്യാലയത്തിലെ ഔദ്ദ്യോഗിക വാഹ്നം ഓടിക്കുന്നതിനായി ദിവസ വോതനത്തില്‍ ഡ്രൈവര്‍ തസ്തികയില്‍ അപേക്ഷ ക്ഷണിച്ചു. വെള്ള കടലാസ്സില്‍ തയ്യാറാക്കിയ അപേക്ഷ ജൂണ്‍ 6 ന് 4 മണിക്കകം ലഭിക്കണം. അപേക്ഷയോടൊപ്പം വയസ്സ് തെളിയിക്കുന്ന സര്‍ട്ടിഫിക്കറ്റ്, സാധുവായ ഡ്രൈവിംഗ് ലൈസന്‍സ്,ബാഡ്ജ് എന്നിവയുടെ പകര്‍പ്പ് അപേക്ഷക്കൊപ്പം നല്കണം. ജൂണ്‍ 15 ഉച്ചക്ക് 2 ന് പീരുമേട് ഇന്‍ഡസ്ട്രിയല്‍ ട്രൈബ്യൂണലിന്റെ കാര്യാലയത്തില്‍ വെച്ചാണ് ഇന്റര്‍വ്യു. കൂടുതല്‍ വിവരങ്ങള്‍ക്ക് ഫോണ്‍ 04869 233625
 

സാമൂഹിക അകലം പാലിക്കാന്‍ വേണ്ടി കുടുംബശ്രീയുടെ നേതൃത്വത്തില്‍ സംഘടിപ്പിക്കുന്ന ഒരുമയ്ക്കു ഒരു കുട അകലം ക്യാമ്പയിന്റെ ജില്ലാതല ഉദ്ഘാടനം  വൈദ്യുതി വകുപ്പ് മന്ത്രി എംഎം മണി വാത്തികുടി കുടുംബശ്രീ സിഡിഎസ്സ് ചെയര്‍പേഴ്‌സണ്‍  സനില വിജയന് കുട നല്‍കി നിര്‍വഹിച്ചു.

ക്ഷീരവികസനവകുപ്പിനു കീഴില്‍ രജിസ്റ്റര്‍ ചെയ്ത ക്ഷീരസംഘങ്ങളില്‍ പാല്‍ അളന്ന ക്ഷീരകര്‍ഷകര്‍ക്ക്  കോവിഡ് 19 പ്രത്യേക ധനസഹായ പദ്ധതി പ്രകാരം  സബ്‌സിഡി നിരക്കില്‍ കാലിത്തീറ്റ വിതരണം നടത്തുന്നതിനു അര്‍ഹരായ ഗുണഭോക്താക്കളുടെ അപേക്ഷ ക്ഷണിച്ചു.  2020 ഏപ്രില്‍ മാസത്തില്‍ ക്ഷീരസംഘങ്ങളില്‍ പാല്‍ അളന്ന കര്‍ഷകരാണ് ഗുണഭോക്താക്കള്‍.  50 കിലോയുള്ള ഒരു ചാക്ക് കാലിത്തീറ്റയ്ക്ക്  400 രൂപയാണ് സബ്‌സിഡി നല്‍കുന്നത്.  400 രൂപ കഴിച്ചുള്ള തുക ഗുണഭോക്തൃ വിഹിതം ആയി കളക്റ്റ് ചെയ്യണം.

വാഴത്തോപ്പ് ഗ്രാമ പഞ്ചായത്തില്‍ പച്ചതുരുത്ത് പദ്ധതി  രണ്ടാം ഘട്ടം   ഉദ്ഘാടനം വാഴത്തോപ്പ് പ്രാഥമിക ആരോഗ്യ കേന്ദ്ര അങ്കണത്തില്‍ ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പാലോസ് നിര്‍വഹിച്ചു. ആരോഗ്യ കേന്ദ്രത്തിന്റെ പരിസരത്ത് പച്ചപ്പ് നിലനിര്‍ത്തുക എന്ന ലക്ഷ്യത്തോടെയാണ് പദ്ധതി ഇവിടെയാരംഭിച്ചത്. കേന്ദ്രത്തിന്റെ  അങ്കണത്തില്‍ ജില്ലാ പഞ്ചായത്ത് പ്രസിഡണ്ട് വൃക്ഷതൈ നട്ടു. പരിപാടിക്ക് പഞ്ചായത്ത് പ്രസിഡണ്ട് സെലിന്‍ വിഎം അധ്യക്ഷത വഹിച്ചു. പഞ്ചായത്ത്, ഹരിതകേരളം മിഷന്‍, തൊഴിലുറപ്പ്, സാമൂഹ്യ വനവത്കരണം തുടങ്ങിയവയുടെ സംയുക്ത സഹകരണത്തോട് കൂടിയാണ് പദ്ധതി നടപ്പിലാക്കുന്നത്.

വാഴത്തോപ്പ് സര്‍വ്വീസ് സഹകരണ ബാങ്കിന്റെ നേതൃത്വത്തില്‍ ഹരിതം സഹകരണം പദ്ധതിയുടെ താലൂക്ക്തല ഉദ്ഘാടനം ഇടുക്കി മെഡിക്കല്‍ കോളേജ് അങ്കണത്തില്‍ തെങ്ങിന്‍തൈ നട്ടു കൊണ്ട് ജില്ലാ കലക്ടര്‍ എച്ച്.ദിനേശന്‍ നിര്‍വ്വഹിച്ചു.